Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 32016D0030

Deċiżjoni (UE) 2016/1974 tal-Bank Ċentrali Ewropew tal-31 ta' Ottubru 2016 li temenda d-Deċiżjoni (UE) 2016/810 (BĊE/2016/10) dwar it-tieni serje ta' operazzjonijiet speċifiċi ta' rifinanzjament għal żmien itwal (BĊE/2016/30)

OJ L 304, 11.11.2016, p. 7–8 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force

ELI: http://data.europa.eu/eli/dec/2016/1974/oj

11.11.2016   

MT

Il-Ġurnal Uffiċjali tal-Unjoni Ewropea

L 304/7

DEĊIŻJONI (UE) 2016/1974 TAL-BANK ĊENTRALI EWROPEW

tal-31 ta' Ottubru 2016

li temenda d-Deċiżjoni (UE) 2016/810 (BĊE/2016/10) dwar it-tieni serje ta' operazzjonijiet speċifiċi ta' rifinanzjament għal żmien itwal (BĊE/2016/30)

IL-KUNSILL GOVERNATTIV TAL-BANK ĊENTRALI EWROPEW,

Wara li kkunsidra t-Trattat dwar il-Funzjonament tal-Unjoni Ewropea, u b'mod partikolari l-ewwel inċiż tal-Artikolu 127(2) tiegħu,

Wara li kkunsidra l-Istatut tas-Sistema Ewropea ta' Banek Ċentrali u tal-Bank Ċentrali Ewropew, u b'mod partikolari l-ewwel inċiż tal-Artikolu 3.1, l-Artikolu 12.1, it-tieni inċiż tal-Artikolu 18.1 u t-tieni inċiż tal-Artikolu 34.1 tiegħu,

Billi:

(1)

Fit-28 ta' April 2016, fit-twettiq tal-mandat tiegħu għall-istabbiltà tal-prezzijiet u sabiex jittaffew iktar l-kundizzjonijiet ta' kreditu tas-settur privat u jiġi stimulat il-ħolqien ta' kreditu, il-Kunsill Governattiv adotta d-Deċiżjoni (UE) 2016/810 tal-Bank Ċentrali Ewropew (BĊE/2016/10) (1). Din id-Deċizjoni tistabbilixxi d-dettalji għal serje ta' erba' operazzjonijiet speċifiċi ta' rifinanzjament fuq żmien itwal (TLTROs-II) li għandhom isiru minn Ġunju 2016 sa Marzu 2017 fuq bażi trimestrali.

(2)

Sabiex tiġi indirizzata l-inkonsistenza bejn l-iskadenza għall-istituzzjonijiet prinċipali biex japplikaw għal tibdil fil-kompożizzjoni tal-grupp TLTRO-II kif indikat fil-kalendarju indikattiv għat-TLTRO-II ippubblikat fil-websajt tal-BĊE u l-perijodu msemmi fl-Artikolu 3(7)(a) tad-Deċiżjoni (UE) 2016/810 (BĊE/2016/10), il-Kunsill Governattiv iddeċieda li jekk tibdil għall-kompożizzjoni ta' grupp TLTRO-II jiġi aċċettat skont l-Artikolu 3(5) tad-Deċiżjoni (UE) 2016/810 (BĊE/2016/10) jew iseħħ skont l-Artikolu 3(6)(b) jew (c) ta' dik id-Deċiżjoni, l-istituzzjoni prinċipali tista' tipparteċipa fit-TLTRO-II fuq il-bażi tal-kompożizzjoni ġdida tal-grupp TLTRO-II tagħha wara li tkun kisbet konferma mill-bank ċentrali nazzjonali (BĊN) tagħha li l-kompożizzjoni l-ġdida tal-grupp TLTRO-II ġiet irrikonoxxuta.

(3)

Għalhekk, id-Deċiżjoni (UE) 2016/810 (BĊE/2016/10) għandha tiġi emendata kif meħtieġ,

ADOTTA DIN ID-DEĊIŻJONI:

Artikolu 1

Emendi

Id-Deċiżjoni (UE) 2016/810 (BĊE/2016/10) hija emendata kif ġej:

1.

Fl-Artikolu 3(6)(b), il-punt (i) huwa mindul b'li ġej:

“(i)

l-istituzzjoni prinċipali tapplika għand il-BĊN tagħha għar-rikonoxximent tal-bidla fil-kompożizzjoni tal-grupp TLTRO-II skont il-kalendarju indikattiv għat-TLTRO-II ippubblikat fuq il-websajt tal-BĊE;”;

2.

Fl-Artikolu 3(7), il-punt (a) huwa mibdul b'dan li gej:

“(a)

fir-rigward tat-tibdil li għalih japplikaw il-paragrafu 5, il-paragrafu 6(b), jew il-paragrafu 6(c), l-istituzzjoni prinċipali tista' tieħu sehem f'TLTRO-II fuq il-bażi tal-kompożizzjoni l-ġdida tal-grupp tat-TLTRO-II tagħha biss wara li tkun kisbet konferma mill-BĊN tagħha li l-kompożizzjoni ġdida tal-grupp TLTRO-II ġie rrikonoxxut; u”.

Artikolu 2

Dħul fis-seħħ

Din id-Deċizjoni għandha tidħol fis-seħħ fil-31 ta' Ottubru 2016.

Magħmula fi Frankfurt am Main, il-31 ta' Ottubru 2016.

Għall-Kunsill Governattiv tal-BĊE

Il-President tal-BĊE

Mario DRAGHI

(1)  Id-Deċiżjoni (UE) 2016/810 tal-Bank Ċentrali Ewropew tat-28 ta' April 2016 dwar it-tieni serje ta' operazzjonijiet speċifiċi ta' rifinanzjament għal żmien itwal (BĊE/2016/10) (ĠU L 132, 21.5.2016, p. 107)

Top