STQARRIJA GĦALL-ISTAMPA
Deċiżjonijiet dwar il-politika monetarja
15 ta' Jannar 2009
Fil-laqgħa tal-lum, li saret fi Brussell, il-Kunsill Governattiv tal-BĊE ħa d-deċiżjonijiet li ġejjin dwar il-politika monetarja:
- Ir-rata tal-imgħax fuq l-operazzjonijiet ewlenin ta’ rifinanzjament tal-Eurosistema se tonqos b’50 punt bażi għal 2.00% b’seħħ mill-operazzjoni li għandha tiġi regolata fil-21 ta’ Jannar 2009.
- Ir-rata tal-imgħax fuq il-faċilità tas-self marġinali se tiġi stabbilita fil-livell ta’ 3.00% b’seħħ mill-21 ta’ Jannar 2009.
- Ir-rata tal-imgħax fuq il-faċilità tad-depożitu se tiġi stabbilita fil-livell ta’ 1.00% b’seħħ mill-21 ta’ Jannar 2009.
Dawn id-deċiżjonijiet jaqblu mad-deċiżjoni tal-Kunsill Governattiv tat-18 ta’ Diċembru 2008 li jreġġa’ lura l-wisa’ tal-faxxa tar-rati tal-faċilità permanenti madwar ir-rata tal-imgħax fuq l-operazzjoni ewlenija ta’ rifinanzjament għal 200 punt bażi.
Il-President tal-BĊE se jagħti l-kummenti tiegħu dwar ir-raġunijiet li wasslu għal dawn id-deċiżjonijiet f’konferenza għall-istampa li tibda llum fis-2.30 CET ta’ wara nofsinhar.
Għall-kliem eżatt miftiehem mill-Kunsill Governattiv, jekk jogħġbok ara l-verżjoni bl-Ingliż.
KUNTATT
Bank Ċentrali Ewropew
Direttorat Ġenerali Komunikazzjoni
- Sonnemannstrasse 20
- 60314 Frankfurt am Main, il-Ġermanja
- +49 69 1344 7455
- media@ecb.europa.eu
Ir-riproduzzjoni hija permessa sakemm jissemma s-sors.
Kuntatti għall-midja