Deċiżjonijiet tal-Kunsill Governattiv tal-BĊE (flimkien mad-deċiżjonijiet li jistabbilixxu r-rati tal-imgħax)
Ottubru 2018
Sistemi ta’ ħlas u infrastruttura tas-swieq
Rendikonti finanzjarji annwali 2017 TARGET2-Securities (T2S)
Fil-5 ta' Ottubru 2018 il-Kunsill Governattiv approva l-pubblikazzjoni tar-rendikonti finanzjarji annwali 2017 T2S fil-websajt tal-BĊE.
Deċiżjoni tal-BĊE li temenda d-Deċiżjoni BĊE/2007/7 dwar il-kundizzjonijiet tat-TARGET2-BĊE
Fit-8 ta' Ottubru 2018 il-Kunsill Governattiv adotta d-Deċiżjoni BĊE/2018/24 li temenda d-Deċiżjoni BĊE/2007/7 dwar it-termini u l-kundizzjonijiet tat-TARGET2-BĊE. Id-Deċiżjoni se tiġi ppubblikata f’Il-Ġurnal Uffiċjali tal-Unjoni Ewropea u tinsab fil-websajt tal-BĊE.
Opinjonijiet dwar leġiżlazzjoni
Opinjoni tal-BĊE fuq it-twaqqif ta' database nazzjonali dwar klejms tal-assigurazzjoni fl-Irlanda
Fit-28 ta’ Settembru 2018 il-Kunsill Governattiv adotta l-Opinjoni CON/2018/43 wara talba tal-Ministru tal-Finanzi tal-Irlanda.
Opinjoni tal-BĊE dwar ir-regoli li għandhom jiġu segwiti minn istituzzjonijiet ta’ kreditu sistemikament rilevanti meta jiġu definiti politiki ta’ remunerazzjoni fissa fl-Olanda
Fit-23 ta’ Ottubru 2018 il-Kunsill Governattiv adotta l-Opinjoni CON/2018/44 wara talba tal-Ministeru tal-Finanzi tal-Olanda.
Governanza korporattiva
Rakkomandazzjoni tal-BĊE lill-Kunsill tal-Unjoni Ewropea dwar l-awdituri esterni tal-Lietuvos bankas
Fl-4 ta’ Ottubru 2018 il-Kunsill Governattiv adotta r-Rakkomandazzjoni BĊE/2018/23 lill-Kunsill tal-Unjoni Ewropea dwar l-awdituri esterni ta’ Lietuvos bankas. Ir-Rakkomandazzjoni ġiet pubblikata f'Il-Ġurnal Uffiċjali tal-Unjoni Ewropea u tinsab fil-websajt tal-BĊE.
Rakkomandazzjoni tal-BĊE lill-Kunsill tal-Unjoni Ewropea dwar l-awdituri esterni ta’ De Nederlandsche Bank
Fid-19 ta' Ottubru 2018 il-Kunsill Governattiv adotta r-Rakkomandazzjoni BĊE/2018/25 lill-Kunsill tal-Unjoni Ewropea dwar l-awdituri esterni ta’ De Nederlandsche Bank. Ir-Rakkomandazzjoni se tiġi ppubblikata f’Il-Ġurnal Uffiċjali tal-Unjoni Ewropea u fil-websajt tal-BĊE.
Superviżjoni bankarja
Prijoritajiet superviżorji tal-MSU u Valutazzjoni tar-Riskji tal-MSU għall-2019
Fit-18 ta’ Ottubru 2018 il-Kunsill Governattiv ma oġġezzjonax għal proposta tal-Bord Superviżorju biex jiġi pubblikat sommarju tal-prijoritajiet superviżorji tal-MSU u sommarju tal-Valutazzjoni tar-Riskji tal-MSU għall-2019. Is-sommarji se jiġu ppubblikati fil-websajt tas-superviżjoni bankarja tal-BĊE.
Bank Ċentrali Ewropew
Direttorat Ġenerali Komunikazzjoni
- Sonnemannstrasse 20
- 60314 Frankfurt am Main, il-Ġermanja
- +49 69 1344 7455
- media@ecb.europa.eu
Ir-riproduzzjoni hija permessa sakemm jissemma s-sors.
Kuntatti għall-midja