EUR-Lex Access to European Union law
This document is an excerpt from the EUR-Lex website
Document 32013D0020
2013/362/EU: Decision of the European Central Bank of 21 June 2013 on the paying-up of the European Central Bank’s capital by the non-euro area national central banks (ECB/2013/20)
2013/362/UE: Deċiżjoni tal-Bank Ċentrali Ewropew tal- 21 ta’ Ġunju 2013 dwar il-ħlas tal-kapital tal-Bank Ċentrali Ewropew mill-banek ċentrali nazzjonali li mhumiex fiż-żona tal-euro (BĊE/2013/20)
2013/362/UE: Deċiżjoni tal-Bank Ċentrali Ewropew tal- 21 ta’ Ġunju 2013 dwar il-ħlas tal-kapital tal-Bank Ċentrali Ewropew mill-banek ċentrali nazzjonali li mhumiex fiż-żona tal-euro (BĊE/2013/20)
OJ L 187, 6.7.2013, p. 25–26
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 31/12/2013; Imħassar b' 32013D0031(01)
|
6.7.2013 |
MT |
Il-Ġurnal Uffiċjali tal-Unjoni Ewropea |
L 187/25 |
DEĊIŻJONI TAL-BANK ĊENTRALI EWROPEW
tal-21 ta’ Ġunju 2013
dwar il-ħlas tal-kapital tal-Bank Ċentrali Ewropew mill-banek ċentrali nazzjonali li mhumiex fiż-żona tal-euro
(BĊE/2013/20)
(2013/362/UE)
IL-KUNSILL ĠENERALI TAL-BANK ĊENTRALI EWROPEW,
Wara li kkunsidra l-Istatut tas-Sistema Ewropea tal-Banek Ċentrali u tal-Bank Ċentrali Ewropew (minn hawn ’il quddiem l-“Istatut tas-SEBĊ”), u b’mod partikolari l-Artikolu 47 tiegħu,
Billi:
|
(1) |
L-Artikolu 47 tal-Istatut tas-SEBĊ jistipula illi l-banek ċentrali nazzjonali tal-Istati Membri b’deroga (minn hawn ‘il quddiem "BĊNi li mhumiex fiż-żona tal-euro") m’għandhomx għalfejn iħallsu l-kapital sottoskritt tagħhom sakemm il-Kunsill Ġenerali, li jaġixxi b’maġġoranza li tirrappreżenta mill-inqas żewġ terzi mill-kapital sottoskritt tal-Bank Ċentrali Ewropew (BĊE) u mill-inqas nofs l-azzjonisti, jiddeċiedi li persentaġġ minimu għandu jitħallas bħala kontribut għall-ispejjeż operattivi tal-BĊE. |
|
(2) |
L-Artikolu 1 tad-Deċiżjoni BĊE/2010/28 tat-13 ta’ Diċembru 2010 dwar il-ħlas tal-kapital tal-BĊE mill-banek ċentrali nazzjonali li mhumiex fiż-żona euro (1) jistipula li kull BĊN li mhuwiex fiż-żona tal-euro jrid iħallas 3.75 % ta’ sehmu fil-kapital sottoskritt tal-BĊE b’effett mid-29 ta’ Diċembru 2010. |
|
(3) |
Minħabba d-dħul tal-Kroazja fl-Unjoni Ewropea u li l-bank ċentrali nazzjonali tagħha (BĊN), Hrvatska narodna banka, jingħaqad fis-SEBĊ fl-1 ta’ Lulju 2013, id-Deċiżjoni BĊE/2013/17 tal-21 ta’ Ġunju 2013 dwar l-ishma ta' persentaġġ tal-banek ċentrali nazzjonali fl-iskema għas-sottoskrizzjoni tal-kapital tal-Bank Ċentrali Ewropew (2) tistabbilixxi l-iskema għas-sottoskrizzjoni tal-kapital tal-BĊE (minn hawn ‘il quddiem l-‘iskema tal-kapital’) skont l-Artikolu 29.1 tal-Istatut tas-SEBĊ u tistabbilixxi, b’effett mill-1 ta’ Lulju 2013, l-ippeżar ġdid assenjat lil kull bank ċentrali tal-Unjoni fl-iskema tal-kapital (minn hawn ‘il quddiem l-‘ippeżar fl-iskema tal-kapital’). |
|
(4) |
Mill-1 ta’ Lulju 2013, il-kapital sottoskritt tal-BĊE ser ikun ta’ EUR 10 825 007 069,61. |
|
(5) |
L-iskema tal-kapital estiża teħtieġ l-adozzjoni ta' deċiżjoni ġdida tal-BĊE li tħassar id-Deċiżjoni BĊE/2010/28 b’effett mill-1 ta’ Lulju 2013 u tiddetermina l-persentaġġ tal-kapital sottoskritt tal-BĊE li l-BĊNi li mhumiex fiż-żona tal-euro huma obbligati jħallsu b’effett mill-1 ta’ Lulju 2013. |
|
(6) |
B’konformità mal-Artikolu 3.5 tar-Regoli tal-Proċedura tal-Kunsill Ġenerali tal-Bank Ċentrali Ewropew (3), il-Gvernatur tal-Hrvatska narodna banka kellu l-opportunità jissottometti osservazzjonijiet fir-rigward ta’ din id-Deċiżjoni qabel l-adozzjoni tagħha, |
ADOTTA DIN ID-DEĊIŻJONI:
Artikolu 1
Ammont u forma ta’ kapital sottoskritt u mħallas
Kull BĊN li mhuwiex fiż-żona tal-euro għandu jħallas 3.75 % ta’ sehmu fil-kapital sottoskritt tal-BĊE b’effett mill-1 ta’ Lulju 2013. Meta jiġi kkunsidrat l-ippeżar ġdid fl-iskema tal-kapital stipulat fl-Artikolu 2 tad-Deċiżjoni BĊE/2013/17, kull BĊN li mhuwiex fiż-żona tal-euro għandu jkollu kapital totali sottoskritt u mħallas tal-ammonti murija ħdejn ismu fit-tabella li ġejja:
|
(f’EUR) |
||
|
BĊN li mhuwiex fiż-żona tal-euro |
Kapital sottoskritt fl-1 ta’ Lulju 2013 |
Kapital imħallas fl-1 ta’ Lulju 2013 |
|
Българска народна банка/Bank Nazzjonali Bulgaru |
93 571 361,11 |
3 508 926,04 |
|
Česká národní banka |
157 384 777,79 |
5 901 929,17 |
|
Danmarks Nationalbank |
159 712 154,31 |
5 989 205,79 |
|
Hrvatska narodna banka |
64 354 667,03 |
2 413 300,01 |
|
Latvijas Banka |
29 682 169,38 |
1 113 081,35 |
|
Lietuvos bankas |
44 306 753,94 |
1 661 503,27 |
|
Magyar Nemzeti Bank |
148 735 597,14 |
5 577 584,89 |
|
Narodowy Bank Polski |
525 889 668,45 |
19 720 862,57 |
|
Banca Națională a României |
264 660 597,84 |
9 924 772,42 |
|
Sveriges riksbank |
244 775 059,86 |
9 179 064,74 |
|
Bank of England |
1 562 265 020,29 |
58 584 938,26 |
Artikolu 2
Aġġustament tal-kapital imħallas
1. Peress illi kull BĊN li mhuwiex fiż-żona tal-euro (ħlief għall-Hrvatska narodna banka) diġà ħallas 3,75 % ta’ sehmu fil-kapital sottoskritt tal-BĊE kif applikabbli fit-30 ta’ Ġunju 2013 skont id-Deċiżjoni BĊE/2010/28, kull wieħed minnhom għandu jew jittrasferixxi ammont addizzjonali lill-BĊE, jew jirċievi lura ammont mingħand il-BĊE, kif xieraq, sabiex jintlaħqu l-ammonti murija fit-tielet kolonna tat-tabella fl-Artikolu 1.
2. Hrvatska narodna banka għandu jittrasferixxi lill-BĊE l-ammont muri ħdejn ismu fit-tielet kolonna tat-tabella fl-Artikolu 1.
3. It-trasferimenti kollha li jsiru bis-saħħa ta’ dan l-Artikolu għandhom isiru skont id-Deċiżjoni BĊE/2013/18 tal-21 ta’ Ġunju 2013 li tistabbilixxi t-termini u l-kundizzjonijiet għal trasferimenti ta’ ishma fil-kapital tal-Bank Ċentrali Ewropew bejn il-banek ċentrali nazzjonali u għall-aġġustament tal-kapital imħallas (4).
Artikolu 3
Dħul fis-seħħ u tħassir
1. Din id-Deċizjoni tidħol fis-seħħ fl-1 ta’ Lulju 2013.
2. Id-Deċiżjoni BĊE/2010/28 hija mħassra b’effett mill-1 ta’ Lulju 2013.
3. Ir-referenzi għal Deċiżjoni BĊE/2010/28 għandhom jinftiehmu bħala referenzi għal din id-Deċiżjoni.
Magħmula fi Frankfurt am Main, il-21 ta’ Ġunju 2013.
Il-President tal-BĊE
Mario DRAGHI
(1) ĠU L 11, 15.1.2011, p. 56.
(2) Ara paġna 15 ta' dan il-Ġurnal Uffiċjali.
(3) Id-Deċizjoni BĊE/2004/12 tas-17 ta’ Ġunju 2004 li taddotta r-Regoli tal-Proċedura tal-Bank Ċentrali Ewropew, ĠU L 230, 30.6.2004, p. 61.
(4) Ara paġna 17 ta' dan il-Ġurnal Uffiċjali.