Għażliet għat-Tiftix
Home Midja Spjegazzjonijiet Riċerka u Pubblikazzjonijiet Statistika Politika monetarja L-euro Pagamenti u swieq Karrieri
Suġġerimenti
Issortja skont

L-euro

L-euro jqarribna flimkien

Iktar minn 340 miljun ruħ jaqsmu l-euro bħala l-munita tagħhom u jużaw il-karti tal-flus u l-muniti tal-euro kuljum. L-euro jfakkarna ta’ kuljum bl-opportunitajiet u l-konvenjenza li lkoll għandna grazzi għall-UE. U huwa simbolu qawwi tal-unità Ewropea.

L-euro huwa taċ-ċittadini taż-żona tal-euro. Aħna fil-BĊE fdati bis-salvagwardja tal-valur tiegħu. Aħna naħdmu flimkien mal-banek ċentrali nazzjonali taż-żona tal-euro biex inżommu l-prezzijiet stabbli, filwaqt li niżguraw li flusek iżommu l-poter tal-akkwist tagħhom.

L-introduzzjoni tal-euro

Fl-1 ta’ Jannar 1999, 11-il pajjiż tal-UE ffissaw ir-rati tal-kambju tagħhom, adottaw politika monetarja kondiviża u varaw l-euro. Fil-bidu kienet munita elettronika. Fl-2002 il-karti tal-flus u l-muniti daħlu fiċ-ċirkolazzjoni. Illum, l-euro hija l-munita unika ta’ 19-il pajjiż.

L-użu tal-euro

B’saħħitna aktar flimkien

L-euro jiffaċilitalna ħajjitna billi jagħmilha aktar sempliċi biex ninnegozjaw, nivvjaġġaw, nistudjaw, ngħixu u naħdmu barra mill-pajjiż. Aħna qegħdin naħdmu fil-BĊE għal futur fejn l-euro jikkontribwixxi aktar għall-benessri tiegħek.

President Lagarde: x’jirrappreżenta l-euro

Karta tal-flus siguri u durevoli

Ninvestu f’riċerka dwar teknoloġiji ġodda biex nagħmlu l-karti tal-flus aktar siguri u reżistenti għall-użu ta’ kuljum. Bejn l-2013 u l-2019, varajna t-tieni sensiela ta’ karti tal-flus, is-sensiela Europa, li tinkludi karatteristiċi ta’ sigurtà innovattivi.

Esplora l-karti tal-flus tal-euro bid-3D

Il-muniti tal-euro

Il-ħruġ ta’ muniti tal-euro jieħdu ħsiebhom il-pajjiżi taż-żona tal-euro. Il-BĊE japprova l-ammont ta’ muniti li kull pajjiż jista’ joħroġ kull sena. Kull pajjiż jista’ jagħżel ukoll li joħroġ sa żewġ disinni kommemorattivi ta’ €2 għal kull sena.

Skopri iktar dwar il-muniti tal-euro

It-tisrif ta’ flus tal-pajjiż

Tista’ ssarraf bosta muniti nazzjonali preċedenti – bħal kroons Estonjani u liri Irlandiżi – għal euro fil-banek ċentrali nazzjonali. Mhux il-karti tal-flus u l-muniti nazzjonali ta’ qabel kollha jistgħu jissarrfu, madankollu: iċċekkja l-paġna tagħna għal aktar informazzjoni.

Ara liema karti tal-flus għadhom jistgħu jissarrfu.

Is-sensiela Europa issa hija lesta

Il-karti tal-flus ġodda ta’ €100 u €200 daħlu fiċ-ċirkolazzjoni f'Mejju 2019. Huma l-aħħar żieda għas-sensiela Europa tal-karti tal-flus, li huma aktar durevoli u għandhom karatteristiċi ta’ sigurtà ġodda.

KAXXIER PROFESSJONALI
Inti kaxxier professjonali minn bank kummerċjali, uffiċċju postali u organizzazzjonijiet oħra li jipproċessaw il-flus kontanti u joħorġuhom għall-pubbliku? Tista’ żżomm ruħek aġġornat bl-aħħar informazzjoni fuq il-flus kontanti hawnhekk.
IKTAR DWAR L-EURO

Skopri iktar dwar suġġetti relatati mal-karti tal-flus

Dejta fuq iċ-ċirkolazzjoni tal-karti tal-flus

Aħna nistudjaw bir-reqqa ċ-ċirkolazzjoni u d-domanda għall-karti tal-flus tal-euro, sabiex dejjem ikollok aċċess għal karti tal-flus tal-euro.

Statistika fuq iċ-ċirkolazzjoni tal-karti tal-flus u tal-muniti

Ir-rwol internazzjonali tal-euro

L-euro hija waħda mill-aktar muniti importanti fid-dinja. Inżommu għajnejna fuq u nirrapportaw dwar l-użu tal-euro barra ż-żona tal-euro.

Aqra l-iktar rapport riċenti tagħna
M’INTIX ESPERT? IĊĊEKKJA L-ISPJEGAZZJONI TAGĦNA
TGĦALLEM IŻJED
Pajjiż kif jissieħeb fiż-żona tal-euro?

Il-paġni kollha f’din it-taqsima