Sracfhéachaint ar ár ráiteas beartais airgeadaíochta - Iúil 2026
Cad a chinneamar?
Ní dhearna muid athrú ar bith ar ár n-eochair-rátaí úis
Táimid i riocht maith le dul i ngleic leis an éiginnteacht atá ann de thoradh na coinbhleachta sa Mheánoirthear.
Cad atá ag tarlú sa gheilleagar?
Tá an-éiginnteacht ann mar gheall ar an gcoinbhleacht sa Mheánoirthear
Tá praghsanna arda fuinnimh ag cur isteach ar fhás an gheilleagair. Tá gnólachtaí faichilleach agus ag cur lena bhfardail.
Tá an geilleagar ag éirí go maith go dtí seo
Tá post ag go leor daoine agus airgead le caitheamh acu. Tá cuideachtaí ag infheistiú tuilleadh i dteicneolaíochtaí digiteacha agus san intleacht shaorga. Tá rialtais ag caitheamh airgead ar chosaint agus ar bhonneagar.
Tháinig laghdú beag ar an mboilsciú
Tá praghsanna fuinnimh, bia agus earraí ag ardú níos moille ná mar a bhí roimhe seo. Tá an ráta méadaithe pá ag maolú. Ach tá na héifeachtaí iomlána a bhíonn ag na méaduithe géara ar phraghsanna fuinnimh le feiceáil fós.
Tá costais fhuinnimh níos airde ag cur le praghsanna eile
Tá roinnt ionchur atá ag teastáil ag gnólachtaí ag éirí níos costasaí. Tá cuideachtaí ag dréim le praghsanna dá n-earraí agus seirbhísí a ardú.
Tá daoine níos faichillí maidir le morgáistí a thógáil amach
Tá na bainc níos cúramaí maidir le creidmheas a thabhairt freisin.
Féach ar na mionsonraí
CINNTÍ BEARTAIS AIRGEADAÍOCHTA
Seo an méid a chinn an Chomhairle Rialaithe faoi rátaí úis agus ionstraimí eile an Bhainc Ceannais Eorpaigh ag a cruinniú deireanach.
PreasráiteasRÁITEAS BEARTAIS AIRGEADAÍOCHTA
Léigh ár míniú ar na cúiseanna atá leis na cinntí beartais airgeadaíochta is déanaí.
Ráiteas beartais airgeadaíochta