EUR-Lex Access to European Union law
This document is an excerpt from the EUR-Lex website
Document 32014D0024(01)
2014/338/EU: Decision of the European Central Bank of 5 June 2014 amending Decision ECB/2010/23 on the allocation of monetary income of the national central banks of Member States whose currency is the euro (ECB/2014/24)
2014/338/UE: Deċiżjoni tal-Bank Ċentrali Ewropew tal- 5 ta' Ġunju 2014 li temenda d-Deċiżjoni BĊE/2010/23 dwar l-allokazzjoni tad-dħul monetarju tal-banek ċentrali nazzjonali ta' Stati Membri li l-munita tagħhom hija l-euro (BĊE/2014/24)
2014/338/UE: Deċiżjoni tal-Bank Ċentrali Ewropew tal- 5 ta' Ġunju 2014 li temenda d-Deċiżjoni BĊE/2010/23 dwar l-allokazzjoni tad-dħul monetarju tal-banek ċentrali nazzjonali ta' Stati Membri li l-munita tagħhom hija l-euro (BĊE/2014/24)
OJ L 168, 7.6.2014, p. 117–117
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 30/12/2016; Imħassar b' 32016D0036(01)
7.6.2014 |
MT |
Il-Ġurnal Uffiċjali tal-Unjoni Ewropea |
L 168/117 |
DEĊIŻJONI TAL-BANK ĊENTRALI EWROPEW
tal-5 ta' Ġunju 2014
li temenda d-Deċiżjoni BĊE/2010/23 dwar l-allokazzjoni tad-dħul monetarju tal-banek ċentrali nazzjonali ta' Stati Membri li l-munita tagħhom hija l-euro
(BĊE/2014/24)
(2014/338/UE)
IL-KUNSILL GOVERNATTIV TAL-BANK ĊENTRALI EWROPEW,
Wara li kkunsidra l-Istatut tas-Sistema Ewropea ta' Banek Ċentrali u tal-Bank Ċentrali Ewropew, u b'mod partikolari l-Artikolu 32 tiegħu,
Billi:
(1) |
Id-Deċiżjoni BĊE/2010/23 (1) tistabbilixxi mekkaniżmu għall-ippuljar u l-allokazzjoni ta' dħul monetarju li jirriżulta minn operazzjonijiet tal-politika monetarja. |
(2) |
L-Artikolu 5(2) tad-Deċiżjoni BĊE/2010/23 jispeċifika li l-ammont tad-dħul monetarju ta' kull BĊN għandu jitnaqqas b'ammont ekwivalenti għall-imgħax akkumulat jew imħallas fuq passiv inkluż fi ħdan il-bażi tal-passiv, u skont kull deċiżjoni tal-Kunsill Governattiv taħt it-tieni subparagrafu tal-Artikolu 32.4 tal-Istatut tas-Sistema Ewropea ta' Banek Ċentrali u tal-Bank Ċentrali Ewropew. Għandu jiġi kkjarifikat li kull dħul li jsir fuq il-passiv inkluż fi ħdan il-bażi tal-passiv għandu jiżdied mad-dħul monetarju tal-BĊNi li għandu jiġi ppuljat. |
(3) |
Id-Deċiżjoni BĊE/2010/23 għandha tiġi emendata kif meħtieġ. |
ADOTTA DIN ID-DEĊIŻJONI:
Artikolu 1
Emenda
L-Artikolu 5(2) tad-Deċiżjoni BĊE/2010/23 huwa ssostitwit b'dan li ġej:
“2. L-ammont tad-dħul monetarju ta' kull BĊN għandu jiġi aġġustat b'ammont ekwivalenti għal kull imgħax akkumulat, imħallas jew riċevut fuq passiv inkluż fi ħdan il-bażi tal-passiv, u b'mod konformi ma' kull deċiżjoni tal-Kunsill Governattiv taħt it-tieni subparagrafu tal-Artikolu 32.4 tal-Istatut tas-SEBĊ.”.
Artikolu 2
Dħul fis-seħħ
Din id-Deċiżjoni għandha tidħol fis-seħħ fil-jum tal-pubblikazzjoni tagħha f'Il-Ġurnal Uffiċjali tal-Unjoni Ewropea.
Magħmul fi Frankfurt am Main, il-5 ta' Ġunju 2014.
Il-President tal-BĊE
Mario DRAGHI
(1) Id-Deċiżjoni BĊE/2010/23 tal-25 ta' Novembru 2010 dwar l-allokazzjoni tad-dħul monetarju tal-banek ċentrali nazzjonali ta' Stati Membri li l-munita tagħhom hija l-euro (ĠU L 35, 9.2.2011, p. 17).