Għażliet tat-Tfixxija
Paġna ewlenija Midja Spjegazzjonijiet Riċerka u Pubblikazzjonijiet Statistika Politika Monetarja L-€uro Ħlasijiet u Swieq Karrieri
Suġġerimenti
Issortja skont
STQARRIJA GĦALL-ISTAMPA

Deċiżjonijiet tal-politika monetarja

26 ta’ April 2018

Fil-laqgħa tal-lum il-Kunsill Governattiv tal-BĊE ddeċieda li r-rata tal-imgħax tal-operazzjonijiet ewlenin ta’ rifinanzjament u r-rati tal-imgħax fuq il-faċilità tas-self marġinali u l-faċilità tad-depożitu se jibqgħu kif kienu fil-livell ta’ 0.00%, 0.25% u -0.40% rispettivament. Il-Kunsill Governattiv għadu jipprevedi li r-rati tal-imgħax ewlenin se jibqgħu fil-livelli attwali għal perijodu estiż ta’ żmien, u sew wara li jintemm il-perijodu tal-akkwist nett ta’ assi.

Għal dawk li huma miżuri straordinarji tal-politika monetarja, il-Kunsill Governattiv jikkonferma li x-xiri nett ta’ assi bir-rata attwali ta’ €30 biljun fix-xahar se jibqa’ jsir sal-aħħar ta’ Settembru 2018, jew wara, jekk ikun meħtieġ, u f’kull każ sakemm il-Kunsill Governattiv jara aġġustament sostnut fix-xejra tal-inflazzjoni li tkun konsistenti mal-għan tiegħu dwar l-inflazzjoni. L-Ewrosistema se terġa’ tinvesti l-pagamenti ewlenin mit-titoli li mmaturaw u li kienu nxtraw taħt il-programm ta’ xiri ta’ assi, għal perijodu estiż ta’ żmien wara t-tmiem tax-xiri nett ta’ assi, u f’kull każ sakemm dan ikun meħtieġ. Dan se jikkontribwixxi kemm għal kundizzjonijiet favorevoli ta’ likwidità kif ukoll għal orjentament xieraq tal-politika monetarja.

Il-President tal-BĊE se jagħti l-fehmiet tiegħu dwar ir-raġunijiet li wasslu għal dawn id-deċiżjonijiet f’konferenza stampa li tibda fis-14:30 CET illum.

Għall-kliem eżatt miftiehem mill-Kunsill Governattiv, jekk jogħġbok ara l-verżjoni bl-Ingliż.

KUNTATT

Bank Ċentrali Ewropew

Direttorat Ġenerali Komunikazzjoni

Ir-riproduzzjoni hija permessa sakemm jissemma s-sors.

Kuntatti għall-midja