European Central Bank - eurosystem
Search
Għażliet tat-Tfixxija
Paġna ewlenija Midja Spjegazzjonijiet Riċerka u Pubblikazzjonijiet Statistika Politika Monetarja L-€uro Ħlasijiet u Swieq Karrieri
Suġġerimenti
Issortja skont

L-approċċ tagħna għall-objettivi klimatiċi tagħna

Biex nilħqu l-objettivi tagħna dwar il-klima u niżguraw li d-deċiżjonijiet tagħna jkunu mmirati u effettivi, l-ewwel neħtieġu analiżi solida dwar l-impatt tat-tibdil fil-klima. Dan l-għan jeħtieġ kemm data soda kif ukoll metodi ta’ mmudellar.

Ir-riskji relatati mal-klima huma partikolarment diffiċli biex jitkejlu u jiġu mudellati minħabba li jfeġġu fit-tul u mhumiex lineari, globali u inċerti ħafna. Madankollu, ix-xjenza tgħidilna li issa hemm bżonn ta’ azzjoni.

Il-BĊE kif qed jindirizza din l-isfida?

Aħna nużaw approċċ fuq tliet binarji biex nilħqu l-objettivi klimatiċi tagħna, u b’hekk niġu assistiti biex nieħdu azzjoni immedjata filwaqt li noffru spazju għal titjib fl-għarfien tagħna u fl-aġġustament sussegwenti tal-politiki.

Aħna NTEJBU data relatata mal-klima

Qed noffru sett inizjali ta’ indikaturi relatati mal-klima għas-settur finanzjarju bħala parti mill-isforzi tagħna biex intejbu l-kwalità u l-kwantità tad-data relatata mal-klima kull meta nistgħu.

Aħna NSAĦĦU l-analiżijiet tagħna

Hekk kif titjieb id-data relatata mal-klima, aħna naħdmu biex intejbu l-mudelli makroekonomiċi, l-analiżi tax-xenarji u l-valutazzjoni tar-riskju tagħna. Dan jgħinna nqisu aħjar ir-riskji klimatiċi, kif ukoll l-opportunitajiet li tista’ ġġib magħha t-tranżizzjoni lejn ekonomija newtrali f’termini ta’ emissjonijiet tal-karbonju.

Hekk kif il-fehim tagħna jiżdied, fl-aħħar mill-aħħar nistgħu nieħdu deċiżjonijiet ta’ politika aktar infurmati.

Aħna NAĠĠUSTAW il-politiki tagħna

Abbażi tal-analiżi tagħna, nieħdu azzjoni f’oqsma fejn naraw li jkun xieraq. Dawn l-oqsma jinkludu bonds korporattivi, l-investimenti tagħna stess, u l-impronta ambjentali tagħna stess.

Hekk kif id-data relatata mal-klima u l-immudellar jitjiebu, aħna se naġġustaw il-politiki tagħna skont dan. Dan ifisser li l-istrateġija tagħna dwar il-klima se tevolvi u titjieb maż-żmien.

Il-paġni kollha f’din it-taqsima