Daqqa t’għajn lejn l-istqarrija dwar il-politika monetarja tagħna - Ġunju 2026
X’iddeċidejna?
Żidna r-rati ewlenin tal-imgħax tagħna b’0.25 punti perċentwali
Għamilna dan minħabba li l-gwerra fil-Lvant Nofsani qiegħda tgħolli l-prezzijiet. Irridu li l-inflazzjoni tistabbilizza għal 2 % fuq perjodu ta’ żmien medju. Id-deċiżjoni tħallina f’pożizzjoni tajba biex inkampaw sew mal-inċertezza kkawżata mill-gwerra.
X’qed jiġri fl-ekonomija?
Il-gwerra fil-Lvant Nofsani qed ikollha l-effetti tagħha fuq l-ekonomija...
Prezzijiet ferm ogħla tal-enerġija qed inaqqru mill-introjtu tan-nies. Huma inkwetati dwar il-futur u huma kawti fl-infiq tagħhom. In-negozji huma inqas fiduċjużi u qed jinvestu inqas.
...iżda l-ekonomija xorta kibret
Il-kumpaniji qed jaħżnu dejjem iktar f’każ li l-materjali u t-tagħmir jieħdu iktar żmien biex jaslu jew jiġu jiswew aktar. Qed ikomplu jinvestu fit-teknoloġija diġitali. Għadhom jinħolqu impjiegi ġodda, iżda mhux daqs kemm kienu jinħolqu qabel. B’mod ġenerali, l-ekonomija qed tonqos, speċjalment is-servizzi.
Il-gwerra qed tkompli żżid l-inflazzjoni
L-enerġija hija ferm aktar għalja. Id-ditti qed iħallsu kostijiet ogħla u issa bdew jgħadduhom lil oħrajn. Dan se jżid il-prezzijiet tal-ikel, tal-oġġetti u tas-servizzi. L-inflazzjoni se togħla ulterjorment tul is-sajf u se tibqa’ ferm ‘il fuq mill-mira tagħna ta’ 2 % fis-sena li jmiss.
Kif naraw l-ekonomija tiżviluppa?
Nistennew li l-ekonomija tikber aktar bil-mod din is-sena qabel tirkupra
Il-projezzjonijiet għat-tkabbir taż-żona tal-euro fl-2026 u fis-snin li ġejjin
(projezzjonijiet minn Ġunju 2026)
Nistennew li l-inflazzjoni tkun ferm ogħla mill-mira tagħna din is-sena qabel ma gradwalment terġa’ tinżel.
Il-projezzjonijiet għall-inflazzjoni taż-żona tal-euro fl-2026 u fis-snin li ġejjin
(projezzjonijiet minn Ġunju 2026)
Ħares lejn id-dettalji
DEĊIŻJONIJIET DWAR IL-POLITIKA MONETARJA
Dan huwa dak li ddeċieda l-Kunsill Governattiv dwar ir-rati tal-imgħax u l-istrumenti tal-BĊE fl-aħħar laqgħa tiegħu.
Stqarrija għall-istampaSTQARRIJA TAL-POLITIKA MONETARJA
Aqra l-ispjegazzjoni tagħna tar-raġunijiet wara l-aħħar deċiżjonijiet dwar il-politika monetarja.
Stqarrija tal-politika monetarja