Pjattaforma għall-innovazzjoni tal-euro diġitali
FUQ DIN IL-PAĠNA
Billi jipprovdi infrastruttura komuni li s-settur privat jista’ jibni fuqha, l-euro diġitali se jkun katalist għall-innovazzjoni
L-Ewropa tospita ħafna ideat innovattivi ta’ pagament. Iżda jista’ jkun diffiċli li dawn jinbidlu f’soluzzjonijiet li jistgħu jilħqu lin-nies u lin-negozji madwar iż-żona tal-euro.
L-euro diġitali jista’ jbiddel dan. Dan ikun innovattiv fih innifsu: forma ġdida ta’ flus pubbliċi għall-era diġitali, b’firxa pan-Ewropea, uu offline, livelli għolja ta’ provatezza u reżiljenza kollha inkorporati. Fl-istess ħin, jista’ jipprovdi pedament Ewropew komuni li fuqu l-banek, il-fornituri tas-servizzi ta’ pagament, il-kumpaniji tat-teknoloġija finanzjarja u n-negozjanti jistgħu jiżviluppaw servizzi u soluzzjonijiet ta’ pagament ġodda.
B’dan il-mod, l-euro diġitali jikkomplementa kemm is-soluzzjonijiet ta’ pagament privat kif ukoll jappoġġa aktar innovazzjoni fis-suq.
Il-pjattaforma ta’ innovazzjoni tal-euro diġitali hija mfassla biex trawwem kollaborazzjoni mal-parteċipanti fis-suq fl-ittestjar tal-ideat u tesplora kif l-euro diġitali jista’ jaħdem fil-prattika, tidentifika l-opportunitajiet għall-innovazzjoni u tiġġenera ideat għal servizzi u opportunitajiet ta’ negozju ġodda.
L-innovazzjoni mas-suq
L-Eurosistema qed taħdem mal-parteċipanti fis-suq biex tesplora kif l-euro diġitali jista’ jappoġġa esperjenzi ġodda ta’ pagament, servizzi u opportunitajiet ta’ negozju. Din il-kollaborazzjoni sseħħ permezz tal-pjattaforma ta’ innovazzjoni tal-euro diġitali, inizjattiva li tlaqqa’ flimkien il-partijiet ikkonċernati mis-setturi privati u pubbliċi kollha.
Attivitajiet ġodda tal-pjattaforma tal-innovazzjoni
Il-konstatazzjonijiet mill-ewwel mewġa ta’ attivitajiet fi ħdan il-pjattaforma ta’ innovazzjoni tal-euro diġitali wrew kif is-suq jista’ jibni fuq il-karatteristiċi ewlenin tal-euro diġitali biex jiżviluppa servizzi prattiċi u esperjenzi tal-utenti.
L-Eurosistema issa qed tmexxi din il-ħidma ’l quddiem permezz ta’ mewġa ġdida ta’ attivitajiet tal-pjattaforma tal-innovazzjoni, organizzati madwar żewġ flussi ta’ ħidma: l-esperimentazzjoni u l-esplorazzjoni. L-attivitajiet se jagħtu lill-parteċipanti fis-suq l-opportunità li jiżviluppaw u jittestjaw ideat promettenti u jesploraw kif it-teknoloġiji emerġenti jistgħu jappoġġaw servizzi u opportunitajiet ta’ negozju ġodda fil-futur.
Sejħa għal espressjonijiet ta’ interess issa miftuħa
L-applikazzjonijiet huma miftuħa sad-9 ta’ Novembru 2026 fil-17:00 CET.
Attivitajiet preċedenti tal-pjattaforma tal-innovazzjoni
Nibnu fuq kollaborazzjoni preċedenti
L-attivitajiet il-ġodda jibnu fuq il-konstatazzjonijiet tal-flussi ta’ ħidma inizjali tal-pijunieri u l-viżjonarji fi ħdan il-pjattaforma tal-innovazzjoni tal-euro diġitali mnedija fl-2024. Madwar 70 parteċipant fis-suq ħadmu mal-Eurosistema biex jittestjaw pagamenti kundizzjonali u jesploraw ideat innovattivi għall-euro diġitali. Dawn għenu biex jiġu identifikati oqsma fejn l-euro diġitali jista’ jappoġġa l-innovazzjoni biex jiġu indirizzati l-ħtiġijiet tal-konsumaturi u tan-negozji.
Esplora s-sejbiet mill-ewwel mewġa ta’ attivitajiet tal-pjattaforma tal-innovazzjoniKif l-euro diġitali jista’ jaħdem fil-ħajja ta’ kuljum
Staqsejna lill-parteċipanti dwar l-użi possibbli ta’ kuljum tal-euro diġitali. Dan huwa dak li qalu.