Muniti

Is-sensiela tal-muniti tal-euro fiha tmien denominazzjonijiet differenti: 1 ċenteżmu, 2 ċenteżmi, 5 ċenteżmi, 10 ċenteżmi, 20 ċenteżmu, 50 ċenteżmu, €1 u €2. Il-muniti tal-euro għandhom naħa komuni u naħa nazzjonali. In-naħa nazzjonali tindika l-pajjiż li jkun ħareġ il-munita. In-naħat komuni tal-muniti ġew iddisinjati minn Luc Luycx taz-Zekka Rjali Belġjana.

Juru xbihat tal-Unjoni Ewropea jew tal-Ewropa u huma simbolu tal-għaqda tal-UE. Il-muniti tal-5 ċenteżmi, 2 ċenteżmi u 1 ċenteżmu juru xbieha tal-Ewropa fuq globu, flimkien ma’ parti mill-Afrika u l-Asja.

Tista’ tuża l-muniti tal-euro fejn trid fiż-żona tal-euro.

Muniti kommemorattivi ta’ €2

€2 commemorative coins

Kull pajjiż jista’ joħroġ żewġ muniti kommemorattivi fis-sena. Dawn il-muniti għandhom l-istess karatteristiċi u kwalitajiet u l-istess naħa komuni bħall-muniti normali ta’ €2. Id-differenza tinsab fid-disinn kommemorattiv fuq in-naħa nazzjonali. Id-denominazzjoni ta’ €2 biss tista’ tintuża għall-muniti kommemorattivi.

Il-muniti huma valuta legali fiż-żona tal-euro kollha. Dan ifisser li jistgħu jintużaw, u għandhom jiġu aċċettati, bħal kull munita oħra tal-euro.

Responsabbiltà għall-muniti

Responsibility for coins

Filwaqt li l-BĊE huwa responsabbli għall-karti tal-flus, il-muniti tal-euro għadhom fil-kompetenza nazzjonali. Jekk pajjiż taż-żona tal-euro jkun biħsiebu joħroġ munita b’disinn ġdid, pereżempju munita kommemorattiva, irid jgħarraf lill-Kummissjoni Ewropea. Il-Kummissjoni mbagħad tippubblika t-tagħrif rilevanti f’Il-Ġurnal Uffiċjali tal-Unjoni Ewropea (sensiela C) b’diversi lingwi. Dan huwa s-sors awtorevoli li minnu l-BĊE jieħu l-aġġornamenti dwar il-muniti tal-euro għall-websajt tiegħu.

Mistoqsijiet dwar il-muniti tal-euro għandhom jintbagħtu lil:

Il-Kummissjoni Ewropea

Direttorat Ġenerali għall-Affarijiet Ekonomiċi u Finanzjarji (Directorate General for Economic and Financial Affairs)
Unit R-4 External communication, BU-1 4/168
B-1049 Brussell, il-Belġju

Ħafna muniti u karti tal-flus żejda fiċ-ċirkolazzjoni jistgħu jwasslu għal inflazzjoni, li l-BĊE jipprova jikkontrolla billi jżomm l-istabbiltà tal-prezzijiet. Għalhekk, il-BĊE huwa responsabbli biex japprova l-kwantità tal-muniti li jistgħu joħorġu l-pajjiżi taż-żona tal-euro. Barra minn hekk, il-BĊE japprova kemm il-kwantità kif ukoll joħroġ il-karti tal-flus. aktar