EUR-Lex Access to European Union law
This document is an excerpt from the EUR-Lex website
Document 32012O0021
2012/689/EU: Guideline of the European Central Bank of 26 September 2012 on the data quality management framework for the Centralised Securities Database (ECB/2012/21)
2012/689/UE: Linja gwida tal-Bank Ċentrali Ewropew tas- 26 ta’ Settembru 2012 dwar il-qafas ta’ mmaniġġjar tal-kwalità tad-dejta għall-Bażi ta’ Dejta Ċentralizzata dwar it-Titoli (BĊE/2012/21)
2012/689/UE: Linja gwida tal-Bank Ċentrali Ewropew tas- 26 ta’ Settembru 2012 dwar il-qafas ta’ mmaniġġjar tal-kwalità tad-dejta għall-Bażi ta’ Dejta Ċentralizzata dwar it-Titoli (BĊE/2012/21)
OJ L 307, 7.11.2012, p. 89–103
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
Special edition in Croatian: Chapter 06 Volume 014 P. 11 - 25
No longer in force, Date of end of validity: 31/05/2022; Imħassar b' 32022O0971
|
7.11.2012 |
MT |
Il-Ġurnal Uffiċjali tal-Unjoni Ewropea |
L 307/89 |
LINJA GWIDA TAL-BANK ĊENTRALI EWROPEW
tas-26 ta’ Settembru 2012
dwar il-qafas ta’ mmaniġġjar tal-kwalità tad-dejta għall-Bażi ta’ Dejta Ċentralizzata dwar it-Titoli
(BĊE/2012/21)
(2012/689/UE)
IL-KUNSILL GOVERNATTIV TAL-BANK ĊENTRALI EWROPEW,
Wara li kkunsidra l-Istatut tas-Sistema Ewropea tal-Banek Ċentrali u tal-Bank Ċentrali Ewropew, u b’mod partikolari l-Artikoli 5.1, 12.1 u 14.3 tiegħu,
Wara li kkunsidra r-Regolament tal-Kunsill (KE) Nru 2533/98 tat-23 ta’ Novembru 1998 dwar il-ġbir ta’ tagħrif statistiku mill-Bank Ċentrali Ewropew (1),
Billi:
|
(1) |
Il-Bażi ta’ Dejta Ċentralizzata dwar it-Titoli (CSDB — Centralised Securities Database) hija infrastruttura ta’ teknologija informatika waħda, li titħaddem b’mod konġunt mill-membri tas-Sistema Ewropea tal-Banek Ċentrali (SEBĊ), inklużi l-banek ċentrali nazzjonali (BĊNi) ta’ Stati Membri li mhumiex fiż-żona tal-euro fejn dawn il-BĊNi minn jeddhom jipparteċipaw fl-operat tas-CSDB. Is-CSDB taħżen id-dejta partita b’partita, b’mod partikolari, id-dejta dwar titoli, l-emittenti tagħhom u l-prezzijiet. |
|
(2) |
Id-dejta tinġabar minn sorsi varji, inkluż mingħand membri tas-SEBĊ, xi fornituri ta’ dejta kummerċjali, il-pubbliku u sorsi amministrattivi, u tiġi trasmessa lis-CSDB. Madankollu, hemm riskju illi din id-dejta li tiddaħħal tista’ tkun mhux preċiża jew mhux kompleta. Is-sistema tas-CSDB tista’ tirrikonċilja parzjalment dejta inkonsistenti li tiddaħħal minn sorsi differenti, u tista’ tidentifika dejta li mhijiex kompleta jew li hija nieqsa. Hija awtomatikament tgħaqqad id-dejta li tiddaħħal minn sorsi varji fejn hemm trikkib sa fejn huwa possibbli ġewwa rekord wieħed li huwa komplet u ta’ kwalità għolja. |
|
(3) |
Il-kwalità ġenerali ta’ dejta fis-CSDB tista’ tiġi vvalutata biss fil-livell ta’ dejta li tinħareġ aktar milli fil-livell ta’ settijiet individwali ta’ dejta li tiddaħħal. Sabiex tiġi żgurata l-kompletezza, il-preċiżjoni u l-konsistenza tad-dejta li tinħareġ, sa fejn huwa possibbli, huwa neċessarju li jiġi definit qafas għall-immaniġġjar tal-kwalità tad-dejta (DQM) biex jiġi applikat lill-output feed data, subsett tad-dejta li tinħareġ li jista’ jintuża biex jappoġġa l-produzzjoni ta’ statistika jew għal użi oħrajn. L-output feed data hija pprovduta lill-BĊNi sa mhux aktar tard minn sebat ijiem tax-xogħol wara t-tmiem ta’ kull xahar tal-kalendarju. |
|
(4) |
Xi output feed data tinkludi wkoll attributi bħal prezzijiet jew informazzjoni relatata mal-introjtu li huma mistennija li jvarjaw biż-żmien. Dawn l-attributi huma vverifikati b’mod awtomatiku mis-sistema tas-CSDB permezz tal-applikazzjoni ta’ algoriżmi statistiċi. Huma l-attributi speċifikati f’Anness I għal kull mira tad-DQM li huma suġġetti għall-verifika minn awtoritajiet kompetenti b’konformità ma’ din il-Linja Gwida. Il-lista sħiħa ta’ attributi li jikkostitwixxu l-feeds appoġġati hija stipulata f’Anness II. |
|
(5) |
Il-qafas tad-DQM tas-CSDB għandu jkun applikat lill-output feed data irrispettivament mis-sors tad-dejta li tiddaħħal. Huwa għandu jistabbilixxi r-responsabbiltajiet tal-BĊNi taż-żona tal-euro għall-kwalità tad-dejta li tinħareġ fis-CSDB u, fejn relevanti, dawk tal-Bank Ċentrali Ewropew (BĊE). |
|
(6) |
Il-qafas tad-DQM tas-CSDB għandu jkun ibbażat, l-ewwel fuq miri tad-DQM li jirrappreżentaw indikaturi għall-valutazzjoni tal-kwalità ta’ output feed data u, it-tieni, fuq metriċi tad-DQM li jidentifikaw u jipprijoritizzaw, għal kull mira tad-DQM rispettiva, l-output feed data li tenħtieġ li tiġi vverifikata. Huwa għandu jkun ibbażat ukoll fuq il-limiti tad-DQM li jiddefinixxu l-livell minimu ta’ verifika li trid titwettaw fir-rigward ta’ mira tad-DQM. |
|
(7) |
Minħabba n-nuqqas ta dejta ta’ referenza, il-miri tad-DQM mhux dejjem jidentifikaw żbalji fl-output feed data iżda jistgħu jidentifikaw biss każijiet fejn hija meħtieġa l-verifika manwali ta’ output feed data. |
|
(8) |
Peress illi s-CSDB jitħaddem b’mod konġunt mill-membri kollha tas-SEBĊ, huma għandhom kollha jimmiraw li jsegwu l-istess standards tad-DQM. Barra minn dan, BĊNi li mhumiex fiż-żona tal-euro huma fl-aqwa pożizzjoni biex iwettqu DQM fuq id-dejta relatata ma’ emittenti li jirrisjedu fl-Istati Membri rispettivi tagħhom. Filwaqt illi huwa rikonnoxxut illi linji gwida adottati mill-BĊE ma jistgħux jimponu obbligi fuq BĊNi li mhumiex fiż-żona tal-euro, Artikolu 5 tal-Istatut tas-Sistema Ewropea tal-Banek Ċentrali u tal-Bank Ċentrali Ewropew japplika kemm lill-BĊNi taż-żona tal-euro kif ukoll lil dawn li mhumiex fiż-żona tal-euro. BĊNi li mhumiex fiż-żona tal-euro għandhom għalhekk ifasslu u jimplimentaw il-miżuri kollha illi huma jqisu li huma xierqa sabiex iwettqu DQM b’konformità ma’ din il-Linja Gwida. |
|
(9) |
Sabiex tittejjeb il-kwalità tad-dejta li tinħareġ, għandha ssir ġestjoni tas-sors tad-dejta (DSM — Data Source Management) bil-għan li jiġu identifikati u kkoreġġuti żbalji strutturali fid-dejta li tiddaħħal direttament ma’ min jipprovdi d-dejta, |
ADOTTA DIN IL-LINJA GWIDA:
Artikolu 1
Definizzjonijiet
Għall-finijiet ta’ din il-Linja Gwida:
|
1. |
“CSDB” tfisser il-Bażi ta’ Dejta Ċentralizzata dwar it-Titoli stabbilita mis-SEBĊ u li tinsab fil-bini tal-BĊE; |
|
2. |
“dejta li tiddaħħal” tfisser kull dejta pprovduta lis-CSDB minn sors ta’ dejta wieħed jew aktar; |
|
3. |
“dejta li tinħareġ” (output data) tfisser dejta li tinkiseb awtomatikament mis-CSDB billi tiġi magħquda dejta li tiddaħħal ġewwa rekord wieħed komplet u ta’ kwalità għolja; |
|
4. |
“output feed data” tfisser is-subsett ta’ dejta li tinħareġ u l-karatteristiċi elenkati f’Anness II li jservu bħala kontribut għad-dejta għall-appoġġ tal-produzzjoni ta’ statistika jew għal użi oħrajn; |
|
5. |
“Immaniġġjar tal-Kwalità tad-Dejta” jew “DQM” tfisser li tiġi żgurata, ivverifikata u miżmuma l-kwalità ta’ output feed data permezz tal-użu u l-applikazzjoni ta’ miri tad-DQM, metriċi tad-DQM, limiti tad-DQM u l-workflow tad-DQM; |
|
6. |
“Ġestjoni tas-Sors tad-Dejta” jew “DSM” tfisser l-identifikazzjoni u l-korrezzjoni ta’ żbalji ripetittivi u/jew strutturali fid-dejta li tiddaħħal ma’ min jipprovdi d-dejta; |
|
7. |
“DQM inizjali” tfisser DQM ta’ output feed data, inkluż dejta li tkopri l-aktar perijodu ta’ żmien riċenti, li titwettaq minn awtoritajiet kompetenti fid-DQM ta’ kull xahar waqt li tiġi kkunsidrata l-output feed data pprovduta mit-tbassir tal-aħħar tax-xahar; |
|
8. |
“DQM regolari” tfisser DQM ta’ output feed data li titwettaq minn awtoritajiet kompetenti tad-DQM fuq bażi ta’ kull xahar li tqis id-dejta ta’ referenza li mhijiex tas-CSDB ipprovduta minn sorsi ta’ dejta varji bil-ħsieb li jiġi żgurat illi l-kwalità tad-dejta li tinħareġ mis-CSDB tissodisfa r-rekwiżiti għall-feed data tas-CSDB; |
|
9. |
“mira tad-DQM” tfisser punt ta’ referenza għall-valutazzjoni tal-kwalità ta’ output feed data, kif speċifikat f’Anness I; |
|
10. |
“metrika tad-DQM” tfisser indikatur statistiku li jkejjel il-livell li fih tkun waslet ċertu mira tad-DQM, kif speċifikat f’Anness I; |
|
11. |
“limitu tad-DQM’ tfisser il-livell minimu ta’ xogħol ta’ verifika li jrid isir sabiex jiġu sodisfatti r-rekwiżiti tal-qafas tad-DQM għal mira tad-DQM; |
|
12. |
“workflow tad-DQM” tfisser proċess tekniku applikat għall-korrezzjoni tad-dejta li tiddaħħal sabiex tikkonforma ma’ mira tad-DQM; |
|
13. |
“tbassir tal-aħħar tax-xahar” tfisser aġġornament regolari ta’ kull xahar tad-dejta li tinħareġ u ta’ metriċi tad-DQM li tipproduċi approssimazzjoni tad-dejta li tinħareġ għall-pożizzjoni tal-aħħar tax-xahar li jmiss; |
|
14. |
“jum ta’ xogħol” tfisser jum sħiħ li fih ikun miftuħ it-TARGET2, kif ippubblikat fuq il-websajt tal-BĊE; |
|
15. |
“verifika” tfisser il-proċess li permezz tiegħu awtoritajiet kompetenti fid-DQM jivverifikaw l-output feed data tas-CSDB u, jekk meħtieġ, jikkoreġu d-dejta li tiddaħħal fis-CSDB, biex b’hekk jiġi applikat il-workflow tad-DQM; |
|
16. |
“residenti” għandha l-istess tifsira definita f’Artikolu 1 tar-Regolament (KE) Nru 2533/98. |
Artikolu 2
Suġġett u ambitu
1. Din il-Linja Gwida tistabbilixxi qafas għad-DQM fis-CSDB, li l-għan tiegħu huwa li jiżgura l-kompletezza, l-preċiżjoni u l-konsistenza ta’ dejta li tinħareġ fis-CSDB permezz ta’ regoli dwar il-kwalità tal-istandards li jiġu applikati lil din id-dejta b’mod konsistenti.
2. Il-qafas tad-DQM tas-CSDB għandu jkun ibbażat fuq id-DQM u d-DSM.
Artikolu 3
Awtoritajiet kompetenti tad-DQM
1. Il-BĊN tal-Istat Membru taż-żona tal-euro li fih huwa residenti emittent ta’ titolu għandu jkun kompetenti għad-DQM tad-dejta relatata ma’ dak l-emittent.
2. Il-BĊE għandu jkun kompetenti għad-DQM ta’ dejta relatata ma’ emittenti residenti barra ż-żona tal-euro, sakemm BĊN li mhuwiex fiż-żona tal-euro ma jkunx aċċetta r-responsabbiltà biex imexxi DQM għal dejta relatata ma’ emittenti residenti fl-Istat Membru tiegħu.
Artikolu 4
DQM, metriċi tad-DQM u limiti minimi tad-DQM
1. Awtoritajiet kompetenti tad-DQM għandhom iwettqu DQM inizjali u DQM regolari. Meta jagħmlu dan huma għandhom jivverifikaw l-output feed data, irrispettivament mis-sors tagħha.
2. L-awtoritajiet kompetenti tad-DQM għandhom japplikaw metriċi tad-DQM b’konformità ma’ Anness I.
3. Għall-attributi koperti minn Anness I, awtoritajiet kompetenti fid-DQM għandhom japplikaw il-limiti minimi tad-DQM f’livell li jiżgura l-kwalità tal-output feed data skont ir-rekwiżiti li jappoġġaw l-użi għal dawn l-attributi rispettivi kif stipulat f’Anness II.
Artikolu 5
DQM inizjali
1. DQM inizjali għandu jkun applikat lill-miri tad-DQM 1, 2. 3a, 3b u 6, kif speċifikat f’Anness I.
2. Il-BĊE għandu jagħmel disponibblit-tbassir tal-aħħar tax-xahar sebat ijiem tax-xogħol qabel it-tmiem ta’ kull xahar tal-kalendarju.
3. Fit-twettiq tad-DQM inizjali, l-awtoritajiet kompetenti tad-DQM għandhom jivverifikaw anomaliji sostanzjali fl-istatistika sabiex jiżguraw illi, wara li jkun seħħ id-DQM inizjali, l-output feed data tkun tirrifletti l-aktar żviluppi riċenti sa fejn huwa possibbli.
4. L-awtoritajiet kompetenti fid-DQM għandhom jivverifikaw id-dejta tat-tbassir tal-aħħar tax-xahar sat-tmiem tat-tieni jum tax-xogħol tax-xahar tal-kalendarju sa fejn, skont il-metriċi tad-DQM, il-limiti minimi tad-DQM ma jkunux ġew intlaħqu.
5. Fejn ma hemm ebda dejta ta’ referenza disponibbli barra s-CSDB, id-DQM inizjali għandu jiddependi biss fuq informazzjoni li hija disponibbli għall-awtorità kompetenti tad-DQM jew li tista’ tinkiseb faċilment mingħajr it-twaqqif ta’ xi struttura ġdida għar-rappurtar.
6. L-awtoritajiet kompetenti tad-DQM għandhom jikkoreġu dejta li tiddaħħal skont il-workflow tad-DQM permezz tas-sistema tas-CSDB jew billi jipprovdu fajls tad-dejta li tiddaħħal lill-BĊE, skont kif xieraq.
Artikolu 6
DQM regolari
1. DQM regolari għandu jkun applikat lill-miri tad-DQM 3a, 3b, 4, 5. u 6, kif speċifikat f’Anness I.
2. L-awtoritajiet kompetenti tad-DQM għandhom iwettqu DQM regolari fi żmien xahar mit-tmiem ta’ kull xahar ta’ kalendarju. Huma għandhom jivverifikaw l-output feed data, bili jqisu l-informazzjoni kollha disponibbli preżentement, sa mhux aktar tard mit-tieni jum tax-xogħol tax-xahar tal-kalendarju wara x-xahar li fih jitwettaq id-DQM regolari.
3. L-awtoritajiet kompetenti tad-DQM għandhom jikkoreġu dejta li tiddaħħal skont il-workflow tad-DQM miftiehem permezz tas-sistema tas-CSDB jew billi jipprovdu fajls tad-dejta li tiddaħħal lill-BĊE, skont kif xieraq.
Artikolu 7
Kompiti relatati mad-DSM
1. L-awtoritajiet kompetenti tad-DQM għandhom jidentifikaw kwistjonijiet tad-DSM u jirrappurtawhom lill-BĊE.
2. Il-BĊE għandu jindirizza l-iżbalji ripetittivi ta’ prijorità għolja fir-rigward tad-DSM f’kooperazzjoni mal-awtoritajiet kompetenti tad-DQM relevanti fi żmien xahar mid-data li fiha kwistjoni tad-DSM tiġi rrappurtata lill-BĊE.
Artikolu 8
Korrezzjonijiet tad-dejta li tiddaħħal
Awtorità kompetenti tad-DQM għandha, sakemm jekk tkun tejbet dejta li tiddaħħal, tuża s-sistema tas-CSDB sabiex tikkoreġi żbalji u omissjonijiet fid-dejta li tiddaħħal fiha li ma jkunux ġew ikkoreġġuti fil-kors tal-verifika kif speċifikat fl-Artikolu 5(4).
Artikolu 9
Rapport annwali tal-kwalità
Filwaqt li jikkunsidra l-fehmiet tal-Kumitat tal-Istatistika tas-SEBĊ, ta’ kull sena l-Bord Ezekuttiv tal-BĊE għandu jirrapporta lill-Kunsill Governattiv dwar il-kwalità tal-output feed data.
Artikolu 10
Proċedura ssimplifikata ta’ emenda
Filwaqt li jikkunsidra l-fehmiet tal-Kumitat tal-Istatistika tas-SEBĊ, il-Bord Eżekuttiv tal-BĊE għandu jkun intitolat jagħmel emendi tekniċi fl-Annessi ta’ din il-Linja Gwida, sakemm dawn l-emendi ma jbiddlux il-qafas kunċettwali sottostanti tal-Linja Gwida, inkluż id-diviżjoni ta’ responsabbiltajiet bejn il-BĊE u l-BĊNi jew ma jolqtux fis-sostanza l-piż tar-rapportar fuq l-awtoritajiet kompetenti tad-DQM. Il-Bord Eżekuttiv għandu jinforma lill-Kunsill Governattiv b’kull emenda bħal din mingħajr dewmien żejjed.
Artikolu 11
Dħul fis-seħħ
1. Din il-Linja Gwida tidħol fis-seħħ fl-1 ta’ Novembru 2012.
2. Din il-Linja Gwida tapplika mill-1 ta’ Lulju 2013.
Artikolu 12
Indirizzati
Din il-Linja Gwida hija indirizzata lill-banek ċentrali kollha tal-Eurosistema.
Magħmul fi Frankfurt am Main, is-26 ta’ Settembru 2012.
Għall-Kunsill Governattiv tal-BĊE
Il-President tal-BĊE
Mario DRAGHI
(1) ĠU L 318, 27.11.1998, p. 8.
ANNESS I
MIRI, IMPLIMENTAZZJONI U ATTRIBUTI TAD-DQM U l-BAŻI TAL-LIMITU TAD-DQM
|
Mira tad-DQM |
Metriċi tad-DQM |
Implimentazzjoni |
Attributi tal-output feed data |
Bażi tal-limitu tad-DQM |
||||||||||||||||||||||||||||||
|
Mira 1: Stabbiltà tad-dejta — dejta tal-istokk |
Kunċett:
Ġrajjiet li jiskattaw bidla fl-indiċi:
Kopertura: Din il-metrika tad-DQM għandha tkopri l-ishma kollha f’fond tal-investiment, ekwità u titoli ta’ dejn inkluż ċertifikati li m’għandhomx data ta’ maturità ta’ aktar minn tliet xhur. |
Mira 1 tivvaluta l-istabbiltà tad-dejta tal-istokk. Bidliet mhux ivverifikati fl-attributi tas-CSDB m’għandhomx inaqqsu s-sehem tad-dejta stabbli lil hinn mil-limitu minimu tad-DQM għal kull wieħed mis-setturi emittenti tas-Sistema Ewropea tal-Kontijiet (ESA) (1):
|
Attributi espliċiti: Id-data tal-ħruġ għad-dejn, id-data tal-maturità tad-dejn, valuta nominali, il-bażi tal-kwotazzjoni, il-klassi tal-istrument tal-ESA, il-pajjiż ta’ residenza tal-emittent, is-settur tal-ESA tal-emittent, il-klassifikazzjoni tal-emittent fil-Klassifikazzjoni Ewropea tal-Attivitajiet Ekonomiċi (NACE — European Classification of Economic Activities), l-ammont pendenti, in-numru ta’ ishma pendenti għal ishma ikkwotati. |
Ammonti pendenti jew kapitalizzazzjoni tas-suq f’euro, espressi bħala sehem tad-d-dejta tal-istokk. |
||||||||||||||||||||||||||||||
|
Mira 2: Preċiżjoni tad-dejta — kwistjonijiet ġodda u fidi; ħruġ nett |
Kunċett:
|
Mira 2 tivvaluta ħarġiet ġodda u fidi fil-konfront ta-dejta tal-istokk rispettiva. Id-dejta tal-ammont pendenti mhux ivverifikat ta’ ħarġiet ġodda u ta’ fidi ta’ titoli ta’ dejn ikkwotati f’persentaġġ f’termini nett m’għandhomx jeċċedu l-limitu minimu tad-DQM għall kull wieħed mis-setturi tal-emittent tal-ESA li ġejjin:
|
Attributi espliċiti: ammont pendenti. Attributi espliċiti: Id-data tal-ħruġ, id-data tal-maturità tad-dejn, il-valuta nominali, il-bażi tal-kwotazzjoni, il-klassi tal-istrument tal-ESA, il-pajjiż ta’ residenza tal-emittent, is-settur tal-ESA tal-emittent. |
Ammonti pendenti f’euro, espressi bħala żvilupp relattiv meta mqabbel mad-dejta tal-istokk rispettiv. |
||||||||||||||||||||||||||||||
|
Mira 3a: Preċiżjoni tad-dejta — appoġġ għall-allokazzjoni korretta tas-settur u l-estrazzjoni tad-dejta skont l-emittent |
Sfond kunċettwali:
Kunċett: Għal kull pajjiż ta’ residenza l-metrika għandha tidentifika l-istrumenti fi gruppi b’nuqqas ta’ qbil u torbothom bħala sehem ta’ persentaġġ f’termini ta’ għadd jew f’termini ta’ ammonti monetarju mal-istrumenti kollha għal dak il-pajjiż. Kopertura: Il-metrika għandha tkopri l-istrumenti kollha fis-CSDB. |
Mira 3a tivvaluta l-identifikazzjoni korretta tal-popolazzjoni tal-emittent. Fejn hemm nuqqas ta’ ftehim dwar l-emittent ta’ strument, jiġifieri dwar l-istrumenti fi “gruppi b’nuqqas ta’ qbil”, dawn l-istrumenti m’għandhomx jeċċedu l-limitu minimu tad-DQM. |
Attributi espliċiti: Identifikatur tal-emittent użat għall-iggruppjar. |
Ammonti pendenti espressi f’euro li jirreferu għal strumenti fi gruppi b’nuqqas ta’ qbil, espressi bħala sehem ta’ persentaġġ tal-istrumenti kollha. |
||||||||||||||||||||||||||||||
|
Mira 3b: Preċiżjoni tad-dejta — appoġġ għall-allokazzjoni korretta tas-settur u l-estrazzjoni tad-dejta skont l-emittent |
Sfond kunċettwali:
Kunċett: Għal kull pajjiż ta’ residenza l-metrika għandha tidentifika l-istrumenti fi gruppi indipendenti u torbothom bħala sehem ta’ persentaġġ f’termini ta’ għadd jew f’termini ta’ ammonti monetarju mal-istrumenti kollha għal dak il-pajjiż. Kopertura: Il-metrika għandha tkopri l-istrumenti kollha fis-CSDB. |
Mira 3b tivvaluta l-identifikazzjoni korretta tal-popolazzjoni tal-emittent. Fejn ma hemmx informazzjoni affidabbli dwar l-emittent ta’ strument, jiġifieri dwar l-istrumenti fi “gruppi indipendenti”, dawn l-istrumenti m’għandhomx jeċċedu l-limitu minimu tad-DQM. |
Attributi espliċiti: Identifikatur tal-emittent użat għall-iggruppjar. |
Ammonti pendenti espressi f’euro li jirreferu għal strumenti fi gruppi indipendenti, espressi bħala sehem ta’ persentaġġ tal-istrumenti kollha. |
||||||||||||||||||||||||||||||
|
Mira 4: Preċiżjoni tad-dejta — ammont pendenti ta’ titoli ta’ dejn inkluż ċertifikati |
Kunċett:
|
Mira 4 tqabbel id-dejta li tinħareġ mis-CSDB mad-dejta ta’ referenza esterna. Differenzi mhux ivverifikati u mhux spjegati bejn id-dejta aggregata tas-CSDB u l-informazzjoni rispettiva mis-SEC tal-BĊE jew punti ta’ referenza affidabbli oħrajn m’għandhomx, bla ħsara għad-disponibbiltà ta’ din id-dejta ta’ referenza, jeċċedu l-limitu minimu tad-DQM għall-istess data ta’ referenza għal kull wieħed mis-setturi emittenti tal-ESA li ġejjin:
|
Attributi espliċiti: Ammont pendenti f’euro, kapitalizzazzjoni tas-suq f’euro. Attributi impliċiti: id-data tal-ħruġ, id-data tal-maturità, il-valuta, is-settur tal-ESA tal-emittent, il-pajjiż tar-residenza. |
Ammont pendenti jew kapitalizzazzjoni tas-suq f’euro, espressi bħala differenza fil-persentaġġ bejn is-CSDB u l-punt ta’ referenza estern. |
||||||||||||||||||||||||||||||
|
Mira 5: Preċiżjoni tad-dejta — ekwità tal-kapitalizzazzjoni tas-suq |
Kunċett:
|
Mira 5 tqabbel id-dejta li tinħareġ mis-CSDB mad-dejta ta’ referenza esterna. Differenzi mhux ivverifikati u mhux spjegati bejn l-informazzjoni aggregata tas-CSDB u l-informazzjoni rispettiva mis-SEC tal-BĊE jew punti ta’ referenza affidabbli oħrajn m’għandhomx, bla ħsara għad-disponibbiltà ta’ dejta ta’ referenza, jeċċedu l-limitu minimu tad-DQM għall-istess data ta’ referenza għal kull wieħed mis-setturi emittenti tal-ESA li ġejjin:
|
Attributi espliċiti: Ammont pendenti f’euro, numru ta’ ishma pendenti għal ishma kkwotati. Attributi impliċiti: valuta nominali, settur emittenti skont l-ESA, pajjiż ta’ residenza, valur tal-prezz għal ishma kkwotati (verifika ta’ kampjun biss). |
Ammont pendenti jew kapitalizzazzjoni tas-suq f’euro, espressi bħala differenza fil-persentaġġ bejn is-CSDB u l-punt ta’ referenza estern. |
||||||||||||||||||||||||||||||
|
Mira 6: Preċiżjoni tad-dejta — klassifikazzjoni tal-emittent |
Kunċett: Il-metrika għandha tiggrada l-emittenti għal kull kombinazzjoni ta’ pajjiż ta’ residenza/setturi emittenti skont it-total tal-passiv tagħhjom ibbażat fuq titoli (ekwità u dejn ikkombinati). Il-metrika għandha tindika wkoll il-bidliet fil-gradazzjoni assoluti bejn emittenti differenti biex tiġi ffaċilitata l-identifikazzjoni ta’ outliers sinifikanti f’ammonti pendenti jew kapitalizzazzjoni tas-suq. Il-pajjiż ta’ residenza u l-klassifikazzjoni tas-settur tal-emittent għandhom jiġu vverifikati sal-limitu minimu tad-DQM. Kopertura: Din il-metrika għandha tkopri l-ishma kollha f’fond tal-investiment, ekwità u titoli ta’ dejn li m’għandhomx data ta’ maturità ta’ aktar minn tliet xhur. |
Mira 6 tivvaluta l-klassifikazzjoni statistika tal-emittenti. Il-klassifikazzjoni statistika tal-emittenti sal-limitu minimu tad-DQM għandha tiġi vverifikata għal kull wieħed mis-setturi emittenti tal-ESA li ġejjin:
|
Settur tal-ESA tal-emittent, pajjiż ta’ residenza. |
Ammont pendenti jew kapitalizzazzjoni tas-suq f’euro, espressi bħala “kapitalizzazzjoni”, jiġifieri l-ammonti pendenti u l-kapitalizzazzjoni tas-suq għal kull emittent. |
(1) In-numerazzjoni tal-kategoriji tirrifletti n-numerazzjoni introdotta fil-proposta għal regolament tal-Parlament Ewropew u tal-Kunsill dwar is-sistema Ewropea ta’ kontijiet nazzjonali u reġjonali fl-Unjoni Ewropea, KUMM(2010) 774 finali.
ANNESS II
ATTRIBUTI TA’ FEEDS U OUTPUT FEED DATA KOPERTI MILL-QAFAS TAD-DQM
Il-qafas tad-DQM għandu jkopri l-feeds li ġejjin li jappoġġaw użi differenti:
|
— |
Feed li jappoġġa statistika esterna (EXT 1.0) |
|
— |
Feed ta’ korporazzjonijiet finanzjarji vettura li jappoġġa statistika dwar korporazzjonijiet finanzjarji vettura (FVC 1.0) |
|
— |
Feed ta’ fond ta’ investiment li jappoġġa statistika dwar fondi ta’ investiment (IF 1.0) |
|
— |
Feed ta’ investiment f’titoli li jappoġġa statistika dwar investiment f’titoli (SHS 1.0) |
|
— |
Feed ta’ finanzjament minn titoli tal-gvern li jappoġġa statistika dwar finanzjament minn titoli tal-gvern (GSF 1.0) |
Attributi ta’ output feed data li jikkostitwixxu l-feeds appoġġati:
|
Isem tal-attribut tal-output feed data |
Deskrizzjoni |
Feed applikabbli |
||||
|
EXT 1.0 |
FVC 1.0 |
IF 1.0 |
SHS 1.0 |
GSF 1.0 |
||
|
International Security Identification Number (ISIN) code (Kodiċi tan-Numru Internazzjonali għall-Identifikazzjoni tat-Titoli (ISIN)) |
Identifikatur ISIN ta’ titolu. |
√ |
√ |
√ |
√ |
√ |
|
Instrument European System of Accounts (ESA) class (Klassi tal-istrument fis-Sistema Ewropea tal-Kontijiet (ESA)) |
Klassifikazzjoni tat-titolu skont l-ESA. |
√ |
√ |
√ |
√ |
√ |
|
Debt type (Tip ta’ dejn) |
Tip ta’ strument ta’ dejn. |
|
|
|
√ |
√ |
|
Is In securities issues statistics (SEC) |
Attribut li jista’ jintuża biex jiġu identifikati titoli li għandhom ikunu nklużi f “ammonti pendenti kurrenti”, b’konformità mad-definizzjonijiet tas-SEC tal-BĊE. |
|
|
|
|
√ |
|
Instrument supplementary class (Klassi supplimentari tal-istrument) |
Attribut supplimentari: attribut li jippermetti l-identifikazzjoni ta’ jekk strument għandux ikun inkluż fis-SEC jew le. Dan l-attribut jista’ jieħu valuri bħal 1 = “coupon strip”, 2 = “principal strip”, eċċ. |
|
|
|
|
√ |
|
Security status (Stat tat-titolu) |
Attribut supplimentari li jippermetti l-identifikazzjoni ta’ jekk strument għandux ikun inkluż fis-SEC jew le. Dan l-attribut jista’ jindika jekk strument huwiex ħaj jew le. |
|
|
|
|
√ |
|
Asset securitisation type (Tip ta’ titolizzazzjoni tal-attiv) |
Tip ta’ attiv li bih issir titolizzazzjoni. |
|
√ |
|
√ |
|
|
Is In the Eligible Assets Database |
Attribut li jindika jekk strument huwiex eliġibbli biex jingħata b’rahan bħala kollateral għal operazzjonijiet ta’ kreditu tal-Eurosistema. |
|
|
|
√ |
|
|
Nominal currency (Valuta nominali) |
Valuta nominali tal-istrument (Organizzazzjoni Internazzjonali tal-Istandards (ISO) 4217). |
√ |
√ |
√ |
√ |
√ |
|
Issue Date (Data tal-ħruġ) |
Id-data li fiha t-titoli jiġu kkonsenjati lis-sottoskrittur mill-emittent flimkien ma’ pagament. Din hija d-data meta t-titoli jkunu jistgħu jiġu kkonsenjati lil investituri għall-ewwel darba. Nota: Għal strip, din il-kolonna tindika d-data li fiha l-kupun/prinċipal jiġi stripped. |
√ |
√ |
√ |
√ |
√ |
|
Maturity date (Data tal-maturità) |
Data li fiha jsir il-fidi tal-istrument ta’ dejn. |
√ |
√ |
√ |
√ |
√ |
|
Residual maturity (Maturità reżidwa) |
Il-maturità residwa ta’ strument maħduma fid-data li fih tiġi ffriżata d-dejta. |
|
|
|
|
√ |
|
Issuer domicile country (Pajjiż tad-domiċilju tal-emittent) |
Pajjiż tal-inkorporazzjoni legali (domiċilju) tal-emittent tat-titolu (ISO 3166). |
√ |
√ |
√ |
√ |
√ |
|
Issuer ESA sector (Settur tal-emittent skont l-ESA) |
Settur istituzzjonali tal-emittent skont l-ESA. |
√ |
√ |
√ |
√ |
√ |
|
Issuer European Classification of Economic Activities (NACE) classification (Klassifikazzjoni tal-emittent fil-Klassifikazzjoni Ewropea tal-Attivitajiet Ekonomiċi (NACE)) |
Attività ekonomika ewlenija skont in-NACE. |
√ |
|
|
|
|
|
Amount issued (Ammont maħruġ) |
Ammont tal-istrument ta’ dejn li jkun tqajjem fil-ħruġ (valur nominali) Għal strip, din il-kolonna tindika l-ammont li bih ikun ġie stripped il-kupun/prinċipal. Għal titolu maħruġ f’segmenti, taħt ISIN wieħed, din il-kolonna tindika l-ammont kumulattiv maħruġ s’issa. L-ammont maħruġ huwa ddenominat f’valuta nominali. |
|
|
|
|
√ |
|
Amount outstanding (Ammont li għad irid jitħallas) |
L-ammont li għad irid jitħallas fil-valur nominali. Għal titolu maħruġ f’segmenti, taħt l-istess ISIN, din il-kolonna tindika l-ammont kumulattiv maħruġ s’issa, nett mill-fidi. Il-valuri huma mogħtija f’valuta nominali. L-ammont maħruġ jiġi ddenominat f’valuta nominali. Jekk il-valuta nominali hija nieqsa, l-ammont li għad irid jitħallas jiġi ddenominat f’euro. |
√ |
|
|
√ |
√ |
|
Amount outstanding in euro (Ammont li għad irid jitħallas f’euro) |
L-ammont li għad irid jitħallas maqlub f’euro permezz tar-rata tal-kambju tal-euro kontra l-valuta nominali valida fid-data li fih tiġi ffriżata d-dejta. |
|
|
|
√ |
√ |
|
Market capitalisation (Kapitalizzazzjoni tas-suq) |
L-aħħar kapitalizzazzjoni tas-suq disponibbli. Il-kapitalizzazzjoni tas-suq tiġi ddenominata f’valuta nominali. Jekk il-valuta nominali hija nieqsa, il-kapitalizzazzjoni tas-suq tiġi ddenominata f’euro. |
|
|
|
√ |
|
|
Yield to maturity (Qligħ mal-maturità) |
Qligħ mal-maturità speċifiku għal kull titolu f’termini ta’ persentaġġ. |
|
|
|
√ |
√ |
|
Short name (Isem qasir) |
Isem qasir mogħti mill-emittent, iddefinit fuq il-bażi tal-karatteristiċi tal-ħruġ u kull informazzjoni disponibbli. |
|
|
|
|
√ |
|
Pool factor (Fattur pool) |
Għal titoli abbażi ta’ ipoteka, il-fattur pool jew il-fattur tal-bilanċ principali rimanenti huwa l-bilanċ prinċipali li għad irid jitħallas tal-pool ta’ ipoteki sottostanti għat-titolu diviż bil-bilanċ prinċipali oriġinali. |
√ |
√ |
√ |
√ |
√ |
|
Quotation basis (Bażi ta’ kwotazzjoni) |
Bażi ta’ kwotazzjoni tal-istrument, eż. il-persentaġġ ta’ nominali (perċentwal) jew valuta għal kull sehem/unità (unitajiet). |
√ |
√ |
√ |
√ |
√ |
|
Price value (Valur tal-prezz) |
L-aħħar prezz rappreżentattiv disponibbli tal-istrument fid-data ta’ referenza fuq bażi ta’ kwotazzjoni u valuta nominali, jekk applikabbli, tal-istrument. Għal titoli li jirrendu l-imgħax, il-prezz mingħajr imgħax jingħata, jiġifieri bl-esklużjoni ta’ imgħax akkumulat. |
√ |
√ |
√ |
√ |
√ |
|
Price value type (Tip tal-valur tal-prezz) |
Natura tal-valur tal-prezz, jiġifieri jekk jirrappreżenta valutazzjoni tas-suq, stimat jew valur default. |
√ |
√ |
√ |
√ |
√ |
|
Monthly average price (Prezz medju ta’ kull xahar) |
Medja tal-prezzijiet normalizzati tal-istrument disponibbli fl-aħħar 30 jum tal-kalendarju sad-data ta’ referenza fuq bażi ta’ kwotazzjoni u l-valuta nominali, jekk disponibbli, tal-istrument. |
√ |
|
|
√ |
|
|
Redemption type (Tip ta’ fidi) |
|
|
|
|
|
√ |
|
Redemption frequency (Frekwenza tal-fidi) |
Numru ta’ fidi kull sena għal strument ta’ dejn. |
|
|
|
|
√ |
|
Redemption price (Prezz tal-fidi) |
Prezz tal-fidi finali. |
|
|
|
|
√ |
|
Accrued interest (Interess akkumulat) |
Interess akkumulat mill-aħħar pagament ta’ kupun jew mid-data li fiha beda jakkumula l-imgħax. Għal titoli li jirrendu l-imgħax, iż-żieda ta’ dan il-valur lill-valur tal-prezz jirriżulta fl-hekk imsejjaħ “prezz maħmuġ” (dirty price). |
√ |
√ |
√ |
|
√ |
|
Accrued income factor (Fattur ta’ introjtu akkumulat) |
Fattur ta’ introjtu speċifiku mit-titolu ta’ kuljum f’persentaġġ ikkalkulat skont il-metodu tad-debitur. Il-fattur huwa bbażat fuq akkumulazzjonijiet, jiġifieri li jingħata l-effett ikkombinat tal-imgħax akkumulat u l-introjtu dovut għad-differenza fil-prezz tal-ħruġ u dak tal-fidi. |
√ |
√ |
√ |
√ |
|
|
Coupon type (Tip ta’ kupun) |
Tip ta’ kupun eż. fiss, varjabbli, stepped, eċċ. |
|
|
|
√ |
√ |
|
Last coupon rate (L-aħħar rata tal-kupun) |
L-aħħar rata tal-kupun attwalment imħallsa kull sena bħala persentaġġ (rata annwalizzata). |
√ |
√ |
√ |
√ |
|
|
Last coupon date (L-aħħar data tal-kupun) |
L-aħħar data tal-kupun attwalment imħallas. L-attribut jippermetti l-identifikazzjoni ta’ jekk l-aħħar rata tal-kupun attwalment imħallsa tidħolx fil-perijodu ta’ rappurtar jew le. |
√ |
√ |
√ |
√ |
|
|
Last coupon frequency (L-aħħar frekwenza tal-kupun) |
Il-frekwenza ta’ kull sena, li fiha qed titħallas l-aħħar rata tal-kupun: “annwali” tinbidel f’ AN, “semi-annwali” f’ SA, eċċ. |
√ |
√ |
√ |
√ |
|
|
Dividend ammont (Ammont tad-dividend) |
Ammont tal-aħħar pagament tad-dividend għal kull sehem (bit-tip tal-ammont tad-dividend) qabel it-taxxa (dividend gross). |
√ |
|
√ |
√ |
|
|
Dividend amount type (Tip tal-ammont tad-dividend) |
L-ammont tad-dividend għal kull sehem jista’ jkun iddenominat fil-valuta tad-dividend jew f’numru ta’ ishma. |
√ |
|
√ |
√ |
|
|
Dividend currency (Valuta tad-dividend) |
Kodiċi ISO 4217 tal-valuta tal-pagament tal-aħħar dividend. |
√ |
|
√ |
√ |
|
|
Dividend Settlement date (Data tas-Saldu tad-Dividend) |
Data tas-saldu tal-pagament tal-aħħar dividend. L-attribut jippermetti li jiġi identifikat jekk l-ammont tad-dividend imħallas jidħolx fil-perijodu ta’ rappurtar jew le. |
√ |
|
√ |
√ |
|
|
Last split factor (Fattur tal-aħħar frazzjonament) |
Frazzjonamenti (splits) ta’ stokks u reverse splits ta’ ishma. |
√ |
|
√ |
√ |
|
|
Last split date (L-aħħar data tal-frazzjonament) |
Id-data li fiha l-frazzjonament tal-istokk isir effettiv. |
√ |
|
√ |
√ |
|