Sistema Elettronika għall-Offerti

Wara li jirreġistraw, il-partijiet interessati jkollhom aċċess għad-dokumentazzjoni rilevanti u jistgħu jipparteċipaw fil-proċeduri ta' akkwist li jsiru permezz tas-Sistema Elettronika għall-Offerti

Idħol fis-Sistema elettronika għall-offerti

Insejt il-password tiegħek?

Kif tuża s-Sistema elettronika għall-offerti

Appoġġ tekniku

Jekk teħtieġ għajnuna biex tuża s-sistema, jekk jogħġbok ikkuntattja lit-tim ta' appoġġ tekniku fl-indirizz sourcing.support@ecb.europa.eu. Talbiet għall-għajnuna jiġu indirizzati bejn wieħed u ieħor fi żmien 1-3 ijiem tax-xogħol. Il-ħinijiet għall-għajnuna huma mit-Tnejn sal-Ġimgħa mit-08:30 sal-17:30 CET, minbarra fil-vaganzi pubbliċi tal-BĊE.

Tagħrif ieħor

X’inhuma r-rekwiżiti minimi tas-sistema?

Jekk jogħġbok innota li min jagħmel offerta għandu r-responsabbiltà li jiżgura li l-konnessjoni tal-internet u t-tagħmir tiegħu jiffunzjonaw sew u li s-settings tal-browser huma korretti. Il-BĊE m'għandux kontroll fuq dawn il-kundizzjonijiet esterni. Jekk jogħġbok ikkuntattja lill-assistent/amministratur tal-IT tiegħek biex taġġorna s-sistema tiegħek jekk għandek xi problema relatata mar-rekwiżiti minimi tas-sistema.

Browser
Internet Explorer (verżjoni 9 jew ogħla) u Chrome jistgħu jintużaw. Internet Explorer hu l-browser preferut.
Pop-up blocker
Iċċekkja li l-browser tiegħek qed jippermetti pop-ups.
Softwer ieħor
Id-dokumenti tal-offerta jistgħu jinkludu fajls ta' Word, Excel u PDF. Biex taqra fajls PDF, jista' jkun li jkollok tniżżel Adobe Acrobat Reader.
Kif nista' niċċekkja jekk is-sistema tiegħi tissodisfax ir-rekwiżiti minimi?

Tella' dokument biex tittestjah (e.g. fajl tal-word vojt) bħala attachment mas-sottomissjoni tiegħek (“Rfx Response”) fis-sistema elettronika tal-BĊE għall-offerti.

Jekk ikollok xi waħda minn dawn il-problemi, x'aktarx li s-sistema tiegħek ma tissodisfax ir-rekwiżiti minimi:

  • id-dehra tal-interfaċċa tal-utent hi differenti mill-iscreenshots li jidhru fil-gwidi tal-BĊE għall-utenti;
  • it-tieqa biex ittella' l-attachments ma tinfetaħx.

Jekk jogħġbok ikkuntattja lill-assistent/amministratur tal-IT tiegħek jekk għandek problemi fis-sistema tiegħek.

Tagħrif importanti

Biex tevita kwalunkwe kumplikazzjoni viċin id-data tal-għeluq għas-sottomissjoni, jekk jogħġbok ħu l-passi li ġejjin:

  • Tella’ dokument bi prova direttament wara li taċċedi għad-dokumentazzjoni tas-sejħa għall-offerti, tella’ dokument bi prova bħala attachment għas-sottomissjoni tiegħek (“RFx response ”) biex tivverifika li s-sistema tal-offerti elettronika qed taħdem mingħajr xkiel fl-infrastruttura IT tiegħek.
  • Tistennix sal-aħħar minuta: issottometti d-dokumenti tiegħek kmieni, qabel id-data tal-għeluq tas-sejħa għall-offerti rispettiva. Iż-żmien li tieħu biex tiffinalizza s-sottomissjoni tiegħek u jittellgħu d-dokumenti kollha jista'’ jvarja konsiderevolment skont il-browser tiegħek, il-konnessjoni tal-internet tiegħek u d-daqs tal-fajls tiegħek (massimu 80 MB kull fajl).
  • Ibdel l-istatus tas-sottomissjoni tiegħek għal “firm” : ir-risposta tiegħek tiġi sottomessa biss b’suċċess meta l-istatus tas-sottomissjoni tiegħek (“RFx response”) ikun ġie stabbilit għal “firm” qabel l-iskadenza. Is-sistema tagħlaq l-akkwist rilevanti awtomatikament ladarba l-iskadenza għaddiet, irrispettivament minn sottomissjonijiet li għadhom qed jiġu editjati.
  • Ivverifika l-“RFx response” tiegħek jekk jogħġbok erġa' idħol fuq is-sistema elettronika tal-BĊE għall-offerti u ċċekkja jekk il-kontenut huwiex komplut u li l-istatus hu ssettjat fuq “firm”. Nagħtuk parir biex tagħmel screenshot tal-attachments li tellajt.
  • Irreġistra persuni ta’ alternattivi: l-offerenti għandhom jirreġistraw mill-inqas persuna waħda ta’ kuntatt alternattiva fis-sistema biex tiżgura li xi ħadd jista’ dejjem ikollu aċċess għall-offerta u l-komunikazzjoni, meta jkun meħtieġ. Biex toħloq il-kont ta’ kuntatt alternattiv, ara l-Kapitolu I tal-manwal ta’ gwida tal-utent tal-kont tal-fornitur.

Ċaħda

Il-BĊE mhux obbligat jagħti kuntratt bħala riżultat ta' reġistrazzjoni ta' fornitur fis-Sistema Elettronika tal-BĊE għall-Offerti jew parteċipazzjoni fi proċedura ta' offerti.