Deċiżjonijiet tal-Kunsill Governattiv tal-BĊE (flimkien mad-deċiżjonijiet li jistabbilixxu r-rati tal-imgħax)
Novembru 2018
Operazzjonijiet tas-suq
Emendi għal-lista tal-aġenziji eliġibbli biex jipparteċipaw fil-programm ta’ xiri mis-settur pubbliku
Fil-15 ta’ April 2018 il-Kunsill Governattiv approva l-emenda għall-ewwel lista ta’ aġenziji li jinsabu fiż-żona tal-euro u li joħorġu titoli eliġibbli għall-programm ta’ xiri mis-settur pubbliku. Il-lista tinsab fil-websajt tal-BĊE.
Opinjonijiet fuq leġiżlazzjoni
Opinjoni tal-BĊE dwar il-qafas legali tal-Ufiċċju tal-Verifika tal-Istat fil-Kroazja
Fis-26 ta’ Ottubru 2018 il-Kunsill Governattiv adotta l-Opinjoni CON/2018/45 wara talba mill-Ministeru tal-Finanzi tar-Repubblika tal-Kroazja.
Opinjoni tal-BĊE dwar ir-reviżjoni tal-liġi Finlandiża dwar l-obbligi ta’ tħejjija applikabbli fis-settur finanzjarju
Fis-26 ta’ Ottubru 2018 il-Kunsill Governattiv adotta l-Opinjoni CON/2018/46 wara talba mill-Ministeru tal-Finanzi tal-Finlandja.
Opinjoni tal-BĊE dwar id-denominazzjoni tas-servizzi essenzjali u l-operaturi tas-servizzi essenzjali għall-iskop tas-sigurtà tas-sistemi tan-netwerks u l-informazzjoni fis-Slovenja
Fit-8 ta’ Novembru 2018 il-Kunsill Governattiv adotta l-Opinjoni CON/2018/47 wara talba mill-Ministeru tal-Finanzi tas-Slovenja.
Opinjoni tal-BĊE dwar ir-rekwiżiti tar-riżervi minimi tal-Magyar Nemzeti Bank
Fit-8 ta’ Novembru 2018 il-Kunsill Governattiv adotta l-Opinjoni CON/2018/48 wara talba mill-Magyar Nemzeti Bank.
Opinjoni tal-BĊE dwar leġiżlazzjoni nazzjonali li għandha tiġi adottata bil-għan li tiġi stabbilita kooperazzjoni mill-qrib bejn il-Bank Ċentrali Ewropew u Българска народна банка (Bank Nazzjonali Bulgaru)
Fid-9 ta’ Novembru 2018 il-Kunsill Governattiv adotta l-Opinjoni CON/2018/49 wara talba tal-Ministru tal-Finanzi Bulgaru.
Opinjoni tal-BĊE dwar it-tisħiħ tas-superviżjoni finanzjarja u l-protezzjoni tal-investitur fil-Polonja
Fid-9 ta’ Novembru 2018 il-Kunsill Governattiv adotta l-Opinjoni CON/2018/50 wara talba mill-Parlament tal-Polonja.
Opinjoni tal-BĊE dwar proposta għal regolament dwar it-twaqqif ta’ Funzjoni Ewropea ta' Stabbilizzazzjoni tal-Investiment
Fid-9 ta’ Novembru 2018 il-Kunsill Governattiv adotta l-Opinjoni CON/2018/51 wara talba mill-Parlament Ewropew.
Opinjoni tal-BĊE dwar il-mandat makroprudenzjali ta’ Българска народна банка (Bank Nazzjonali Bulgaru) u l-governanza ta' istituzzjonijiet ta’ kreditu
Fid-19 ta’ Novembru 2018 il-Kunsill Governattiv adotta l-Opinjoni CON/2018/52 wara talba tal-Ministru tal-Finanzi Bulgaru.
Opinjoni tal-BĊE dwar l-implimentazzjoni tar-rakkomandazzjonijiet tar-rapport ta’ konverġenza fil-Liġi dwar Българска народна банка (Bank Nazzjonali Bulgaru)
Fis-16 ta’ Novembru 2018 il-Kunsill Governattiv adotta l-Opinjoni CON/2018/53 wara talba tal-Ministru tal-Finanzi Bulgaru.
Opinjoni tal-BĊE dwar proposta għal Direttiva dwar fornituri ta’ servizzi tal-kreditu, ix-xerrejja tal-kreditu u l-irkupru tal-kollateral
Fl-20 ta’ Novembru 2018 il-Kunsill Governattiv adotta l-Opinjoni CON/2018/54 fuq inizjattiva tal-BĊE.
Governanza korporattiva
Presidenza tal-Kumitat tal-Verifika tal-BĊE
Is-Sur Ewald Nowotny, membru tal-Kunsill Governattiv tal-BĊE, se jassumi l-funzjoni ta’ President tal-Kumitat tal-Verifika tal-BĊE sat-tmiem tal-mandat tiegħu bħala Gvernatur tal-Oesterreichische Nationalbank f'Awissu 2019. F’dan ir-rwol, is-sur Nowotny se jilħaq wara s-sur Liikanen, li kien Gvernatur ta’ Suomen Pankki – Finlands Bank, u li rtira f’Lulju 2018.
Superviżjoni bankarja
Gwida tal-BĊE għall-proċess ta’ valutazzjoni tal-adegwatezza tal-kapital intern u l-Gwida tal-BĊE għall-proċess ta' valutazzjoni tal-adegwatezza tal-likwidità interna
Fis-7 ta’ Novembru 2018 il-Kunsill Governattiv ma oġġezzjonax għall-proposta mill-Bord Superviżorju biex jippubblika l-Gwida tal-BĊE għall-proċess ta’ valutazzjoni tal-adegwatezza tal-kapital intern (ICAAP) u l-Gwida tal-BĊE għall-proċess ta' valutazzjoni tal-adegwatezza tal-likwidità interna (ILAAP). Il-gwidi ġew ippubblikati fil-websajt tas-superviżjoni bankarja tal-BĊE fid-9 ta' Novembru 2018.
Bank Ċentrali Ewropew
Direttorat Ġenerali Komunikazzjoni
- Sonnemannstrasse 20
- 60314 Frankfurt am Main, il-Ġermanja
- +49 69 1344 7455
- media@ecb.europa.eu
Ir-riproduzzjoni hija permessa sakemm jissemma s-sors.
Kuntatti għall-midja