Dikjarazzjoni ta’ privatezza

Il-BĊE hu marbut li jħares il-privatezza tal-utent. Jipproċessa d-dejta personali tiegħek biss għall-finijiet deskritti hawn taħt u ma jxandarhiex għal skopijiet kummerċjali.

L-informazzjoni personali kollha tiġi proċessata skont il-liġijiet dwar il-protezzjoni tad-dejta u r-regoli tal-BĊE dwar is-sigurtà u l-kunfidenzjalità tat-teknoloġija tal-informatika.

Min huwa responsabbli għad-data personali tiegħek?

Il-BĊE huwa l-kontrollur tad-dejta u d-Direttorat Ġenerali tal-Komunikazzjonijiet huwa responsabbli għall-ipproċessar tad-dejta personali. Persunal dedikat tal-BĊE biss ikollu aċċess għad-dejta personali tiegħek.

X’informazzjoni jiġbor il-BĊE permezz ta’ dan is-sit u għal liema raġuni?

Cookies

Cookies huma bċejjeċ żgħar ta' dejta li jibgħat server ta' websajt lill-brawżer tal-kompjuter tiegħek. Il-brawżer jgħarraf lis-server meta terġa żżur dak is-sit partikolari. Il-cookies jgħinuna naħżnu l-preferenzi u x-xejriet tal-użu tal-utenti fuq bażi aggregata u ntejbu l-esperjenza tal-utent.

Cookies: Mhux aċċettati

Cookies funzjonali

B'dawn il-cookies inkunu nistgħu ntejbu l-użabilità u l-prestazzjoni ta' din il-websajt billi jippermettulha tiftakar għażliet u personalizzazzjonijiet li tagħmel matul iż-żjara tiegħek, bħal-lingwa preferuta tiegħek.

Cookie tal-prestazzjoni

Dawn il-cookies jiġbru informazzjoni dwar kif tuża l-websajt tagħna u jgħinuna, pereżempju, biex nifhmu x'interessa l-utenti tagħna u nkejlu kemm hi effettiva l-komunikazzjoni tagħna. B'dan il-mod, nistgħu nadattaw il-kontenut tal-websajt tagħna b'mod aktar speċifiku għall-ħtiġijiet tiegħek u b'hekk intejbu dak li noffrulek, pereżempju billi niżguraw li tista' faċilment issib dak li qed tfittex. Dawn il-cookies tal-prestazzjoni jinkludu, pereżempju, dawk stabbiliti mill-pjattaformi tal-media soċjali u dawk użati minn Google Analytics.

Google Analytics huwa servizz estern li niddependu fuqu biex inwasslu statistiki dwar l-użu tal-websajt. L-informazzjoni illoggjata li tinġabar mis-servers tal-BĊE tintbagħat ukoll lis-servers imħaddma minn Google (li jistgħu jkunu barra l-Unjoni Ewropea) u tintuża biex jipprovdi lill-BĊE bi statistika aggregata fuq l-għadd ta’ żjarat u kemm wieħed idum, ix-xejriet fl-użu, is-sorsi tat-traffiku, id-demografiċi tal-utent u t-tiftix li jsir f’dan is-sit.

Niġbru din id-dejta biex insegwu n-numru ta' viżitaturi fid-diversi partijiet tas-sit, immexxu t-traffiku tal-viżitaturi u ntejbu l-funzjonalità u l-użabilità. Aħna ma nidentifikawx viżitaturi individwali u nirċievu dejta aggregata anonimizzata.

Google għandu l-politika tiegħu fejn tidħol il-privatezza. Google stess jiċċertifika l-konformità mal-qafas "Privacy Shield" tal-UE u l-Istati Uniti, żviluppat mid-Dipartiment tal-Kummerċ Amerikan b’konsultazzjoni mal-Kummissjoni Ewropea biex jissodisfa l-istandard tal-"adegwatezza" Ewropea għall-ħarsien tal-privatezza.

Google Analytics
Politika tal-Privatezza ta' Google
Ċertifikazzjoni ta' Privacy Shield

Cookies ta' terzi oħrajn

Ċerti karatteristiċi ta' terzi fuq il-websajts tagħna jeħtieġu il-cookies. Pereżempju, meta video player jew kontenut tal-midja soċjali jkun inkorporat fuq paġna, jista' jħalli cookies. Dawn il-karatteristiċi se jkunu diżattivati jekk ma taċċettawx l-użu tal-cookies.

Informazzjoni llogjata

Is-servers jirrikordjaw awtomatikament l-informazzjoni li jibgħatlek il-brawżer meta żżur websajt. Dawn ir-reġistrazzjonijiet (logs) jistgħu jinkludu tagħrif bħad-data u l-ħin taż-żjarat tiegħek, l-indirizz tal-Internet Protokol tiegħek, it-tip, il-lingwa u d-daqs tal-iskrin tal-brawżer, u cookie waħda jew iżjed li jidentifikaw il-brawżer tiegħek. Tali reġistrazzjonijiet jinħażnu għal massimu ta' għaxar xhur u mbagħad jitħassru. L-informazzjoni li jiġbor il-BĊE tintuża biss biex tinġabar l-istatistika fuq bażi aggregata dwar l-użu ta’ dan is-sit u għall-finijiet ta' manutenzjoni u s-sigurtà.

Informazzjoni personali mibgħuta permezz tas-sit jew b’imejl

Aħna niġbru aktar dejta personali bil-kunsens tiegħek biss, bħal indirizz elettroniku jekk tixtieq tabbona f'lista postali. Il-paġni rilevanti jipprovdu aktar informazzjoni dwar id-dejta personali li niġbru.

Il-bażi legali għall-ipproċessar tad-dejta personali

Id-dejta personali tinġabar u tiġi pproċessata mill-BĊE abbażi tal-kunsens tiegħek. Tista' tirtira l-kunsens tiegħek meta trid. Ladarba tkun irtirajt il-kunsens tiegħek id-dejta personali tiegħek ma tibqax tiġi pproċessata iżda l-ipproċessar preċedenti jibqa' legali.

Drittijiet tas-suġġetti tad-dejta

Inti għandek id-dritt ta' aċċess u tirranġa d-dejta personali tiegħek, biex tirrestrinġi l-ipproċessar tad-dejta tiegħek u, taħt ċerti kundizzjonijiet, titlob li d-dejta tiegħek titħassar.

Tista' teżerċita d-drittijiet tiegħek billi tikkuntattja lid-Direttorat Ġenerali tal-Komunikazzjonijiet fiwebmaster@ecb.europa.eu. Jekk ikollok aktar mistoqsijiet, tista' tindirizza wkoll lill-Kontrollur tal-BĊE għall-Protezzjoni tad-Dejta (dpo@ecb.europa.eu).

Barra minn hekk, għandek id-dritt li tikkuntattja lis-Superviżur Ewropew dwar il-Protezzjoni tad-Dejta meta trid dwar l-ipproċessar ta dejta personali tiegħek.