STQARRIJA GĦALL-ISTAMPA
Deċiżjonijiet dwar il-Politika Monetarja
1 ta' Diċembru 2005
Fil-laqgħa ta’ llum il-Kunsill Governattiv tal-BĊE ħa d-deċiżjonijiet li ġejjin dwar il-politika monetarja:
- Ir-rata minima ta’ l-offerti fuq l-operazzjonijiet ewlenin ta’ rifinanzjament ta’ l-Eurosistema se tiżdied b’0.25 ta’ punt perċentwali għal 2.25% u dan jibda jseħħ mill-operazzjoni li għandha tiġi regolata fis-6 ta’ Diċembru 2005.
- Ir-rata ta’ l-imgħax fuq il-faċilità ta’ self marġinali se tiżdied b’0.25 ta’ punt perċentwali għal 3.25%, b’seħħ mis-6 ta’ Diċembru 2005.
- Ir-rata ta’ l-imgħax fuq il-faċilità tad-depożitu se tiżdied b’0.25 ta’ punt perċentwali għal 1.25%, b’seħħ mis-6 ta’ Diċembru 2005.
Il-President tal-BĊE se jagħti l-kummenti tiegħu dwar ir-raġunijiet li wasslu għal dawn id-deċiżjonijiet f’konferenza għall-istampa li tibda llum fis-2.30 ta’ wara nofsinhar.
Għall-kliem eżatt miftiehem mill-Kunsill Governattiv, jekk jogħġbok ara l-verżjoni bl-Ingliż.
KUNTATT
Bank Ċentrali Ewropew
Direttorat Ġenerali Komunikazzjoni
- Sonnemannstrasse 20
- 60314 Frankfurt am Main, il-Ġermanja
- +49 69 1344 7455
- media@ecb.europa.eu
Ir-riproduzzjoni hija permessa sakemm jissemma s-sors.
Kuntatti għall-midja