31.1.2007   

MT

Il-Ġurnal Uffiċjali ta’ l-Unjoni Ewropea

13

(1)

Minħabba s-sħubija tal-Bulgarija u r-Rumanija fl-Unjoni Ewropea u minħabba li l-banek ċentrali nazzjonali rispettivi tagħhom (BĊNi) se jissieħbu fis-Sistema Ewropea ta' Banek Ċentrali (SEBĊ) fl-1 ta' Jannar 2007, id-Deċiżjoni BĊE/2006/21 tal-15 ta' Diċembru 2006 dwar l-ishma ta' persentaġġ tal-banek ċentrali nazzjonali fl-iskema għas-sottoskrizzjoni tal-kapital tal-Bank Ċentrali Ewropew (1) tistabbilixxi b'effett mill-1 ta' Jannar 2007, l-ippeżar il-ġdid assenjat lil kull BĊN li se jkun membru tas-SEBĊ fl-1 ta' Jannar 2007, fl-iskema għas-sottoskrizzjoni tal-kapital imkabbar tal-Bank Ċentrali Ewropew (BĊE).

(2)

Skond l-Artikolu 1 tad-Deċiżjoni tal-Kunsill 2006/495/EC tal-11 ta' Lulju 2006, skond l-Artikolu 122(2) tat-Trattat dwar l-adozzjoni mis-Slovenja tal-valuta waħda fl-1 ta' Jannar 2007 (2), id-deroga favur is-Slovenja msemmija fl-Artikolu 4 ta' l-Att ta' l-Adeżjoni 2003 (3) hija abrogata b'effett mill-1 ta' Jannar 2007.

(3)

L-Artikolu 1(d) tad-Deċiżjoni BĊE/2001/15 tas-6 ta' Diċembru 2001 dwar il-ħruġ tal-karti tal-flus euro (4) jiddefinixxi l-“u jirreferi għall-Anness ma” dik id-Deċiżjoni, li jispeċifika l-iskema ta' allokazzjoni ta' karti tal-flus applikabbli mill-1 ta' Mejju 2004. Minħabba li l-ippeżar ġdid ta' l-iskema kapitali se japplikaw mill-1 ta' Jannar 2007, u s-Slovenja se tadotta l-euro f'dik id-data, id-Deċiżjoni BĊE/2001/15 għandha tiġi emendata sabiex tiġi ddeterminata l-iskema ta' allokazzjoni ta' karti tal-flus li tapplika mill-1 ta' Jannar 2007,

1.

Is-sentenza finali ta' l-Artikolu 1(d) hija sostitwita b'li ġej:

“L-Anness ma' din id-Deċiżjoni jispeċifika l-iskema ta' allokazzjoni ta' karti tal-flus li tapplika mill-1 ta' Jannar 2007.”

2.

L-Anness mad-Deċiżjoni BĊE/2001/15 huwa sostitwit bit-test stabbilit fl-Anness ma' din id-Deċiżjoni.