EUR-Lex Access to European Union law
This document is an excerpt from the EUR-Lex website
Document 32019D0021(01)
Decision (EU) 2019/1311 of the European Central Bank of 22 July 2019 on a third series of targeted longer-term refinancing operations (ECB/2019/21)
Deċiżjoni (UE) 2019/1311 tal-Bank Ċentrali Ewropew tat-22 ta' Lulju 2019 dwar it-tielet serje ta' operazzjonijiet speċifiċi ta' rifinanzjament għal żmien itwal (BĊE/2019/21)
Deċiżjoni (UE) 2019/1311 tal-Bank Ċentrali Ewropew tat-22 ta' Lulju 2019 dwar it-tielet serje ta' operazzjonijiet speċifiċi ta' rifinanzjament għal żmien itwal (BĊE/2019/21)
OJ L 204, 2.8.2019, p. 100–122
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force: This act has been changed. Current consolidated version: 08/11/2022
2.8.2019 |
MT |
Il-Ġurnal Uffiċjali tal-Unjoni Ewropea |
L 204/100 |
DEĊIŻJONI (UE) 2019/1311 TAL-BANK ĊENTRALI EWROPEW
tat-22 ta' Lulju 2019
dwar it-tielet serje ta' operazzjonijiet speċifiċi ta' rifinanzjament għal żmien itwal (BĊE/2019/21)
IL-KUNSILL GOVERNATTIV TAL-BANK ĊENTRALI EWROPEW,
Wara li kkunsidra t-Trattat dwar il-Funzjonament tal-Unjoni Ewropea, u b'mod partikolari l-ewwel inċiż tal-Artikolu 127(2) tiegħu,
Wara li kkunsidra l-Istatut tas-Sistema Ewropea ta' Banek Ċentrali u tal-Bank Ċentrali Ewropew, u b'mod partikolari l-ewwel inċiż tal-Artikolu 3.1, l-Artikolu 12.1, it-tieni inċiż tal-Artikolu 18.1 u t-tieni inċiż tal-Artikolu 34.1 tiegħu,
Billi:
(1) |
Id-Deċiżjoni BĊE/2014/34 (1) tipprovdi għal serje ta' operazzjonijiet speċifiċi ta' rifinanzjament fuq żmien itwal (TLTROs) li għandhom jitwettqu fuq perjodu ta' sentejn mill-2014 sal-2016 (TLTROs-I) u d-Deċiżjoni (UE) 2016/810 tal-Bank Ċentrali Ewropew (BĊE/2016/10) (2) tipprovdi għat-tieni sensiela ta' TLTROs li għandhom jitwettqu minn Ġunju 2016 sa Marzu 2017 (TLTROs-II). |
(2) |
Fis-7 ta' Marzu 2019, sabiex iwettaq il-mandat tiegħu għall-istabbiltà tal-prezzijiet, il-Kunsill Governattiv iddeċieda li jniedi serje ġdida ta' seba' operazzjonijiet speċifiċi ta' rifinanzjament għal żmien itwal (TLTROs-III), li għandhom jitwettqu minn Settembru 2019 sa Marzu 2021, kollha b'maturità ta' sentejn. It-TLTROs-III huma intiżi biex jassistu fiż-żamma ta' kundizzjonijiet ta' tislif bankarju favorevoli u biex jappoġġjaw il-pożizzjoni aġevolanti tal-politika monetarja fi Stati Membri li l-munita tagħhom hija l-euro. Fil-kuntest ta' din il-miżura s-selfiet eliġibbli jinkludi selfiet lis-settur privat mhux finanzjarju bl-eċċezzjoni ta' self lil unitajiet domestiċi għall-finijiet ta' xiri ta' djar. Flimkien ma' miżuri mhux standard oħrajn fis-seħħ, it-TLTROs-III għandhom l-għan li jikkontribwixxu għar-ritorn tar-rati ta' inflazzjoni għal livelli taħt, imma qrib, it-2 % fuq medda ta' żmien medju. |
(3) |
Bħal fl-ewwel u t-tieni serje ta' TLTROs, sabiex titħaffef il-parteċipazzjoni ta' istituzzjonijiet li, għal raġunijiet ta' organizzazzjoni, jissellfu mill-Eurosistema billi jużaw struttura ta' grupp, parteċipazzjoni fit-TLTROs-III għandha tkun possibbli fuq bażi ta' grupp soġġetta għal ċerti kondizzjonijiet. Il-parteċipazzjoni ta' grupp għandha ssir permezz ta' membru tal-grupp wieħed speċifiku u fejn ikunu ġew sodisfatti l-kundizzjonijiet preskritti. Barra minn hekk, sabiex jiġu indirizzati l-kwistjonijiet marbutin mad-distribuzzjoni tal-likwidità intragrupp, fil-każ ta' gruppi li huma stabbiliti fuq il-bażi tar-rabtiet mill-qrib bejn il-membri, il-membri kollha tal-grupp għandhom jikkonfermaw b'mod formali bil-miktub il-parteċipazzjoni tagħhom fil-grupp. Grupp TLTRO li kien rikonoxxut għall-finijiet ta' TLTROs-II bis-saħħa tad-Deċiżjoni (UE) 2016/810 (BĊE/2016/10) għandu jkun jista' jipparteċipa fit-TLTROs-III bħala grupp TLTRO-III soġġett għal ċerti proċeduri dwar in-notifika u r-rikonoxximent. |
(4) |
L-ammont kumplessiv li jista' jittieħed b'self taħt it-TLTROs-III kollha għandu jiġi ddeterminat fuq il-bażi tal-ammont pendenti ta' selfiet eliġibbli ta' parteċipant lis-settur privat mhux finanzjarju fit-28 ta' Frar 2019, u meta jitqies kull ammont meħud b'self qabel mill-parteċipant ta' TLTRO-III taħt it-TLTROs-II skont id-Deċiżjoni (UE) 2016/810 (BĊE/2016/10) u li jkun għadu pendenti. Barra minn hekk, selfiet eliġibbli għas-settur privat mhux finanzjarju li jkunu ġew awtotitolizzati (jiġifieri meta t-titoli ggarantiti b'assi li jirriżultaw mit-titolizzazzjoni jinżammu bis-sħiħ) jistgħu, soġġett għal ċerti kundizzjonijiet, jittieħdu wkoll inkonsiderazzjoni għall-finijiet tal-kalkolu tal-limitu fuq is-self tal-parteċipant. Dan għandu jtejjeb ir-relazzjoni bejn il-limitu fuq is-self u l-provvediment ta' self għall-ekonomija. |
(5) |
Limitu massimu tal-offerta għandu japplika għal kull TLTRO-III. Il-limitazzjoni tad-daqs tal-offerti għandu l-għan li jevita konċentrazzjoni eċċessiva ta' offerti fi ftit operazzjonijiet. |
(6) |
Ir-rata tal-imgħax applikabbli għal kull TLTRO-III għandha tkun iddeterminata skont l-istorja ta' self tal-parteċipant fil-perijodu mill-1 ta' April 2019 sal-31 ta' Marzu 2021 skont il-prinċipji stabbiliti f'din id-Deċiżjoni. |
(7) |
Kull TLTRO-III ikollu maturità ta' sentejn. Fid-dawl tat-terminu iqsar sal-maturità, meta mqabbel mal-ewwel TLTROs u t-TLTROs-II, il-parteċipanti ma għandux ikollhom l-għażla li jħallsu lura b'mod volontarju kwalunkwe ammont li jkun ġie allokat taħt it-TLTROs-III qabel il-maturità tagħhom. |
(8) |
L-istituzzjonijiet li jixtiequ jieħdu sehem fit-TLTROs-III għandhom ikunu soġġetti għal ċerti rekwiżiti ta' rapportar. Id-dejta rapportata se tintuża: (a) fid-determinazzjoni tal-limitu fuq is-self; (b) fil-kalkolu tal-punt ta' riferiment applikabbli; (c) għall-valutazzjoni tal-prestazzjoni tal-parteċipanti fil-konfront tal-punti ta' riferiment tagħhom; u (d) għal finijiet analitiċi oħra kif meħtieġ għat-twettiq tal-kompiti tal-Eurosistema. Huwa maħsub ukoll li l-banek ċentrali nazzjonali tal-Istati Membri li l-munita tagħhom hija l-euro (iktar 'il quddiem il-“BĊNi”) li jirċievu d-dejta rapportata jistgħu jiskambjaw dik id-dejta fi ħdan l-Eurosistema safejn u sal-livell meħtieġ għall-implimentazzjoni xierqa tal-qafas TLTRO-III, kif ukoll analiżi tal-effettività tagħha u għal finijiet analitiċi oħrajn tal-Eurosistema. Id-dejta rapportata tista' tiġi kondiviża fi ħdan l-Eurosistema għall-finijiet tal-validazzjoni tad-dejta pprovduta. |
(9) |
Sabiex l-istituzzjonijiet ta' kreditu jkollhom żmien biżżejjed biex jagħmlu preparamenti operazzjonali għall-ewwel TLTRO-III, din id-Deċiżjoni għandha tidħol fis-seħħ mingħajr dewmien żejjed, |
ADOTTA DIN ID-DEĊIŻJONI:
Artikolu 1
Definizzjonijiet
Għall-finijiet ta' din id-Deċiżjoni, għandhom japplikaw id-definizzjonijiet li ġejjin:
(1) |
“punt ta' riferiment ta' tislif nett” tfisser l-ammont ta' tislif nett eliġibbli li parteċipant jeħtieġ li jaqbeż fil-perijodu mill-1 ta' April 2019 sal-31 ta' Marzu 2021 sabiex jikkwalifika għal rata ta' imgħax fuq is-self TLTRO-III tal-parteċipant li huwa inqas mir-rata inizjali applikata u li hija kkalkulata skont il-prinċipji u d-dispożizzjonijiet iddettaljati stabbiliti fl-Artikolu 4 u l-Anness 1, rispettivament; |
(2) |
“punt ta' riferiment tal-ammont pendenti” tfisser l-ammonti pendenti tas-somma tas-self pendenti eliġibbli tal-parteċipant fil-31 ta' Marzu 2019 u l-punt ta' riferiment ta' tislif nett tal-parteċipant li huwa kkalkulat skont il-prinċipji u d-dispożizzjonijiet iddettaljati stabbiliti fl-Artikolu 4 u l-Anness I, rispettivament; |
(3) |
“limitu tal-offerta” tfisser l-ammont limitu li jista' jittieħed b'self minn partiċipant fi kwalunkwe TLTRO-III ikkalkulat skont il-prinċipji u d-dispożizzjonijiet iddetaljati stabbiliti fl-Artikolu 4 u l-Anness I, rispettivament; |
(4) |
“limitu fuq is-self” tfisser l-ammont kumplessiv li jista' jittieħed b'self minn partiċipant fi kwalunkwe TLTRO-III u kkalkulat skont il-prinċipji u d-dispożizzjonijiet iddetaljati stabbiliti fl-Artikolu 4 u l-Anness I, rispettivament; |
(5) |
“istituzzjoni ta' kreditu” tfisser istituzzjoni ta' kreditu kif iddefinita fil-punt (14) tal-Artikolu 2 tal-Linja Gwida (UE) 2015/510 tal-Bank Ċentrali Ewropew (BĊE/2014/60) (3); |
(6) |
“devjazzjoni mill-punt ta' riferiment ta' ammont pendenti” tfisser il-punti perċentwali li permezz tagħhom is-selfiet eliġibbli tal-parteċipant li ngħataw fil-perijodu mill-1 ta' April 2019 sal-31 ta' Marzu 2021 żdiedu jew tnaqqsu fir-rigward tal-punt ta' riferiment ta' ammont pendenti, kif ikkalkulat skont id-dispożizzjonijiet iddetaljati stabbiliti fl-Artikolu 4 u l-Anness I; |
(7) |
“selfiet eliġibbli” tfisser selfiet lil korporazzjonijiet mhux finanzjarji u unitajiet domestiċi (inklużi istituzzjonijiet mhux għall-profitt li jservu lill-unitajiet domestiċi) residenti, kif iddefinit fil-punt (4) tal-Artikolu 1 tar-Regolament tal-Kunsill (KE) Nru 2533/98 (4), fi Stati Membri li l-munita tagħhom hija l-euro, ħlief għal selfiet lil unitajiet domestiċi għal xiri ta' djar, kif spjegat f'aktar dettall fl-Anness II; |
(8) |
“tislif nett eliġibbli” tfisser self gross fil-forma ta' selfiet eliġibbli nett mill-ħlasijiet lura tal-ammonti pendenti ta' selfiet eliġibbli tul perjodu speċifiku, kif spjegat f'aktar dettall fl-Anness II; |
(9) |
“korporazzjoni finanzjarja vettura” (FVC) tfisser korporazzjoni finanzjarja vettura kif iddefinita fl-Artikolu 1(1) tar-Regolament (UE) Nru 1075/2013 tal-Bank Ċentrali Ewropew (BĊE/2013/40) (5); |
(10) |
“l-ewwel perijodu ta' referenza” tfisser l-perijodu mill-1 ta' April 2018 sal-31 ta' Marzu 2019; |
(11) |
“kodiċi FVC” tfisser kodiċi ta' identifikazzjoni uniku għal FVC fil-lista tal-FVCs miżmuma u ppubblikata mill-Bank Ċentrali Ewropew (BĊE) għal skopijiet statistiċi skont l-Artikolu 3 tar-Regolament (UE) Nru 1075/2103 (BĊE/2013/40); |
(12) |
“aġġustament tal-inċentiv tar-rata tal-imgħax” tfisser it-tnaqqis, jekk ikun hemm, fir-rata tal-imgħax li għandha tiġi applikata għall-ammonti meħuda b'self taħt it-TLTROs-III, espressa bħala frazzjoni tad-differenza medja bejn ir-rata tal-imgħax massima possibbli u r-rata tal-imgħax minima possibbli, kif ikkalkulata skont id-dispożizzjonijiet dettaljati stabbiliti fl-Anness I; |
(13) |
“Identifikatur ta' Entità Ġuridika” (LEI) tfisser kodiċi ta' referenza alfanumeriku skont ISO 17442 li jiġi assenjat lil entità ġuridika; |
(14) |
“istituzzjoni finanzjarja monetarja” (IFM) tfisser istituzzjoni finanzjarja monetarja kif iddefinita fil-punt (a) tal-Artikolu 1 tar-Regolament (UE) Nru 1071/2013 tal-Bank Ċentrali Ewropew (BĊE/2013/33) (6); |
(15) |
“kodiċi IFM” ifisser kodiċi ta' identifikazzjoni uniku għal IFM fil-lista tal-IFMi miżmuma u ppubblikata mill-Bank Ċentrali Ewropew (BĊE) għal skopijiet statistiċi skont l-Artikolu 4 tar-Regolament (UE) Nru 1071/2103 (BĊE/2013/33); |
(16) |
“ammonti pendenti fuq selfiet eliġibbli” tfisser selfiet eliġibbli pendenti fil-karta tal-bilanċ, għajr selfiet eliġibbli titolizzati jew ittrasferiti b'xi mod ieħor mingħajr dekontabilizzar mill-karta tal-bilanċ, kif spjegat aktar fid-dettall fl-Anness II; |
(17) |
“parteċipant” tfisser kontroparti eliġibbli għal operazzjonijiet ta' suq miftuħ tal-politika monetarja tal-Eurosistema b'konformità mal-Linja Gwida (UE) 2015/510 (BĊE/2014/60), li jagħmel offerti fi proċeduri tal-offerti tat-TLTRO-III jew fuq bażi individwali jew fuq bażi ta' grupp bħala istituzzjoni prinċipali, u li huwa soġġett għad-drittijiet u l-obbligi kollha marbutin mal-parteċipazzjoni tiegħu fil-proċeduri tal-offerta tat-TLTRO-III; |
(18) |
“ammont pendenti ta' referenza” tfisser is-somma ta' ammonti pendenti ta' selfiet eliġibbli u, malli tiġi eżerċitata l-opzjoni fl-Artikolu 6(3), ammonti pendenti ta' selfiet eliġibbli awtotitolizzati fit- 28 ta' Frar 2019; |
(19) |
“BĊN relevanti” tfisser, b'referenza għal partiċipant partikolari, il-BĊN tal-Istat Membru fejn ikun stabbilit il-parteċipant; |
(20) |
“it-tieni perijodu ta' referenza” tfisser il-perijodu mill-1 ta' April 2019 sal-31 ta' Marzu 2021; |
(21) |
“titolizzazzjoni” tfisser tranżazzjoni li hija jew: (a) titolizzazzjoni tradizzjonali kif iddefinita fl-Artikolu 2(9) tar-Regolament (UE) Nru 2017/2402 tal-Parlament Ewropew u tal-Kunsill (7); u/jew (b) titolizzazzjoni kif iddefinita fl-Artikolu 1(2) tar-Regolament (UE) Nru 1075/2013 (BĊE/2013/40) u li tinvolvi t-trasferiment tas-selfiet li jkunu qegħdin jiġu ttitolizzati lil FVC; |
(22) |
“selfiet eliġibbli awtotitolizzati” tfisser selfiet eliġibbli oriġinati u titolizzati minn parteċipant jew membru tal-grupp TLTRO-III fejn it-titoli ggarantiti b'assi li jirriżultaw mit-titolizzazzjoni jinżammu 100 % minn dak il-parteċipant jew membru tal-grupp TLTRO-III. |
Artikolu 2
It-tielet serje ta' operazzjonijiet speċifiċi ta' rifinanzjament għal żmien itwal
1. L-Eurosistema għandha twettaq seba' TLTROs-III skont kalendarju indikattiv għal TLTROs-III ippubblikat fuq is-sit tal-BĊE.
2. Kull TLTRO-III għandu jimmatura, mingħajr opzjoni ta' ħlas lura bikri volontarju, sentejn wara d-data ta' ħlas rispettiv, f'jum li jikkoinċidi mad-data tal-ħlas ta' operazzjoni ewlenija ta' rifinanzjament tal-Eurosistema, skont il-kalendarju indikattiv għal TLTROs-III ippubblikat fis-sit elettroniku tal-BĊE.
3. It-TLTROs-III għandhom:
(a) |
ikunu operazzjonijiet ta' treġġigħ lura li jipprovdu likwidità; |
(b) |
jiġu eżegwiti b'mod deċentralizzat mill-BĊNi; |
(c) |
jiġu eżegwiti permezz ta' proċedura ta' offerti standard; u |
(d) |
jiġu eżegwiti fil-forma ta' proċeduri ta' offerti b'rata fissa. |
4. Il-kundizzjonijiet standard li taħthom il-BĊNi huma lesti li jidħlu f'operazzjonijiet ta' kreditu għandhom japplikaw fir-rigward tat-TLTROs-III, sakemm ma jkunx speċifikat mod ieħor f'din id-Deċiżjoni. Dawn il-kundizzjonijiet għandhom jinkludu l-proċeduri għat-twettiq ta' operazzjonijiet ta' suq miftuħ, il-kriterji li jistabbilixxu l-eliġibbiltà tal-kontropartijiet u l-kollateral għall-finijiet tal-operazzjonijiet ta' kreditu tal-Eurosistema u s-sanzjonijiet applikabbli fil-każ ta' nuqqas ta' konformità mal-obbligi tal-kontropartijiet. Kull waħda minn dawn il-kundizzjonijiet hija stabbilita fl-oqfsa legali ġenerali u temporanji applikabbli għal operazzjonijiet ta' rifinanzjament u kif implimentata fl-oqfsa nazzjonali kuntrattwali u/jew regolatorji tal-BĊNi.
5. F'każ ta' kunflitt bejn din id-Deċiżjoni u l-Linja Gwida (UE) 2015/510 (BĊE/2014/60), jew kwalunkwe att legali ieħor tal-BĊE li jistabbilixxi l-qafas legali applikabbli għal operazzjonijiet ta' rifinanzjament fuq żmien itwal u/jew kwalunkwe miżura nazzjonali li timplimentah f'livell nazzjonali, għandha tipprevali din id-Deċiżjoni.
Artikolu 3
Parteċipazzjoni
1. L-istituzzjonijiet jistgħu jieħdu sehem fit-TLTROs-III fuq bażi individwali jekk ikunu kontropartijiet eliġibbli għal operazzjonijiet ta' suq miftuħ tal-politika monetarja tal-Eurosistema.
2. L-istituzzjonijiet jistgħu jieħdu sehem f'TLTROs-III fuq bażi ta' grupp billi jgħaqqdu grupp tat-TLTROs-III. Il-parteċipazzjoni fuq bażi ta' grupp hija relevanti għall-finijiet li jiġi kkalkolat l-limitu fuq is-self u l-punti ta' riferiment applikabbli kif stabbilit fl-Artikolu 4 u l-obbligi ta' rapportar assoċjati kif stabbiliti fl-Artikolu 6. Il-parteċipazzjoni fuq bażi ta' grupp għandha tkun soġġetta għar-restrizzjonijiet li ġejjin:
(a) |
istituzzjoni ma tistax tkun membru ta' iktar minn grupp wieħed ta' grupp TLTRO-III; |
(b) |
istituzzjoni li tieħu sehem fit-TLTROs-III fuq bażi ta' grupp ma tistax tieħu sehem fuq bażi individwali; |
(c) |
l-istituzzjoni maħtura bħala l-istituzzjoni prinċipali għandha tkun l-uniku membru tal-grupp tat-TLTRO-III li tista' tieħu sehem fil-proċeduri ta' offerta tat-TLTRO-III; u |
(d) |
il-kompożizzjoni u l-istituzzjoni prinċipali ta' grupp tat-TLTRO-III għandhom jibqgħu l-istess għat-TLTROs-III kollha, bla ħsara għall-paragrafi 5 u 6 ta' dan l-Artikolu. |
3. Għall-parteċipazzjoni fit-TLTROs-III permezz ta' grupp TLTRO-III, għandhom jiġu ssodisfati l-kundizzjonijiet li ġejjin.
(a) |
B'effett mill-aħħar jum tax-xahar li jippreċedi l-applikazzjoni msemmija fil-punt (d) ta' dan il-paragrafu, kull membru ta' grupp partikolari għandu:
|
(b) |
Il-grupp għandu jaħtar membru wieħed bħala l-istituzzjoni prinċipali għall-grupp. L-istituzzjoni prinċipali għandha tkun kontroparti eliġibbli għal operazzjonijiet ta' suq miftuħ tal-politika monetarja tal-Eurosistema. |
(c) |
Kull membru tal-grupp tat-TLTRO-III għandu jkun istituzzjoni ta' kreditu stabbilita fi Stat Membru li l-munita tiegħu hija l-euro, u għandu jissodisfa l-kriterji stabbiliti fil-punti (a), (b) u (c) tal-Artikolu 55 tal-Linja Gwida (UE) 2015/510 (BĊE/2014/60). |
(d) |
Bla ħsara għall-punt (e), l-istituzzjoni prinċipali għandha tapplika għal parteċipazzjoni ta' grupp lill-BĊN tagħha skont il-kalendarju indikattiv għat-TLTROs-III ippubblikat fuq is-sit elettroniku tal-BĊE. L-applikazzjoni għandha tinkludi:
|
(e) |
Grupp TLTRO-II rikonoxxut għall-finijiet tat-TLTROs-II bis-saħħa tad-Deċiżjoni (UE) 2016/810 (BĊE/2016/10) jista' jipparteċipa fit-TLTROs-III bħala grupp TLTRO-III sakemm l-istituzzjoni prinċipali tiegħu tissottometti notifika bil-miktub f'dak is-sens lill-BĊN rilevanti skont il-kalendarju indikattiv għat-TLTROs-III ippubblikat fis-sit elettroniku tal-BĊE. In-notifika għandha tinkludi:
|
(f) |
L-istituzzjoni prinċipali għandha tikseb konferma mill-BĊN tagħha li l-grupp tat-TLTRO-III ġie rikonoxxut. Qabel ma joħroġ il-konferma tiegħu, il-BĊN relevanti jista' jitlob kull informazzjoni addizzjonali oħra li hija relevanti għall-valutazzjoni tiegħu tal-grupp TLTRO-III potenzjali mill-istituzzjoni prinċipali. Meta jivvaluta applikazzjoni ta' grupp, il-BĊN relevanti għandu jqis ukoll kull valutazzjoni mill-BĊNi tal-membri tal-grupp li tista' tkun meħtieġa, bħal verifiki ta' dokumentazzjoni pprovduta skont il-punti (d) jew (e) skont il-każ. |
Għall-finijiet ta' din id-Deċiżjoni, anki istituzzjonijiet ta' kreditu suġġetti għas-superviżjoni konsolidata, inklużi friegħi tal-istess istituzzjoni ta' kreditu, għandhom jitqiesu bħala applikanti xierqa għar-rikonoxximent tal-grupp tat-TLTRO-III, u għandhom ikunu meħtieġa jissodisfaw il-kundizzjonijiet stabbiliti f'dan l-Artikolu mutatis mutandis. Din tiffaċilita t-tiswir ta' gruppi tat-TLTRO-III fost dawn l-istituzzjonijiet, meta dawn l-istituzzjonijiet ikunu parti mill-istess entità ġuridika. Għall-finijiet tal-konferma tat-tiswir, jew bidla fil-kompożizzjoni, ta' grupp TLTRO-III ta' dan it-tip, il-paragrafu 3(d)(v) u l-paragrafu 6(b)(ii)(5) għandhom japplikaw rispettivament.
4. Jekk waħda jew iktar mill-istituzzjonijiet inklużi fl-applikazzjoni għar-rikonoxximent tal-grupp tat-TLTRO-III ma jissodisfawx il-kundizzjonijiet tal-paragrafu 3, il-BĊN relevanti jista' jiċħad b'mod parzjali l-applikazzjoni tal-grupp propost. F'dan il-każ, l-istituzzjonijiet li jissottomettu l-applikazzjoni jistgħu jiddeċiedu li jaġixxu bħala grupp TLTRO-II bil-kompożizzjoni limitata għal dawk il-membri tal-grupp li jissodisfaw il-kundizzjonijiet meħtieġa jew inkella jirtiraw l-applikazzjoni għar-rikonoxximent tal-grupp tat-TLTRO-III.
5. F'każijiet eċċezzjonali, meta jkun hemm raġunijiet oġġettivi, il-Kunsill Governattiv jista' jiddeċiedi li jitbiegħed mill-kundizzjonijiet stipulati fil-paragrafi 2 u 3.
6. Mingħajr ħsara għall-paragrafu 5, il-kompożizzjoni ta' grupp rikonoxxut skont il-paragrafu 3 tista' tinbidel fiċ-ċirkustanzi li ġejjin:
(a) |
Membru għandu jiġi eskluż mill-grupp TLTRO-III jekk ma jissodisfax iktar ir-rekwiżiti tal-punt (a) jew (c) tal-paragrafu 3. Il-BĊN tal-membru tal-grupp relevanti għandu jinforma lill-istituzzjoni prinċipali dwar in-nuqqas tal-membru tal-grupp li jissodisfa dawk ir-rekwiżiti. F'dawk il-każijiet, l-istituzzjoni prinċipali kkonċernata għandha tgħarraf lill-BĊN relevanti dwar il-bidla fl-istatus tal-membru tal-grupp tagħha. |
(b) |
Jekk, fir-rigward tal-grupp TLTRO-III, jiġu stabbiliti rabtiet mill-qrib addizzjonali jew investimenti indiretti ta' riżervi meħtieġa mal-Eurosistema wara l-aħħar jum tax-xahar li jippreċedi l-applikazzjoni msemmija fil-punt (d) tal-paragrafu 3, il-kompożizzjoni tal-grupp TLTRO-III tista' tinbidel biex tirrifletti ż-żieda ta' membru ġdid, sakwmm:
|
(c) |
Jekk, fir-rigward tal-grupp TLTRO-III, fużjoni, akkwiżizzjoni jew diviżjoni li tinvolvi membri tal-grupp TLTRO-III iseħħu wara l-aħħar jum tax-xahar li jiġi qabel l-applikazzjoni msemmija fil-punt (d) tal-paragrafu 3 u dik l-operazzjoni ma tirriżulta fl-ebda bidla fis-sett ta' selfiet eliġibbli, il-kompożizzjoni tal-grupp tat-TLTRO-III tista' tinbidel biex tirrifletti l-fużjoni, akkwiżizzjoni jew diviżjoni, skont il-każ, iżda l-kundizzjonijiet elenkati fil-punt (b) għandhom jitħarsu. |
7. Meta l-Kunsill Governattiv ikun aċċetta tibdil fil-kompożizzjoni tal-grupp TLTRO-III skont il-paragrafu 5, jew tibdil fil-kompożizzjoni tal-gruppi TLTRO-III ikun seħħ skont il-paragrafu 6, sakemm il-Kunsill Governattiv ma jkunx iddeċieda mod ieħor, dan li ġej għandu japplika:
(a) |
fir-rigward tat-tibdil li għalih japplikaw il-paragrafu 5, il-paragrafu 6(b), jew il-paragrafu 6(c) l-istituzzjoni prinċipali tista' tieħu sehem f'TLTRO-III fuq il-bażi tal-kompożizzjoni l-ġdida tal-grupp tat-TLTRO-III tagħha biss wara li tkun kisbet konferma mill-BĊN tagħha li l-kompożizzjoni ġdida tal-grupp TLTRO-III ġie rrikonoxxut; u |
(b) |
istituzzjoni li m'għadhiex membru ta' grupp tat-TLTRO-III m'għandhiex tieħu sehem f'xi TLTRO-III oħrajn la b'mod individwali u lanqas bħala membru ta' grupp ieħor tat-TLTRO-III, sakemm ma tissottomettix applikazzjoni ġdida biex tipparteċipa skont il-paragrafi 1, 3 jew 6. |
8. Jekk istituzzjoni prinċipali titlef l-eliġibbiltà tagħha bħala kontroparti għall-operazzjonijiet tas-suq miftuħ tal-politika monetarja tal-Eurosistema, il-grupp tat-TLTRO-III tagħha m'għandux jibqa' rikonoxxut u din l-istituzzjoni prinċipali għandha tkun obbligata li tħallas lura l-ammonti kollha meħuda b'self taħt it-TLTROs-III.
Artikolu 4
Limitu fuq is-self, limitu tal-offerta u punti ta' riferiment
1. Il-limitu fuq is-self applikabbli għal parteċipant individwali għandu jiġu kkalkolat fuq il-bażi tad-dejta dwar is-self fir-rigward tal-ammont pendenti ta' referenza tal-parteċipant individwali. Il-limitu fuq is-self applikabbli għall-parteċipant li huwa l-istituzzjoni prinċipali ta' grupp tat-TLTRO-III għandu jiġi kkalkolat fuq il-bażi tad-dejta aggregata dwar is-self fir-rigward tal-ammont pendenti ta' referenza għall-membri kollha tal-grupp tat-TLTRO-III.
2. Il-limitu fuq is-self ta' kull parteċipant għandu jkun ta' 30 % tal-ammont pendenti totali ta' referenza, wara li jitnaqqas kull ammont misluf qabel mill-parteċipant tat-TLTRO-III taħt TLTROs-II skont id-Deċiżjoni (UE) 2016/810 (BĊE/2016/10) u li għadu pendenti fid-data tal-ħlas ta' TLTRO-III wara li titqies kull notifika legalment vinkolanti għall-ħlas lura bikri sottomessa mill-partiċipant skont l-Artikolu 6 tad-Deċiżjoni (UE) 2016/810 (BĊN/2016/10). Il-kalkoli tekniċi rilevanti huma mfissra fl-Anness I.
3. Jekk membru tal-grupp TLTRO rikonoxxut għall-finijiet tat-TLTROs-II bis-saħħa tad-Deċiżjoni (UE) 2016/810 (BĊE/2016/10) ma jkunx irid ikun membru tal-grupp TLTRO-III rispettiv, għall-finijiet tal-kalkolu tal-limitu fuq is-self tat-TLTO-III għal dik l-istituzzjoni ta' kreditu bħala parteċipant individwali, dik l-istituzzjoni għandha titqies li sselfet taħt it-TLTROs-II ammont daqs l-ammont meħud b'self mill-istituzzjoni prinċipali tal-grupp TLTRO-II fit-TLTROs-II u li għadhom pendenti fid-data tal-ħlas ta' TLTRO-III immultiplikat bis-sehem ta' selfiet eliġibbli tal-membru lil dawk tal-grupp TLTRO-II fil-31 ta' Jannar 2016. Dan l-aħħar ammont jitnaqqas mill-ammont li l-grupp TLTRO-III rispettiv jitqies li ssellef taħt it-TLTROs-II għall-finijiet tal-kalkolu tal-limitu ta' fuq is-self tat-TLTRO-III tal-istituzzjoni prinċipali.
4. Il-limitu tal-offerta ta' kull parteċipant għal kull TLTRO-III għandu jkun daqs jew: (i) il-limitu fuq is-self tiegħu mnaqqas bl-ammonti meħudin b'self taħt it-TLTROs-III ta' qabel; jew (ii) 10 fil-mija tal-ammont pendenti totali ta' referenza, skont liema jkun l-aktar baxx. Dan l-ammont għandu jitqies li jirrappreżenta limitu massimu tal-offerta għal kull parteċipant u għandhom jgħoddu r-regoli applikabbli għall-offerti li jaqbżu l-limitu massimu tal-offerta, kif stabbilit fl-Artikolu 36 tal-Linja Gwida (UE) 2015/510 (BĊE/2014/60). Il-kalkoli tekniċi rilevanti huma mfissra fl-Anness I.
5. Il-punt ta' riferiment ta' tislif nett ta' parteċipant għandu jiġi ddeterminat fuq il-bażi ta' tislif nett eliġibbli fl-ewwel perijodu ta' referenza, kif ġej:
(a) |
għal parteċipanti li jirrapportaw tislif nett eliġibbli pożittiv jew żero fl-ewwel perijodu ta' referenza, il-punt ta' riferiment tat-tislif nett għandu jkun żero; |
(b) |
għall-parteċipanti li jirrapportaw tislif nett eliġibbli negattiv fl-ewwel perijodu ta' referenza, il-punt ta' riferiment tat-tislif nett għandu jkun daqs it-tislif nett eliġibbli għall-ewwel perijodu ta' referenza. |
Il-kalkoli tekniċi relevanti huma mfissra fl-Anness I. Il-punt ta' riferiment ta' tislif nett għall-parteċipanti li ngħataw liċenzji bankarji wara t-28 ta' Frar 2019 għandu jkun żero ħlief jekk il-Kunsill Governattiv, f'ċirkustanzi fejn huwa oġġettivament ġġustifkat, jiddeċiedi mod ieħor.
6. Il-punt ta' riferiment tal-ammont pendenti ta' parteċipant għandu jiġi ddeterminat bħala s-somma tal-ammonti pendenti ta' selfiet eliġibbli fil-31 ta' Marzu 2019 u l-punt ta' riferiment tat-tislif nett. Il-kalkoli tekniċi rilevanti huma mfissra fl-Anness I.
Artikolu 5
Imgħax
1. Bla ħsara għall-paragrafu 2, ir-rata ta' imgħax applikabbli għall-ammont misluf taħt kull TLTRO-III għandha tiġi stabbilita 10 punti bażi ogħla mir-rata medja fuq l-operazzjoni ewlenija ta' rifinanzjament tul il-ħajja tat-TLTRO-III rispettiv.
2. Ir-rata tal-imgħax applikabbli għall-ammonti meħuda b'self mill-parteċipanti li t-tislif nett eliġibbli fit-tieni perijodu ta' referenza jaqbeż il-punt ta' riferiment tat-tislif nett għandu jkun inqas mir-rata speċifikata fl-ewwel paragrafu u jista' jkun baxx sa 10 punti bażi ogħla mir-rata medja fuq il-faċilità ta' depożitu prevalenti tul il-ħajja tat-TLTRO-III rispettiv, skont id-devjazzjoni mill-punt ta' riferiment tal-ammont pendenti. Id-dispożizzjonijiet dettaljati u l-kalkoli huma mfissra fl-Anness I.
3. Id-devjazzjoni mill-punt ta' riferiment ta' ammont pendenti, l-aġġustament tal-inċentiv tar-rata tal-imgħax riżultanti, jekk ikun hemm, u r-rati tal-imgħax finali għandhom jiġu kkomunikati lill-parteċipanti skont il-kalendarju indikattiv għat-TLTROs-III ippubblikat fuq is-sit elettroniku tal-BĊE.
4. L-imgħax għandu jitħallas bl-arretrati mal-maturazzjoni ta' kull TLTRO-III.
5. Jekk, minħabba l-eżerċitar ta' rimedji disponibbli għal BĊN skont l-arranġamenti kuntrattwali jew regolatorji tiegħu, parteċipant ikun meħtieġ li jħallas lura l-ammonti pendenti tat-TLTRO-III qabel ma tiġi kkomunikata d-devjazzjoni mill-punt ta' riferiment ta' ammont pendenti u l-aġġustament tal-inċentiv tar-rata tal-imgħax riżultanti, jekk ikun hemm, lil dak il-parteċipant, ir-rata tal-imgħax applikabbli għall-ammonti meħuda b'self minn dak il-parteċipant taħt kull TLTRO-III għandha tiġi stabbilita 10 punti bażi ogħla mir-rata medja fuq l-operazzjoni ewlenija ta' rifinanzjament tul il-ħajja tat-TLTRO-III rispettiv sad-data fuq meta kien jenħtieġ li jsir il-ħlas lura mill-BĊN. Jekk dak il-ħlas lura jkun meħtieġ wara d-devjazzjoni mill-punt ta' riferiment tal-ammont pendenti u l-aġġustament tal-inċentiv tar-rata tal-imgħax riżultanti, jekk ikun hemm, ikunu ġew ikkomunikati lill-parteċipant, ir-rata tal-imgħax applikabbli għall-ammonti meħuda b'self minn dak il-parteċipant taħt kull TLTRO-III għandha tiġi ffissata wara li titqies id-devjazzjoni mill-punt ta' riferiment tal-ammont pendenti.
Artikolu 6
Rekwiżiti ta' rapportar
1. Kull parteċipant fit-TLTROs-III għandu jissottometti lill-BĊN relevanti d-dejta identifikata fil-mudelli tar-rapportar pprovduti fl-Anness II kif ġej:
(a) |
l-ammont pendenti ta' referenza għall-finijiet li jiġi stabbilit il-limitu fuq is-self u l-limitu tal-offerta tal-parteċipant, u dejta dwar l-ewwel perijodu ta' referenza għall-finijiet li jiġu stabbiliti l-punti ta' riferiment tal-parteċipant (hawnhekk iżjed 'il quddiem imsejjaħ l-“ewwel rapport”); u |
(b) |
dejta dwar it-tieni perijodu ta' referenza għall-finijiet li jiġu ddeterminati r-rati ta' imgħax applikabbli (iktar 'il quddiem imsejjaħ it-“tieni rapport”). |
2. Id-dejta għandha tiġi pprovduta skont:
(a) |
il-kalendarju indikattiv għat-TLTROs-III ippubblikat fis-sit eletroniku tal-BĊE; |
(b) |
il-linji gwida stabbiliti fl-Anness II; u |
(c) |
l-istandards minimi għall-preċiżjoni u konformità mal-kunċetti speċifikati fl-Anness IV tar-Regolament (UE) Nru 1071/2013 (BĊE/2013/33). |
3. Il-parteċipanti li jkun beħsiebhom jinkludu selfiet eliġibbli awtotitolizzati għall-finijiet li jikkalkulaw il-limitu fuq is-self tagħhom għandhom jeżerċitaw din l-opzjoni billi jipprovdu l-partiti supplimentari relatati mas-selfiet eliġibbli awtotitolizzati kollha, kif spjegat fid-dettall fl-Anness II, flimkien mail-valutazzjoni tal-awditur ta' dawk il-partiti supplimentari, skont ir-regoli li ġejjin:
(a) |
Parteċipanti li jieħdu sehem fl-ewwel jew it-tieni operazzjoni TLTRO-III jistgħu jipparteċipaw fuq il-bażi tal-ewwel rapport li jħalli barra l-partiti supplimentari. Madankollu, sabiex selfiet awtotitolizzati jiġu inklużi fil-kalkolu tal-limitu fuq is-self tagħhom u limiti tal-offerta sa mit-tieni jew it-tielet operazzjoni, il-partiti supplimentari u l-evalwazzjoni rispettiva tal-awditur tal-partiti supplimentari għandhom jitpoġġew għad-dispożizzjoni tal-BĊN relevanti qabel l-iskadenza għall-ewwel rapport għal kwalunkwe waħda minn dawn l-operazzjonijiet speċifikati fil-kalendarju indikattiv għal TLTROs-III ippubblikat fuq is-sit elettroniku tal-BĊE. |
(b) |
Parteċipanti li l-ewwel jipparteċipaw fit-tielet operazzjoni TLTRO-III jew oħrajn sussegwenti għandhom ipoġġu għad-dispożizzjoni tal-BĊN relevanti, sal-iskadenza relevanti speċifikata fil-kalendarju indikattiv għal TLTROs-III ippubblikat fuq is-sit elettroniku tal-BĊE, kemm l-ewwel rapport li jinkludi l-partiti supplimentari, kif ukoll il-valutazzjoni tal-awditur rispettiva tal-partiti supplimentari. |
4. Termini użati fir-rapport sottomess mill-parteċipanti għandhom jiġu interpretati skont id-definizzjonijiet ta' dawk it-termini fir-Regolament (UE) Nru 1071/2013 (BĊE/2013/33).
5. L-istituzzjonijiet prinċipali tal-gruppi ta' TLTRO-III għandhom jissottomettu rapporti li jirriflettu dejta aggregata fir-rigward tal-membri kollha tal-grupp tat-TLTRO-III. Barra minn hekk, il-BĊN tal-istituzzjoni prinċipali, jew il-BĊN ta' membru ta' grupp tat-TLTRO-III jistgħu, f'koordinazzjoni mal-BĊN tal-istituzzjoni prinċipali, jeħtieġu li l-istituzzjoni prinċipali tissottometti dejta diżaggregata għal kull membru ta' grupp individwali.
6. Kull parteċipant għandu jiżgura li l-kwalità tad-dejta sottomessa skont il-paragrafi 1 sa 3 tiġi vvalutata minn awditur estern skont ir-regoli li ġejjin:
(a) |
il-valutazzjoni tal-awditur tal-ewwel rapport għandha titpoġġa għad-dispożizzjoni tal-BĊN relevanti sal-iskadenza relevanti speċifikata fil-kalendarju indikattiv għat-TLTROs-III ippubblikat fis-sit eletroniku tal-BĊE; |
(b) |
ir-riżultati tal-valutazzjoni tal-awditur fir-rigward tat-tieni rapport għandha titpoġġa għad-dispożizzjoni tal-BĊN relevanti sal-iskadenza relevanti speċifikata fil-kalendarju indikattiv għal TLTROs-III ppubblikat fuq is-sit elettroniku tal-BĊE; |
(c) |
il-valutazzjonijiet tal-awditur għandhom jiffokaw fuq ir-rekwiżiti stabbiliti fil-paragrafi 2 u 3. B'mod partikolari, l-awditur għandu:
Fil-każ ta' parteċipazzjoni fuq bażi ta' grupp, ir-riżultati tal-valutazzjonijiet tal-awditur għandhom jiġu kondiviżi mal-BĊNi tal-membri l-oħrajn tal-grupp TLTRO-III. Fuq talba tal-BĊN tal-parteċipant, riżultati ddettaljati tal-valutazzjonijiet li jsiru skont dan il-paragrafu għandhom jiġu pprovduti lil dak il-BĊN u, fil-każ ta' parteċipazzjoni tal-grupp, sussegwentement jiġu kondiviżi mal-BĊNi tal-membri tal-grupp. |
(d) |
il-valutazzjonijiet tal-awditur għandu jinkludu ta' mill-inqas dawn l-elementi li ġejjin:
|
L-Eurosistema tista' tipprovdi gwida ulterjuri fuq il-mod kif il-valutazzjoni tal-awditur għandha ssir, f'liema każ il-parteċipanti għandhom jiżguraw li dik il-gwida tiġi applikata mill-awdituri fil-valutazzjoni tagħhom.
7. Bla ħsara għall-paragrafu 8, wara bidla fil-kompożizzjoni tal-grupp TLTRO-III jew riorganizzazzjoni korporattiva, bħal fużjoni, akkwiżizzjoni jew diviżjoni (inkluża waħda li tirriżulta minn riżoluzzjoni jew likwidazzjoni tal-parteċipant), li taffettwa is-sett tas-selfiet eliġibbli tal-partiċipant, l-ewwel rapport rivedut għandu jiġi sottomess skont l-istruzzjonijiet riċevuti mill-BĊN tal-partecipant. Il-BĊN relevanti għandu jevalwa l-impatt tar-reviżjoni u jieħu azzjoni xierqa. Din l-azzjoni tista' tinkludi rekwiżit biex jitħallsu lura ammonti meħuda b'self li, wara li tittieħed inkunsiderazzjoni l-bidla fil-kompożizzjoni tal-grupp TLTRO-III jew ir-riorganizzazzjoni korporattiva, jaqbżu l-limitu fuq is-self relevanti. Il-parteċipant ikkonċernat, li jista' jinkludi entità ġdida stabbilita wara riorganizzazzjoni korporattiva, għandu jipprovdi kwalunkwe informazzjoni addizzjonali mitluba mill-BĊN relevanti għall-għajnuna fil-valutazzjoni tal-impatt tar-reviżjoni.
8. B'eċċezzjoni mill-paragrafu 7, reviżjoni tal-ewwel rapport mhuwiex meħtieġ, imma l-impatt relevanti fuq selfiet eliġibbli jista' minflok jiġi rreġistrat bħala aġġustament fit-tieni rapport f'każijiet fejn:
(a) |
ir-riorganizzazzjoni korporattiva tinvolvi istituzzjonijiet li, qabel ir-riorganizzazzjoni korporattiva, kienu soġġetti għal miżuri superviżorji jew ta' riżoluzzjoni u dawn il-miżuri, kif ikkonfermat mill-BĊN relevanti, tabilħaqq fixklu l-kapaċità tagħhom li jsellfu waqt l-aħħar nofs tat-tieni perijodu ta' referenza; |
(b) |
ir-riorganizzazzjoni korporattiva tinvolvi akkwiżizzjoni minn parteċipant li tlestiet fl-aħħar sitt xhur tat-tieni perijodu ta' referenza; jew |
(c) |
il-BĊN relevanti jevalwa l-impatt tal-bidla fil-kompożizzjoni tal-grupp jew riorganizzazzjoni korporattiva bħala li ma jeħtieġx rapport rivedut. |
Għall-każijiet (b) u (c), il-parteċipanti xorta jistgħu jagħżlu li jirrevedu l-ewwel rapport sabiex jitqiesu r-riorganizzazzjonijiet korporattivi.
9. Id-dejta pprovduta mill-parteċipanti skont dan l-Artikolu tista' tintuża mill-Eurosistema għall-implimentazzjoni tal-qafas TLTRO-III, kif ukoll għall-analiżi tal-effettività tal-qafas u għanijiet analitiċi tal-Eurosistema oħrajn. Għal dawn il-finijiet, il-BĊNi li jirċievu dejta rapportata skont dan l-Artikolu jistgħu jpartu din id-dejta fi ħdan l-Eurosistema. Id-dejta rapportata skont dan l-Artikolu tista' tiġi kondiviża wkoll fi ħdan l-Eurosistema għall-finijiet tal-validazzjoni tad-dejta pprovduta.
Artikolu 7
Nuqqas ta' konformità mar-rekwiżiti ta' rapportar
1. Meta parteċipant jonqos milli jirrapporta jew jikkonforma mar-rekwiżiti tal-awditu, jew fejn jiġu identifikati żbalji fid-dejta rapportata, għandhom japplikaw dawn li ġejjin:
(a) |
Jekk parteċiplant jonqos milli jpoġġi l-ewwel rapport għad-dispożizzjoni tal-BĊN relevanti sal-iskadenza relevanti, il-limitu fuq is-self tiegħu għandu jiġi ffissat għal żero. |
(b) |
Jekk parteċiplant jonqos milli jpoġġi għad-disżizzjoni tal-BĊN relevanti r-riżultati tail-valutazzjoni tal-awditur tal-ewwel rapport sal-iskadenza relevanti speċifikata fil-kalendarju indikattiv għat-TLTROs-III ippubblikat fuq is-sit elettroniku tal-BĊE, il-parteċipant għandu jħallas lura l-ammonti kollha pendenti li ssellef taħt it-TLTRO-III fid-data ta' saldu tal-operazzjoni ewlenija ta' rifinanzjament li jmiss bir-rata tal-imgħax ta' 10 punti bażi ogħla mir-rata medja fuq l-operazzjoni ewlenija ta' refinanzjament tul il-ħajja ta' kull TLTRO-III rispettiv. |
(c) |
Jekk parteċiplant jonqos milli jpoġġi għad-dispożizzjoni tal-BĊN relevanti t-tieni rapport sal-iskadenza relevanti, ir-rata tal-imgħax ta' 10 punti bażi ogħla mir-rata medja fuq l-operazzjoni ewlenija ta' refinanzjament tul il-ħajja ta' kull TLTRO-III rispettiv għandha tapplika għall-ammonti meħuda b'self minn dak il-parteċipant taħt it-TLTROs-III flimkien ma' penali addizjonali ta' EUR 500 kuljum sakemm jintbagħat it-tieni rapport, iżda sa massimu ta' EUR 15 000. Il-penali għandhom jakkumulaw u jintalab il-ħlas tagħhom malli l-BĊN relevanti jirċievi t-tieni rapport jew meta l-penali massima tkun intlaħqet jekk it-tieni rapport ikun għadu ma ġiex riċevut sa dak il-punt. |
(d) |
Jekk parteċiplant jonqos milli jpoġġi għad-dispożizzjoni tal-BĊN relevanti r-riżultati tal-valutazzjoni tal-awditur tat-tieni rapport sal-iskadenza relevanti, ir-rata tal-imgħax ta' 10 punti bażi ogħla mir-rata medja fuq l-operazzjoni ewlenija ta' refinanzjament tul il-ħajja ta' kull TLTRO-III rispettiv għandha tapplika għall-ammonti meħuda b'self minn dak il-parteċipant taħt it-TLTROs-III. |
(e) |
Jekk parteċipant jonqos milli b'mod ieħor jikkonforma mal-obbligi stabbiliti fl-Artikolu 6(6) jew (7), ir-rata tal-imgħax ta' 10 punti bażi ogħla mir-rata medja fuq l-operazzjoni ewlenija ta' refinanzjament tul il-ħajja ta' kull TLTRO-III rispettiv għandha tapplika għall-ammonti meħuda b'self minn dak il-parteċipant taħt it-TLTROs-III. |
(f) |
Jekk parteċipant, jew fir-rigward tal-verifika msemmija fl-Artikolu 6(6) jew b'xi mod ieħor, jidentifika żbalji fid-dejta sottomessa fir-rapporti, inklużi ineżattezzi jew inkompletezza, għandu jinnotifika lill-BĊN relevanti bihom fl-iqsar żmien possibbli. Meta l-BĊN rilevanti ikun ġie nnotifkat b'dawn l-iżbalji, ineżattezzi jew omissjonijiet, jew fejn dawn l-iżbalji, ineżattezzi jew omissjonijiet jaslu għall-attenzjoni tiegħu mod ieħor: (i) il-parteċipant għandu jipprovdi kull informazzjoni addizzjonali mitluba mill-BĊN relevanti fl-iqsar żmien possibbli biex jgħin fil-valutazzjoni tal-impatt tal-iżbalji, ineżattezzi jew omissjonijiet ikkonċernati; u (ii) il-BĊN relevanti jista' jieħu l-azzjoni xierqa, li tista' tinkludi kalkolu mill-ġdid tal-valuri relevanti li, min-naħa tagħhom jistgħu jaffettwaw ir-rata tal-imgħax applikata lis-self tal-parteċipant taħt it-TLTROs-III u rekwiżit għall-ħlas lura tal-ammonti meħuda b'self li, minħabba żball, jaqbżu l-limitu fuq is-self tal-parteċipant. |
2. Il-paragrafu 1 għandu jkun mingħajr ħsara għal kwalunkwe sanzjoni li tista' tiġi imposta skont id-Deċiżjoni BĊE/2010/10 (9) fir-rigward tal-obbligi ta' rapportar stabbiliti fir-Regolament (UE) Nru 1071/2013 (BĊE/2013/33).
Artikolu 8
Dħul fis-seħħ
Din id-Deċizjoni għandha tidħol fis-seħħ fit-3 ta' Awwissu 2019.
Magħmul fi Frankfurt am Main, it-22 ta' Lulju 2019.
Il-President tal-BĊE
Mario DRAGHI
(1) Id-Deċiżjoni BĊE/2014/34 tad-29 ta' Lulju 2014 dwar miżuri relatati ma' operazzjonijiet speċifiċi ta' rifinanzjament fuq żmien itwal (ĠU L 258, 29.8.2014, p.11).
(2) Id-Deċiżjoni (UE) 2016/810 tal-Bank Ċentrali Ewropew tat-28 ta' April 2016 dwar it-tieni serje ta' operazzjonijiet speċifiċi ta' rifinanzjament għal żmien itwal (BĊE/2016/10)(ĠU L 132, 21.5.2016, p. 107).
(3) Il-Linja Gwida (UE) 2015/510 tal-Bank Ċentrali Ewropew tad-19 ta' Diċembru 2014 dwar l-implimentazzjoni tal-qafas tal-politika monetarja tal-Eurosistema (BĊE/2014/60) (ĠU L 91, 2.4.2015, p. 3).
(4) Ir-Regolament tal-Kunsill (KE) Nru 2533/98 tat-23 Novembru 1998 dwar il-ġbir ta' tagħrif statistiku mill-Bank Ċentrali Ewropew (ĠU Edizzjoni Speċjali bil-Malti, Kapitolu 1, Vol.3, p. 23).
(5) Ir-Regolament (UE) Nru 1075/2013 tal-Bank Ċentrali Ewropew tat- 18 ta' Ottubru 2013 dwar statistika fuq l-attiv u l-passiv ta' korporazzjonijiet finanzjarji vettura involuti fi tranżazzjonijiet ta' titolizzazzjoni (BĊE/2013/40) (ĠU L 297, 7.11.2013, p. 107).
(6) Ir-Regolament (UE) Nru 1071/2013 tal-Bank Ċentrali Ewropew tal-24 ta' Settembru 2013 dwar il-karta tal-bilanċ ikkonsolidata tas-settur tal-istituzzjonijiet finanzjarji monetarji (BĊE/2013/33) (ĠU L 297, 7.11.2013, p. 1).
(7) Ir-Regolament (UE) 2017/2402 tal-Parlament Ewropew u tal-Kunsill tat-12 ta' Diċembru 2017 li jistabbilixxi qafas ġenerali għat-titolizzazzjoni u li joħloq qafas speċifiku għal titolizzazzjoni sempliċi, trasparenti u standardizzata, u li jemenda d-Direttivi 2009/65/KE, 2009/138/KE u 2011/61/UE u r-Regolamenti (KE) Nru 1060/2009 u (UE) Nru 648/2012 (ĠU L 347, 28.12.2017, p. 35).
(8) Ir-Regolament (KE) Nru 1745/2003 tal-Bank Ċentrali Ewropew tat-12 ta' Settembru 2003 dwar l-applikazzjoni ta' riżervi minimi (BĊE/2003/9), (ĠU L 250, 2.10.2003, p. 10).
(9) Id-Deċiżjoni BĊE/2010/10 tad-19 ta' Awwissu 2010 dwar nuqqas ta' konformità mar-rekwiżiti għar-rapportar tal-istatistika (ĠU L 226, 28.8.2010, p. 48).
ANNESS I
IT-TWETTIQ TAT-TIELET SERJE TA' OPERAZZJONIJIET TA' RIFINANZJAMENT SPEĊIFIĊI FUQ ŻMIEN ITWAL
1. Kalkolu tal-limitu fuq is-self u l-limitu tal-offerta
Il-parteċipanti f'waħda mit-tielet sensiela ta' operazzjonijiet speċifiċi ta' rifinanzjament għal żmien itwal (TLTRO-III), li jaġixxu jew individwalment jew bħala istituzzjoni prinċipali ta' grupp TLTRO-III, huma suġġetti għal limitu fuq is-self. Il-limitu fuq is-self ikkalkolat jitqarreb għall-figura multipla li jmiss ta' EUR 10 000.
Il-limitu fuq is-self applikabbli għal parteċipant individwali fit-TLTROs-III huwa kkalkulat fuq il-bażi tal-ammont pendenti ta' referenza li jinkludi l-ammont pendenti ta' selfiet eliġibbli u, malli tiġi eżerċitata l-opzjoni fl-Artikolu 6(3), selfiet eliġibbli awtotitolizzati fit-28 ta' Frar 2019. Il-limitu fuq is-self applikabbli għall-istituzzjoni prinċipali ta' grupp tat-TLTRO-III huwa kkalkolat fuq il-bażi tal-ammont pendenti ta' referenza b'rabta mal-membri kollha tal-grupp TLTRO-III.
II-limitu fuq is-self huwa ta' 30 % tal-ammont pendenti ta' referenza li jirrigwarda lill-parteċipant (1) wara li jitnaqqsu l-ammonti meħuda b'self mill-parteċipant fl-operazzjoni speċifika ta' rifinanzjament għal żmien itwal skont id-Deċiżjoni (UE) 2016/810 (BĊE/2016/10) (TLTROs-II) u li għadhom pendenti fid-data tal-ħlas tal-TLTRO-III rispettiv, jew żero jekk dak l-ammont huwa negattiv, jiġifieri:
BAk = max(0,3 × ORFeb 2019 – OBk , 0) għal k = 1,…,7.
Fejn BAk huwa l-limitu fuq is-self fit-TLTRO-III k (bi k = 1,…,7), ORFeb 2019 huwa l-ammont pendenti ta' referenza fit-28 ta' Frar 2019 u OBk huwa l-ammont meħud b'self mill-parteċipant fit-TLTROs-II u li għadu pendenti fid-data tas-saldu tal-TLTRO-III k.
Il-limitu tal-offerta applikabbli għal kull parteċipant f'kull TLTRO-III huwa jew: a) il-limitu fuq is-self tiegħu BAk li minnu jitnaqqsu l-ammonti meħuda b'self taħt TLTROs-III preċedenti; jew b) għaxra fil-mija tal-ammont pendenti totali ta' referenza, skont liema jkun l-aktar baxx. Fejn Ck ≥ 0 ikun is-self ta' parteċipant fit-TLTRO-III k, mela Ck ≤ BLk fejn BLk ikun il-limitu tal-offerta għal dan il-parteċipant fl-operazzjoni k li hija ddefinita kif ġej:
BL 1 = min(BA 1, 0,1 × ORFeb 2019)
u
għal k = 2,…,7.
2. Kalkolu tal-punti ta' riferiment
Fejn NLm huwa t-tislif nett eliġibbli ta' parteċipant f'xahar kalendarju m, ikkalkulat bħala l-fluss gross ta' parteċipant ta' selfiet eliġibbli ġodda f'dak ix-xahar bit-tnaqqis ta' ħlasijiet lura ta' selfiet eliġibbli, kif iddefinit fl-Anness II.
Indika b'NLB il-punt ta' riferiment tat-tislif nett għal dan il-parteċipant. Dan huwa ddefinit kif ġej:
NLB = min (NLApr 2018 + NLMay 2018 + … + NLMar 2019, 0)
Dan jimplika li jekk il-parteċipant għandu tislif nett eliġibbli pożittiv jew żero fl-ewwel perijodu ta' referenza, mela NLB = 0. Jekk, madankollu, il-parteċipant għandu tislif nett eliġibbli negattiv fl-ewwel perijodu ta' referenza, mela NLB = NLApr 2018 + NLMay 2018 + … + NLMar 2019.
Indika b'OAB l-punt ta' riferiment ta' ammont pendenti ta' parteċipant. Dan huwa ddefinit kif ġej:
OAB = max (OLMar 2019 + NLB, 0)
fejn OLMar 2019 huwa l-ammont pendenti ta' selfiet eliġibbli fi tmiem Marzu 2019.
3. Kalkolu tar-rata ta' imgħax
Fejn NSMar 2021 juri l-ammont miksub billi jingħadd it-tislif nett eliġibbli fuq perijodu mill-1 ta' April 2019 sal-31 ta' Marzu 2021 u l-ammont pendenti ta' selfiet eliġibbli mill-31 ta' Marzu 2019; dan huwa kkalkulat bħala NSMar 2021 = OLMar 2019 + NLApr 2019 + … + NLMar 2021.
Indika issa b'EX il-perċentwali ta' devjazzjoni ta' NSMar 2021 mill-punt ta' riferiment tal-ammont pendenti, jiġifieri,
EX tiġi espressa bħala perċentwali imqarreb sal-eqreb 15-il pożizzjoni deċimali. Fejn OAB huwa żero, EX jitqies daqs 2.5.
Fejn hija l-medja tar-rata tal-operazzjoni ewlenija ta' rifinanzjament (MRO) prevalenti għat-tul tal-TLTRO-III k u espress bħala rata perċentwali annwali u fejn hija l-medja tar-rata tal-faċilità tad-depożitu prevalenti tul il-ħajja tat-TLTRO-III k u espressa bħala rata perċentwali annwali, jiġifieri:
Fil-ekwazzjonijiet hawn fuq nk (għal k=1,..7) jindika n-numru ta' ġranet tat-TLTRO-III k, MROk,t jindika r-rata applikata lill-MRO fil-ġurnata t tat-TLTRO-III k, jekk dan l-MRO jitwettaq taħt reġim ta' allokazzjoni sħiħa b'rata fissa, jew MROk,t jindika r-rata minima tal-offerta applikata lill-MRO fil-ġurnata t tat-TLTRO-III k, jekk dan l-MRO jitwettaq taħt proċedura ta' sejħa għal offerti b'rata varjabbli, u espress bħala rata perċentwali annwali. Fil-ekwazzjonijiet hawn fuq DFk,t jindika r-rata applikata lill-faċilità tad-depożitu fil-ġurnata t tat-TLTRO-III k, u espressa bħala rata perċentwali annwali.
Fejn l-aġġustament tal-inċentiv tar-rata tal-imgħax, imkejjel bħala proporzjon tal-kuritur medju bejn ir-rata tal-imgħax massima possibbli () u rata tal-imgħax minima possibbli (), tkun indikata iri; fejn ir-rata tal-imgħax li se tiġi applikata għat-TLTRO-III k, espressa bħala rata perċentwali annwali, tiġi indikata rk ; iri u rk huma stabbiliti kif ġej:
(a) |
Jekk partiċipant ma jaqbiżx il-punt ta' riferiment tiegħu għal ammont ta' selfiet eliġibbli pendenti fil-31 ta' Marzu 2021, ir-rata tal-imgħax li għandha tiġi applikata lill-ammonti kollha meħuda b'self mill-parteċipant taħt it-TLTROs-III hija stabbilita għal 10 punti bażi ogħla mir-rata medja tal-MRO tul il-ħajja tat-TLTRO-III, jiġifieri: jekk EX ≤ 0, mela iri = 0 % u |
(b) |
Jekk partiċipant jaqbeż il-punt ta' riferiment tal-ammont pendenti tas-selfiet eliġibbli b'mill-inqas 2,5 % fil-31 ta' Marzu 2021, ir-rata tal-imgħax li għandha tiġi applikata lill-ammonti kollha meħuda b'self mill-parteċipant taħt it-TLTROs-III hija daqs 10 punti bażi ogħla mir-rata tal-imgħax medja fuq il-faċilità ta' depożitu tul il-ħajja tat-TLTRO-III rispettiv, jiġifieri: jekk EX ≥ 2,5, mela iri = 100 % u |
(c) |
Jekk partiċipant jaqbeż il-punt ta' riferiment tal-ammont pendenti ta' selfiet eliġibbli imma b'inqas minn 2,5 % fil-31 ta' Marzu 2021, ir-rata tal-imgħax li għandha tiġi applikata lill-ammonti kollha meħuda b'self mill-parteċipant taħt it-TLTROs-III hija ggradata b'mod lineari skont il-perċentwali li biha il-parteċipant jaqbeż il-punt ta' riferiment tal-ammonti pendenti tas-selfiet eliġibbli, jiġifieri, jekk 0 < EX < 2,5, mela u |
L-aġġustament tal-inċentiv tar-rata tal-imgħax (iri) tiġi espressa bi tqarrib sa 15-il pożizzjoni deċimali.
Ir-rata tal-imgħax (rk ) tiġi espressa bħala rata ta' perċentwali annwali, imqarrba sar-raba' pożizzjoni deċimali.
(1) Ir-referenzi għal “parteċipant” għandhom jinftiehmu li japplikaw għal parteċipanti individwali jew gruppi TLTRO-III.
ANNESS II
IT-TIELET SERJE TA' OPERAZZJONIJIET TA' RIFINANZJAMENT SPEĊIFIĊI FUQ ŻMIEN ITWAL — LINJI GWIDA GĦALL-KUMPILAZZJONI TAD-DEJTA MEĦTIEĠA GĦALL-MUDELLI TA' RAPPORTAR
1. Introduzzjoni (1)
Dawk il-linji gwida jipprovdu struzzjonijiet għall-kumpilazzjoni tar-rapporti tad-dejta li l-parteċipanti fit-TLTROs-III għandhom jissottomettu skont l-Artikolu 6. Ir-rekwiżiti tar-rapportar huma ppreżentati fil-mudelli ta' rapportar fl-aħħar ta' dan l-Anness. Dawn il-linji gwida jispeċifikaw ukoll ir-rekwiżiti ta' rapportar tal-istituzzjonijiet prinċipali tal-gruppi tat-TLTRO-III li jieħdu sehem fl-operazzjonijiet.
It-Taqsimiet 2 u 3 jipprovdu informazzjoni ġenerali dwar il-kumpilazzjoni u t-trasmissjoni tad-dejta u t-Taqsima 4 tispjega l-indikaturi li għandhom jiġu rrapportati.
2. Informazzjoni ġenerali
Il-miżuri li għandhom jintużaw fil-kalkolu tal-limitu fuq is-self huma relatati ma' self tal-istituzzjonijiet finanzjarji monetarji (IFM) lil korporazzjonijiet mhux finanzjarji taż-żona tal-euro u self IFM lil unitajiet domestiċi taż-żona tal-euro (2), bl-esklużjoni ta' self għax-xiri ta' djar, fil-muniti kollha. Skont l-Artikolu 6, żewġ rapporti tad-dejta għandhom jiġu sottomessi: l-ewwel rapport ikopri dejta dwar l-ammont pendenti ta' referenza u dejta relatata mal-ewwel perijodu ta' referenza, u t-tieni rapport ikopri dejta relatata mat-tieni perijodu ta' referenza. L-ammonti għandhom jiġu rrapportati separatament għal korporazzjonijiet mhux finanzjarji u għal unitajiet domestiċi. L-ammonti pendenti ta' selfiet eliġibbli huma aġġustati biex jaħsbu għal selfiet li huma titolizzati jew ittrasferiti b'xi mod ieħor u mhux dekontabilizzati, iżda l-parteċipanti jistgħu jeżerċitaw l-opzjoni skont l-Artikolu 6(3) li jżidu selfiet eliġibbli awtotitolizzati għall-fini li jikkalkolaw il-limitu fuq is-self tagħhom, irrispettivament mill-istatus ta' rikonoxximent fuq il-karta tal-bilanċ. Informazzjoni ddettaljata hija meħtieġa wkoll fuq subkomponenti relevanti ta' dawn il-partiti, kif ukoll fuq l-effetti li jirriżultaw f'tibdil lil ammonti pendenti ta' selfiet eliġibbli imma ma humiex relatati ma' tislif nett eliġibbli (iktar 'il quddiem “aġġustamenti għall-ammonti pendenti”), li jkopru wkoll xiri u bejgħ ta' self u trasferimenti ta' self oħra.
Fir-rigward tal-użu tal-informazzjoni miġbura, id-dejta fuq l-ammont pendenti ta' referenza se tintuża għad-determinazzjoni tal-limitu fuq is-self. Barra minn hekk, id-dejta fuq tislif nett eliġibbli matul l-ewwel perijodu ta' referenza għandu jintuża għall-kalkolu tal-punt ta' riferiment tat-tislif nett u l-punt ta' riferiment tal-ammont pendenti. Fil-frattemp dejta fuq tislif nett eliġibbli matul it-tieni perijodu ta' referenza għandha tintuża għall-valutazzjoni tal-iżviluppi tas-self u, għaldaqstant, ir-rati ta' imgħax applikabbli. L-indikaturi kollha huma meħtieġa sabiex tiġi vverifikata l-konsistenza interna tal-informazzjoni u l-konsistenza tagħha mad-dejta statistika miġbura fi ħdan l-Eurosistema, kif ukoll għall-monitoraġġ profond tal-impatt tal-programm tat-TLTRO-III.
Il-qafas ġenerali sottostanti t-tlestija tar-rapporti tad-dejta huwa pprovdut mir-rekwiżiti ta' rapportar tal-IFM taż-żona tal-euro fil-kuntest tal-istatistika dwar il-partiti tal-karta tal-bilanċ (BSI) tal-IFM, kif speċifikat fir-Regolament (UE) Nru 1071/2013 (BĊE/2013/33). B'mod partikolari, fir-rigward tas-self, l-Artikolu 8(2) tar-Regolament (UE) Nru 1071/2013 (BĊE/2013/33) jeħtieġ li dan “[għandu jiġi rrapportat] skont l-ammont tal-kapital pendenti fl-aħħar tax-xahar. It-tħassir u tnaqqis fil-valur kif iddeterminat mill-prattiki ta' kontabbiltà relevanti għandhom ikunu esklużi minn dan l-ammont. […] is-self m'għandux ikun nnettjat kontra ebda assi jew passiv oħra”. Madankollu, għall-kuntrarju tar-regoli stabbiliti fl-Artikolu 8(2), li jimplikaw ukoll li s-self irid jiġi rrapportat gross mill-provvedimenti, l-Artikolu 8(4) jistipula li l-“BĊNi jistgħu jħallu r-rapportar ta' self kopert wara li jitnaqqsu l-koperturi u r-rapportar ta' self mixtri skont il-prezz miftiehem fil-ħin tal-akkwist tagħhom [jiġifieri l-valur tat-tranżazzjoni tagħhom], sakemm dawn il-prattiċi tar-rapportar ikunu applikati mill-operaturi kollha residenti li jirrapportaw”. Selfiet eliġibbli awtotitolizzati jistgħu ma jiġux irraportati jekk ikunu dekontabilizzati mill-karta tal-bilanċ. L-implikazzjonijiet li din id-devjazzjoni mill-gwida ġenerali dwar il-BSI għandha għall-kumpilazzjoni tar-rapporti tad-dejta huma rriveduti f'iktar dettall iktar 'il quddiem.
Ir-Regolament (UE) No 1071/2013 (BĊE/2013/33) għandu jintuża wkoll bħala d-dokument ta' referenza fir-rigward tad-definizzjonijiet li jridu jiġu applikati fil-kumpilazzjoni tar-rapporti tad-dejta. Ara, b'mod partikolari, l-Artikolu 1 għad-definizzjonijiet ġenerali, u l-Partijiet 2 u 3 tal-Anness II għal definizzjoni tal-kategoriji tal-istrumenti li għandhom ikunu koperti taħt “self” u tas-setturi ta' parteċipanti rispettivament. Huwa importanti, fil-qafas tal-BSI, li r-riċevibbli tal-imgħax dovut fuq is-self ikun, bħala regola, soġġett għal reġistrazzjoni fuq il-karta tal-bilanċ hekk kif isir dovut (jiġifieri fuq bażi tad-dovuti minflok meta fil-fatt jiġi riċevut), iżda għandu jkun eskluż mid-dejta fuq l-ammonti pendenti ta' self. Madankollu, imgħax kapitalizzat għandu jiġi rreġistrat bħala parti mill-ammonti pendenti.
Filwaqt li ħafna mid-dejta li trid tiġi rrapportata diġà tinġabar mill-IFM skont ir-rekwiżiti tar-Regolament (UE) Nru 1071/2013 (BĊE/2013/33), il-parteċipanti li jagħmlu offerti fit-TLTRO-III għandhom jiġbru ċerta informazzjoni addizzjonali. Il-qafas metodoloġiku għall-istatistika tal-BSI, kif stipulat fil-“Manual on MFI balance sheet statistics” (3) (“Manwal dwar l-istatistiki tal-karta tal-bilanċ tal-IFM”), jipprovdi t-tagħrif ta' sfond kollu meħtieġ biex tinġabar din id-dejta addizzjonali; iktar dettalji huma pprovduti fil-punt 4 dwar id-definizzjonijiet tal-indikaturi individwali.
3. Struzzjonijiet ġenerali ta' rapportar
(a) Struttura tal-mudelli dwar ir-rapportar
Il-mudelli jinkludu indikazzjoni tad-dati ta' referenza li għalihom tirreferi d-dejta u jiġbru l-indikaturi f'żewġ blokok:: selfiet IFM lill-korporazzjonijiet mhux finanzjarji taż-żona tal-euro u selfiet IFM lil unitajiet domestiċi taż-żona tal-euro, esklużi selfiet għal xiri ta' djar. Id-dejta fiċ-ċelloli kollha mmarkati bl-isfar hija kkalkolata mid-dejta mdaħħla f'ċelloli oħrajn, fuq il-bażi tal-formuli pprovduti. Il-mudelli jinkorporaw ukoll regoli ta' validazzjoni li jivverifikaw il-konsistenza interna tad-dejta.
Hemm żewġ rapporti fit-TLTRO-III.
— |
L-ewwel rapport jeħtieġ il-mudell A tad-dejta komplut b'rabta mal-ammont pendenti ta' referenza għall-fini tal-kalkolu tal-limitu fuq is-self u l-limiti tal-offerta. Il-parteċipanti li jeżerċitaw l-opzjoni skont l-Artikolu 6(3) iridu jipprovdu l-partiti supplimentari relatati ma' selfiet eliġibbli awtotitolizzati, u l-valutazzjoni tal-awditur għal dawk il-partiti, skont l-Artikolu 6(6)(c)(v). L-ewwel rapport jeħtieġ ukoll il-mudell B komplut għall-“ewwel perijodu ta' referenza”, jiġifieri mill-1 ta' April 2018 sat-31 ta' Marzu 2019, għall-finijiet tal-kalkolu tat-tislif nett eliġibbli u l-punti ta' riferiment. |
— |
It-tieni rapport jeħtieġ il-mudell B tad-dejta komplut għat-“tieni perijodu ta' referenza”, jiġifieri mill-1 ta' April 2019 sal-31 ta' Marzu 2021, għall-finijiet tal-kalkolu tat-tislif nett eliġibbli u t-tqabbil kontra l-punti ta' riferiment li fuqhom huma bbażati r-rati tal-imgħax applikabbli. |
Fil-Mudell B, l-indikaturi marbutin ma' ammonti pendenti jridu jiġu rrapportati kif kienu fi tmiem ix-xahar ta' qabel ma beda l-perijodu tar-rapportar u fi tmiem il-perjodu tar-rapportar; għalhekk, għall-ewwel perjodu ta' referenza ammonti pendenti għandhom jiġu rrapportati kif huma fil-31 ta' Marzu 2018 u fil-31 ta' Marzu 2019, u għat-tieni perijodu ta' referenza l-ammonti pendenti jridu jiġu rrapportati kif huma fil-31 ta' Marzu 2019 u l-31 ta' Marzu 2021. Min-naħa tagħha, id-dejta fuq tranżazzjonijiet u aġġustamenti trid tkopri l-effetti relevanti kollha li jseħħu matul il-perjodu tar-rapportar.
(b) Ir-rapportar fir-rigward ta' gruppi tat-TLTRO-III
Fir-rigward ta' parteċipazzjoni ta' grupp fit-TLTROs-III, bħala regola d-dejta għandha tiġi rrapportata fuq bażi aggregata. Madankollu, il-banek ċentrali nazzjonali ta' Stati Membri li l-munita tagħhom hija l-euro (BĊNi) għandhom il-possibbiltà li jiġbru t-tagħrif fuq bażi ta' istitituzzjonijiet individwali, jekk iqisu li dan ikun xieraq.
(c) Tranżmissjoni tar-rapporti tad-dejta
Ir-rapporti tad-dejta kompletati għandhom jintbagħtu lill-BĊN relevanti kif speċifikat fl-Artikolu 6 u skont il-kalendarju indikattiv għal TLTROs-III ppubblikat fuq is-sit elettroniku tal-BĊE, li jistipula wkoll il-perjodi ta' referenza li jridu jkunu koperti f'kull trażmizzjoni u liema vintages tad-dejta għandhom jintużaw għall-kumpilazzjoni tad-dejta.
(d) Unità tad-dejta
Id-dejta trid tiġi rrapportata f'termini ta' eluf ta' euro.
4. Definizzjonijiet
Din is-sezzjoni tipprovdi definizzjonijiet tal-partiti li jridu jiġu rrapportati; l-enumerazzjoni użata fil-mudell ta' rapportar hija indikata fil-parenteżi.
(a) Ammonti pendenti ta' selfiet eliġibbli (1 u 4)
Id-dejta f'dawn iċ-ċelloli tiġi kkalkolata fuq il-bażi tal-figuri rrapportati fir-rigward tal-partiti li ġejjin fil-karta tal-bilanċ: “Ammonti pendenti fil-karta tal-bilanċ” (1.1 u 4.1), nieqes l-“Ammonti pendenti ta' selfiet li huma titolizzati jew ittrasferiti b'xi mod ieħor iżda mhux dekontabilizzati mill-karta tal-bilanċ” (1.2 u 4.2), b'żieda ta' “Provvedimenti pendenti” (1.3 u 4.3). L-aħħar subterminu huwa relevanti biss f'każijiet li fihom, għall-kuntrarju tal-prattika ġenerali tal-BSI, is-self jiġi rrapportat nett mill-provvedimenti.
Il-partiti sottostanti tal-ammonti pendenti ta' selfiet eliġibbli huma skont kif ġej:
(i) |
Ammonti pendenti fil-karta tal-bilanċ (1.1 u 4.1) Din il-partita tinkludi ammonti pendenti ta' self mogħti lil korporazzjonijiet mhux finanzjarji u unitajiet domestiċi taż-żona tal-euro, bl-esklużjoni ta' self għax-xiri ta' djar. Għall-kuntrarju tal-imgħax kapitalizzat, l-imgħax dovut huwa eskluż mill-indikaturi. Dawn iċ-ċelloli huma marbuta direttament mar-rekwiżiti tal-Parti 2 tal-Anness I tar-Regolament (UE) Nru 1071/2013 (BĊE/2013/33) (Taqsima 2 tat-Tabella 1 fuq stokks tax-xahar). Għal definizzjoni iktar dettaljata tal-partiti li jridu jiddaħħlu fir-rapporti tad-dejta, ara l-Parti 2 tal-Anness II tar-Regolament (UE) Nru 1071/2013 (BĊE/2013/33) u s-Sezzjoni 4.3 tal-“Manual on MFI balance sheet statistics”. |
(ii) |
L-ammonti pendenti ta' selfiet titolizzati jew ittrasferiti b'xi mod ieħor iżda mhux dekontabilizzati mill-karta tal-bilanċ (1.2 u 4.2) Din il-partita tinkludi l-ammonti pendenti ta' selfiet li huma titolizzati jew ittrasferiti b'xi mod ieħor iżda li ma ġewx dekontabilizzati mill-karta tal-bilanċ. L-attivitajiet kollha ta' titolizzazzjoni jridu jiġu rrapportati, indipendentement minn fejn huma residenti l-korporazzjonijiet finanzjarji vetturi. Selfiet ipprovduti bħala kollateral lill-Eurosistema għall-operazzjonijiet ta' kreditu tal-politika monetarja fil-forma ta' pretensjonijiet ta' kreditu, li jirriżultaw fi trasferiment mingħajr dekontabilizzar mill-karta tal-bilanċ huma esklużi minn din il-partita. Il-Parti 5 tal-Anness I tar-Regolament (UE) Nru 1071/2013 (BĊE/2013/33) (Taqsima 5.1 tat-Tabella 5a fuq id-dejta tax-xahar) tkopri l-informazzjoni meħtieġa fuq selfiet titolizzati lil korporazzjonijiet mhux finanzjarji u unitajiet domestiċi li ma ġewx dekontabilizzati, iżda ma teħtieġx li dawn tal-aħħar jitqassmu skont l-iskop. Barra minn hekk, ammonti pendenti ta' selfiet li ġew ittrasferiti b'xi mod ieħor (jiġifieri mhux permezz ta' titolizzazzjoni) iżda li mhumiex dekontabilizzati, mhumiex koperti mir-Regolament (UE) Nru 1071/2013 (BĊE/2013/33). Għalhekk, għall-finijiet tal-kumpilazzjoni tar-rapporti tad-dejta, huma meħtieġa estrazzjonijiet ta' dejta separati mid-databases interni tal-IFM. Għal iktar dettalji tal-partiti li jridu jiddaħħlu fir-rapporti tad-dejta, ara l-Parti 5 tal-Anness I tar-Regolament (UE) Nru 1071/2013 (BĊE/2013/33) u s-Sezzjoni 3.11 tal-“Manual on MFI balance sheet statistics”. |
(iii) |
Provvedimenti pendenti (1.3 u 4.3) Din id-dejta hija relevanti biss għal dawk l-istituzzjonijiet li, għall-kuntrarju tal-prattika ġenerali tal-BSI, jirrapportaw tislif nett mill-provvedimenti. Fil-każ ta' istituzzjonijiet li jagħmlu offerti bħala grupp tat-TLTRO-III, dan ir-rekwiżit japplika biss għal dawk l-istituzzjonijiet fil-grupp li jirreġistraw tislif nett mill-provvedimenti. Din il-partita tinkludi provvedimenti individwali u kollettivi għal indeboliment u telf minn self (qabel ma jsir tħassir u tniżżil fil-valur). Id-dejta trid tirreferi għal “Ammonti pendenti ta' selfiet fuq il-karta tal-bilanċ” (1.1 u 4.1), esklużi “Ammonti pendenti ta' selfiet titolizzati jew ittrasferiti b'xi mod ieħor iżda mhux dekontabilizzati mill-karta tal-bilanċ” (1.2 u 4.2). Kif intqal iktar 'il fuq fit-tielet subparagrafu tal-punt 2, bħala regola, fl-istatistika tal-BSI is-selfet għandhom jiġu rrapportati bl-ammont pendenti ta' kapital, bil-provvedimenti korrispondenti li jiġu allokati f'“Kapital u riżervi”. F'dawn il-każijiet, m'għandha tiġi rrapportata l-ebda informazzjoni separata dwar provvedimenti. Fl-istess ħin, f'każijiet li fihom is-self jiġi rrapportat nett mill-provvedimenti, dan it-tagħrif addizzjonali jrid jiġi rrapportat sabiex tinġabar dejta kompletament paragunabbli bejn l-IFM. Meta tkun il-prattika li jiġu rrapportati ammonti pendenti ta' tislif nett mill-provvedimenti, il-BĊNi għandhom l-għażla li jagħmlu r-rapportar ta' dan it-tagħrif mhux obbligatorju. Madankollu, f'dawn il-każijiet il-kalkoli skont il-qafas tat-TLTROs-III ser ikunu msejsin fuq l-ammonti ta' self pendenti fil-karta tal-bilanċ nett mill-provvedimenti (4). Għal dettalji addizzjonali, ara r-referenza għad-dispożizzjonijiet fid-definizzjoni ta' “Kapital u riżervi” fil-Parti 2 tal-Anness II għar-Regolament (UE) Nru 1071/2013 (BĊE/2013/33). |
(b) Tislif nett eliġibbli (2)
Dawn iċ-ċelloli jirreġistraw it-tislif nett (tranżazzjonijiet) mogħti matul il-perjodu tar-rapportar. Id-dejta tiġi kkalkolata fuq il-bażi tal-figuri rrapportati għas-subpartiti, jiġifieri s-“Self gross” (2.1) nieqes il-“Ħlasijiet lura” (2.2).
Self li huwa negozjat mill-ġdid matul il-perjodu tar-rapportar għandu jiġi rrapportat kemm bħala “Ħlasijiet lura” kif ukoll bħala “Self gross” meta jseħħ in-negozjar mill-ġdid. Id-dejta dwar l-aġġustament trid tinkludi effetti marbutin man-negozjar mill-ġdid tas-self.
Fil-prinċipju, tranżazzjonijiet “mreġġa' lura” matul il-perjodu (jiġifieri self mogħti u mħallas lura matul il-perjodu) għandhom jiġu rrapportati kemm bħala “Self gross” kif ukoll bħala “Ħlasijiet lura”. Madankollu, l-IFM li jagħmlu offerti jistgħu jitħallew jeskludu dawn l-operazzjonijiet ukoll meta jikkompilaw ir-rapporti tad-dejta, sabiex jittaffa l-piż tar-rapportar tagħhom. F'dan il-każ, għandhom jinfurmaw lill-BĊN relevanti u d-dejta fuq l-aġġustamenti għall-ammonti pendenti għandha teskludi wkoll effetti marbutin ma' dawn l-operazzjonijiet imreġġa' lura. Din l-eċċezzjoni ma tapplikax għal self mogħti matul il-perjodu li huwa ttitolizzat jew ittrasferit b'xi mod ieħor.
Għandhom jiġu kkunsidrati wkoll dejn tal-karta tal-kreditu, self ċirkolanti u kreditu fuq kont kurrenti bankarju. Għal dawn l-istrumenti, bidliet fil-bilanċi minħabba ammonti użati jew prelevati matul il-perjodi tar-rapportar għandhom jintużaw bħala indikaturi għat-tislif nett. L-ammonti pożittivi għandhom jiġu rrapportati bħala “Self gross” (2.1), filwaqt li l-ammonti negattivi għandhom jiġu rrapportati (bis-sinjal pożittiv) bħala “Ħlasijiet lura” (2.2).
(i) |
Tislif gross (2.1) Din il-partita tinkludi l-fluss ta' selfiet ġodda grossi fil-perjodu tar-rapportar, għajr kwalunkwe akkwiżizzjoni ta' self. Kreditu mogħti relatat ma' dejn tal-karta tal-kreditu, self ċirkolanti u kreditu fuq kont kurrenti bankarju għandu jiġi rrapportat ukoll, kif spjegat iktar 'il fuq. Ammonti miżjudin matul il-perjodu mal-bilanċi dovuti tal-klijent, pereżempju, mal-kapitalizzazzjoni tal-imgħax (għall-kuntrarju tad-dovuti tal-imgħax) u t-tariffi, għandhom ikunu inklużi wkoll. |
(ii) |
Ħlasijiet lura (2.2) Din il-partita tinkludi l-fluss ta' ħlasijiet lura tal-kapital matul il-perjodu tar-rapportar, bl-esklużjoni ta' dawk marbutin ma' selfiet titolizzati jew ittrasferiti b'xi mod ieħor li mhumiex dekontabilizzati mill-karta tal-bilanċ. Il-ħlasijiet lura relatati mad-dejn tal-karta tal-kreditu, self ċirkolanti u kreditu fuq kont kurrenti bankarju għandhom jiġu rrapportati wkoll, kif spjegat iktar 'il fuq. Il-ħlasijiet tal-imgħax marbutin mal-imgħax dovut li ma jkunx għadu ġie kapitalizzat, ċessjoni tas-self u aġġustamenti oħrajn fl-ammonti pendenti (inklużi tħassir u tniżżil fil-valur) ma għandhomx jiġu rrapportati. Ir-Regolament (UE) Nru 1071/2013 (BĊE/2013/33) jeħtieġ li konverżjoni dejn-għal-ekwità jiġu trattati bħala transazzjonijiet. Madankollu għall-finijiet tal-kompilazzjoni tar-rapporti tad-dejta ta' TLTRO-III, il-konverżjonijiet ta' dejn-għal-ekwità, li permezz tagħhom self mogħti minn parteċipant lil korporazzjonijiet mhux finanzjarji huwa sostitwit b'ekwità miżmuma minn dak il-parteċipant f'dawn il-korporazzjonijiet mhux finanzjarji, jista' jiġi rrappurtat bħala riklassifikazzjoni minflok ħlas lura tas-self sakemm l-ammont ta' finanzjament ipprovdut mill-parteċipant għall-ekonomija reali ma jitnaqqasx b'dan il-mod, kif determinat mill-BĊN relevanti. Il-parteċipant għandu jipprovdi l-informazzjoni kollha meħtieġa lill-BĊN sabiex ikun jista' jiddeċiedi kif għandha tiġi ttrattata l-konverżjoni. |
(c) Aġġustamenti fl-ammonti pendenti (3)
Dawn iċ-ċelloli huma sabiex jiġu rrapportati bidliet fl-ammonti pendenti ta' selfiet eliġibbli (tnaqqis (-) u żidiet (+)) li jseħħu tul il-perjodu tar-rapportar li mhumiex marbutin mat-tislif nett eliġibbli. Tali bidliet iseħħu minn operazzjonijiet bħal titolizzazzjonijiet tas-self u trasferimenti oħrajn ta' self matul il-perjodu tar-rapportar, u minn aġġustamenti oħrajn marbutin mar-rivalutazzjonijiet dovuti għal bidliet fir-rati tal-kambju, tħassir u tniżżil fil-valur ta' self u riklassifikazzjonijiet.
Il-partiti relatati ma' aġġustamenti ta' ammonti pendenti jiġu kkalkolati b'mod awtomatiku fuq il-bażi tal-figuri rrapportati fis-subpartiti, jiġifieri “Bejgħ u xiri ta' self u trasferimenti oħrajn ta' self matul il-perjodu tar-rapportar” (3.1) miżjuda ma' “Aġġustamenti oħrajn” (3.2).
(i) |
Bejgħ u xiri ta' self u trasferimenti ta' self oħrajn matul il-perjodu tar-rapportar (3.1)
|
(ii) |
Aġġustamenti oħrajn (3.2) Il-partiti li ġejjin li huma relatati ma' aġġustamenti oħrajn trid tiġi rrapportata għal selfiet pendenti fil-karta tal-bilanċ, esklużi selfiet titolizzati jew ittrasferiti b'xi mod ieħor li ma ġewx dekontabilizzati.
|
(d) Ammonti supplimentari relatati ma' selfiet eliġibbli awtotitolizzati (S.1)
Il-parteċipanti li jeżerċitaw l-opzjoni skont l-Artikolu 6(3) għandhom jipprovdu wkoll il-partiti supplimentari li ġejjin relatati ma' ammonti pendenti ta' selfiet eliġibbli awtotitolizzati fil-mudell A:
(i) |
“Ammonti pendenti ta' selfiet awtotitolizzati eliġibbli mhux dekontabilizzati mill-karta tal-bilanċ” (S.1.1) Din id-dejta tirreferi għal selfiet li jkunu ġew awtotitolizzati u huma inklużi fl-ammonti rrapportati taħt il-partita 1.2. |
(ii) |
“Ammonti pendenti ta' selfiet awtotitolizzati eliġibbli dekontabilizzati mill-karta tal-bilanċ” (S.1.2) Din id-dejta tirreferi għal selfiet li jkunu ġew awtotitolizzati u li m'għadhomx irreġistrati fuq il-kart tal-bilanċ għaliex ġew dekontabilizzati. Sakemm is-selfiet ikomplu jiġu sservisjati mill-parteċipant, dawn jibqgħu soġġetti għal rapportar taħt il-Parti 5 tal-Anness I tar-Regolament (UE) Nru 1071/2013 (BĊE/2013/33) (Taqsima 3.1 tat-Tabelli 5a u 5b). |
(iii) |
“Ammonti pendenti ta' provvedimenti kontra selfiet awtotitolizzati eliġibbli mhux dekontabilizzati mill-karta tal-bilanċ” (S.1.3) Din id-dajta tirreferi għal selfiet mhux dekontabilizzati mill-karta tal-bilanċ – jiġifieri rrapportati taħt S.1.1. Dawn il-partiti għandhom jiġu rrapportati biss f'każijiet fejn, għall-kuntrarju tal-prattika ġenerali tal-BSI, is-selfiet jiġu rrapportati netti mill-provvedimenti. Madankollu, meta dan ikun il-każ, il-parteċipanti jistgħu jiddeċiedu li ma jipprovdux din l-informazzjoni, u f'dak il-każ l-ammonti relevanti ma jiġux inklużi fil-kalkolu tal-ammonti pendenti ta' selfiet eliġibbli. |
TLTRO-III mudell tar-rapportar A
Perijodu ta' rapportar:28 ta' Frar 2019 |
|||||||||
|
|||||||||
Self lil korporazzjonijiet mhux finanzjarji u unitajiet domestiċi, bl-esklużjoni ta' self lil unitajiet domestiċi għax-xiri tad-djar (EUR eluf) |
|||||||||
|
|||||||||
|
Aggregati ewlenin għall-ammont pendenti ta' referenza |
|
Self lill-korporazzjonijiet mhux finanzjarji |
Self lil unitajiet domestiċi (inklużi istituzzjonijiet mhux għal skop ta' profitt li jservu unitajiet domestiċi), bl-esklużjoni ta' self għal xiri ta' djar |
|
|
|
||
|
|
|
|
|
|
|
partita |
formula |
validazzjoni |
|
1 |
Ammonti pendenti ta' selfiet eliġibbli … |
|
0 |
0 |
1 |
1 = 1.1 – 1.2 (+ 1.3) |
|
|
|
|
|
|
|
|
|
|
|
|
|
S.1 |
Ammonti supplimentari relatati ma' self eliġibbli awtotitolizzat … |
|
0 |
0 |
S.1 |
S.1 = S.1.1 + S.1.2 (+ S.1.3) |
||
|
|
|
|
|
|
|
|
|
|
|
Partiti sottostanti |
|
|
|
|
|
|
||
|
|
|
|
|
|
|
|
|
|
|
|
Ammonti pendenti ta' selfiet eliġibbli fuq il-karta tal-bilanċ |
|
|
|
|
|
|
|
|
|
|
|
|
|
|
|
|
|
|
1.1 |
Ammonti pendenti fuq il-karta tal-bilanċ … |
|
|
|
1.1 |
|
|
|
|
|
|
|
|
|
|
|
|
|
|
1.2 |
L-ammonti pendenti ta' self li huwa titolizzat jew ittrasferit b'xi mod ieħor iżda mhux dekontabilizzat mill-karta tal-bilanċ … |
|
|
|
1.2 |
|
|
|
|
|
|
|
|
|
|
|
|
|
|
1.3 |
Provvedimenti pendenti kontra self rapportat fil-partita 1.1 eskluż 1.2 (*1)… |
|
|
|
1.3 |
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
Partiti supplimentari relatati ma' self eliġibbli awtotitolizzat |
|
|
|
|
|
|
|
|
|
|
|
|
|
|
|
|
|
|
S.1.1 |
Ammonti pendenti ta' self eliġibbli awtotitolizzat mhux dekontabilizzat mill-karta tal-bilanċ … |
|
|
|
S.1.1 |
|
S.1.1 <= 1.2 |
|
|
|
|
|
|
|
|
|
|
|
|
S.1.2 |
Ammonti pendenti ta' self eliġibbli awtotitolizzat dekontabilizzat mill-karta tal-bilanċ … |
|
|
|
S.1.2 |
|
|
|
|
|
|
|
|
|
|
|
|
|
|
S.1.3 |
Ammonti pendenti ta' provvedimenti kontra self eliġibbli awtotitolizzat mhux dekontabilizzat mill-karta tal-bilanċ (*1)… |
|
|
|
S.1.3 |
|
|
|
|
|
|
|
|
|
|
|
|
|
TLTRO-III mudell tar-rapportar B
Perijodu ta' rapportar: L-1 ta' April 2018 sal-31 ta' Marzu 2019 (l-ewwel perijodu ta' referenza) / l-1 ta' April 2019 sal-31 ta' Marzu 2021 (it-tieni perijodu ta' referenza) |
|||||||||
|
|||||||||
Self lil korporazzjonijiet mhux finanzjarji u unitajiet domestiċi, bl-esklużjoni ta' self lil unitajiet domestiċi għax-xiri tad-djar (EUR eluf) |
|||||||||
|
|||||||||
|
Aggregati ewlenin |
|
Self lill-korporazzjonijiet mhux finanzjarji |
Self lil unitajiet domestiċi (inklużi istituzzjonijiet mhux għal skop ta' profitt li jservu unitajiet domestiċi), bl-esklużjoni ta' self għal xiri ta' djar |
|
|
|
||
|
|
|
|
|
|
|
partita |
formula |
validazzjoni |
|
1 |
Ammonti pendenti ta' self eliġibbli fl-aħħar tax-xahar qabel il-bidu tal-perijodu ta' rapportar … |
|
0 |
0 |
1 |
1 = 1.1 - 1.2 (+1.3) |
|
|
|
|
|
|
|
|
|
|
|
|
|
2 |
Self nett eliġibbli fil-perijodu ta' rapportar … |
|
0 |
0 |
2 |
2 = 2.1 + 2.2 |
|
|
|
|
|
|
|
|
|
|
|
|
|
3 |
Aġġustament għall-ammonti pendenti: tnaqqis (–) u żidiet (+) … |
|
0 |
0 |
3 |
3 = 3.1 + 3.2 |
|
|
|
|
|
|
|
|
|
|
|
|
|
4 |
Ammonti pendenti ta' self eliġibbli fl-aħħar tal-perijodu ta' rapportar … |
|
0 |
0 |
4 |
4 = 4.1 – 4.2 (+4.3) |
4 = 1 + 2 + 3 |
|
|
|
|
|
|
|
|
|
|
|
|
Partiti sottostanti |
|
|
|
|
|
|
||
|
|
|
|
|
|
|
|
|
|
|
|
Ammonti pendenti ta' self eliġibbli fl-aħħar tax-xahar qabel il-bidu tal-perijodu ta' rapportar |
|
|
|
|
|
|
|
|
|
|
|
|
|
|
|
|
|
|
1.1 |
Ammonti pendenti fuq il-karta tal-bilanċ … |
|
|
|
1.1 |
|
|
|
|
|
|
|
|
|
|
|
|
|
|
1.2 |
L-ammonti pendenti ta' self li huwa titolizzat jew ittrasferit b'xi mod ieħor iżda mhux dekontabilizzat mill-karta tal-bilanċ … |
|
|
|
1.2 |
|
|
|
|
|
|
|
|
|
|
|
|
|
|
1.3 |
Provvedimenti pendenti kontra self rapportat fil-partita 1.1 eskluż 1.2 (*2)… |
|
|
|
1.3 |
|
|
|
|
|
|
|
|
|
|
|
|
|
|
|
Self nett eliġibbli fil-perijodu ta' rapportar |
|
|
|
|
|
|
|
|
|
|
|
|
|
|
|
|
|
|
2.1 |
Self gross … |
|
|
|
2.1 |
|
|
|
|
|
|
|
|
|
|
|
|
|
|
2.2 |
Ħlasijiet lura … |
|
|
|
2.2 |
|
|
|
|
|
|
|
|
|
|
|
|
|
|
|
Aġġustament għall-ammonti pendenti: tnaqqis (-) u żidiet (+) |
|
|
|
|
|
|
|
|
|
|
|
|
|
|
|
|
|
|
3.1 |
Bejgħ u xiri ta' self u trasferimenti ta' self oħrajn matul il-perjodu tar-rapportar … |
|
0 |
0 |
3.1 |
3.1 = 3.1A + 3.1B + 3.1C |
|
|
|
|
|
|
|
|
|
|
|
|
|
3.1A |
Flussi netti ta' self li huwa titolizzat b'impatt fuq l-istokks tas-self … |
|
|
|
3.1A |
|
|
|
|
|
|
|
|
|
|
|
|
|
|
3.1B |
Flussi netti ta' self li huwa ttrasferit b'xi mod ieħor b'impatt fuq l-istokks tas-self … |
|
|
|
3.1B |
|
|
|
|
|
|
|
|
|
|
|
|
|
|
3.1C |
Flussi netti tas-self li huwa titolizzat jew ittrasferit b'xi mod ieħor mingħajr impatt fuq l-istokks tas-self … |
|
|
|
3.1C |
|
|
|
|
|
|
|
|
|
|
|
|
|
|
3.2 |
Aġġustamenti oħrajn … |
|
0 |
0 |
3.2 |
3.2 = 3.2A + 3.2B + 3.2C |
|
|
|
|
|
|
|
|
|
|
|
|
|
3.2A |
Rivalutazzjonijiet dovuti għal bidliet fir-rati tal-kambju … |
|
|
|
3.2A |
|
|
|
|
|
|
|
|
|
|
|
|
|
|
3.2B |
Tħassir/tnaqqis tal-valur … |
|
|
|
3.2B |
|
|
|
|
|
|
|
|
|
|
|
|
|
|
3.2C |
Klassifikazzjonijiet mill-ġdid … |
|
|
|
3.2C |
|
|
|
|
|
|
|
|
|
|
|
|
|
|
|
Ammonti pendenti ta' self eliġibbli fl-aħħar tal-perijodu ta' rapportar |
|
|
|
|
|
|
|
|
|
|
|
|
|
|
|
|
|
|
4.1 |
Ammonti pendenti fuq il-karta tal-bilanċ … |
|
|
|
4.1 |
|
|
|
|
|
|
|
|
|
|
|
|
|
|
4.2 |
L-ammonti pendenti ta' self li huwa titolizzat jew ittrasferit b'xi mod ieħor iżda mhux dekontabilizzat mill-karta tal-bilanċ … |
|
|
|
4.2 |
|
|
|
|
|
|
|
|
|
|
|
|
|
|
4.3 |
Provvedimenti pendenti kontra self rapportat fil-partita 4.1 eskluż 4.2 (*2)… |
|
|
|
4.3 |
|
|
|
|
|
|
|
|
|
|
|
|
|
(1) Il-qafas kunċettwali sottostanti tar-rekwiżiti tar-rapportar baqa' ma nbidilx meta mqabbel ma' dak speċifikat fid-Deċiżjonijiet BĊE/2014/34 u (UE) 2016/810 (BĊE/2016/10), bl-eċċezzjoni ta' bidliet relatati għall-inklużjoni ta' selfiet eliġibbli awtotitolizzati għall-finijiet tal-kalkolu tal-limitu fuq is-self.
(2) Għall-finijiet tar-rapportar ta' dejta, “unitajiet domestiċi” tinkludi istituzzjonijiet mingħajr skop ta' qligħ li jaqdu lil unitajiet domestiċi.
(3) Ara l-“Manual on MFI balance sheet statistics”, BĊE, Jannar 2019, disponibbli fuq is-sit elettroniku tal-BĊE www.ecb.europa.eu. B'mod partikolari, is-Sezzjoni 4.3, p. 40, titratta r-rappurtar statistiku tas-self.
(4) Din l-eċċezzjoni għandha implikazzjonijiet għar-rapportar tad-dejta fuq tħassir u tniżżil fil-valur ukoll, kif iċċarat iktar 'il quddiem.
(5) Din il-konvenzjoni tas-sinjali, li hija l-kontra tar-rekwiżiti tar-Regolament (UE) Nru 1071/2013 (BĊE/2013/33), hija konsistenti mar-rekwiżit ġenerali dwar id-dejta ta' aġġustament, kif speċifikat iktar 'il fuq – jiġifieri effetti li jwasslu għal żidiet jew tnaqqis fl-ammonti pendenti għandhom jiġu rrapportati, rispettivament, b'simbolu pożittiv jew negattiv.
(6) Ir-Regolament (UE) Nru 1071/2013 (BĊE/2013/33) jippermetti lill-IFM sabiex jirrapportaw self mixtri bil-valur tat-tranżazzjoni tagħhom sakemm din tkun prattika nazzjonali applikata mill-IFM kollha residenti fil-pajjiż. F'każijiet bħal dawn, il-komponenti ta' rivalwazzjoni li jistgħu jiġġarrbu għandhom jiġu rrapportati taħt il-partita 3.2B.
(7) Għandhom jintużaw ir-rati tal-kambju ta' referenza tal-BĊE. Ara l-istqarrija għall-istampa tat-8 ta' Lulju 1998 dwar l-istabbiliment ta' standards tas-suq komuni li hija disponibbli fis-sit tal-BĊE http://www.ecb.europa.eu.
(8) Dan ir-rekwiżit huwa differenti mir-rekwiżiti ta' rapportar taħt ir-Regolament (UE) Nru 1071/2013 (BĊE/2013/33).
(9) Dan ir-rekwiżit huwa l-istess bħall-informazzjoni li għandha tiġi rrapportata skont ir-Regolament (UE) Nru 1071/2013 (BĊE/2013/33) mill-IFM li jirreġistraw tislif nett mill-provvedimenti.
(*1) Applikabbli biss f'dawk il-każijiet fejn is-self huwa rrapportat nett mill-provvedimenti; ara l-istruzzjonijiet tar-rappurtar għal iktar dettall.
(*2) Applikabbli biss f'dawk il-każijiet fejn is-self huwa rrapportat nett mill-provvedimenti; ara l-istruzzjonijiet tar-rappurtar għal iktar dettall.