Tabhair cuairt orainn
Déanaimid ár ndícheall a bheith trédhearcach, inrochtana agus intuigthe do gach saoránach
Tá Ionad Cuairteoirí an Bhainc Ceannais Eorpaigh lonnaithe inár bpríomhfhoirgneamh in Frankfurt am Main na Gearmáine. Is féidir leat tuilleadh a fhoghlaim faoi ról agus faoi fhreagrachtaí an Bhainc Ceannais Eorpaigh ar bhealach idirghníomhach ach cuairt a thabhairt orainn. Is féidir leat tuiscint níos fearr a fháil freisin ar an tionchar a bhíonn ag ár gcinntí ar do shaol laethúil.
Cén fáth a bhfuil sé tábhachtach go gcoimeádtar praghsanna cobhsaí agus cén tionchar a bhíonn aige sin ar do chumhacht ceannaigh? Conas is féidir linn a chinntiú go bhfuil do chuid coigiltis sábháilte i do bhanc? Cad iad na príomhéachtaí a baineadh amach leis an euro?
An bhfuil spéis agat tuilleadh a fhoghlaim? Féach ar na gníomhaíochtaí a bhíonn ar siúl inár nIonad Cuairteoirí
Gníomhaíochtaí ar an láthair
Turais ar an Ionad Cuairteoirí
Le linn na dturas ar an Ionad Cuairteoirí, tugtar forléargas do chuairteoirí ar róil agus ar fhreagrachtaí an Bhainc Ceannais Eorpaigh. Bíonn gnéithe idirghníomhacha, físeáin agus seisiúin ceisteanna i gceist sna turais 60 nóiméad seo a bhíonn á reáchtáil ag foireann an Bhainc Ceannais Eorpaigh. Níl aon chostas ag baint le turais ar an láthair.
Iarr turas ar an láthairLéachtaí ó shaineolaithe
Tá léachtaí ar an láthair faoi ábhair ar leith (beartas airgeadaíochta, an euro, maoirseacht baincéireachta, etc.) dírithe ar ghrúpaí a bhfuil tuiscint mhaith acu ar shainordú an Bhainc Ceannais Eorpaigh. Níl aon chostas ag baint lenár léachtaí 60 nóiméad agus is féidir le grúpaí de 15 dhuine nó níos mó freastal orthu.
Iarr léacht ar an láthairTurais ar an bPríomhfhoirgneamh
Má ghlacann tú páirt i gceann dár dturais, taispeánfaimid páirteanna éagsúla de phríomhfhoirgneamh an Bhainc Ceannais Eorpaigh duit, agus machnamh á dhéanamh againn ar a chuid staire agus ar a chuid ailtireachta. Tabharfaimid léargas duit freisin ar a bhfuil i gceist le bheith ag obair anseo.
Gníomhaíochtaí fíorúla
Cur i láthair fíorúil ar an Ionad Cuairteoirí
Inár gcur i láthair fíorúil ar an Ionad Cuairteoirí, atá 60 nóiméad ar fhad, tugtar forbhreathnú ar róil agus ar fhreagrachtaí an Bhainc Ceannais Eorpaigh. Glactar le ceisteanna mar chuid díobh. Níl aon chostas ag baint lenár gcur i láthair fíorúil ar an Ionad Cuairteoirí.
Iarr cur i láthair fíorúilLéachtaí fíorúla ó shaineolaithe
Tá léachtaí fíorúla faoi ábhair ar leith (beartas airgeadaíochta, an euro, maoirseacht baincéireachta, etc.) dírithe ar ghrúpaí a bhfuil tuiscint mhaith acu ar shainordú an Bhainc Ceannais Eorpaigh. Níl aon chostas ag baint leis na léachtaí fíorúla 60 nóiméad seo.
Iarr léacht fhíorúilTuras ‘‘Google street view’’ ar Ionad Cuairteoirí an Bhainc Ceannais Eorpaigh
Déan an turas fíorúil agus féach ar an ionad cuairteoirí cibé áit a bhfuil tú ar domhan!