European Central Bank - eurosystem
Search
Għażliet tat-Tfixxija
Paġna ewlenija Midja Spjegazzjonijiet Riċerka u Pubblikazzjonijiet Statistika Politika Monetarja L-€uro Ħlasijiet u Swieq Karrieri
Suġġerimenti
Issortja skont

Euro diġitali

FUQ DIN IL-PAĠNA

Euro diġitali jipprovdi ankra ta’ stabbiltà għal flusna fl-era diġitali.

Qed naħdmu mal-banek ċentrali nazzjonali taż-żona tal-euro biex ninvestigaw jekk jiddaħħalx euro diġitali. Din tkun munita diġitali ta’ bank ċentrali, ekwivalenti elettronika għall-flus kontanti. U tikkumplimenta l-karti tal-flus u l-muniti, u tagħti lin-nies għażla addizzjonali dwar kif iħallsu.

X’għandek tkun taf

X’ikun?

Euro diġitali joffri mezz elettroniku ta’ ħlas li kulħadd jista’ juża fiż-żona tal-euro. Ikun sikur u faċli għall-utent, bħall-flus kontanti tal-lum. Bħala flus tal-bank ċentrali maħruġa mill-BĊE, dan ikun differenti minn “flus privati”, iżda tista’ tuża wkoll kard jew app tat-telefon biex tħallas bl-euro diġitali.

L-euro diġitali u l-importanza tal-flus tal-bank ċentrali
Għaliex jista’ jkollna bżonn ta’ euro diġitali?

Qed naħsbu dwar it-tnedija ta’ munita diġitali ta’ bank ċentrali fl-Ewropa biex twieġeb għad-domanda dejjem tikber għal pagamenti elettroniċi sikuri u fdati. Il-fatt li l-flus diġitali jinħarġu mill-bank ċentrali jipprovdi ankra ta’ stabbiltà għas-sistemi ta’ pagament u monetarji. Euro diġitali jsaħħaħ ukoll is-sovranità monetarja taż-żona tal-euro u jrawwem il-kompetizzjoni u l-effiċjenza fis-settur tal-pagamenti Ewropew.

L-għanijiet ewlenin u l-kunsiderazzjonijiet tad-disinn
X’jistgħu jkunu l-vantaġġi u l-isfidi?

Peress li għadna qed ninvestigaw, għad m’għandniex id-dettalji kollha tal-proposta finali. Imma rriflettejna ħafna fuq il-kunċett ta’ euro diġitali u l-vantaġġi u l-iżvantaġġi tiegħu. Diġà huwa ċar li euro diġitali għandu jkun aċċessibbli, robust, sikur, effiċjenti u konformi mal-liġi. Aħna niżguraw ukoll l-ogħla livell ta’ privatezza.

Rapport dwar euro diġitali
Fejn ninsabu?

Din il-fażi ta’ investigazzjoni bdiet f’Ottubru 2021 u mistennija ddum madwar sentejn, u tispiċċa f’Ottubru 2023. Qed inħarsu lejn kif euro diġitali jista’ jiġi ddisinjat u distribwit, kif ukoll l-impatt li jista’ jkollu fuq is-suq. Imbagħad, se niddeċiedu jekk nibdewx il-proċess biex fil-fatt niżviluppawh.

Skeda ta’ żmien tal-proġett

Mistoqsijiet Komuni

Kif se jgħinni euro diġitali? Kif euro diġitali jkun differenti mill-istablecoins u l-kriptoassi? L-euro diġitali jieħu post il-flus kontanti? Iċċekkja t-tweġibiet għall-mistoqsijiet komuni hawnhekk.

Mistoqsijiet Komuni

Inti professjonist f’dan il-qasam?

Governanza u partijiet interessati

Kooperazzjoni estensiva mal-atturi tas-suq, ma’ dawk li jfasslu l-politika u mal-leġiżlaturi se tiżgura li euro diġitali jissodisfa l-ħtiġijiet tal-utenti. Din hija r-raġuni għaliex qed inniedu sett ta’ inizjattivi biex nimpenjaw ruħna ma’ kemm jista’ jkun partijiet interessati.

L-involviment tal-partijiet interessati
Dokumenti u sperimentazzjoni

Il-fażi tal-esperimentazzjoni tal-euro diġitali pproduċiet dokumentazzjoni estensiva u analiżi dettaljata tax-xogħol li sar. Agħti daqqa t’għajn lejn il-paġna ddedikata tagħna biex taqra dwar suġġetti li jinteressawk.

Għal użu professjonali

L-euro diġitali fir-rigward ta’...

... kriptoassi

Euro diġitali ma jkunx kriptomunita, peress li jkun appoġġjat minn bank ċentrali. Il-banek ċentrali għandhom mandat biex iżommu l-valur tal-flus, irrispettivament minn jekk humiex fiżiċi jew diġitali. Il-kriptoassi mhumiex sostnuti jew amministrati minn ebda istituzzjoni ċentrali. M'għandekx garanzija li tkun tista' tiskambjahom ma’ flus kontanti meta jkollok bżonn.

X'inhi l-bitcoin?

...investimenti.

Euro diġitali għandu jintuża prinċipalment bħala mezz ta’ ħlas aktar milli bħala strument għall-investimenti finanzjarji. Qegħdin neżaminaw din il-kwistjoni bir-reqqa biex nevitaw konsegwenzi negattivi għas-settur finanzjarju. L-euro diġitali għandu jkun ġid pubbliku li jkun ta’ benefiċċju għall-ekonomija u s-soċjetà kollha kemm hi.

L-euro diġitali u l-evoluzzjoni tas-sistema finanzjarja

... ħlasijiet panEwropej

Il-mod kif inħallsu għaddej minn bidla fundamentali, u l-banek ċentrali għandhom rwol ewlieni x’jaqdu f’dan il-proċess. Il-ħlasijiet Ewropej għandhom ikunu sostnuti minn suq kompetittiv u innovattiv li kapaċi jissodisfa d-domanda tal-konsumatur filwaqt li jippreserva s-sovranità Ewropea. Biex jiġri dan stabbilixxejna strateġija komprensiva ta’ ħlasijiet għall-era diġitali.

L-istrateġija tal-ħlasijiet bl-imnut tagħna

Podcast

Il-Podcast tal-BĊE - Euro diġitali: x’inhu, għaliex, meta? (Parti 1)

Għandna bżonn euro diġitali, u għaliex? Kif jista’ jkun? U kif ikun differenti minn mezzi oħra ta’ ħlas? Il-preżentatriċi tagħna Katie Ranger tagħmel dawn il-mistoqsijiet lill-euro espert diġitali Evelien Witlox.

Aktar

Il-paġni kollha f’din it-taqsima