Il-karti tal-flus
Il-karti tal-flus huma parti mill-ekonomija, l-identità u l-kultura tagħna – u aħna fil-BĊE għandna responsabbiltà kbira biex niżguraw li n-nies iżommu l-fiduċja tagħhom fihom.
Il-karti tal-flus tal-euro li ġġorr fil-kartiera tiegħek huma l-aktar simbolu tanġibbli ta’ Ewropa magħquda. Hemm iżjed minn 29 biljun karta tal-flus tal-euro fiċ-ċirkolazzjoni, b'valur totali ta' iżjed minn €1.5 triljun. Aħna naħdmu biex niżguraw li kull waħda minnhom tkun ta’ kwalità għolja b’mod konsistenti u tkun sigura u sikura biex tintuża kullimkien fid-dinja. Dan jgħinna nrawmu kunfidenza u fiduċja fil-munita unika tagħna, kemm bħala mezz ta’ ħlas kif ukoll bħala ħażna ta’ valur.
Karti tal-flus futuri
Meta niżviluppaw karti tal-flus futuri, aħna rridu nagħmlu ċert li dawn ikunu saħansitra aktar siguri, sikuri u sostenibbli. U aħna rridu li d-disinn il-ġdid ikun inklużiv u relatabbli għall-Ewropej kollha. Skopri dwar il-passi differenti fil-proċess u kif tista’ tinvolvi ruħek.
Karti tal-flus futuriKarti tal-flus attwali
Hemm żewġ sensiliet ta' karti tal-flus tal-euro. L-ewwel sensiela tinkludi seba' denominazzjonijiet differenti: €5, €10, €20, €50, €100, €200 u €500. It-tieni waħda, magħrufa wkoll bħala s-serje Europa, tikkonsisti f’sitt denominazzjonijiet, peress li ddeċidejna li nwaqqfu l-ħruġ tal-karti tal-flus ta’ €500.
Denominazzjonijiet, disinn u karatteristiċi ta' sigurtàKontra l-falsifikazzjoni
Waħda mir-responsabbiltajiet ewlenin tagħna hi li nagħmlu ċert li l-karti tal-flus li tirċievi jkunu ġenwini. Skopri aktar dwar x’nagħmlu biex nibqgħu aktar avvanzati mill-falsifikaturi u x’għandek tagħmel jekk tissuspetta li rċevejt karta tal-flus falza.
Kontra l-falsifikazzjoniKarti tal-flus iddanneġġati jew mtebbgħa bil-linka
Il-banek ċentrali nazzjonali fiż-żona tal-euro jaħdmu biex jiżguraw li l-karti tal-flus tal-euro kollha jkunu tajbin għall-użu qabel ma jerġgħu jiġu ċċirkolati. Il-karti tal-flus jistgħu jiġu ddanneġġati aċċidentalment, u xi drabi minn strumenti kontra s-serq. Tgħallem dwar karti tal-flus iddanneġġati jew imtebbgħa bil-linka u kif tista’ tibdilhom.
Karti tal-flus iddanneġġati jew mtebbgħa bil-linkaIl-ħażniet u l-produzzjoni tal-karti tal-flus
Il-produzzjoni tal-karti tal-flus tal-euro ssir b'ħidma konġunta tal-banek ċentrali nazzjonali taż-żona tal-euro u l-BĊE. Trid issir produzzjoni ta’ ammont biżżejjed ta’ karti tal-flus kull sena biex jissostitwixxu l-karta tal-flus li mhumiex tajbin biex jintużaw u biex jiġu ssodisfati żidiet f’daqqa kemm antiċipati kif ukoll mhux mistennija fid-domanda għalihom.
Produzzjoni tal-karti tal-flusAmbjent, saħħa u sigurtà
Wieħed mill-objettivi tal-istrateġija tagħna ta’ Flus Kontanti 2030 huwa li jiġi żgurat li l-karti tal-flus tal-euro jkunu kemm siguri għall-użu kif ukoll sostenibbli. Sa minn mindu ddaħħlet l-euro, aħna konna impenjati biex innaqqsu l-impronta ambjentali tal-karti tal-flus tagħna.
Ambjent, saħħa u sigurtàRiċerka u żvilupp
Aħna naħdmu biex niżguraw li l-karti tal-flus tagħna jkunu innovattivi u jibqgħu pass ’il quddiem mill-aħħar tekniki ta’ falsifikazzjoni. Naħdmu wkoll għal soluzzjonijiet teknoloġikament sostenibbli li jistgħu jgħinu jnaqqsu l-impronta ambjentali tal-karti tal-flus tal-euro u l-proċessi tagħna.
Riċerka u ŻviluppStampi u regoli ta’ riproduzzjoni
Għandek permess tuża xbihat tal-karti tal-flus tal-euro dment li tikkonforma mar-regoli tar-riproduzzjoni tagħna. Tista’ tniżżel xbihat b’riżoluzzjoni baxxa ta’ karti tal-flus tal-euro direttament mis-sit web tagħna jew titlob xbihat ta’ riżoluzzjoni għolja jekk għandek interess leġittimu u professjonali fl-użu tagħhom.
Stampi u regoli ta’ riproduzzjoniInformazzjoni u materjali ta’ taħriġ
Il-materjali ta’ taħriġ tagħna fihom informazzjoni dwar il-muniti tal-euro, il-karti tal-flus u l-karatteristiċi ta’ sigurtà tagħhom, li huma adattati kemm għall-pubbliku ġenerali kif ukoll għall-professjonisti li jaħdmu bil-flus kontanti. Tista’ tniżżel il-materjali tagħna jew tistaqsina nibagħtuhomlok bħala pubblikazzjonijiet stampati.
Informazzjoni u materjali ta’ taħriġFilmati fuq il-karti tal-euro
Skopri kif nipproduċu, nistampaw u nittestjaw il-karti tal-flus tal-euro fil-filmati divertenti tagħna.