Għażliet tat-Tfixxija
Paġna ewlenija Midja Spjegazzjonijiet Riċerka u Pubblikazzjonijiet Statistika Politika Monetarja L-€uro Ħlasijiet u Swieq Karrieri
Suġġerimenti
Issortja skont

Pagamenti u swieq

Huwa essenzjali għalina lkoll li nkunu nistgħu nħallsu b’mod sigur.

Il-ħlasijiet fiż-żona tal-euro jiddependu fuq infrastruttura vasta li tiżgura li l-fondi u l-assi jmorru mingħajr periklu minn post għall-ieħor. Aħna nħaddmu parti minn dan in-netwerk u nżommu għajnejna fuq il-bqija.

Aħna nsegwu ukoll is-swieq finanzjarji. Dan jagħtina informazzjoni għall-kompitu ewlieni tagħna li nżommu l-prezzijiet stabbli, li jikkontribwixxi għat-tkabbir ekonomiku.

Euro diġitali

It-teknoloġija l-ġdida qed tittrasforma l-mod kif inħallsu. Irridu niżguraw li n-nies fiż-żona tal-euro jżommu aċċess liberu għal mezzi ta’ pagament aċċettati minn kulħadd u ħielsa mir-riskju. Analizzajna l-benefiċċji u l-isfidi possibbli ta’ euro diġitali, li jistgħu jikkomplementaw il-flus kontanti.

Ċentru: Euro diġitali

Servizz tat-TARGET2

Il-BĊE u l-banek ċentrali nazzjonali taż-żona tal-euro joperaw numru ta’ infrastrutturi tas-suq finanzjarju li jiżguraw il-fluss ħieles ta’ flus kontanti, titoli u kollateral madwar l-Ewropa. Dawn jissejħu kollettivament bħala Servizzi TARGET.

X’inhuma Servizzi tat-TARGET?

Pagamenti fil-pront

In-nies jistennew li l-flus jiċċaqalqu malajr daqs l-emails. Għalhekk qed naħdmu biex il-pagamenti istantanji jsiru realtà għal kulħadd fiż-żona tal-euro. TIPS huwa servizz ta’ saldu ta’ pagament immedjat tagħna disponibbli għall-banek. Dan jippermetti lin-nies li jgħixu fiż-żona tal-euro jittrasferixxu l-flus f’sekondi.

X’inhu t-TIPS?

Ir-rata tal-euro fuq żmien qasir (€STR)

L-€STR huwa l-valur referenzjarju l-ġdid tar-rata tal-imgħax imniedi f’Ottubru 2019. Dan jirrifletti l-ispejjeż li l-banek iħallsu lil xulxin biex jisselfu l-flus mil-lum għal għada. Is-swieq finanzjarji huma mistennija li jaqilbu bis-sħiħ għar-rata l-ġdida sa tmiem l-2021.

Ir-rata tal-euro fuq żmien qasir (€STR)

Kollateral

Meta l-banek jisselfu minna, iridu jipprovdu kollateral adegwat bħala garanzija. Tixtieq tkun taf liema kollateral naċċettaw? Qed tfittex statistika dwar il-kollateral li rċevejna?

Iktar informazzjoni dwar il-kollateral

Reżiljenza ċibernetika

L-attakki ċibernetiċi jistgħu jkunu ta’ riskju għall-banek individwali kif ukoll għas-settur finanzjarju kollu kemm hu. Huwa għalhekk li nagħtu attenzjoni mill-qrib lir-reżiljenza ċibernetika u nwettqu inizjattivi li jgħinu lis-settur finanzjarju joqgħod attent u jitħejja.

X’inhi r-reżiljenza ċibernetika?

Innovazzjoni

L-innovazzjoni fis-settur finanzjarju tista’ ġġib magħha benefiċċji kbar. Ninvestigaw l-innovazzjoni finanzjarja u kif din qed tinbidel, jew tista’ tinbidel, il-mod kif jaħdmu s-swieq finanzjarji. Irridu niżguraw ukoll li l-interuzzjonijiet teknoloġiċi ma jiġux akkost tal-integrazzjoni jew tal-istabbiltà.

Innovazzjoni finanzjarja
ARA WKOLL
L-infrastruttura tas-swieq u ħlasijiet spjegati
ARA AKTAR

Kollaborazzjoni ġewwa l-Ewropa

Gruppi ta’ kuntatt tas-suq

Waqqafna diversi gruppi ta’ kuntatt tas-suq biex niggarantixxu li l-politiki tagħna jiġu implimentati mingħajr xkiel u b’mod effiċjenti. Il-gruppi jippermettulna nitkellmu wkoll ma’ firxa ta’ parteċipanti fis-suq u nsegwu aktar mill-qrib l-iżviluppi globali fis-swieq finanzjarji.

Gruppi ta’ kuntatt tas-suq

Konsultazzjonijiet pubbliċi

Aħna regolarment infittxu kontribut dwar deċiżjonijiet u inizjattivi li jaffettwaw is-swieq finanzjarji. Dan l-impenn dirett jippermettilna nibbenefikaw mill-għarfien tan-nies involuti jew interessati f’dawn is-swieq.

Ara l-konsultazzjonijiet kontinwi u tal-passat tagħna
M’INTIX ESPERT? IĊĊEKKJA L-ISPJEGAZZJONI TAGĦNA
TGĦALLEM IŻJED
X’inhu TARGET2?

Il-paġni kollha f’din it-taqsima