Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 32013D0052(01)

2014/55/UE: Deċiżjoni tal-Bank Ċentrali Ewropew tas- 27 ta’ Diċembru 2013 li temenda d-Deċìżjoni BĊE/2010/21 dwar il-kontijiet annwali tal-Bank Ċentrali Ewropew (BĊE/2013/52)

OJ L 33, 4.2.2014, p. 7–8 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document No longer in force, Date of end of validity: 30/12/2016; Imħassar b' 32016D0035(01)

ELI: http://data.europa.eu/eli/dec/2013/55(2)/oj

4.2.2014   

MT

Il-Ġurnal Uffiċjali tal-Unjoni Ewropea

L 33/7

DEĊIŻJONI TAL-BANK ĊENTRALI EWROPEW

tas-27 ta’ Diċembru 2013

li temenda d-Deċìżjoni BĊE/2010/21 dwar il-kontijiet annwali tal-Bank Ċentrali Ewropew

(BĊE/2013/52)

(2014/55/UE)

IL-KUNSILL GOVERNATTIV TAL-BANK ĊENTRALI EWROPEW,

Wara li kkunsidra l-Istatut tas-Sistema Ewropea tal-Banek Ċentrali u tal-Bank Ċentrali Ewropew, u b’mod partikolari l-Artikolu 26.2 tiegħu,

Billi:

(1)

Id-Deċiżjoni BĊE/2010/21 (1) tistabbilixxi r-regoli għat-tħejjija tal-kontijiet annwali tal-Bank Ċentrali Ewropew (BĊE).

(2)

L-Artikolu 24 tad-Deċiżjoni BĊE/2010/21 jistipula illi jekk xi metodu ta’ kontabilità speċifiku mhuwiex stipulat fid-Deċiżjoni BĊE/2010/21 u fin-nuqqas ta’ deċiżjoni bil-kontra tal-Kunsill Governattiv, il-BĊE għandu jsegwi l-prinċipji ta’ valutazzjoni skont l-Istandards Internazzjonali tal-Kontabilità (IAS) kif adottati mill-Unjoni Ewropea, li huma rilevanti għall-attivitajiet u l-kontijiet tal-BĊE.

(3)

Il-BĊE japplika l-IAS 19 Benefiċċji tal-Impjegat biex jirrikonoxxi il-qligħ u t-telf attwarju mill-benefiċċji ta’ wara l-impjieg skont il-metodu “corridor”.

(4)

L-IAS 19 ġie revedut u huwa effettiv għal perijodi annwali li jibdew fl-1 ta’ Jannar 2013 jew wara. Skont l-IAS 19 revedut, il-metodu “corridor” ġie eliminat.

(5)

L-Anness I tad-Deċiżjoni BĊE/2010/21 għandu jiġi emendat sabiex jipprovdi għar-rapportar tar-riżultati tal-kejl mill-ġdid tal-obbligazzjoni ta’ benefiċċju definit nett (attiv) fir-rigward ta’ benefiċċji ta’ wara l-impjieg fuq in-naħa tal-passiv tal-karta tal-bilanċ taħt il-partita 14 “Kontijiet ta’ Rivalutazzjoni”.

(6)

Id-Deċiżjoni BĊE/2010/21 għandha għalhekk tiġi emendata f’dan is-sens,

ADOTTA DIN ID-DEĊIŻJONI:

Artikolu 1

Emenda

L-Anness I tad-Deċiżjoni BĊE/2010/21 huwa emendat skont l-Anness ta’ din id-Deċiżjoni.

Artikolu 2

Dħul fis-seħħ

Din id-Deċizjoni tidħol fis-seħħ fit-30 ta’ Diċembru 2013.

Magħmul fi Frankfurt am Main, is-27 ta’ Diċembru 2013.

Il-President tal-BĊE

Mario DRAGHI

(1)  Deċizjoni BĊE/2010/21 tal-11 ta’ Novembru 2010 dwar il-kontijiet annwali tal-Bank Ċentrali Ewropew (ĠU L 35, 9.2.2011, p. 1).

ANNESS

L-Anness I tad-Deċiżjoni BĊE/2010/21 huwa emendat kif gej:

1.

fit-tabella intitolata “Passiv”, fir-rigward tal-partita 14 fil-karta tal-bilanċ (Kontijiet ta’ rivalutazzjoni), il-kolonna intitolata “Kategorizzazzjoni tal-kontenut tal-karta tal-bilanċ” hija sostitwita b’li ġej:

“(a)

Kontijiet ta’ rivalutazzjoni relatati ma’ ċaqlieq fil-prezz tad-deheb, għal kull tip ta’ titoli ddenominati f’euro, għal kull tip ta’ titoli ddenominati f’munita barranija, għal opzjonijiet; differenzi fil-valutazzjoni tas-suq relatati ma’ derivati tar-riskju tar-rata ta’ imgħax; kontijiet ta’ rivalutazzjoni relatati ma’ ċaqlieq fil-kambju barrani għal kull pożizzjoni tal-munita nett miżmuma, inkluż swaps/forwards ta’ kambju barrani u SDRs

Kontijiet ta’ rivalutazzjoni speċjali li jirriżultaw minn kontribuzzjonijiet skont l-Artikolu 48.2 tal-Istatut tas-SEBĊ fir-rigward ta’ banek ċentrali ta’ Stati Membri li d-derogi tagħhom ġew irrevokati. Ara l-Artikolu 13(2)

(b)

Ir-riżultati tal-kejl mill-ġdid tal-obbligazzjoni ta’ benefiċċju definit nett (attiv) fir-rigward ta’ benefiċċji ta’ wara l-impjieg, li huma l-pożizzjoni nett tas-subpartiti li ġejjin:

(i)

Qligħ u telf attwarjali fil-valur preżenti ta-obbligu tal-benefiċċju ddefinit

(ii)

Ir-redditu fuq l-assi tal-pjan, esklużi l-ammonti inklużi fl-imgħax nett fuq l-obbligazzjoni ta’ benefiċċju definit nett (attiv)

(iii)

Kull tibdil fl-effett tal-massimu tal-attiv, esklużi l-ammonti inklużi fl-imgħax nett fuq l-obbligazzjoni ta’ benefiċċju definit nett (attiv)”;

2.

fit-tabella intitolata “Passiv”, fir-rigward tal-partita 14 fil-karta tal-bilanċ (Kontijiet ta’ rivalutazzjoni), il-kolonna intitolata “Prinċipju ta’ valutazzjoni” hija sostitwita b’li ġej:

“(a)

Differenza fir-rivalutazzjoni bejn il-kost medju u l-valur tas-suq, bil-kambju barrani maqlub bir-rata tas-suq

(b)

Skont l-Artikolu 24(2)”.
Top