EUR-Lex Access to European Union law
This document is an excerpt from the EUR-Lex website
Document 32019O0016
Guideline (EU) 2019/1007 of the European Central Bank of 7 June 2019 amending Guideline ECB/2012/13 on TARGET2-Securities (ECB/2019/16)
Linja Gwida (UE) 2019/1007 tal-Bank Ċentrali Ewropew tas-7 ta' Ġunju 2019 li temenda l-Linja Gwida BĊE/2012/13 dwar it-TARGET2-Securities (BĊE/2019/16)
Linja Gwida (UE) 2019/1007 tal-Bank Ċentrali Ewropew tas-7 ta' Ġunju 2019 li temenda l-Linja Gwida BĊE/2012/13 dwar it-TARGET2-Securities (BĊE/2019/16)
OJ L 163, 20.6.2019, p. 108–109
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
20.6.2019 |
MT |
Il-Ġurnal Uffiċjali tal-Unjoni Ewropea |
L 163/108 |
LINJA GWIDA (UE) 2019/1007 TAL-BANK ĊENTRALI EWROPEW
tas-7 ta' Ġunju 2019
li temenda l-Linja Gwida BĊE/2012/13 dwar it-TARGET2-Securities (BĊE/2019/16)
IL-KUNSILL GOVERNATTIV TAL-BANK ĊENTRALI EWROPEW,
Wara li kkunsidra t-Trattat dwar il-Funzjonament tal-Unjoni Ewropea, u b'mod partikolari l-ewwel inċiż tal-Artikolu 127(2) tiegħu,
Wara li kkunsidra l-Istatut tas-Sistema Ewropea tal-Banek Ċentrali u tal-Bank Ċentrali Ewropew, u b'mod partikolari l-Artikli 3.1 u 12.1, u l-Artikli 17, 18 u 22 tiegħu,
Billi:
(1) |
Fil-25 ta' Jannar 2019, il-Kunsill Governattiv tal-Bank Ċentrali Ewropew (BĊE) adotta d-Deċiżjoni (UE) 2019/166 tal-Bank Ċentrali Ewropew (BĊE/2019/3) (1) li waqqaf il-Bord tal-Infrastruttura tas-Suq (MIB) fil-format kurrenti tiegħu. Preċedentement, l-MIB kien iltaqa' f'formati dedikati differenti u l-Bord għall-Programm TARGET2-Securities, li ġie stabbilit oriġinarjament taħt id-Deċiżjoni BĊE/2012/6 (2) li ġiet imħassra mid-Deċiżjoni (UE) 2019/166 (BĊE/2019/3), kien opera bħala wieħed minn dawn il-formati dedikati. L-MIB, fil-format rivedut tiegħu, huwa l-korp governattiv li jappoġġa lill-Kunsill Governattiv billi jiżgura li s-servizzi ta' infrastruttura tal-Eurosistema jinżammu u jiġu żviluppati ulterjorment u li proġetti li jikkonċernaw s-servizzi ta' infrastruttura tal-Eurosistema huma amministrati f'kull każ skont l-għanijiet tat-Trattat għas-Sistema Ewropea tal-Banek Ċentrali (SEBĊ), il-bżonnijiet tan-negozju tas-SEBĊ, avvanzi teknoloġiċi, il-qafas legali applikabbli għas-servizzi tal-infrastruttura tal-Eurosistema u proġetti kif ukoll rekwiżiti regolatorji u ta' superviżjoni, u b'mod konsistenti mal-mandat ta' kumitat tas-SEBĊ kif stabbilit mill-Kunsill Governattiv skont l-Artikolu 9 tar-Regoli ta' Proċedura tal-Bank Ċentrali Ewropew (3). |
(2) |
L-Artikolu 15(1) tal-Linja Gwida BĊE/2012/13 (4) jistabbilixxi l-kriterji sabiex depożitorju ċentrali tat-titoli jkun eliġibbli li jaċċessa servizzi tat-TARGET2-Securities, li jinkludi rekwiżit li depożitorju ċentrali tat-titoli għandu jiġi ivvalutat pożittivament mill-awtorità kompetenti fil-konfront tar-Rakkomandazzjonijiet tas-Sistema Ewropea ta' Banek Ċentrali/tal-Kumitat tar-Regolaturi Ewropej tat-Titoli dwar is-Sistemi ta' Saldu tat-Titoli. Ir-Rakkomandazzjonijiet tas-Sistema Ewropea ta' Banek Ċentrali/tal-Kumitat tar-Regolaturi Ewropej tat-Titoli dwar is-Sistemi ta' Saldu tat-Titoli ġew sostitwiti mill-Prinċipji għal Infrastrutturi tas-Suq Finanzjarju tal-Kumitat għall-Pagamenti u l-Infrastrutturi tas-Swieq u l-Organizzazzjoni Internazzjonali tal-Kummissjonijiet tat-Titoli ddatat April 2012 jew sett ta' rekwiżiti li jimplimentaw dawk il-prinċipji, li, per eżempju, fiż-Żona Ekonomika Ewropea, huma implimentati mir-Regolament (UE) Nru 909/2014 tal-Parlament Ewropew u tal-Kunsill (5). |
(3) |
Għalhekk, il-Linja Gwida BĊE/2012/13 għandha tiġi emendata f'dan is-sens, |
ADOTTA DIN IL-LINJA GWIDA:
Artikolu 1
Emendi
Il-Linja Gwida BĊE/2012/13 hija emendata kif ġej:
1. |
ir-referenzi kollha f'kull artikolu għall-“Bord T2S” huma sostitwiti bi “MIB”; |
2. |
fl-Artikolu 2, jitħassar il-punt (18); |
3. |
fl-Artikolu 2, il-punt (26) huwa ssostitwit b'dan li ġej:
(*1) Deċiżjoni (UE) 2019/166 tal-Bank Ċentrali Ewropew tal-25 ta' Jannar 2019 dwar il-Bord tal-Infrastruttura tas-Suq u li tħassar id-Deċiżjoni BĊE/2012/6 dwar it-twaqqif tal-Bord għall-Programm TARGET2-Securities (BĊE/2019/3) (ĠU L 32, 4.2.2019, p. 14).”;" |
4. |
L-Artikolu 5 huwa mibdul b'dan li ġej: “Artikolu 5 Il-Bord tal-Infrastruttura tas-Suq Il-kompożizzjoni u l-mandat tal-MIB huma stabbiliti fid-Deċiżjoni (UE) 2019/166 (BĊE/2019/3). L-MIB għandu jkun inkarigat mill-kompiti assenjati lilu skont id-Deċiżjoni (UE) 2019/166 (BĊE/2019/3).”; |
5. |
fl-Artikolu 15(1), il-punt (b) huwa ssostitwit b'dan li ġej:
(*2) Regolament (UE) Nru 909/2014 tal-Parlament Ewropew u tal-Kunsill tat-23 ta' Lulju 2014 dwar titjib fis-saldu tat-titoli fl-Unjoni Ewropea u dwar depożitorji ċentrali tat-titoli u li jemenda d-Direttivi 98/26/KE u 2014/65/UE u r-Regolament (UE) Nru 236/2012 (ĠU L 257, 28.8.2014. p. 1).”." |
Artikolu 2
Effettività
Din il-Linja Gwida għandha tidħol fis-seħħ fil-jum tan-notifika tagħha lill-banek ċentrali nazzjonali tal-Istati Membri li l-munita tagħhom hija l-euro.
Artikolu 3
Destinatarji
Din il-Linja Gwida hija indirizzata lill-banek ċentrali kollha tal-Eurosistema.
Magħmul fi Frankfurt am Main, is-7 ta' Ġunju 2019.
Għall-Kunsill Governattiv tal-BĊE
Il-President tal-BĊE
Mario DRAGHI
(1) Id-Deċiżjoni (UE) 2019/166 tal-Bank Ċentrali Ewropew tal-25 ta' Jannar 2019 dwar il-Bord tal-Infrastruttura tas-Suq u li tħassar id-Deċiżjoni BĊE/2012/6 dwar it-twaqqif tal-Bord għall-Programm TARGET2-Securities (BĊE/2019/3) (ĠU L 32, 4.2.2019, p. 14).
(2) Id-Deċiżjoni BĊE/2012/6 tad-29 ta' Marzu 2012 dwar it-twaqqif tal-Bord għall-Programm TARGET2-Securities u li tirrevoka d-Deċiżjoni BĊE/2009/6 (ĠU L 117, 1.5.2012, p. 13).
(3) Kif stipulat fid-Deċiżjoni BĊE/2004/2 tad-19 ta' Frar 2004 li tadotta r-Regoli tal-Proċedura tal-Bank Ċentrali Ewropew (ĠU L 80, 18.3.2004, p. 33).
(4) Linja Gwida BĊE/2012/13 tat-18 ta' Lulju 2012 dwar TARGET2-Securities (ĠU L 215, 11.8.2012, p. 19).
(5) Ir-Regolament (UE) Nru 909/2014 tal-Parlament Ewropew u tal-Kunsill tat-23 ta' Lulju 2014 dwar titjib fis-saldu tat-titoli fl-Unjoni Ewropea u dwar depożitorji ċentrali tat-titoli u li jemenda d-Direttivi 98/26/KE u 2014/65/UE u r-Regolament (UE) Nru 236/2012 (ĠU L 257, 28.8.2014. p. 1).