Tisrif tal-flus nazzjonali

Il-karti tal-flus u l-muniti nazzjonali ta’ qabel, bħall-mark Ġermaniż jew il-peseta Spanjola, fil-biċċa l-kbira għadhom jistgħu jissarrfu f’euro. Dan jista’ jsir biss mill-banek ċentrali nazzjonali. Il-Bank Ċentrali Ewropew ma jsarrafx karti tal-flus jew muniti.

Biex tara liema karti tal-flus jistgħu jissarrfu f’euro, klikkja fuq isem il-pajjiż fin-naħa tax-xellug tal-iskrin u ara d-dati sa meta jistgħu jissarrfu fit-tabella hawn taħt. Ħafna banek ċentrali nazzjonali għadhom isarrfu karti tal-flus ta’ sensiliet eqdem minn dawk li jidhru hawn.

Dati sa meta jistgħu jissarrfu l-flus

Xi banek ċentrali stabbilixxew data sa meta jistgħu jissarrfu l-karti tal-flus u l-muniti nazzjonali

Pajjiż Tisrif ta’ karti tal-flus sa Tisrif ta’ muniti sa
Awstrija bla limitu bla limitu
Belġju bla limitu 31 ta' Diċembru 2004
Ċipru 31 ta' Diċembru 2017 31 ta' Diċembru 2009
Estonja bla limitu bla limitu
Finlandja 29 ta' Frar 2012 29 ta' Frar 2012
Franza 17 ta' Frar 2012 17 ta' Frar 2005
Ġermanja bla limitu bla limitu
Greċja 1 ta' Marzu 2012 1 ta' Marzu 2004
Irlanda bla limitu bla limitu
Italja 6 ta' Diċembru 2011 6 ta' Diċembru 2011
Latvja bla limitu bla limitu
Litwanja bla limitu bla limitu
Lussemburgu bla limitu 31 ta' Diċembru 2004
Malta 31 ta' Jannar 2018 1 ta' Frar 2010
Olanda (1) 1 ta' Jannar 2032 1 ta' Jannar 2007
Portugall 28 ta' Frar 2022 31 ta' Diċembru 2002
Slovenja bla limitu 31 ta' Diċembru 2016
Slovakkja bla limitu 2 ta' Jannar 2014
Spanja 31 ta' Diċembru 2020 31 ta' Diċembru 2020

(1) De Nederlandsche Bank mhuwiex se jsarraf guilders fil-każijiet kollha. Guilders akkwistati minn attivitajiet kummerċjali wara s-27 ta’ Jannar 2002 mhumiex se jibqgħu jissarrfu. Għal iżjed tagħrif, jekk jogħġbok ara l-websajt ta’ De Nederlandsche Bank.