Daqqa t’għajn lejn l-istqarrija dwar il-politika monetarja tagħna - April 2022
X'inhuma l-punti ewlenin?
Il-gwerra fl-Ukraina qiegħda tolqot b’mod sever lill-ekonomija
Fil-futur qrib, l-ekonomija se tikber aktar bil-mod. Prezzijiet għoljin ħafna għall-enerġija u l-materja prima qed iżommu lura l-produzzjoni u jnaqqsu l-poter ta’ akkwist tan-nies.
Hemm inċertezza kbira dwar il-futur qrib
Dan jagħmel lill-konsumaturi u lin-negozji inqas kunfidenti.
Il-gwerra qed toħloq konġestjonijiet ġodda fil-provvista
Dawn iżidu mad-diffikultajiet għall-ktajjen tal-provvista kkawżati minn miżuri pandemiċi riċenti fl-Asja. Dan qed ifixkel il-produzzjoni f'xi setturi.
Iżda l-ftuħ mill-ġdid wara l-fażi tal-kriżi tal-pandemija qed jappoġġa l-ekonomija
Ħafna min dawk li jħaddmu qed ifittxu ħaddiema u aktar nies għandhom impjiegi u dħul x'jonfqu. It-tfaddil tan-nies matul il-pandemija u l-appoġġ tal-gvern jgħinu wkoll lill-ekonomija.
L-inflazzjoni żdiedet b’mod sinifikanti u se tibqa’ għolja fix-xhur li ġejjin
Il-prezzijiet tal-enerġija huma bil-bosta l-aktar raġuni importanti għal dan. Iżda l-prezzijiet għall-ikel u għal firxa wiesgħa ta’ oġġetti u servizzi qed jiżdiedu wkoll.
X’iddeċidejna?
Il-politika tagħna trid tibqa’ flessibbli u żżomm l-għażliet miftuħin.
Kwalunkwe bidla se tiddependi fuq kif tevolvi l-ekonomija u kif nivvalutaw il-prospetti. Nistennew li nikkonkludu xiri ta' assi nett taħt il-programm ta’ xiri ta’ assi.
Ħares lejn id-dettalji
DEĊIŻJONIJIET DWAR IL-POLITIKA MONETARJA
Hawn hu dak li ddeċieda l-Kunsill Governattiv dwar ir-rati tal-imgħax u l-istrumenti tal-BĊE fl-aħħar laqgħa tiegħu.
Stqarrija għall-istampaSTQARRIJA TAL-POLITIKA MONETARJA
Aqra l-ispjegazzjoni tagħna tar-raġunijiet wara l-aħħar deċiżjonijiet dwar il-politika monetarja.
Stqarrija tal-politika monetarja