8.4.2014   

MT

Il-Ġurnal Uffiċjali tal-Unjoni Ewropea

L 104/72

(1)

Il-mikrodejta dwar il-kreditu tinkludi partiti individwali ta' informazzjoni dwar skoperturi tal-kreditu tal-istituzzjonijiet ta' kreditu jew istituzzjonijiet finanzjarji oħrajn li jipprovdu self fil-konfront ta' mutwatarji. Dejta mhux aggregata ta' dan it-tip tista' tinġabar, mingħajr ħsara għal salvagwardji xierqa tal- kunfidenzjalità, fuq bażi ta' mutwatarju b'mutwatarju jew ta' self b'self minn reġistri tal-kreditu operati mill-banek ċentrali nazzjonali (BĊNi) tas-Sistema Ewropea tal-Banek Ċentrali (SEBĊ) (minn hawn 'il quddiem “reġistri centrali tal-kreditu” jew “RĊK”), jew minn sorsi oħra ta' dejta granulari, inkluż ir-reġistri ta' kreditu, jew kollezzjonijiet statistiċi alternattivi. Numru ta' BĊNi li operaw RĊK jaqsmu mikrodejta dwar il-kreditu ma' xulxin għall-iskop sabiex din dejta tiġi mgħoddija lill-istituzzjonijiet ta' rapportar u tiġi ffaċilitata ħarsa ġenerali iktar komprensiva tad-dejn tal-mutwatarji (2).

(2)

L-Artikolu 5 tal-Istatut tas-Sistema Ewropea tal-Banek Ċentrali u tal-Bank Ċentrali Ewropew (minn hawn 'il quddiem “l-Istatut tas-SEBĊ”) jispeċifika illi, sabiex jitwettqu l-kompiti tas-SEBĊ, il-Bank Ċentrali Ewropew (BĊE), megħjun mill-BĊNi tas-SEBĊ, jiġbor it-tagħrif statistiku neċessarju jew mingħand awtoritajiet nazzjonali kompetenti jew direttament mingħand l-aġenti ekonomiċi. Barra minn dan, l-Artikolu 8(5) tar-Regolament (KE) Nru 2533/98 jippermetti lill-BĊE li jiddeċiedi dwar il-ġbir u t-trażmissjoni fi ħdan is-SEBĊ, sal-punt u l-livell ta' dettall neċessarju, ta' informazzjoni kunfidenzjali oriġinarjament miġbura għal għanjiet oħra li mhumiex dawk tal-Artikolu 5 tal-Istatut tas-SEBĊ, sakemm dan huwa neċessarju għall-iżvilupp jew produzzjoni effiċjenti tal-istatistika jew għat-titjib tal-kwalità tagħha, u din l-istatistika hija neċessarja għat-twettiq tal-kompiti tas-SEBĊ imsemmija fit-Trattat dwar il-Funzjonament tal-Unjoni Ewropea.

(3)

Mikrodejta dwar il-kreditu bbażata fuq RĊK u sorsi oħra ta' dejta dwar il-kreditu disponibbli huma meħtieġa għal: (a) l-iżvilupp u l-produzzjoni tal-istatistika ġdida tas-SEBĊ f'oqsma bħall-istatistika fuq assi indeboliti, provvedimenti għal assi indeboliti u riservi ta' rivalutazzjoni u statistika fuq self lil korporazzjonijiet mhux finanzjarji, mqassma skont id-daqs tal-korporazzjonijet ikkonċernati; (b) titjib fil-kwalità tal-istatistika eżistenti tas-SEBĊ f'oqsma bħal ma huma l-istatistika fuq linji ta' kreditu mqassma skont is-settur kontroparti, fuq self tal-korporazzjonijiet mhux finanzjarji mqassma skont l-attività ekonomika, u fuq self appoġġjat minn kollateral fi proprjetà immobbli. Din l-istatistika ġdida jew imtejba li trid tiġi prodotta għal żmien twil hija meħtieġa għat-twettiq tal-kompiti tal-Eurosistema inkluż l-analiżi tal-politika monetarja u l-operazzjonijiet tal-politika monetarja, l-immaniġjar tar-riskju, is-sorveljanza tal-istabbiltà finanzjarja u r-riċerka, kif ukoll il-kontribut tal-Eurosistema għat-tmexxija bla xkiel tal-politika segwita mill-awtoritajiet kompetenti fir-rigward tas-superviżjoni prudenzjali tal-istituzzjonijiet ta' kreditu u l-istabbiltà tas-sistema finanzjarja.

(4)

Qafas għal żmien twil għal ġbir ta' mikrodejta dwar il-kreditu bbażat fuq l-obbligi ta' rapportar statistiku armonizzati tal-BĊE għandu jiġi stabbilit fi strumenti legali tal-BĊE li jrid jiġi adottat taħt l-Artikolu 5 tal-Istatut tas-SEBĊ, li għandu jiġi ppreżentat lill-Kunsill Governattiv fiż-żmien adegwat sabiex jiġi żgurat illi sal-aħħar tal-2016 (a) databases nazzjonali ta' mikrodejta dwar il-kreditu jitħaddmu mill-BĊNi kollha tal-Eurosistema b'konformità ma' standards minimi speċifikati żviluppati matul il-fażi ta' tħejjija, u (b) databases komuni ta' mikrodejta dwar il-kreditu maqsuma bejn il-membri tal-Eurosistema u li tinkludi input data għall-Istati Membri kollha li l-munita tagħhom hija l-euro jiġu stabbiliti fuq il-bażi ta' dawn databases nazzjonali ta' mikrodejta dwar il-kreditu, bil-għan li tiġi żgurata, b'mod gradwali, id-disponibbiltà sħiħa tal-istatistika dwar il-kreditu neċessarja għat-twettiq tal-kompiti tal-Eurosistema, inklużi b'mod partikolari, il-kontribut għat-tmexxija bla xkiel ta' politiki segwiti mill-awtoritajiet kompetenti fir-rigward tas-superviżjoni prudenzjali ta' istituzzjonijiet ta' kreditu u l-istabbiltà tas-sistema finanzjarja. Dan l-istrument legali tal-BĊE għal żmien twil għandu jiddefinixxi wkoll id-data, sa mhux aktar tard mid-data speċifikata aktar 'il fuq, li minnha għandu jibda l-ġbir ta' dejta granulari dwar il-kreditu bbażat fuq rekwiżiti ta' rapportar statistiku armonizzati tal-BĊE. Għalkemm disinn wiesgħa tal-kontenut tal-mikrodejta dwar il-kreditu futura li trid tinġabar skont dawn ir-rekwiżiti ta' rapportar statistiku armonizzati tal-BĊE huwa stipulat fl-iskema tar-rapportar ta' referenza annessa ma' din id-Deċiżjoni, l-iskop preċiż u l-kontenut tad-dejta li trid tinġabar taħt il-qafas għal żmien twil għad iridu jiġu ddefiniti. It-tħejjijiet għat-twaqqif ta' dan il-qafas għal żmien twil ser isiru permezz ta' miżuri ta' tħejjija implimentati taħt din id-Deċiżjoni li għandhom l-għanijiet li ġejjin: (a) id-definizzjoni ta' grupp ewlieni ta' settijiet ta' mikrodejta dwar il-kreditu armonizzati li jridu jiġu pprovduti lill-BĊE mill-BĊNi għal żmien twil; (b) l-identifikazzjoni u l-valutazzjoni tal-ħtiġijiet tal-utent relevanti fir-rigward tal-applikazzjoni ta' mikrodejta dwar il-kreditu fi ħdan is-SEBĊ għal żmien twil; (c) stima tal-kosts relatati ġġenerati mill-ġbir, l-assigurazzjoni tal-kwalità u l-proċeduri għall-qsim ta' dejta; (d) l-eliminazzjoni gradwali ta' diskrepanzi fid-dejta marbutin ma' nuqqas ta' kompletezza jew nuqqas ta' databases ta' mikrodejta dwar il-kreditu f'xi Stati Membri; (e) id-definizzjoni tal-governanza xierqa u l-aspetti organizzattivi għat-tħaddim tal-qafas għal żmien twil, u (f) tiġi żgurata interoperabbiltà aħjar u l-użu mill-ġdid tad-dejta fost ir-RĊK, ir-reġistri tal-kreditu u databases ta' kreditu relevanti oħra li jissodisfaw il-kriterji ta' kwalità.

(5)

Il-Kumitat tal-Istatistika (minn hawn 'il quddiem “KST”) tas-SEBĊ għandu jiġi nkarigat mill-Kunsill Governatti biex jassistih fl-implimentazzjoni ta' dawn il-miżuri ta' tħejjija. B'mod partikolari, il-KST għandu jorganizza t-trażmissjoni annwali mill-BĊNi lill-BĊE ta' mikrodejta dwar il-kreditu disponibbli bħala parti mill-proċess li permezz tiegħu jiġi żgurat l-allinjament ta' dik il-mikrodejta dwar il-kreditu li trid tinġabar għal żmien twil mal-ħtiġijiet tal-utent prospettiv tas-SEBĊ. Għal dan il-għan, utenti tal-BĊE li ma jibbenefikawx mid-deroga fl-Artikolu 3(3) ta' din id-Deċiżjoni jistgħu jingħataw aċċess għal tagħrif statistiku kunfidenzjali miksub minn kwalunkwe dejta granulari dwar il-mikrodejta dwar kreditu trażmessa lill-BĊE sakemm jiġi implimentat qafas għal żmien twil, b'konformità mas-salvagwardji relevanti tal-kunfidenzjalità.

(6)

It-trattament ugwali ta' BĊNi individwali għandu jkun il-prinċipju ta' gwida li fuqu huma msejsal-miżuri ta' tħejjija għall-qafas għal żmien twil. Il-kriterji minimi neċessarji fir-rigward tal-iskop, il-limiti massimi u minimi ta' saffi jew strata fil-popolazzjoni tal-mutwatarji u l-kategorizzazzjonijiet l-oħra possibbli, il-livell ta' dettall tal-attributi tad-dejta u l-kwalità tal-mikrodejta dwar il-kreditu miġbura jiġu proposti lill-Kunsill Governattiv għall-BĊNi kollha tal-Eurosistema matul il-fażi ta' tħejjija. Id-differenzi bejn settijiet ta' dejta mogħtija minn BĊNi individwali jridu jiġu identifikati u mnaqqsin b'mod progressiv permezz ta' aġġustamenti introdotti bil-konsenji ta' dejta sussegwenti li jsiru bis-saħħa ta' din id-Deċiżjoni. Fl-istess waqt, ċerti BĊNi tal-Eurosistema jistgħu jeħtieġu perijodu itwal ta' phase-in fil-fażi ta' tħejjija biex jiżviluppaw jew jiksbu aċċess għal databases komprensivi ta' mikrodejta dwar il-kreditu. Dawn il-BĊNi għandhom, matul il-fażi ta' tħejjija, jitħallew jibbenefikaw minn derogi temporanji mill-obbligu li japplikaw miżuri ta' tħejjija speċifiċi żviluppati mill-KST, sakemm il-perijodu ta' kull deroga speċifika huwa strettament limitat għaz-zmien minimu neċessarju għall-BĊN ikkonċernat biex jikseb il-konformità mal-miżuri ta' tħejjija koperti mid-deroga matul il-fażi ta' tħejjija, u dak il-perijodu huwa f'kull każ stabbilit b'mod li jippermetti li l-objettivi stipulati fl-Artikolu 1 jinkisbu fir-rigward tal-BĊNi kollha tal-Eurosistema.

(7)

B'konformità mal-ġurisprudenza tal-Qorti tal-Ġustizzja tal-Unjoni Ewropea, kemm it-Trattati kif ukoll il-liġi adottata mill-Unjoni fuq il-bażi tat-Trattati jieħdu preċedenza fuq il-liġi nazzjonali tal-Istati Membri, taħt il-kundizzjonijiet stabbiliti minn dik il-ġurisprudenza (3). Bl-istess mod, l-implimentazzjoni ta' din id-Deċiżjoni ma tirriżultax fi ksur tad-dispożizzjonijiet tal-liġi nazzjonali li jimponu kundizzjonijiet ta' kunfidenzjalità speċifiċi jew reċiproċità fir-rigward tal-qsim transkonfinali ta' dejta miġbura permezz tar-RĊK.

(8)

Huwa meħtieġ li tiġi stabbilita proċedura sabiex isiru emendi tekniċi lill-Anness ta' din id-Deċiżjoni b'mod effettiv, kemm-il darba dawn l-emendi la jbiddlu l-qafas kunċettwali bażiku u lanqas ma jaffettwaw il-piż tar-rapportar. Il-BĊNi jistgħu jipproponu dawn l-emendi tekniċi lill-Annessi permezz tal-KST, li l-fehma tiegħu tiġi kkunsidrata meta tiġi segwita din il-proċedura.

(9)

Id-dispożizzjonijiet ta' din id-Deċiżjoni jistgħu jiġu estiżi biex japplikaw għall-BĊNi tal-Istati Membri li l-munita tagħhom mhijiex l-euro billi dawk il-BĊNi jidħlu f'kooperazzjoni mal-banek ċentrali tal-Eurosistema fuq il-bażi ta' rakkomandazzjoni tal-BĊE,

(1)

“reġistru ċentrali tal-kreditu” (RĊK) tfisser reġistru ta' kreditu imħaddem minn bank ċentrali;

(2)

“reġistru ta' kreditu” (RK) tfisser reġistru li jiġbor mikrodejta dwar il-kreditu minn istituzzjonijiet ta' rapportar;

(3)

“mikrodejta dwar il-kreditu” tfisser informazzjoni dwar skoperturi tal-kreditu ta' istituzzjonijiet ta' kreditu jew istituzzjonijiet finanzjarji oħra li jipprovdu self fil-konfront tal-mutwatarji' mogħtija fuq bażi ta' mutwatarju b'mutwatarju jew ta' self b'self.

(a)

l-identifikazzjoni tal-ħtiġijiet relevanti tal-utenti u stima tal-kosts relatati ġġenerati minn proposti għall-ġbir, l-assigurazzjoni tal-kwalità u l-proċeduri għall-qsim ta' dejta li għandhom jiġu applikati għal żmien twil;

(b)

id-definizzjoni u t-titjib tas-settijiet ta' mikrodejta dwar il-kreditu li jridu jinġabru skont il-qafas għal żmien twil, b'mod partikolari fir-rigward tal-ambitu, il-limiti tas-saffi jew strata fil-popolazzjoni mutwatarja u l-kategorizzazzjonijiet l-oħra possibbli, il-livell ta' detall tal-attributi tad-dejta u l-kwalità tal-mikrodejta dwar il-kreditu miġbura;

(c)

l-organizzazzjoni tat-trażmissjoni ta' mikrodejta dwar il-kreditu fil-fażi ta' tħejjija b'konformità mal-Artikolu 4 u l-iffissar tal-istandards ta' kwalità li l-mikrodejta dwar il-kreditu miksuba mill-RĊK jew reġistri tal-kreditu oħrajn iridu jikkonformaw magħhom qabel il-bidu tat-trażmissjoni;

(d)

l-iżvilupp ta' arranġamenti dettaljati dwar l-operat li jispeċifikaw li t-trażmissjoni, il-kumpilazzjoni, il-ħzin u l-uu tal-mikrodejta dwar il-kreditu jridu jiġu ttestjati u rfinuti fil-fażi ta' tħejjija bil-ħsieb li sussegwentement jiġu inkorporati fil-qafas għal żmien twil;

(e)

li jiġi stabbilit programm ta' zmien għat-tlestija ta' passi u prodotti speċifiċi mill-BĊNi individwali u l-BĊE, inklużi passi li jridu jittieħdu mill-BĊNi li preżentement ma għandhomx aċċess għal databases komprensivi ta' mikrodejta dwar il-kreditu, bil-ħsieb li dan l-aċċess jinkiseb permezz tal-iżvilipp ta' RĊK tagħhom stess jew b'mezz ieħor;

(f)

il-monitoraġġ tal-progress miksub fir-rigward tal-miżuri elenkati f'punti (a) sa (e), u l-identifikazzjoni tal-modifiki relevanti jekk meħtieġa.