Naħat nazzjonali
10 ċenteżmi
![](/euro/coins/common/shared/img/ad/Andorra_10cent.jpg)
Andorra
Andorra ffirmat Ftehim Monetarju mal-Unjoni Ewropea fit-30 ta' Ġunju 2011. B'hekk Andorra tista' tuża l-euro bħala munita uffiċjali u toħroġ il-muniti tal-euro tagħha. Fuq il-muniti kollha jidhru t-12-il stilla tal-bandiera Ewropea.
Fuq il-muniti tal-10 ċenteżmi, 20 ċenteżmu u 50 ċenteżmu hemm il-knisja Romaneska ta' Santa Coloma.
Andorra![](/euro/coins/common/shared/img/at/Austria_10cent.jpg)
Awstrija
L-Awstrija għażlet li tipproduċi sensiela ta’ muniti li juru fjuri, arkitettura u nies famużi mill-istorja tagħha. Id-disinji ntgħażlu minn ġurija nazzjonali wara stħarriġ tal-opinjoni pubblika. L-artist Awstrijak Josef Kaiser ħoloq id-disinji. Din il-munita turi l-Katidral ta' San Stiefnu, wieħed mill-ġojjelli tal-arkitettura Gotika ta' Vjenna li jiġbed bosta turisti.
Awstrija![](/euro/coins/common/shared/img/be/Belgium_10cent_1999.jpg)
![](/euro/coins/common/shared/img/be/Belgium_10cent_2008.jpg)
![](/euro/coins/common/shared/img/be/Belgium_2014_10cent.jpg)
Belġju
Il-muniti tal-euro tal-Belġju ġew iddisinjati minn Jan Alfons Keustermans, Direttur tal-Akkademja Muniċipali tal-Arti ta' Turnhout. Hemm tliet sensiliet ta' muniti fiċ-ċirkolazzjoni. Kollha huma validi.
Fl-ewwel sensiela jidher ir-Re Albert II fil-parti ta' ġewwa tal-munita filwaqt li l-monogramma rjali, "A" kbira taħt kuruna, fost it-12-il stilla simbolu tal-Ewropa u s-sena tal-ħruġ jidhru fil-parti ta' barra.
Fl-2008 il-Belġju għamel bidla żgħira fid-disinn biex jikkonforma mal-linji gwida tal-Kummissjoni Ewropea. Il-muniti tat-tieni sensiela wkoll juru lir-Re Albert II, iżda l-monogramma rjali u s-sena tal-ħruġ issa jidhru fil-parti ta' ġewwa tal-munita flimkien mal-marki taz-zekka u l-kodiċi tal-pajjiż għall-Belġju "BE".
Fl-2014 il-Belġju introduċa t-tielet sensiela ta' muniti tal-euro li juru lir-Re Philippe, il-mongramma rjali tiegħu "FP" u l-kodiċi tal-pajjiż għall-Belġju "BE". Il-marki taz-zekka jidhru fuq kull naħa tas-sena tal-ħruġ.
Belġju![](/euro/coins/common/shared/img/va/Vatican_10cent_2002.jpg)
![](/euro/coins/common/shared/img/va/Vatican_10cent_SedeVacante.jpg)
![](/euro/coins/common/shared/img/va/Vatican_10cent_2013.jpg)
![](/euro/coins/common/shared/img/va/Vatican_10cent_2016.jpg)
![](/euro/coins/common/shared/img/va/Vatican_10cent_2017.jpg)
Belt tal-Vatikan
Hemm ħames sensiliet ta' muniti tal-Belt tal-Vatikan fiċ-ċirkolazzjoni. Kollha huma validi.
L-ewwel sensiela, fejn tidher ix-xbieha tal-Papa Ġwanni Pawlu II, ħarġet bejn l-2002 u l-2005.
It-tieni sensiela, maħruġa bejn Ġunju 2005 u Marzu 2006, għandha l-istemma araldika tal-Kardinal Ċambellan, l-aġent kap tal-Istat tal-Belt tal-Vatikan, li hi stampata fuq l-emblema tal-Kamra Appostolika fiċ-ċentru tal-munita. Madwar il-parti ta' fuq ta' dan id-disinn hemm il-kliem "SEDE VACANTE" rranġati f'nofs ċirku flimkien mas-sena tal-ħruġ b’numri Rumani, i.e. "MMV". L-isem tad-disinjatur, "D. LONGO", jidher fix-xifer t’isfel fuq ix-xellug tad-disinn ċentrali, waqt li l-inizjali tal-intaljaturi rispettivi jidhru fix-xifer t’isfel fuq il-lemin, jiġifieri "MAC inc" (fuq il-muniti ta’ 1 ċenteżmu u 20 ċenteżmu), "LDS inc" (fuq il-muniti ta’ 2 ċenteżmi u 50 ċenteżmu), "ELF inc" (fuq il-muniti ta’ 5 ċenteżmi u €1) u "MCC inc" (fuq il-muniti ta’ 10 ċenteżmi u €2).
Fit-tielet sensiela, maħruġa bejn April 2006 u Diċembru 2013, hemm ix-xbieha tal-Papa Benedittu XVI. Fuq ix-xellug hemm l-inizjali tad-disinjatur ("DL").
Fir-raba' sensiela, maħruġa għall-ewwel darba f'Jannar 2014, hemm ix-xbieha tal-Papa Franġisku.
Fil-ħames sensiela, maħruġa għall-ewwel darba f'Marzu 2017, hemm l-istemma araldika tas-Sovran tal-Istat tal-Belt tal-Vatikan, il-Papa Franġisku.
Fuq il-muniti ta' kull sensiela hemm it-12-il stilla tal-bandiera Ewropea, il-kliem "CITTÀ DEL VATICANO", is-sena tal-ħruġ u l-marka taz-zekka "R".
Belt tal-Vatikan![](/euro/coins/common/shared/img/cy/Cyprus_10cent.jpg)
Ċipru
Il-muniti tal-10 ċenteżmi, 20 ċenteżmu u 50 ċenteżmu juru l-ġifen ta' Kirenja, bastiment merkantili tar-raba' seklu qabel Kristu, simbolu tal-istorja tat-tbaħħir ta' Ċipru u tal-importanza tal-pajjiż bħala ċentru tal-kummerċ.
Ċipru![](/euro/coins/common/shared/img/et/Estonia_10cent.jpg)
Estonja
Id-disinn tan-naħa nazzjonali tal-muniti tal-Estonja hu l-istess għad-denominazzjonijiet kollha. Juri xbieha ġeografika tal-Estonja u l-kelma "Eesti", li tfisser "Estonja".
Estonja![](/euro/coins/common/shared/img/fi/Finland_10cent.jpg)
Finlandja
Il-Finlandja għażlet tliet disinji bbażati fuq dawk li ntużaw qabel fuq il-muniti nazzjonali. Il-muniti ta' 1 ċenteżmu, 2 ċenteżmi, 5 ċenteżmi, 10 ċenteżmi, 20 ċenteżmu u 50 ċenteżmu juru l-iljun araldiku Finlandiż f'riproduzzjoni ta’ disinn tal-iskultur Heikki Häiväoja. Matul is-snin intużaw diversi disinji differenti tal-iljun araldiku fuq bosta muniti tal-Finlandja, bħal fuq il-muniti ta' 1 markka bejn l-1964 u l-2001.
Finlandja![](/euro/coins/common/shared/img/fr/France_10cent.jpg)
Franza
Għan-naħa nazzjonali tal-ewwel sensiela ta’ muniti tal-euro Franċiżi ġew ikkunsidrati ’l fuq minn 1,200 disinn. Kumitat ippresedut mill-Ministru għall-Affarijiet Ekonomiċi u l-Finanzi għażel tliet disinji għal denominazzjonijiet speċifiċi.
Il-muniti tal-10 ċenteżmi, 20 ċenteżmu u 50 ċenteżmu juru t-tema taż-żerriegħ, li hija kostanti fl-istorja tal-frank Franċiż. Iddisinjata minn Laurent Jorlo, "din il-grafika moderna u bla limiti ta' żmien tirrappreżenta lil Franza li tibqa' leali lejha nnifisha filwaqt li tintegra ruħha fl-Ewropa".. Franza![](/euro/coins/common/shared/img/de/Germany_10cent.jpg)
Ġermanja
Uffiċjali u esperti fin-numismatika Ġermaniżi għażlu tliet disinji differenti għall-muniti tal-euro tagħhom. Il-muniti tal-10 ċenteżmi, 20 ċenteżmu u 50 ċenteżmu juru xbieha tal-Bieb ta’ Brandenburg, simbolu tal-qasma u r-riunifikazzjoni sussegwenti tal-Ġermanja. Il-perspettiva tad-disinn, li sar minn Reinhard Heinsdorff, tenfasizza l-ftuħ tal-bieb sabiex titfa' l-attenzjoni fuq ir-riunifikazzjoni tal-Ġermanja u tal-Ewropa.
Ġermanja![](/euro/coins/common/shared/img/gr/Greece_10cent.jpg)
Greċja
Il-Ministru għall-Ekonomija Nazzjonali u l-Gvernatur tal-Bank tal-Greċja għażlu d-disinji għall-muniti tal-euro tagħhom minn sett ta’ proposti ppreżentati minn kumitat tekniku u artistiku nazzjonali. Id-disinji rebbieħa saru mill-iskultur Georges Stamatopoulos, li kien sponsorjat mill-Bank tal-Greċja. Hemm disinn differenti għal kull denominazzjoni. Fuq din il-munita jidher Rigas-Fereos (Velestinlis) (1757-98). Kien il-prekursur u figura ewlenija tal-illuminiżmu Grieg, kif ukoll viżjonarju u ħabbar tal-liberazzjoni tal-Balkani mill-ħakma Ottomana.
Greċja![](/euro/coins/common/shared/img/ie/Ireland_10cent.jpg)
Irlanda
Il-Gvern tal-Irlanda ddeċieda li kellu jkun hemm disinn nazzjonali wieħed għad-denominazzjonijiet kollha tal-muniti Irlandiżi. Dawn juru xbieha tal-arpa Ċeltika, simbolu tradizzjonali tal-Irlanda, imżejna bis-sena tal-ħruġ u l-kelma "Éire − Irlanda bl-Irlandiż. L-arpa li tidher fuq il-muniti ġiet iddisinjata minn Jarlath Hayes.
Irlanda![](/euro/coins/common/shared/img/hr/Croatia_10cent.jpg)
Kroazja
Il-Kroazja għażlet erba' disinji għan-naħat nazzjonali tal-muniti tal-euro, kollha juru l-mudell distintiv tal-iskakkiera Kroata fl-isfond. Fuq il-muniti kollha jidhru t-12-il stilla tal-bandiera Ewropea.
Il-munita tal-10 ċenteżmi fiha ritratt tal-inventur u l-inġinier Nikola Tesla, li żviluppa teknoloġija tal-kurrent alternat. Il-munita ġiet iddisinjata minn Ivan Domagoj Račić u tinkludi s-sena tal-ħruġ u l-iskrizzjoni “HRVATSKA”, l-isem tal-pajjiż bil-Kroat.Kroazja![](/euro/coins/common/shared/img/lv/Latvia_10cent.jpg)
Latvja
Il-munita ta' 10 ċenteżmu turi l-istemma araldika l-kbira tar-Repubblika tal-Latvja. Id-disinjatur huwa Laimonis Šēnbergs.
Latvja![](/euro/coins/common/shared/img/it/Italy_10cent.jpg)
l-Italja
Fl-Italja, id-disinji tal-muniti tal-euro kienu suġġetti għal skrutinju minn kumitat tekniku u artistiku nazzjonali qabel ma ġew ippreżentati lin-nazzjon fuq l-akbar stazzjon televiżiv nazzjonali tal-Italja. Intgħażel disinn differenti għal kull denominazzjoni minn fost kapolavuri ta' artisti Taljani famużi. Din il-munita tfakkar wieħed mill-akbar trijonfi tal-arti Taljana, Turi wieħed mix-xogħlijiet l-aktar famużi fid-dinja"It-Twelid ta' Venere" ta' Sandro Botticelli.
l-Italja![](/euro/coins/common/shared/img/lt/Lithuania_10cent_2015.jpg)
Litwanja
Il-muniti tal-euro tal-Litwanja juru l-istemma araldika tar-Repubblika tal-Litwanja, Vytis, il-pajjiż li ħariġhom "LIETUVA" u s-sena meta ħarġu "2015". Il-muniti juru wkoll it-12-il stilla tal-bandiera Ewropea u ġew iddisinjati mill-iskultur Antanas Žukauskas.
Litwanja![](/euro/coins/common/shared/img/lu/Luxembourg_10cent.jpg)
Lussemburgu
Yvette Gastauer-Claire ddisinjat il-muniti bi qbil mal-Familja Rjali u mal-Gvern tal-Lussemburgu.
Il-muniti kollha tal-Lussemburgu juru l-profil tal-Altezza Rjali Tiegħu l-Gran Duka Henri. Juru wkoll is-sena meta ħarġu u l-kelma "Lussemburgu" miktuba bil-Lussemburgiż("Lëtzebuerg").
Lussemburgu![](/euro/coins/common/shared/img/mt/Malta_10cent.jpg)
Malta
Il-muniti tal-10 ċenteżmi, 20 ċenteżmu u 50 ċenteżmu juru l-Arma ta' Malta, tarka b'rappreżentazzjoni araldika tal-bandiera nazzjonali ta' Malta. Fuq it-tarka hemm kuruna tal-ġebel li tirrappreżenta l-fortifikazzjonijiet ta' Malta u tfisser li Malta għandha l-istatus ta' belt stat. It-tarka hija mdawra b’girlanda magħmula minn żewġ friegħi, waħda taż-żebbuġ fuq ix-xellug u l-oħra tal-palm fuq il-lemin, it-tnejn simboli tal-paċi li tradizzjonalment għandhom x’jaqsmu ma’ Malta. Il-girlanda hija marbuta fit-tarf t’isfel b’żigarella li għandha l-iskrizzjoni "Repubblika ta’ Malta"
Malta![](/euro/coins/common/shared/img/mo/Monaco_10cent_2001.jpg)
![](/euro/coins/common/shared/img/mo/Monaco_10cent_2006.jpg)
Monako
Hemm żewġ sensiliet ta' muniti fiċ-ċirkolazzjoni.
L-ewwel sensiela turi l-Altezza Serena Tiegħu l-Prinċep Rainier III fuq il-munita ta’ €2. Fuq il-munita tal-€1 hemm xbieha doppja tal-uċuħ tal-Altezza Serena Tiegħu l-Prinċep Rainier III u l-Altezza Serena Tiegħu l-Prinċep Ereditarju Albert. Fuq il-muniti tal-10 ċenteżmi, 20 ċenteżmu u 50 ċenteżmu hemm is-siġill tal-Prinċep. L-istemma araldika tal-Prinċipijiet Sovrana ta’ Monako tidher fuq il-muniti ta' 1 ċenteżmu, 2 ċenteżmi u 5 ċenteżmi.
It-tieni sensiela turi xbieha ta' wiċċ l-Altezza Serena Tiegħu l-Prinċep Albert II fuq il-muniti tal-€1 u €2. Monogramma tal-AST il-Prinċep Albert II tidher fuq il-muniti ta' 10 ċenteżmi, 20 ċenteżmu u 50 ċenteżmu. L-istemma araldika tal-Prinċipijiet Sovrana ta’ Monako tidher fuq il-muniti ta' 1 ċenteżmu, 2 ċenteżmi u 5 ċenteżmi.
Monako![](/euro/coins/common/shared/img/nl/Netherlands_10cent_2000.jpg)
![](/euro/coins/common/shared/img/nl/Netherlands_10cent.jpg)
Pajjiżi l-Baxxi
Għall-ewwel sensiela, l-Olanda għażlet żewġ disinji ta' Bruno Ninaber van Eyben li juru r-Reġina Beatrix. Hemm żewġ sensiliet ta' muniti fiċ-ċirkolazzjoni. It-tnejn huma validi.
It-tieni sensiela, li daħlet fl-2014, turi lir-Re Willem-Alexander flimkien mal-iskrizzjoni "Willem-Alexander Koning der Nederlanden" (Re tal-Olanda).Muniti ta' 1 ċenteżmu, 2 ċenteżmi, 5 ċenteżmi, 10 ċenteżmi, 20 ċenteżmu u 50 ċenteżmu:
L-ewwel sensiela: Tidher xbieha tar-Reġina Beatrix flimkien mal-iskrizzjoni "Beatrix Koningin der Nederlanden" (Beatriċe Reġina tal-Olanda).
It-tieni sensiela: Fuq ix-xbieha tar-Re Willem-Alexander hemm il-kliem "Willem-Alexander Koning der Nederlanden" (Re tal-Pajjiżi l-Baxxi). Il-marki taz-zekka jidhru fuq kull naħa tal-isem.
Pajjiżi l-Baxxi![](/euro/coins/common/shared/img/pt/Portugal_10cent.jpg)
Portugall
Intgħażlu tliet disinji differenti minn fost dawk li daħlu għal kompetizzjoni nazzjonali. Id-disinjatur Vítor Manuel Fernandes dos Santos, li tnebbaħ mis-simboli storiċi u mis-siġilli tal-ewwel Re tal-Portugall Dom Afonso Henriques, rebaħ il-kompetizzjoni bid-disinji li ġejjin: Il-muniti tal-10 ċenteżmi, 20 ċenteżmu u 50 ċenteżmu juru s-siġill irjali tal-1142 bħala x-xbieha ewlenija tad-disinn.
Portugall![](/euro/coins/common/shared/img/sm/SanMarino_10cent.jpg)
![](/euro/coins/common/shared/img/sm/SanMarino_10cent_2017.jpg)
San Marino
L-ewwel sensiela: Fuq il-munita tal-10 ċenteżmi hemm xbieha tal-Bażilika ta’ San Marinus.
It-tieni sensiela: Fuq il-munita tal-10 ċenteżmi hemm xbieha tal-Knisja ta' San Franġisk.
San Marino![](/euro/coins/common/shared/img/sk/Slovakia_10cent.jpg)
Slovakkja
Fuq il-muniti tal-10 ċenteżmi, 20 ċenteżmu u 50 ċenteżmu hemm il-kastell ta' Bratislava u l-emblema nazzjonali tas-Slovakkja.
Slovakkja![](/euro/coins/common/shared/img/sl/Slovenia_10cent.jpg)
Slovenja
Din il-munita turi l-proġett tal-perit Jože Plečnik għall-Parlament Sloven, li baqa' ma twettaqx.
Slovenja![](/euro/coins/common/shared/img/es/Spain_10cent_2003.jpg)
![](/euro/coins/common/shared/img/es/Spain_10cent.jpg)
Spanja
Il-muniti ta’ Spanja għandhom tliet disinji bi xbihat tar-Re, Miguel de Cervantes u l-katidral ta’ Santiago de Compostela. Hemm tliet sensiliet ta' muniti fiċ-ċirkolazzjoni. Kollha huma validi.
Għat-tieni sensiela, fl-2010 sarilhom tibdil żgħir fid-disinn biex ikunu konformi mal-linji gwida komuni maħruġin mill-Kummissjoni Ewropea. Pereżempju, is-sena issa tidher imnaqqxa fil-parti ta’ ġewwa tal-munita.
Muniti ta' 10 ċenteżmi, 20 ċenteżmu u 50 ċenteżmu: Dawn juru xbieha ta' Miguel de Cervantes, missier il-letteratura Spanjola, li tirrifletti "-universalità tal-bniedem u ta' xogħlu". Spanja