Taighde agus Foilseacháin
Tacaímid le ceapadh beartas trí thaighde eacnamaíoch
Déanaimid taighde eacnamaíoch ar raon leathan ábhar. Cuidíonn sé sin leis an gceapadh beartas a fheabhsú, agus dá bhrí sin cuireann sé le folláine gach duine san Eoraip.
Feasachán Eacnamaíoch
Cuireann an Feasachán Eacnamaíoch faisnéis atá mar bhunús ag na cinntí a dhéanann an Banc Ceannais Eorpach maidir le beartas airgeadaíochta in iúl. Eisímid Feasachán Eacnamaíoch ocht n-uaire in aghaidh na bliana i ndiaidh gach cruinniú ar bheartas airgeadaíochta. Tá léargas ar an ngeilleagar agus ar cad atá i ndán dó le fáil ann.
Léigh an Feasachán Eacnamaíoch is déanaí uainnFeasachán Taighde
Tá rogha oibre a rinne eacnamaithe de chuid an Bhainc Ceannais Eorpaigh le déanaí le fáil san Fheasachán Taighde. Foilsítear é ar bhonn míosúil agus cumhdaítear raon leathan ábhar eacnamaíoch agus airgeadais ann.
Léigh an Feasachán TaighdeTuarascáil Bhliantúil
Déantar cur síos ar chúraimí agus gníomhaíochtaí an Bhainc Ceannais Eorpaigh sa Tuarascáil Bhliantúil. Cuireann duine de chomhaltaí Bhord Feidhmiúcháin an Bhainc Ceanais Eorpaigh an Tuarascáil faoi bhráid chomhaltaí Pharlaimint na hEorpa. Is féidir leat gach ar tharla i gcaitheamh na bliana a fheiceáil in aon sracfhéachaint amháin nó breathnú ar fhigiúirí tábhachtacha a bhaineann leis an eacnamaíocht.
Léigh Tuarascáil Bhliantúil an Bhainc Ceannais Eorpaigh do 2020Athbhreithniú ar Chobhsaíocht Airgeadais
Déantar anailís ar rioscaí féideartha don chobhsaíocht airgeadais sa limistéar euro san Athbhreithniú ar Chobhsaíocht Airgeadais. Tá cobhsaíocht airgeadais ríthábhachtach dúinn mar tá sé ar cheann amháin de na nithe atá de dhíth chun boilsciú seasta a chinntiú.
Léigh ár nAthbhreithniú ar Chobhsaíocht AirgeadaisDoiciméid oibre
Roinntear taighde eacnamaíoch a bhaineann le cúraimí an Bhainc Ceannais inár ndoiciméid oibre. Foilsímid iad chun plé a spreagadh.
Léigh na doiciméid oibre is déanaí uainnÁr dtaighdeoirí
Déanann ár dtaighdeoirí anailís ardleibhéil ar raon leathan ábhar a bhaineann leis an obair a dhéanann an Banc Ceannais Eorpach. Cuireann a gcuid oibre bunchloch ar fáil do chinntí an Bhainc Ceannais Eorpaigh i ngach réimse beartais. Faigh tuilleadh eolais faoi na taighdeoirí sin, cé hiad féin agus cad atá idir lámha acu.
Ár dtaighdeoiríAR MHAITH LEAT TUILLEADH A FHOGHLAIM?
CAITH SIÚL AR ÁR BHFOILSEACHÁIN
Deiseanna do thaighdeoirí
Oibrigh leis an mBanc Ceannais Eorpach
Má tá suim agat taighde a dhéanamh ag an mBanc Ceannais Eorpach, bíonn deiseanna fostaíochta spreagúla agus dúshlánacha á dtairiscint againn le haghaidh eacnamaithe taighde, mar aon le tréimhsí oiliúna do mhic léinn, agus comhaltachtaí do thaighdeoirí óga agus do scoláirí.
Fiosraigh na comhaltachtaí agus na deiseanna eile atá á dtairiscint againnLíonraigh linn
Stiúrann agus comhordaíonn an Banc Ceannais Eorpach taighde trí roinnt líonraí éagsúla d’fhonn léargas a fháil chun tacú lenár gcinnteoireacht.
Caith súil ar ár líonraí taighde