An bhearna inscne sa litearthacht airgeadais

Téann tú chuig an ollmhargadh agus tuigeann tú go bhfuil na praghsanna ag méadú. Cén chúis atá leis seo?

Boilsciú is cúis leis. Ardaíonn praghsanna nuair a thagann méadú ar chostais fuinnimh, iompair nó táirgthe.

In BCE, oibrímid chun smacht a choinneáil ar an mboilsciú ionas go mbeidh praghsanna cobhsaí.

Tá tú ag cur airgid ar leataobh, ach mothaíonn sé go bhfuil do chuid choigiltis ag cailleadh a luacha. Cén chúis atá leis seo?

Is iad na rátaí úis a shocraíonn a thapúla a fhásann coigilteas. Más airde an boilsciú ná an ráta úis, téann cumhacht cheannaigh do chuid airgid i léig le himeacht ama. Ciallaíonn sé sin nach féidir leat an oiread a cheannach leis an méid céanna airgid.

Tá tú ag cuimhneamh ar fhón nua a cheannach trí bhíthin plean íocaíochta faoinar féidir leat méid beag a íoc gach mí.

Ach má tá a lán de na fiacha beaga sin ort – agus go háirithe má tá fiacha níos mó ort freisin – b’fhéidir go rachfá i bhfostú i ndeacrachtaí airgeadais. Ach buiséadú cúramach a dhéanamh, d’fhéadfá deimhniú a fháil ar an méid atá tú in acmhainn a íoc. 

Bainistíonn do pháirtí do chuid airgid agus níl baint agat féin le cinntí airgeadais.

Má fhágann tú an bainistiú airgid agus cúrsaí airgeadais faoi do chéile nó do pháirtí – nó faoi dhuine ar bith eile – d’fhéadfá a bheith i staid leochaileach. D’fhéadfadh mí-úsáid eacnamaíoch a bheith mar thoradh air fiú. Is cineál cosanta agus cumhachtaithe é do chuid airgeadais féin a bhainistiú!