L-euro jgħaqqadna kollha.

Fl-1 ta’ Jannar 1999, 11-il pajjiż tal-Unjoni Ewropea (UE) iffissaw ir-rati tal-kambju tagħhom, adottaw politika monetarja kondiviża taħt il-Bank Ċentrali Ewropew u nedew munita komuni ġdida: l-euro. Inizjalment kienet munita elettronika użata mis-swieq finanzjarji u għal pagamenti mingħajr flus kontanti. Tliet snin wara, il-karti tal-flus u l-muniti tal-euro daħlu fiċ-ċirkolazzjoni.

Illum, l-euro hija l-munita ta’ 19-il pajjiż tal-UE u ta’ aktar minn 340 miljun Ewropew. Hija waħda mill-iktar muniti importanti fid-dinja.

Il-karti tal-flus u l-muniti tal-euro huma tanġibbli, tfakkiriet ta’ kuljum dwar il-libertà, il-konvenjenza u l-opportunitajiet li l-UE tagħmel possibbli.

L-euro
Iqarribna flimkien

Kemm verament taf dwar l-euro?

Ħu sehem fil-kwiżż tagħna u ara kemm taf dwar l-euro (u l-Bank Ċentrali Ewropew). Għandna mistoqsijiet divertenti għal min għadu jibda u esperti. Ipprovah u aqsam dan fuq il-midja soċjali!

Ħu sehem fil-kwiżż issa!

Kif tibbenefika mill-euro?

Bħala l-munita tagħna, l-euro sar parti integrali mill-ħajja ta’ kuljum u jagħmilha eħfef għalina fil-kummerċ, l-ivvjaġġar, l-istudju, biex ngħixu u naħdmu barra l-pajjiż.

Fil-Bank Ċentrali Ewropew inħarsu lejn l-euro biex nipprovdu ambjent stabbli għal nies li jgħixu f'pajjiżi li jużaw l-euro, inklużi familji, ħaddiema, min iħaddem, imprendituri, pensjonanti, dawk li jfaddlu u debituri. Aħna nikkontribwixxu għat-tkabbir ekonomiku u l-benessri billi niżguraw l-istabbiltà tal-euro.

Aqra l-ispjegazzjoni tagħna

Aħna bl-euro b'saħħitna iktar flimkien

Il-munita tagħna hija l-iktar rappreżentazzjoni tanġibbli tal-integrazzjoni Ewropea u għamilna iktar b'saħħitna flimkien, qal il-President Mario Draghi fis-sessjoni plenarja tal-Parlament Ewropew fl-anniversarju tal-euro fil-15 ta' Jannar 2019. Illum, dmirna huwa li nlestu dak li nbeda għoxrin sena ilu.

Ara l-vidjow sħiħ hawnhekk
Aqra d-diskors

L-euro, kif jgħin liċ-ċittadini Ewropej fin-negozju?

L-impriżi żgħar u ta’ daqs medju huma s-sinsla tal-ekonomija taż-żona tal-euro. Skopri kif l-imprendituri u sidien ta’ negozji żgħar jibbenefikaw mill-munita unika.

Ara

L-euro: bibien miftuħin għall-Ewropej

Il-mexxejja Ewropej iffirmaw it-Trattat ta’ Maastricht 25 sena ilu, fattur importanti għall-integrazzjoni Ewropea li witta t-triq għall-euro. Ara kif il-munita unika għamlitha eħfef għall-Ewropej biex jivvjaġġaw, jistudjaw u jaħdmu barra mill-pajjiż.

Ara

Kont taf?

Kont taf li żewġ linji paralleli għaddejjin minn ġewwa s-simbolu € jfissru stabbiltà?
U li d-dħul medju fiż-żona tal-euro tela’ minn €20,900 fl-1999 – meta ġie introdott l-euro – għal €33,900 fl-2018?

Aqra iktar fatti dwar l-euro

Il-vjaġġ tal-euro

L-euro mexa ħafna mill-aħħar tas-sittinijiet, meta l-unjoni ekonomika u monetarja kienet inizjalment diskussa, sal-lum, meta huwa wieħed mill-aktar muniti importanti fid-dinja.

L-euro huwa simbolu tanġibbli tal-Ewropa u l-valuri tagħha. Il-munita komuni tagħna tgħin biex tippreserva l-paċi u l-benessri, u toħloq kundizzjonijiet għall-prosperità u futur ekonomikament stabbli.

Tgħallem aktar dwar il-vjaġġ li l-euro ħa biex jilħaqkom

Segwi l-avvenimenti tagħna
li jiċċelebraw #EUROat20

3 ta’ Diċembru 2018

#EUROat20: vjaġġ straordinarju

Il-Kummissjoni Ewropea ċċelebrat il-vjaġġ straordinarju tal-euro b'avveniment fit-3 ta' Diċembru 2018 fi Brussell.

Frar 2019

Kompetizzjoni BĊE-QuizClash #EUROat20

Prosit lil dawk minnkom li rrispondew tajjeb id-domandi kollha: kollha kemm intom esperti ta' veru tal-euro! Lista ta’ tletin rebbieħ qiegħda . Il-premjijiet huma jew iPad Pro jew Interrail Global Pass.

Għal dawk li ma jafux diġà, bdejna din il-kompetizzjoni kwiżż fi Frar b'kollaborazzjoni ma’ QuizClash - il-mistoqsijiet kienu dwar suġġetti bħall-euro u l-Bank Ċentrali Ewropew.

22 ta’ Awwissu 2019

Jiem Kulturali Ewropej

Il-Jiem Kulturali Ewropej 2019 se jkunu ddedikati għall-kultura u identità komuni Ewropej Għandek eventwalment issib aktar informazzjoni dwar l-avvenimenti fuq il-paġna web tagħna dwar il-Jiem Kulturali Ewropej.

17-19, Ġunju 2019

Forum BĊE dwar il-Banek Ċentrali 20 sena ta’ EMU Ewropea

Is-sitt Forum annwali tal-BĊE dwar il-Banek Ċentrali se jiffoka fuq 20 sena tal-Unjoni Ekonomika u Monetarja Ewropea u se jsir f'Sintra, il-Portugall.

QED TFITTEX GĦAL IKTAR INFORMAZZJONI DWAR L-EURO?

Sibha hawn taħt

ARKIVJU U RITRATTI

Ġbarna sensiela ta’ ritratti u filmati mill-arkivju tagħna, li jkopru l-aħħar 20 sena tal-euro. Tista’ tużahom meta trid imma kun żgur li tattribwihom lilna.

Filmati tal-arkivju fuq 20 sena tal-euro
Kollezzjoni ta’ ritratti dwar 20 sena tal-euro