“(c)

m’għandhomx jikkonsistu, għal kollox jew parzjalment, attwalment jew potenzjalment, minn noti marbutin ma’ kreditu jew klejms simili li jirriżultaw mit-trasferiment ta’ kreditu permezz ta’ derivattivi ta’ kreditu jew tranches jew titoli oħrajn sostnuti minn assi (*). Titoli sostnuti minn assi maħruġin qabel l-1 ta’ Marzu 2009 għandhom ikunu eżentati mir-rekwiżit li m’għandhomx jikkonsistu minn tranches ta’ titoli oħrajn sostnuti minn assi sal-1 ta’ Marzu 2010.

“—

L-Eurosistema tillimita l-użu ta’ bonds tal-bank mhux koperti maħruġin minn xi entità li magħha min jagħmel il-ħruġ ikollu rabtiet mill-qrib skond l-obbligi legali stabbiliti fit-Taqsima 6.2.3. Il-bonds mhux koperti tal-banek maħruġin minn persuna (issuer) jew entità waħda li magħha min jagħmel il-ħruġ ikollu rabtiet mill-qrib, jistgħu jintużaw biss bħala garanziji minn kontroparti sakemm il-valur mogħti lil dik il-garanzija mill-Eurosistema wara l-applikazzjoni ta’ haircuts, ma jkunx jaqbeż l-10 % tal-valur totali tal-garanzija mogħtija minn dik il-kontroparti wara l-haircuts. Din il-limitazzjoni ma tapplikax għal bonds mhux koperti tal-banek iggarantiti minn entità tas-settur pubbliku li għandha dritt timponi taxxi, jew jekk il-valur wara l-haircuts tal-bonds mhux koperti tal-banek imsemmija hawn fuq, ma jaqbiżx EUR 50 miljun. Bonds mhux koperti tal-banek mogħtija bħala garanzija lill-Eurosistema sa l-20 ta’ Jannar 2009 m’humiex suġġetti għal din il-limitazzjoni sa l-1 ta’ Marzu 2010. Fil-każ li jkun hemm għaqda bejn entità waħda jew iżjed li jagħmlu l-ħruġ ta’ bonds tal-bank li mhumiex koperti jew it-twaqqif ta’ rabta mill-qrib bejn dawn, dawn l-entitajiet għandhom jiġu kkunsidrati bħala grupp wieħed ta’ min jagħmel il-ħruġ, fil-kuntest ta’ din il-limitazzjoni, sena biss wara d-data tal-għaqda jew minn meta tiġi stabbilita rabta mill-qrib.”;

—

—

—

—

—

—

—