EUR-Lex Access to European Union law
This document is an excerpt from the EUR-Lex website
Document 32010O0001
Guideline of the European Central Bank of 4 March 2010 amending Guideline ECB/2000/7 on monetary policy instruments and procedures of the Eurosystem (ECB/2010/1)
Linja ta’ gwida tal-Bank Ċentrali Ewropew tal- 4 ta’ Marzu 2010 li temenda l-Linja ta’ Gwida BĊE/2000/7 dwar l-istrumenti u l-proċeduri tal-politika monetarja tal-Eurosistema (BĊE/2010/1)
Linja ta’ gwida tal-Bank Ċentrali Ewropew tal- 4 ta’ Marzu 2010 li temenda l-Linja ta’ Gwida BĊE/2000/7 dwar l-istrumenti u l-proċeduri tal-politika monetarja tal-Eurosistema (BĊE/2010/1)
OJ L 63, 12.3.2010, p. 22–23
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 31/12/2011; Imħassar b' 32011O0014
12.3.2010 |
MT |
Il-Ġurnal Uffiċjali tal-Unjoni Ewropea |
L 63/22 |
LINJA TA’ GWIDA TAL-BANK ĊENTRALI EWROPEW
tal-4 ta’ Marzu 2010
li temenda l-Linja ta’ Gwida BĊE/2000/7 dwar l-istrumenti u l-proċeduri tal-politika monetarja tal-Eurosistema
(BĊE/2010/1)
(2010/154/UE)
IL-KUNSILL GOVERNATTIV TAL-BANK ĊENTRALI EWROPEW,
Wara li kkunsidra t-Trattat dwar il-Funzjonament tal-Unjoni Ewropea, u partikolarment l-ewwel inċiż tal-Artikolu 127(2) tiegħu,
Wara li kkunsidra l-Istatut tas-Sistema Ewropea tal-Banek Ċentrali u tal-Bank Ċentrali Ewropew, (minn hawn ‘il quddiem l-Istatut tas-SEBĊ), u partikolarment l-Artikolu 12.1 u l-Artikolu 14.3, flimkien mal-ewwel inċiż tal-Artikolu 3.1, l-Artikolu 18.2 u l-ewwel paragrafu tal-Artikolu 20 tiegħu,
Billi:
(1) |
Biex tintlaħaq politika monetarja waħdanija tinħtieġ definizzjoni tal-istrumenti u l-proċeduri li se jintużaw mill-Eurosistema, li tikkonsisti fil-banek ċentrali nazzjonali (BĊNi) tal-Istati Membri li l-munita tagħhom hija l-euro (minn hawn “’il quddiem l-Istati Membri parteċipanti”) u l-Bank Ċentrali Ewropew (BĊE), sabiex din il-politika tiġi implimentata bl-istess mod fl-Istati Membri parteċipanti kollha. |
(2) |
Żviluppi riċenti fis-swieq tat-titoli sostnuti mill-assi wasslu għall-ħtieġa li jiġi emendat il-qafas tal-Eurosistema għall-valutazzjoni tal-kreditu (ECAF) sabiex jiġi żgurat illi r-rekwizit tal-Eurosistema li jkun hemm standards ta’ kreditu għoljin għall-garanziji kollha eliġibbli jiġi sodisfatt. B’mod partikolari, huwa neċessarju li r-rekwiżiti għall-klassifika sabiex titoli garantiti minn assi ikunu eliġibbli għall-użu fl-operazzjonijiet ta’ kreditu tal-Eurosistema sabiex ikunu konformi mar-rekwiżit tal-Artikolu 18.1 tal-Istatut tas-SEBĊ li l-operazzjonijiet ta’ kreditu ma’ istituzzjonijiet ta’ kreditu u ma’ parteċipanti oħra fis-suq ikunu bbażati fuq garanzija xierqa minn perspettiva ta’ politika monetarja tal-Eurosistema. Minbarra l-fuq imsemmi, l-emendi għandhom l-għan li jagħmlu kontribuzzjoni ulterjuri għall-irkupru tal-funzjonament tajjeb tas-suq tat-titoli garantiti minn assi. |
(3) |
Sabiex tiġi implimentata d-deċiżjoni tal-Kunsill Governattiv tal-BĊE tat-22 ta’ Ottubru 2009, huwa neċessarju li tiġi emendata l-Linja ta’ Gwida BĊE/2000/7 tal-31 ta’ Awwissu 2000 dwar l-istrumenti u l-proċeduri tal-politika monetarja tal-Eurosistema. (1) |
ADOTTA DIN IL-LINJA TA’ GWIDA:
Artikolu 1
Emendi għall-Anness I tal-Linja ta’ Gwida BĊE/2000/7
Fit-Taqsima 6.3.2, jiddaħħal l-inċiż li ġej wara l-ewwel inċiż dwar “Valutazzjoni tal-kreditu ECAI”:
“— |
Valutazzjoni tal-kreditu ECAI ta’ titoli garantiti minn assi: Għal titoli garantiti minn assi maħruġin f’nhar jew wara l-1 ta’ Marzu 2010, l-Eurosistema titlob mill-anqas żewġ valutazzjonijiet ta’ kreditu minn ECAIs aċċettati għall-ħruġ tagħhom.. Sabiex tiġi determinata l-eliġibbiltà ta’ dawn it-titoli garantiti minn assi, ir-‘regola tat-tieni l-aqwa’ għandha tiġi applikata, li jfisser li mhux biss l-aqwa, iżda wkoll it-tieni l-aqwa valutazzjoni tal-kreditu ECAI li hija disponibbli għandha tkun konformi mal-limitu tal-kwalità tal-kreditu għat-titoli garantiti minn assi. Skont din ir-regola, l-Eurosistema titlob għaż-żewġ valutazzjonijiet ta’ kreditu livell ‘AAA’/‘Aaa’ mal-ħruġ u ta’ livell ‘single A’ tul it-terminu tat-titolu sabiex it-titoli jkunu eliġibbli. Mill-1 ta’ Marzu 2011 it-titoli kollha garantiti minn assi, irrispettivament mid-data tal-ħruġ tagħhom, għandhom ikollhom mill-anqas żewġ valutazzjonijiet tal-kreditu minn kull ECAI aċċettata għall-ħruġ, u r-regola tat-tieni l-aqwa għandha tkun rispettata sabiex it-titoli jibqgħu eliġibbli. F’każ ta’ titoli garantiti minn assi maħruġin qabel l-1 ta’ Marzu 2010 li għandhom biss valutazzjoni tal-kreditu waħda, valutazzjoni tal-kreditu oħra għandha wkoll tinkiseb qabel l-1 ta’ Marzu 2011. Għal titoli garantiti minn assi maħruġin qabel l-1 ta’ Marzu 2009 iż-żewġ valutazzjonijiet tal-kreditu għandhom ikunu konformi mal-livell ‘A waħdanija’ tul it-terminu tat-titolu. Għal titoli garantiti minn assi maħruġin bejn l-1 ta’ Marzu 2009 u t-28 ta’ Frar 2010, l-ewwel valutazzjoni tal-kreditu għandha tkun konformi mal-livell ‘AAA’/‘a’ mal-ħruġ u ma’ ‘single A’ tul it-terminu tat-titolu, filwaqt illi t-tieni valutazzjoni tal-kreditu għandha tkun konformi mal-livell ‘single A’ kemm mal-ħruġ (*) kif ukoll tul it-terminu tat-titolu. Il-BĊE tippubblika l-limitu għall-kwalità tal-kreditu għal kull ECAI aċċettat, kif stabbilit taħt Taqsima 6.3.1. (**) |
Artikolu 2
Dħul fis-seħħ
Din il-Linja ta’ Gwida tidħol fis-seħħ fl-1 ta’ Marzu 2010.
Artikolu 3
Indirizzati
1. Din il-Linja ta’ Gwida hija indirizzata lill-BĊNi tal-Istati Membri parteċipanti.
2. Il-BĊNi msemmijin fil-paragrafu 1 għandhom, sal-11 ta’ Marzu 2010, jibagħtu lill-BĊE il-miżuri li permezz tagħhom għandhom il-ħsieb li jikkonformaw ma’ din il-Linja ta’ Gwida.
Magħmul fi Frankfurt am Main, l-4 ta’ Marzu 2010.
Għall-Kunsill Governattiv tal-BĊE
Il-President tal-BĊE
Jean-Claude TRICHET
(1) ĠU L 310, 11.12.2000, p. 1.