Rapport konsolidat tal-pożizzjoni finanzjarja tal-Eurosistema fl-1 ta’ April 2016
Partiti mhux marbuta mal-operazzjonijiet tal-politika monetarja
Fil-ġimgħa li għalqet fl-1 ta’ April 2016 iż-żieda ta’ EUR 38.6 biljun f’deheb u ammonti riċevibbli f’deheb (il-partita A1) kienet dovuta għall-aġġustamenti ta’ rivalutazzjoni trimestrali.
Il-pożizzjoni netta tal-Eurosistema f’munita barranija (il-partiti A2 u A3 nieqsa l-partiti P7, P8 u P9) naqset b’EUR 7.5 biljun għal EUR 261.1 biljun. Din il-bidla kienet dovuta għall-effetti tar-rivalutazzjoni trimestrali tal-attiv u l-passiv kif ukoll għat-tranżazzjonijiet tal-klijenti u tal-portafolli li saru mill-banek ċentrali tal-Eurosistema fil-perjodu analizzat.
Operazzjonijiet għall-provediment ta’ likwidità f’dollari Amerikani
| Data tal-valur | Tip ta’ tranżazzjoni | Ammont li mmatura | Ammont ġdid |
| 31 ta’ Marzu 2016 | Tranżazzjoni rriversjata ta’ 7 ijiem għall-provediment ta’ likwidità f’dollari Amerikani | USD 48 miljun | USD 45 miljun |
Dawn it-tranżazzjonijiet għall-provediment ta’ likwidità tmexxew mill-Eurosistema permezz tad-dispożizzjoni permanenti dwar swaps li l-Bank Ċentrali Ewropew għandu mal-Federal Reserve System.
L-investimenti tal-Eurosistema f’titoli negozjabbli mhux miżmuma għall-għanijiet tal-politika monetarja (il-partita A7.2) żdiedu b’EUR 0.6 biljun għal EUR 350.7 biljun. Il-karti tal-flus fiċ-ċirkolazzjoni (il-partita P1) naqsu b’EUR 2.3 biljun għal EUR 1,071.0 biljun. L-obbligazzjonijiet mal-amministrazzjoni pubblika (il-partita P5.1) naqsu b’EUR 50.1 biljun għal EUR 129.7 biljun.
Partiti marbuta mal-operazzjonijiet tal-politika monetarja
Is-self nett tal-Eurosistema lill-istituzzjonijiet ta’ kreditu (il-partita A5 nieqsa l-partiti P2.2, P2.3, P2.4, P2.5 u P4) naqas b’EUR 35.8 biljun għal EUR 256.4 biljun. Nhar l-Erbgħa 30 ta’ Marzu 2016 immaturat operazzjoni ewlenija ta’ rifinanzjament (il-partita A5.1) ta’ EUR 60.6 biljun u ġiet konkluża waħda ġdida ta’ EUR 62.3 biljun b’maturità ta’ ġimgħa.
Matul il-ġimgħa mmaturat operazzjoni ta’ rifinanzjament għal żmien itwal (il-partita A5.2) ta’ EUR 11.6 biljun u ġiet konkluża waħda ġdida ta’ EUR 10.3 biljun. Barra minn hekk, ġiet konkluża operazzjoni speċifika ta’ rifinanzjament għal żmien itwal (TLTRO) ta’ EUR 7.3 biljun b’maturità ta’ 910 jum.
Ir-rikors għall-faċilità tas-self marġinali (il-partita A5.5) kien kważi xejn (imqabbel ma’ EUR 0.1 biljun fil-ġimgħa ta’ qabel) filwaqt li r-rikors għall-faċilità tad-depożitu (il-partita P2.2) kien ta’ EUR 268.4 biljun (imqabbel ma’ EUR 225.1 biljun fil-ġimgħa ta’ qabel).
L-investimenti tal-Eurosistema f’titoli miżmuma għall-għanijiet tal-politika monetarja (il-partita A7.1) żdiedu bi EUR 8.4 biljun għal EUR 986.2 biljun. It-tabella ta’ hawn taħt tagħti l-analiżi dettaljata tal-partita A7.1 fil-portafolli differenti. Il-portafolli kollha jidħlu fil-kontijiet b’kost amortizzat.
| Portafolli tat-titoli tal-politika monetarja | Valur rappurtat fl-1 ta’ April 2016 | Differenza mqabbla mal-25 ta’ Marzu 2016 – xiri | Differenza mqabbla mal-25 ta’ Marzu 2016 – fidi | Differenza mqabbla mal-25 ta’ Marzu 2016 – aġġustamenti ta’ tmiem it-trimestru |
| Programm ta’ xiri ta’ bonds garantiti 1 | EUR 19.1 biljun | - | -EUR 0.2 biljun | - |
| Programm ta’ xiri ta’ bonds garantiti 2 | EUR 8.6 biljun | - | -EUR 0.3 biljun | - |
| Programm ta’ xiri ta’ bonds garantiti 3 | EUR 165.8 biljun | +EUR 0.8 biljun | -EUR 0.2 biljun | -EUR 0.5 biljun |
| Programm ta’ xiri ta’ titoli koperti b’assi | EUR 19.0 biljun | - | -EUR 0.2 biljun | - |
| Programm ta’ xiri mis-settur pubbliku | EUR 652.0 biljun | +EUR 11.3 biljun | - | -EUR 2.6 biljun |
| Programm tas-Swieq tat-Titoli (SMP) | EUR 121.6 biljun | - | - | +EUR 0.3 biljun |
Kontijiet kurrenti tal-istituzzjonijiet ta’ kreditu taż-żona tal-euro
Wara t-tranżazzjonijiet kollha li saru, il-pożizzjoni tal-kontijiet kurrenti tal-istituzzjonijiet ta’ kreditu mal-Eurosistema (il-partita P2.1) żdiedet bi EUR 32.4 biljun għal EUR 575.6 biljun.
Rivalutazzjoni ta’ tmiem it-trimestru tal-attiv u l-passiv tal-Eurosistema
Skont ir-regoli armonizzati tal-kontabilità tal-Eurosistema, id-deheb, il-kambju, l-investimenti f’titoli u l-istrumenti finanzjarji tal-Eurosistema jiġu rivalutati bir-rati u l-prezzijiet tas-suq fi tmiem kull trimestru. L-impatt nett tar-rivalutazzjoni fuq kull partita tal-karta tal-bilanċ fil-31 ta’ Marzu 2016 jidher fil-kolonna miżjuda “Differenza mqabbla mal-ġimgħa li għaddiet dovuta għall-aġġustamenti ta’ tmiem it-trimestru”. Il-prezz tad-deheb u r-rati ewlenin tal-kambju użati għar-rivalutazzjoni tal-bilanċi kienu dawn:
Deheb: EUR 1,084.102 kull uqija fina
USD: 1.1385 kull EUR
JPY: 127.90 kull EUR
SDR (Drittijiet speċjali ta’ kreditu): EUR 1.2376 kull SDR
| Attiv (EUR miljuni) | Bilanċ | Differenza mqabbla mal-ġimgħa ta’ qabel imħabba i) transazzjonijiet ii) aġġustamenti ta' l-aħħar tliet xhur |
|||
|---|---|---|---|---|---|
| Hu possibbli li t-totali ma jikkorrispondux mas-somma tal-komponenti varji mħabba li s-somma ġiet miżjuda jew imnaqqsa sa l-eqreb numru sħiħ | |||||
| i) | ii) | ||||
| 1 | Deheb u krediti f’deheb | 377,304 | 0 | 38,591 | |
| 2 | Drittijiet fuq persuni mhux residenti fiż-żona ta’ l-euro denominati f’munita barranija | 297,521 | −2,187 | −9,463 | |
| 2.1 | Ammonti riċevibbli mill-FMI | 77,426 | 149 | −2,375 | |
| 2.2 | Bilanċi mal-banek u titoli ta’ investiment Self barrani u assi oħra barranin |
220,095 | −2,336 | −7,088 | |
| 3 | Drittijiet fuq residenti fiż-żona ta’ l-euro denominati f’munita barranija | 29,194 | 2,212 | −899 | |
| 4 | Drittijiet fuq persuni mhux residenti fiż-żona ta’ l-euro denominati f’euro | 20,942 | −909 | 5 | |
| 4.1 | Bilanċi mal-banek, titoli ta’ investiment u self | 20,942 | −909 | 5 | |
| 4.2 | Talbiet li jirrżultaw mill-faċilità ta’ kreditu taħt l-ERM II | 0 | 0 | 0 | |
| 5 | Self lil istituzzjonijiet ta’ kreditu fiż-żona ta’ l-euro, relatat ma’ l-operazzjonijiet tal-politika monetarja denominat f’euro | 525,054 | 7,685 | 0 | |
| 5.1 | Operazzjonijiet ewlenin ta’ ri-finanzjament | 62,319 | 1,745 | 0 | |
| 5.2 | Operazzjonijiet ta’ ri-finanzjament għal żmien itwal | 462,731 | 5,986 | 0 | |
| 5.3 | Operazzjonijiet temporanji ta’ fine-tuning | 0 | 0 | 0 | |
| 5.4 | Reverse operations ta’ tip strutturali | 0 | 0 | 0 | |
| 5.5 | Faċilità ta’ self marġinali | 5 | −46 | 0 | |
| 5.6 | Krediti relatati ma’ sejħiet għal ħlas jew ġbid marġinali | 0 | 0 | 0 | |
| 6 | Drittijiet oħra fuq istituzzjonijiet ta’ kreditu fiż-żona ta’ l-euro denominati f’euro | 111,232 | −899 | 0 | |
| 7 | Titoli ta’ sigurtà ta’ residenti fiż-żona ta’ l-euro denominati f’euro | 1,336,866 | 11,286 | −2,227 | |
| 7.1 | Titoli miżmuma għal għanijiet tal-politika monetarja | 986,154 | 11,189 | −2,777 | |
| 7.2 | Titoli oħra | 350,713 | 97 | 549 | |
| 8 | Dejn ġenerali ta’ l-amministrazzjoni pubblika denominat f’euro | 26,985 | 0 | −80 | |
| 9 | Assi oħra | 216,662 | 1,747 | −795 | |
| Assi Totali | 2,941,761 | 18,934 | 25,131 | ||
| Passiv (EUR miljuni) | Bilanċ | Differenza mqabbla mal-ġimgħa ta’ qabel imħabba i) transazzjonijiet ii) aġġustamenti ta' l-aħħar tliet xhur |
|||
|---|---|---|---|---|---|
| Hu possibbli li t-totali ma jikkorrispondux mas-somma tal-komponenti varji mħabba li s-somma ġiet miżjuda jew imnaqqsa sa l-eqreb numru sħiħ | |||||
| i) | ii) | ||||
| 1 | Karti tal-flus fiċ-ċirkolazzjoni | 1,071,004 | −2,289 | 0 | |
| 2 | Obbligazzjonijiet lejn istituzzjonijiet ta’ kreditu fiż-żona ta’ l-euro relatati ma l-operazzjonijiet tal-politika monetarja denominati f’euro | 844,222 | 75,807 | 0 | |
| 2.1 | Kontijiet kurrenti (li jkopru s-sistema ta’ riservi minimi) | 575,572 | 32,355 | 0 | |
| 2.2 | Faċilità ta’ depożitu | 268,396 | 43,257 | 0 | |
| 2.3 | Depożiti fissi | 0 | 0 | 0 | |
| 2.4 | Operazzjonijiet temporanji ta’ fine-tuning | 0 | 0 | 0 | |
| 2.5 | Depożiti relatati ma’ sejħiet għal-ħlas jew ġbid marġinali | 254 | 196 | 0 | |
| 3 | Obbligazzjonijiet oħra lejn istituzzjonijiet ta’ kreditu fiż-żona ta’ l-euro denominati f’euro | 4,222 | −156 | 0 | |
| 4 | Ċertifikati ta’ dejn maħruġa | 0 | 0 | 0 | |
| 5 | Obbligazzjonijiet lejn residenti oħra fiż-żona ta’ l-euro denominati f’euro | 220,502 | −49,349 | 0 | |
| 5.1 | L-amministrazzjoni pubblika | 129,651 | −50,099 | 0 | |
| 5.2 | Obbligazzjonijiet oħra | 90,851 | 749 | 0 | |
| 6 | Obbligazzjonijiet lejn persuni mhux residenti fiż-żona ta’ l-euro denominati f’euro | 53,184 | −3,459 | −58 | |
| 7 | Obbligazzjonijiet lejn residenti fiż-żona ta’ l-euro denominati f’munita barranija | 4,473 | 51 | −213 | |
| 8 | Obbligazzjonijiet lejn persuni mhux residenti fiż-żona ta’ l-euro denominati f’munita barranija | 3,591 | −898 | −170 | |
| 8.1 | Depożiti, bilanċi u obbligazzjonijiet oħra | 3,591 | −898 | −170 | |
| 8.2 | Obbligazzjonijiet ġejjin mill-faċilità ta’ kreditu taħt l-ERM II | 0 | 0 | 0 | |
| 9 | Il-kontroparti ta’ drittijiet ta’ ġbid speċjali allokati mill-FMI | 57,542 | 122 | −1,759 | |
| 10 | Passiv ieħor | 208,362 | −1,075 | −2,490 | |
| 11 | Kont tar-rivalutazzjoni | 375,994 | 0 | 29,822 | |
| 12 | Kapitali u riżervi | 98,666 | 181 | 0 | |
| Total tal-passiv | 2,941,761 | 18,934 | 25,131 | ||
Bank Ċentrali Ewropew
Direttorat Ġenerali Komunikazzjoni
- Sonnemannstrasse 20
- 60314 Frankfurt am Main, il-Ġermanja
- +49 69 1344 7455
- media@ecb.europa.eu
Ir-riproduzzjoni hija permessa sakemm jissemma s-sors.
Kuntatti għall-midja