European Central Bank - eurosystem
European Central Bank - eurosystem
Search
Għażliet tat-Tfixxija
Paġna ewlenija Midja Spjegazzjonijiet Riċerka u Pubblikazzjonijiet Statistika Politika Monetarja L-€uro Ħlasijiet u Swieq Karrieri
Suġġerimenti
Issortja skont

Id-disparità bejn il-ġeneri fil-litteriżmu finanzjarju

Aħna, fil-BĊE, ninsabu impenjati li nindirizzaw id-disparità bejn il-ġeneri fil-litteriżmu finanzjarju u li ntejbu l-edukazzjoni finanzjarja b'mod ġenerali. Mill-ibbaġitjar u t-tfaddil għax-xiri u l-investiment, li tifhem kif jaħdmu l-flus jista’ jagħtik is-setgħa li tieħu deċiżjonijiet infurmati fil-ħajja ta’ kuljum.

Huwa għalhekk li nagħmlu ħilitna biex nagħmlu l-ekonomija aċċessibbli u faċli biex tinftiehem. F'din il-paġna, tista’ ssir taf aktar dwar affarijiet bħar-rati tal-imgħax u l-inflazzjoni, b'mod ċar u relatabbli, u din tgħinek issir aktar kunfidenti dwar il-futur finanzjarju tiegħek.

Wieħed minn kull ħames Ewropej għandu livell għoli ta’ litteriżmu finanzjarju.

15 % biss tan-nisa jaqgħu f’din il-kategorija meta mqabbla ma’ 27 % tal-irġiel, u dan jenfasizza d-differenza bejn il-ġeneri fil-litteriżmu finanzjarju u fil-fehim tal-finanzi personali.

Għaliex il-litteriżmu finanzjarju u l-edukazzjoni finanzjarja huma importanti għan-nisa


In-nisa fl-Ewropa jaqilgħu medja ta’ 12.7% inqas
In-nisa għandhom 80 % aktar ċans li jirtiraw fil-faqar
In-nisa huma inqas irrappreżentati fir-rwoli ta’ tmexxija
Huwa inqas probabbli li n-nisa jitolbu żieda
  1. Sors tal-infografika: Rhoades, A. (2024 Marzu 08). Women and financial literacy: Closing the gender gap.

Ifhem il-punti bażiċi


Nibdew bil-punti bażiċi: dawn il-kunċetti sempliċi se jgħinuk tifhem kif jaħdmu l-flus u se jgħinuk biex tieħu deċiżjonijiet b’kunfidenza fil-finanzi tiegħek ta’ kuljum. 


Tfaddil u nfiq

Sir af kif timmaniġġja flusek minn jum għal jum u kif tippjana bil-quddiem.

Teħid ta’ self

Ifhem kif jaħdem it-teħid ta’ self, minn selfiet għal rati tal-imgħax.

Investiment

Esplora modi differenti biex tinvesti u żżid l-ammont ta’ flus tiegħek maż-żmien.

Sir af kif timmaniġġja s-sitwazzjonijiet ta’ kuljum


Dawn l-eżempji ta’ malajr juru kif id-deċiżjonijiet ta’ kuljum dwar il-flus jistgħu jiżvolġu fil-ħajja reali, minn meta tirċievi l-ewwel salarju tiegħek sal-ippjanar għall-futur tiegħek.


Sofia, 22, għadha kif bdiet l-ewwel impjieg tagħha

Sofia bdiet l-ewwel impjieg tagħha u tonfoq il-biċċa l-kbira tas-salarju tagħha fuq xiri u ħruġ. Hija tieħu pjaċir li għandha l-introjtu tagħha stess iżda ma bdietx taħseb biex tfaddal jew biex tippjana għall-quddiem.

Leila, ta' 19-il sena, studenta fuq baġit strett

Leila tixtieq tfaddal, iżda l-ispejjeż mhux mistennija jibqgħu ġejjin. Hija mhijiex ċerta fuq kemm għandha twarrab jew kif tippjana għall-quddiem bil-ftit flus li għandha.

Anna, ta’ 25 sena, għandha xi tfaddil iżda żżommu fil-kont bankarju tagħha

Anna semgħet li billi tinvesti, flusha jistgħu jiżdiedu, iżda tħoss li dan huwa riskjuż u kkumplikat. Hija tinkwieta li titlef il-flus u ma tafx minn fejn tibda.

Maya, 30, tieħu self biex tkopri spiża

Maya tiffoka fuq l-ammont tar-ripagament li trid tagħmel kull xahar iżda ma tifhimx għal kollox kif jaħdem l-imgħax jew x’se tkun l-ispiża totali. Aktar tard, hija tintebaħ li qed tħallas lura ħafna aktar milli kienet qed tistenna.

Rita, ta' 33 sena, tiddependi fuq ħabibtha għall-pariri

Rita ma tifhimx għal kollox l-affarijiet li għandhom x’jaqsmu mal-flus u tiddependi fuq ħabibtha għall-pariri. Hija tafda l-ġudizzju ta’ ħabibtha iżda tixtieq tħossha kunfidenti tieħu d-deċiżjonijiet finanzjarji tagħha stess.

 Ħrejjef komuni dwar il-flus

Ismagħna niddemistifikaw ħsibijiet komuni dwar il-flus. Uża l-links hawn taħt jekk hemm xi suġġetti li tixtieq issir taf aktar dwarhom.

Dejjem hija idea tajba li tixtri issa u tħallas aktar tard?
Sir af kif timmaniġġja l-infiq tiegħek
Is-self kollu huwa l-istess?
Sir af dwar it-teħid ta’ self
Il-flus tiegħek huma aktar sikuri jekk ma tinvestihomx?
Sir af dwar l-investimenti
Pensjonijiet… minn fejn nista’ nibda?
Sir af dwar il-pensjonijiet
Għandi nħalli d-deċiżjonijiet finanzjarji f'idejn xi ħadd ieħor?
Sir af dwar kif timmaniġġja l-finanzi tiegħek stess
Għadu kmieni wisq biex taħseb dwar l-irtirar?
Sir af dwar l-irtirar
Kif nista' ninduna bi scam fuq l-internet?
Sir af dwar kif tibqa’ sikur(a) online

Isma’ l-episodji tal-podcast tagħna dwar id-disparità bejn il-ġeneri fil-litteriżmu finanzjarju


Ħu r-riedni tal-futur finanzjarju tiegħek f’idejk: Nitkellmu ma' Christine Lagarde.
Attenti mid-disparità: il-ġeneru u l-litteriżmu finanzjarju

Il-paġni kollha f’din it-taqsima