European Central Bank - eurosystem
Search
Għażliet tat-Tfixxija
Paġna ewlenija Midja Spjegazzjonijiet Riċerka u Pubblikazzjonijiet Statistika Politika Monetarja L-€uro Ħlasijiet u Swieq Karrieri
Suġġerimenti
Issortja skont
Il-verżjoni bl-Ingliż ta’ din il-paġna fiha informazzjoni iżjed aġġornata.

Arti u kultura fil-BĊE

L-Unjoni Ewropea tospita firxa kbira u varjata ta' kulturi, magħmula mit-tradizzjonijiet tal-pajjiżi u r-reġjuni individwali. Fil-BĊE aħna impenjati li nippromwovu din il-varjetà ta' arti u kultura permezz tal-avvenimenti u l-inizjattivi tagħna.

Esplora l-kollezzjoni tal-arti tagħna bl-App ECB Art il-ġdida

Tista’ tniżżel l-App ECB Art il-ġdida tagħna fuq is-smartphone jew tablet tiegħek u ara l-kollezzjoni mill-kumdità ta’ darek. L-app fiha informazzjoni dwar varjetà ta’ arti u arkitettura, kif ukoll vidjows esklussivi wara l-kwinti u intervisti ma' artisti u membri tal-persunal tal-BĊE.

App għall-Google Play StoreApp għall-Apple App StoreKollezzjoni ta' arti tal-BĊE
Kollezzjoni ta' arti tal-BĊE

Il-kollezzjoni ta' arti tagħna tinkludi madwar 480 pittura, tpinġija, ritratt, skultura u oġġetti tal-arti. Qed tkompli tikber, prinċipalment permezz ta' akkwist ta' xogħlijiet tal-arti mis-serje annwali ta' wirjiet “Arti kontemporanja mill-Istati Membri tal-Unjoni Ewropea”, li kull sena fiha pajjiż differenti. Is-serje għandha l-għan li turi l-firxa varjata tal-produzzjoni artistika ta' kull pajjiż u tenfasizza wħud mill-ideat ewlenin li qed jiġu diskussi bħalissa fid-dinja tal-arti.

Mill-2015, il-kollezzjoni tagħna kompliet tikber ma’ akkwiżizzjonijiet relatati ma' temi speċifiċi. Maż-żmien, saret tirrifletti l-iżviluppi fl-arti Ewropea kontemporanja li seħħew mis-snin disgħin.

Jiem Kulturali

Il-Jiem Kulturali tal-BĊE jipprovdu opportunità biex niċċelebraw “l-unità fid-diversità” tal-Ewropa. Kull sena, huma jiffukaw fuq Stat Membru differenti tal-Unjoni Ewropea. Il-Jiem Kulturali Ewropej 2019 tagħna se jkunu ddedikati għall-identità komuni tal-Ewropa.

Tagħrif ieħor

Luminale 2018

Kellna l-pjaċir nieħdu sehem fil-Luminale tal-2018 bit-tibdil tal-faċċata tat-tramuntana tal-Grossmarkthalle storiku tagħna f'gallerija ta' arti animata tat-triq. Mit-18 sat-23 ta' Marzu l-bini tagħna nkesa b'kulur u moviment minn Urbanscreen, kumpanija artistika kollettiva u kreattiva minn Bremen, u Andreas Preis, illustratur magħruf li bħalissa jgħix u jaħdem f'Berlin.

Kif tħejjew l-affarijiet u intervisti mal-artisti Ritratti tal-avveniment Iktar fuq il-Luminale

Il-paġni kollha f’din it-taqsima