Ħames affarijiet li għandek tkun taf fuq it-Trattat ta’ Maastricht
It-Trattat waqqaf il-pedamenti għall-Unjoni Ewropea kif nafuha llum
It-Trattat ta’ Maastricht, magħruf uffiċjalment bħala t-Trattat dwar l-Unjoni Ewropea, waqqaf il-pedamenti għall-Unjoni Ewropea kif nafuha llum.
Kien ir-riżultat ta’ bosta snin ta' diskussjonijiet bejn il-gvernijiet u ġie ffirmat fil-belt Olandiża ta’ Maastricht, li tinsab viċin il-fruntieri mal-Belġju u l-Ġermanja. Ħames affarijiet li għandek tkun taf dwar it-Trattat.
1.
Stabbilixxa l-Unjoni Ewropea
Kooperazzjoni ikbar
It-Trattat ta’ Maastricht żied b’mod sinifikanti l-kooperazzjoni bejn il-pajjiżi Ewropej f’għadd ta’ oqsma ġodda:
2.
Ġie ffirmat minn 12-il pajjiż
3.
Ħejja l-pedamenti għall-euro
Munita unika għall-Ewropej
It-Trattat ta’ Maastricht ħejja t-triq għall-ħolqien ta’ munita unika Ewropea: l-euro. Dan waqqaf ukoll il-Bank Ċentrali Ewropew (BĊE) u s-Sistema Ewropea ta’ Banek Ċentrali, u ddefinixxa l-għanijiet tagħhom. L-għan ewlieni tal-BĊE huwa li jżomm l-istabbiltà tal-prezzijiet, i.e. li jissalvagwarda l-valur tal-euro.
It-Trattat kien il-qofol ta’ għexieren ta’ snin ta’ diskussjonijiet fuq it-tkabbir tal-kooperazzjoni ekonomika fl-Ewropa. Il-mexxejja Ewropej reġgħu fetħu d-diskussjoni dwar l-introduzzjoni ta’ munita unika fl-1986 u fl-1989 intrabtu li kellha tidħol bi proċess ta’ tranżizzjoni fi tliet fażijiet.
It-Trattat ta’ Maastricht stabbilixxa formalment dawn il-fażijiet:
4.
Daħħal il-kriterji li jridu jissodisfaw il-pajjiżi biex jissieħbu fl-euro
It-Trattat stabbilixxa wkoll regoli dwar kif l-euro jaħdem fil-prattika. Dan inkluda x'għandu jagħmel pajjiż biex jissieħeb fiż-żona tal-euro?
L-għan ta’ dawn ir-regoli partikolari, magħrufin ukoll bħala l-kriterji ta’ Maastricht jew il-kriterji ta’ konverġenza, huwa li jiżguraw li tinżamm l-istabbiltà tal-prezzijiet fiż-żona tal-euro, anki meta pajjiżi ġodda jissieħbu fil-munita.
Ir-regoli jaħdmu biex jiżguraw li l-pajjiżi li jissieħbu jkunu stabbli f’dawn l-oqsma:
5.
Qabża kbira ’l quddiem għall-integrazzjoni Ewropea
L-Ewropa ngħaqdet aktar
Minn meta ġie ffirmat it-Trattat ta’ Maastricht, il-pajjiżi Ewropej ingħaqdu iżjed flimkien filwaqt li xi oqsma politiċi, bħal dawk ekonomiċi u fiskali, baqgħu fil-kompetenza nazzjonali. Il-mexxejja Ewropej qablu fuq passi oħra biex ikomplu jkattru l-integrazzjoni bejn l-istati Ewropej bħal:
Illum madwar 450 miljun ċittadin minn 27 Stat Membru jgawdu mill-benefiċċji tal-kooperazzjoni Ewropea.
Fis-snin minn meta ntlaħaq ftehim fuq il-pjan direzzjonali lejn munita unika, l-euro llum huwa t-tieni munita li tintuża l-aktar fid-dinja u sar parti mill-ħajja ta’ kuljum ta' madwar 350 miljun ruħ fil-pajjiżi taż-żona tal-euro.
TRID TKUN TAF AKTAR?
AQRA F’IKTAR DETTALL HAWNHEKK