Għażliet għat-Tiftix
Home Midja Spjegazzjonijiet Riċerka u Pubblikazzjonijiet Statistika Politika monetarja L-euro Pagamenti u swieq Karrieri
Suġġerimenti
Issortja skont


Akkreditazzjoni ta’ manifattur tal-karti tal-flus

Inżommu l-ogħla standards għall-karti tal-flus tal-euro

Il-BĊE għandu d-dmir li jiżgura l-integrità tal-euro bħala mezz ta' ħlas billi japplika l-ogħla standards ta' saħħa u sikurezza, sigurtà, etika u kwalità tul il-fażijiet kollha tar-riċerka u l-iżvilupp, id-disinn, il-produzzjoni u l-provvista tal-karti tal-euro.

Għalhekk il-karti tal-euro għandhom jiġu prodotti skont standards industrijali speċifiċi, inklużi ISO 9001, ISO 14001 u ISO 45001, u għandhom jissodisfaw rekwiżiti stretti ta' sigurtà.

Il-manifatturi ta' oġġetti tal-euro għandhom ikunu akkreditati

Il-manifattura ta’ oġġetti tal-euro u ta’ oġġetti siguri tal-euro hija wkoll suġġetta għal proċedura ta’ akkreditazzjoni tal-BĊE. Manifatturi akkreditati biss jistgħu jipparteċipaw fi proċeduri ta' akkwist u jiffirmaw kuntratti għal attivitajiet relatati ma' oġġetti tal-euro u oġġetti tal-euro siguri.

Il-kundizzjonijiet ta’ din il-proċedura huma stabbiliti fid-Deċiżjoni BĊE/2020/24, li tapplika mit-18 ta’ Mejju 2021.

Oqsma ta' manifatturi akkreditati

  • Stampar ta' karti tal-flus
  • Manifattura tal-karta użata għall-karti tal-flus
  • Manifattura ta' linek għall-istampar
  • Manifattura ta' fojls olografiċi
  • Manifattura ta' fili tas-sigurtà għall-karti tal-flus
  • Manifattura ta’ oġġetti siguri oħrajn

Tagħrif ieħor dwar il-proċeduri ta’ akkreditazzjoni tal-BĊE

Għal aktar tagħrif niżżel il-Q&A dwar il-proċeduri ta’ akkreditazzjoni.

Jekk qiegħed tikkunsidra li titlob l-akkreditazzjoni

Ibgħat email b'deskrizzjoni qasira bl-Ingliż tal-prodotti li timmanifattura (massimu ta' żewġ paġni A4) lil QEHS.accreditation@ecb.europa.eu. Normalment inwieġbu fi żmien xahar.

Aħna nużaw il-kriptaġġ PGP għal komunikazzjoni sigura. Jekk jogħġbok niżżel il-PGP key of QEHS.accreditation għall-użu meta tittrasmetti informazzjoni sensittiva.

Opportunitjiet oħra għal kooperazzjoni mal-BĊE

Jekk tixtieq tipproponi karatteristiċi ta’ sigurtà jew teknoloġiji ġodda għall-produzzjoni jew l-ipproċessar tal-karti tal-flus, jekk jogħġbok ara Riċerka u żvilupp tal-karti tal-flus.

Il-paġni kollha f’din it-taqsima