EUR-Lex Access to European Union law
This document is an excerpt from the EUR-Lex website
Document 32015O0044
Guideline (EU) 2016/450 of the European Central Bank of 4 December 2015 amending Guideline ECB/2014/15 on monetary and financial statistics (ECB/2015/44)
Linja Gwida (UE) 2016/450 tal-Bank Ċentrali Ewropew tal-4 ta' Diċembru 2015 li temenda l-Linja Gwida BĊE/2014/15 dwar statistika monetarja u finanzjarja (BĊE/2015/44)
Linja Gwida (UE) 2016/450 tal-Bank Ċentrali Ewropew tal-4 ta' Diċembru 2015 li temenda l-Linja Gwida BĊE/2014/15 dwar statistika monetarja u finanzjarja (BĊE/2015/44)
OJ L 86, 1.4.2016, p. 42–96
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 31/01/2022; Imħassar b' 32021O0835
1.4.2016 |
MT |
Il-Ġurnal Uffiċjali tal-Unjoni Ewropea |
L 86/42 |
LINJA GWIDA (UE) 2016/450 TAL-BANK ĊENTRALI EWROPEW
tal-4 ta' Diċembru 2015
li temenda l-Linja Gwida BĊE/2014/15 dwar statistika monetarja u finanzjarja (BĊE/2015/44)
IL-KUNSILL GOVERNATTIV TAL-BANK ĊENTRALI EWROPEW,
Wara li kkunsidra l-Istatut tas-Sistema Ewropea tal-Banek Ċentrali u tal-Bank Ċentrali Ewropew, u b'mod partikolari l-Artikoli 5.1, 12.1 u 14.3 tiegħu,
Wara li kkunsidra r-Regolament tal-Kunsill (KE) Nru 2533/98 tat-23 ta' Novembru 1998 dwar il-ġbir ta' tagħrif statistiku mill-Bank Ċentrali Ewropew (1),
Billi:
(1) |
Huwa neċessarju li tiġi aġġornata l-kumpilazzjoni tal-istatistika monetarja u finanzjarja minħabba l-fatt li, bis-saħħa tar-Regolament (UE) Nru 1374/2014 tal-Bank Ċentrali Ewropew (BĊE/2014/50) (2), il-korporazzjonijiet tal-assigurazzjoni se jkunu suġġetti għar-rekwiżiti tar-rapportar tal-istatistika li jibdew bil-perijodu ta' referenza Q1 tal-2016. Għaldaqstant huwa neċessarju li tibda tiġi kkumpilata statistika fuq korporazzjonijiet tal-assigurazzjoni (ICs) fil-qafas stabbiliti fil-Linja Gwida BĊE/2014/15 (3). |
(2) |
Il-Linja Gwida BĊE/2014/15 għandha tiġi emendata f'dan is-sens, |
ADOTTA DIN IL-LINJA GWIDA:
Artikolu 1
Emendi
Il-Linja Gwida BĊE/2014/15 hija emendata kif ġej:
1. |
fl-Artikolu 1, il-paragrafu 2 huwa mibdul b'dan li ġej: Il-BĊNi għandhom jirrapportaw l-partiti msemmijin fl-Artikoli 3 sa 26a skont l-iskemi li jidhru fl-Anness II u skont l-istandards tar-rapportar elettroniku stabbiliti fl-Anness III. Sa l-aħħar ta' Settembru ta' kull sena, il-BĊE għandu jikkomunika d-dati eżatti tat-trażmissjoni lill-BĊNi fil-forma ta' kalendarju ta' rapportar għas-sena ta' wara.” |
2. |
Fl-Artikolu 25, huwa miżjud il-paragrafu 1 li ġej: “Sabiex tkun tista' tiġi stabbilita u miżmuma lista ta' ICs għall-finijiet statistiċi msemmija fl-Artikolu 3 tar-Regolament (UE) Nru 1374/2014 tal-Bank Ċentrali Ewropew (BĊE/2014/50) (*), il-varjabbli speċifikati fil-Partijiet 1 u 2 tal-Anness V jeħtieġu li jinġabru f'RIAD fl-intervalli speċifikati. Il-BĊNi għandhom jirrapportaw kull aġġornament ta' dawn il-varjabbli, partikolarment meta istituzzjoni tingħaqad ma' jew tħalli l-popolazzjoni IC. Il-BĊNi għandhom jibagħtu d-dejta ta' referenza kompleta kif speċifikat fil-Partijiet 1 u 2 tal-Anness V dwar impriżi u sussidjarji tal-assigurazzjoni prinċipali residenti, fuq il-friegħi residenti kollha irrispettivament minn fejn jinsabu l-impriżi prinċipali tagħhom, kif ukoll fuq friegħi ta' impriżi u sussidjarji tal-assigurazzjoni prinċipali li huma residenti barra t-territorju ekonomiku tal-Unjoni. Dan is-sett ta' informazzjoni għandu jiġi kkumplimentat b'dejta ta' referenza kompleta kif speċifikat fil-Partijiet 1 u 2 tal-Anness V fuq friegħi ta' impriżi u sussidjarji tal-assigurazzjoni prinċipali li huma residenti fi Stati Membri li ma jirrapportawx u li mhumiex parteċipanti. Dan ir-rapportar jista' jkun ibbażat fuq ġbir ta' dejta usa' li jkopri l-friegħi kollha ta' impriżi u sussidjarji tal-assigurazzjoni prinċipali, irrispettivament mill-pajjiż ta' residenza tagħhom (*) Ir-Regolament (UE) Nru 1374/2014 tal-Bank Ċentrali Ewropew tat- 28 ta' Novembru 2014 dwar rekwiżiti ta'rapportar statistiku għal korporazzjonijiet tal-assigurazzjoni (BĊE/2014/50)”;" |
3. |
Fl-Artikolu 25, il-paragrafu li ġej huwa miżjud mal-paragrafu 2: “Fl-ewwel sottomissjoni tal-lista ta' ICs, il-BĊNi għandhom jibagħtu lill-BĊE dejta ta' referenza trimestrali kif speċifikat fil-Parti 1 tal-Anness V fuq impriżi u sussidjarji tal-assigurazzjoni prinċipali mhux iktar tard mill-31 ta' Marzu 2016. Madankollu, il-BĊNi huma mħeġġa li jibagħtu din l-informazzjoni sal-31 ta' Diċembru 2015. Il-BĊNi għandhom jibagħtu lill-BĊE d-dejta ta' referenza kompleta kif speċifikat fil-Partijiet 1 u 2 tal-Anness V fuq il-friegħi residenti kollha irrispettivament minn fejn jinsabu l-impriżi prinċipali tagħhom, kif ukoll fuq friegħi ta' impriżi u sussidjarji tal-assigurazzjoni prinċipali li huma residenti barra t-territorju ekonomiku tal-Unjoni u fi Stati Membri li ma jirrapportawx u li ma jipparteċipawx mhux iktar tard mill-31 ta' Lulju 2016. L-attributi meħtieġa fuq bażi annwali għandhom jiġu rrapportati għall-istituzzjonijiet kollha sal-31 ta' Lulju 2016. Fit-trażmissjonijiet sussegwenti, il-BĊNi għandhom jibagħtu lill-BĊE aġġornamenti tal-varjabbli trimestrali speċifikati għall-ICs fuq mill-inqas bażi trimestrali, fi żmien xahrejn wara d-data ta' referenza. Il-varjabbli annwali għandhom jiġu aġġornati għall-ICs kollha fuq bażi annwali, b'dewmien massimu ta' sitt xhur wara d-data ta' referenza tal-31 ta' Diċembru.”; |
4. |
Fl-Artikolu 25, il-paragrafu li ġej huwa miżjud mal-paragrafu 3: “Sas-18.00 CET, fir-raba' jum tax-xogħol wara l-iskadenza għat-trażmissjoni tal-aġġornamenti, il-BĊE għandu jieħu kopja tas-sett tad-dejta tal-IC u jpoġġiha għad-dispożizzjoni tal-BĊNi. Il-BĊE għandu mbagħad jagħmel il-lista tal-ICs disponibbli fuq il-websajt tiegħu.”; |
5. |
fl-Artikolu 26, il-paragrafu 2 huwa mibdul b'li ġej: Il-frekwenza tar-rapportar lill-BĊE għandha tkun trimestrali. L-istatistika PF deskritta fil-paragrafu 1(a) għandha tiġi rrappurtata lill-BĊE f'perijodu li ma jaqbiżx 80 jum kalendarju mit-tmiem tat-trimestru ta' referenza. Id-dati eżatti tat-trażmissjoni għandhom jiġu kkomunikati lill-BĊNi bil-quddiem fil-forma ta' kalendarju tar-rapportar ipprovdut mill-BĊE sa Settembru ta' kull sena.”; |
6. |
L-Artikolu 26a li ġej huwa mdaħħal: “Artikolu 26a Statistika fuq ICs Il-BĊNi għandhom jirrapportaw l-informazzjoni statistika fuq l-assi u l-obbligazzjonijiet tal-IC kif ukoll informazzjoni fuq primjums, pretenzjonijiet u kummissjonijiet skont il-Parti 23 tal-Anness II. L-informazzjoni għandha tiġi pprovduta għal kull wieħed minn dawn it-tipi li ġejjin ta' IC: assigurazzjoni fuq il-ħajja, assigurazzjoni mhux fuq il-ħajja, kompożita u riassigurazzjoni. Dawn ir-rekwiżiti għandhom ikopru stokks tal-aħħar tat-trimestru u aġġustament tal-fluss trimestrali fuq assi u obbligazzjonijiet ta' IC, kif ukoll informazzjoni annwali fuq primjums, pretenzjonijiet u kummissjonijiet. Informazzjoni supplimentari għandha tinbagħat bħala partiti tal-memorandum minn pajjiżi li għalihom hija disponibbli din l-informazzjoni, inkluż fuq bażi tal-aħjar stima, skont il-Parti 23 tal-Anness II. Il-BĊNi għandhom jirrapportaw lill-BĊE dejta separata fuq aġġustamenti ta' rivalutazzjoni (li tkopri bidliet kemm tal-prezz kif ukoll tar-rata tal-kambju) u aġġustamenti ta' riklassifikazzjoni, kif stabbilit fil-Parti 23 tal-Anness II u skont l-Anness IV. Tranżazzjonijiet finanzjarji, inklużi aġġustamenti, għandhom jiġu dderivati skont l-ESA 2010. Il-BĊNi jistgħu jiddevjaw mill-ESA 2010 minħabba prattiċi nazzjonali diverġenti skont ir-Regolament (UE) Nru 1374/2014 (BĊE/2014/50). Fejn tkun disponibbli informazzjoni tal-istokk assi b'assi (a-b-a), aġġustamenti ta' rivalutazzjoni jistgħu jiġu dderivati skont metodu komuni tal-Eurosistema, jiġifieri l-metodu tad-derivazzjoni tal-fluss msemmi fil-Parti 6 tal-Anness IV. L-approssimazzjonijiet tat-tranżazzjonijiet finanzjarji fuq l-obbligazzjonijiet jistgħu jiħu dderivati skont il-Parti 6 tal-Anness IV. Il-BĊNi għandhom jirrapportaw lill-BĊE dejta IC trimestrali sal-ħin tal-għeluq tal-uffiċċju fl-10 jum wara l-iskadenza speċifikata għal dejta trimestrali fl-Artikolu 8 tar-Regolament (UE) Nru 1374/2014 (BĊE/2014/50). Għall-perijodu tranżitorju li jkopri r-rapportar tal-ewwel tliet trimestri tal-2016, din l-iskadenza tiġi estiża għat-30 jum tax-xogħol wara l-iskadenza msemmija iktar 'il għall-perijodu ta' referenza Q1 tal-2016, sal-25 jum tax-xogħol wara l-iskadenza msemmija iktar 'il fuq għall-perijodu ta' referenza Q2 tal-2016 u sal-20 jum tax-xogħol wara l-iskadenza imsemmija iktar 'il fuq għall-perijodu ta' referenza Q3 tal-2016. Il-BĊNi għandhom jirrapportaw lill-BĊE dejta IC annwali sal-ħin tal-għeluq tal-uffiċċju fl-10 jum tax-xogħol wara l-iskadenza speċifikata għal dejta annwali fl-Artikolu 8 tar-Regolament (UE) Nru 1374/2014 (BĊE/2014/50). Id-dati eżatti tat-trażmissjoni għandhom jiġu kkomunikati lill-BĊNi bil-quddiem fil-forma ta' kalendarju tar-rapportar ipprovdut mill-BĊE sa Settembru ta' kull sena. Fl-ewwel rapportar tad-dejta trimestrali IC lill-BĊE, il-BĊNi għandhom ikunu meħtieġa li jissottomettu dejta fuq ammonti pendenti. L-aġġustamenti tal-fluss għandhom jintbagħtu fuq il-bażi tal-aħjar sforzi. Ir-regoli ġenerali li ġejjin għandhom japplikaw għar-reviżjonijiet tad-dejta trimestrali u annwali:
Sabiex tiġi żgurata l-kwalità tal-istatistika, meta l-BĊNi jagħtu derogi lill-iżgħar ICs skont l-Artikolu 7(1)(a) tar-Regolament (UE) Nru 1374/2014 (BĊE/2014/50), huma għandhom jingrossaw id-dejta IC trimestrali rapportata lill-BĊE sa kopertura ta' 100 %. Il-BĊNi jistgħu jagħżlu l-proċedura għall-ingrossaġġ sa kopertura ta' 100 % bbażata fuq id-dejta miġbura skont l-Artikolu 7(1)(b) u 7(1)(c) tar-Regolament (UE) Nru 1347/2014 (BĊE/2014/50) iżda dawk l-estimi għandhom ikunu bbażati fuq it-tip korrispondenti ta' IC (jiġifieri tal-ħajja, mhux tal-ħajja, riassigurazzjoni, kompożita). Il-BĊNi għandhom jiżguraw ukoll li għal trimestri ta' referenza tal-2016 id-dejta rapportata lill-BĊE tirrappreżenta 100 % tal-popolazzjoni li tirrapporta. Il-BĊNi li jkollhom il-ħsieb li jagħtu derogi lill-iżgħar ICs skont l-Artikolu 7(1)(a) tar-Regolament (UE) Nru 1374/2014 (BĊE/2014/50), għandhom jiġbru l-informazzjoni kollha neċessarja biex jiġi żgurat li d-dejta mibgħuta lill-BĊE tkun ta' kwalità għolja. Il-BĊNi li jidderivaw id-dejta meħtieġa mid-dejta miġbura għal finijiet superviżorji skont id-Direttiva 2009/138/KE tal-Parlament Ewropew u tal-Kunsill (**) jistgħu għal dan il-għan (i) jestendu d-dejta miġbura għall-jum tal-ftuħ mid-data ta' referenza l-1 ta' Jannar 2016 (ara l-paragrafu 5), (ii) iżidu l-kopertura tal-popolazzjoni li tirrapporta tal-ewwel trimestru(i) ta' referenza, jew (iii) jintużaw sorsi alternattivi ta' dejta minn fejn id-dejta ta' ingrossaġġ ta' kwalità għolja wkoll tista' tiġi dderivata. Il-BĊNi għandhom jibagħtu lill-BĊE fl-aħħar tal-2015 dejta tal-istokk, li tista' tinkludi approssimazzjonijiet jekk meħtieġ, għall-aggregati msemmijin fil-Parti 23 tal-Anness II. Il-BĊNi jistgħu, għal dan il-għan, jużaw id-dejta li tirreferi għall-1 ta' Jannar 2016 miġbura għall-finijiet ta' superviżjoni skont id-Direttiva 2009/138/KE. Din id-dejta għandha tintbagħat lill-BĊE flimkien mad-dejta għall-Q1 tal-2016. Il-BĊNi għandhom jiksbu d-dejta trimestrali aggregata mill-assi u obbligazzjonijiet trimestrali għal kull tip ta' IC skont it-Tabelli 2a u 2b tal-Parti 23 tal-Anness II kif ġej:
Il-BĊNi għandhom jibagħtu lill-BĊE l-aħjar stimi tal-investimenti IC tal-ishma/unitajiet IF maqsumin skont l-għan tal-investiment prinċipali (jiġifieri fondi ta' bonds, fondi ta' ekwità, fondi mħallta, fondi tal-proprjetà immobbli, fondi hedge u fondi oħrajn). Din id-dejta tista' tiġi dderivata billi tiġi mmarkata l-informazzjoni pprovduta fuq bażi s-b-s skont ir-Regolament (UE) Nru 374/2014 (BĊE/2014/50) mal-informazzjoni miġbura mis-CSDB bħala database ta' referenza. Jekk l-ishma/unitajiet ma jinsabux fis-CSDB, il-BĊNi għandhom jagħmlu stima tad-dejta li tonqos jew jużaw sorsi alternattivi biex jiġbru d-dejta. Bħala miżura tranżitorja, il-BĊNi jistgħu jibagħtu lill-BĊE din id-dejta għall-ewwel darba meta jibagħtu dejta għall-Q2 2016 li tkopri wkoll d-dejta għall-Q1 2016. Skont l-Artikolu 4(1)(c) tar-Regolament (UE) Nru 1374/2014 (BĊE/2014/50), il-BĊNi għandhom jiġbru d-dejta fuq ir-riżervi tekniċi tal-assigurazzjoni mhux fuq il-ħajja maqsuma skont il-linja tan-negozju u ż-żona ġeografika fuq bażi annwali. Il-BĊNi għandhom jibagħtu d-dejta trimestrali lill-BĊE li tista' tiġi stmata fuq il-bażi tad-dejta miġbura kull sena. Ir-regoli ta' valutazzjoni u/jew kontabbiltà fir-Regolament (UE) Nru 1347/2014 (BĊE/2014/50) għandhom japplikaw ukoll meta l-BĊNi jirrapportaw dejta IC lill-BĊE. Il-BĊNi għandhom jissottomettu noti spjegattivi li jispjegaw r-raġunijiet għar-reviżjonijiet sinifikanti u reviżjonijiet ipprovduti barra l-perijodi ta' produzzjoni rregolati skont l-Artikolu 26a(3)(c). Barra minn dan, il-BĊNi għandhom jipprovdu lill-BĊE b'noti spjegattivi dwar ir-riklassifikazzjoni tal-aġġustamenti. Il-BĊNi jistgħu jiġbru dejta mill-korporazzjonijiet tal-assigurazzjoni kollha residenti fil-pajjiż (“approċċ ospitanti”), skont l-Artikolu 2(1) tar-Regolament (UE) Nru 1374/2014 (BĊE/2014/50) jew jistgħu jiġbru d-dejta meħtieġa għal finijiet tas-SEBĊ minn dejta miġbura għal finijiet superviżorji skont id-Direttiva 2009/138/KE, skont l-Artikolu 2(2) tar-Regolament (UE) Nru 1374/2014 (BĊE/2014/50) (“approċċ domestiku”). Bħala prinċipju, dejta mibgħuta lill-BĊE skont din il-Linja Gwida għandha tirrappreżenta l-approċċ ospitanti. Madankollu, il-BĊNi li jiġbru dejta meħtieġa għall-finijiet tas-SEBĊ mill-ġbir tad-dejta superviżorja jistgħu jibagħtu d-dejta billi jsegwu l-approċċ domestiku sakemm id-differenza bejn l-approċċ ospitanti u d-dejta tal-approċċ domestiku ma titqiesx sinjifikanti. Il-kwistjoni dwar jekk id-differenza bejn l-approċċ ospitanti jew domestiku huwiex sinjifikanti jew le għandha tiġi vvalutata fuq il-bażi ta' dejta dwar il-primjums irrapportati skont it-Tabella 3 tal-Parti 23 tal-Anness II ta' din il-Linja Gwida. Wara din il-valutazzjoni, il-BĊE f'kooperazzjoni mill-qrib mal-BĊNi, jiddefinixxu l-approċċ li għandu jiġi segwit dwar it-trażmissjoni tad-dejta tal-approċċ ospitanti lill-BĊE. Sakemm jiġi ddefinit dan l-approċċ, il-BĊNi huma eżentati milli jaġġustaw id-dejta tagħhom. Il-BĊNi li jixtiequ jaġġustaw id-dejta tagħhom jistgħu, fuq bażi volontarja u bl-aħjar sforz, jiġbru dejta ta' approċċ ospitanti minn dejta miġbura skont l-approċċ domestiku. Għal dan il-għan, kuntratti bilaterali u skambji ta' dejta jistgħu jseħħu bejn il-BĊNi kkonċernati. (**) Id-Direttiva 2009/138/KE tal-Parlament Ewropew u tal-Kunsill tal-25 ta Novembru 2009 dwar il-bidu u l-eżerċizzju tan-negozju tal-Assigurazzjoni u tar-Riassigurazzjoni (Solvibbiltà II) (ĠU L 335, 17.12.2009, p. 1).”" |
7. |
L-Annessi II, III, IV u V huma emendati skont l-Anness ta' din il-Linja Gwida. |
Artikolu 2
Dħul fis-seħħ u implimentazzjoni
Din il-Linja Gwida għandha tidħol fis-seħħ fil-jum tan-notifika tagħha lill-BĊNi tal-Istati Membri. Il-BĊNi tal-Istati Membri li l-munita tagħhom hija l-euro għandhom jikkonformaw ma' din il-Linja Gwida mill-1 ta' Jannar 2016.
Artikolu 3
Destinatarji
Din il-Linja Gwida hija indirizzata lill-BĊNi tal-Istati Membri li l-munita tagħhom hija l-euro.
Magħmul fi Frankfurt am Main, l-4 ta' Diċembru 2015.
Il-President tal-BĊE
Mario DRAGHI
(1) ĠU L 318, 27.11.1998, p. 8.
(2) Regolament (UE) Nru 1374/2014 tal-Bank Ċentrali Ewropew tat-28 ta Novembru 2014 dwar rekwiżiti ta' rapportar statistiku għal korporazzjonijiet tal-assigurazzjoni (BĊE/2014/50) (ĠU L 366, 20.12.2014, p. 36).
(3) Linja Gwida BĊE/2014/15 tal-Bank Ċentrali Ewropew tal-4 ta' April 2014 dwar statistika monetarja u finanzjarja (ĠU L 340, 26.11.2014, p. 1).
ANNESS
L-Annessi II, III u V huma emendati kif ġej:
1. |
fl-Anness II, it-tabella dwar l-istatistika tal-fondi tal-pensjonijiet fil-parti 22 hija ssostitwita bit-tabelli li ġejjin: “Fondi tal-Pensjoni ta' Assi
Fondi tal-Pensjoni ta' Obbligazzjonijiet
|
2. |
fl-Anness II, qed tiżdied il-Parti 23 li ġejja: “PARTI 23 Statistika fuq ICs Tabella 1 Dejta fuq assi u obbligazzjonijiet li għandha tiġi pprovduta għall-Q4 2015: stokks (3)
Tabella 2a Dejta li għandha tingħata kull trimestru: aġġustamenti tal-istokks u tal-fluss
Tabella 2b Dejta fuq obbligazzjonijiet li għandha tingħata kull trimestru: aġġustamenti tal-istokks u tal-fluss
Tabella 3 Dejta fuq primjums, pretenzjonijiet u kummissjonijiet li għandhom jiġu pprovduti fuq bażi annwali
|
3. |
fl-Anness III, il-Partijiet 2, 3 u 4 huma ssostitwiti bis-segwenti: “PARTI 2 DSDs u settijiet tad-dejta 1. Fil-messaġġi SDMX kunċetti statistiċi skambjati jistgħu jintużaw jew bħala dimensjonijiet (fil-kompożizzjoni tal-“kodiċijiet” li jidentifikaw is-serje tal-ħin) jew bħala attributi (li jipprovdu informazzjoni dwar id-dejta). Dimensjonijiet u attributi kkodifikati jieħdu l-valur tagħhom minn listi ta' kodiċi predefiniti. Id-DSDs jiddefinixxu l-istruttura tal-kodiċijiet tas-serje skambjati, f'termini ta' kunċetti u listi ta' kodiċi assoċjati. Barra minn dan, huma jiddefinixxu r-relazzjoni tagħhom bl-attributi rilevanti. L-istess struttura tista' tintuża għal diversi flussi ta' dejta, li huma ddifferenzjati bl-informazzjoni tas-sett tad-dejta. 2. Fil-kuntest ta' statistika monetarja u finanzjarja, il-BĊE ddefinixxa 21-il DSD użati bħalissa għall-iskambju tal-istatistika mas-SEBĊ u ma' organizzazzjonijiet internazzjonali oħrajn. Għall-maġġoranza ta' dawk id-DSDs, sett tad-dejta wieħed li juża dik l-istruttura jiġi skambjat u għaldaqstant l-identifikatur DSD u l-identifikatur tas-sett tad-dejta assoċjat (DSI) użat fil-messaġġi tad-dejta SDMX huma l-istess. Għal skopijiet ta' trattament, puntwalità u responsabbiltà, żewġ settijiet ta' dejta “ECB_BSI1” DSD ġew identifikati u huma distinti fil-livell tad-DSI. Bl-istess mod, żewġ settijiet tad-dejta differenti wara “ECB_ICPF1” DSD ġew identifikati u huma distinti fil-livell tad-DSI. Il-karatterisitiċi tal-flussi tad-dejta li ġejjin huma fi produzzjoni:
2.1. Id-DSI “ECB_BSI1” tintuża biex tiddefinixxi kodiċijiet ta' serje għad-dejta fuq:
2.2. Għall-finijiet tal-korporazzjonijiet tal-assigurazzjoni u l-fondi ta' pensjoni (ICPF) id- DSI “ECB_ICPF” jintuża biex jiddefinixxi l-kodiċijiet ta' serje għal dejta fuq l-assi u l-obbligazzjonijiet tal-korporazzjonijiet tal-assigurazzjoni u fuq l-assi u l-obbligazzjonijiet tal-fondi tal-pensjonijiet. PARTI 3 Dimensjonijiet It-tabella ta' hawn isfel tidentifika d-dimensjonijiet li jikkomponu l-kodiċijiet tas-serje tal-istatistika monetarja u finanzjarja elenkata fil-Parti 2, il-format tagħhom u l-listi tal-kodiċi minn fejn jieħdu il-valuri tal-kodiċitagħhom.
Frekwenza. Din id-dimensjoni tindika l-frekwenza tas-serje tal-ħin rrapportati. Ir-rekwiżiti speċifiċi tal-iskambju tad-dejta huma dawn:
Qasam ta' referenza. Din id-dimensjoni tirrigwarda l-pajjiż ta' residenza tal-istituzzjoni li tirrapporta. Fl-“ECB_SEC1” DSD, tindika l-pajjiż ta' residenza tas-settur li jagħmel emittenti (*). Indikatur ta' aġġustament. Din id-dimensjoni tindika jekk aġġustament staġjonali u/jew aġġustament tal-jum tax-xogħol humiex applikati Rendikont tas-settur ta' referenza tal-karta tal-bilanċ. Din id-dimensjoni tirreferi għas-settur li jirrapporta skont ir-rendikont iddefinit fil-lista tal-kodiċi assoċjata. Rendikont tas-settur ta' referenza. Din id-dimensjoni tindika s-settur ta' referenza għall-indikaturi finanzjarji strutturali (fl-“ECB_SSI1” DSD). Settur li joħroġ it-titoli. Din id-dimensjoni tirriferi għas-settur tal-emittenti tat-titoli (f“ECB_SEC”1 DSD). Tip ta' informazzjoni PSS. Din id-dimensjoni tirrappreżenta t-tip ġenerali ta' informazzjoni li tiġi pprovduta fil-kuntest ta' “ECB_PSS1” DSD. Strument PSS. Din id-dimensjoni, użata fl-“ECB_PSS1”, tindika t-tip partikolari ta' strument/apparat użat għat-tranżazzjonijiet ta' ħlas, eż. karti b'funzjoni ta' flus kontanti jew trasferimenti ta' kreditu eċċ. Punt ta' dħul PSS. Din id-dimensjoni hija marbuta mat-tip tat-terminal jew sistema li bihom tkun saret it-tranżazzjoni ta' ħlasijiet sottostanti. Għall-korrispondenza tas-sistemi ta' ħlas u l-valur tal-kodiċi tal-punt tad-dħul tal-PSS, ara l-Parti 16 Anness II. Tip tad-dejta PSS. Fil-kuntest PSS, din id-dimensjoni tagħti lill-unità ta' kejl għall-osservazzjoni, jiġifieri jekk numru jew valur kellux jiġi rappurtat għall-partita (eż. numru ta' tranżazzjonijiet kull karta, valur ta' tranżazzjonijiet kull karta, eċċ.). Approċċ kumpilattiv. Din id-dimensjoni tindika jekk id-dejta tirrappreżentax l-approċċ domestiku jew ospitanti. Settur li jirrapporta ta' intermedjarji finanzjarji oħrajn. Din id-dimensjoni tindika s-settur tal-istituzzjoni li tirrapporta fis-settur OFI. Settur tar-rapportar tal-fond ta' investiment Din id-dimensjoni tindika s-settur tal-istituzzjoni li tirrapporta fis-settur IF. Settur tar-rapportar ta' korporazzjonijiet vetturi finanzjarji. Din id-dimensjoni tindika s-settur tal-istituzzjoni li tirrapporta fis-settur FVC Settur ta' rapportar. Din id-dimensjoni tindika jekk l-istituzzjoni ta' rapportar hijiex PF jew tip ta' IC. Rendikont tas-settur ta' referenza CBD. Din id-dimensjoni tindika l-proprjetà u t-tip ta' istituzzjoni ta' rapportar (istituzzjonijiet ta' kreditu domestiku kontra sussidjarji jew friegħi kkontrollati minn barranin). Daqs tas-settur CBD. Din id-dimensjoni tindika d-daqs tal-istituzzjoni ta' rapportar fir-rigward tal-assi totali tagħha. Tapplika biss għall-istituzzjonijiet ta' kreditu domestiċi. Indikatur strutturali finanzjarju. Din id-dimensjoni hija speċifika għall-“ECB_SSI1” DSD u tirrappreżenta t-tip ta' indikatur finanzjarju strutturali. Partita ta' karta tal-bilanċ. Din id-dimensjoni tindika l-partita tal-karta tal-bilanċ ta' MFI kif iddefinit fir-Regolament (UE) Nru 1071/2013 (BĊE/2013/33). Partita tal-karta tal-bilanċ ta' intermedjarji finanzjarji oħrajn. Din id-dimensjoni tindika partita tal-karta tal-bilanċ tal-OFI. L-OFIs jikkonċentraw fuq attivitajiet finanzjarji differenti jiddependi fuq it-tip ta' istituzzjoni, u mhux il-partiti kollha tal-karta tal-bilanċ japplikaw għat-tipi kollha ta' intermedjarji finanzjarji oħrajn. Għalhekk, filwaqt li l-biċċa l-kbira tal-partiti tal-karta tal-bilanċ hija komuni għat-tipi kollha ta' intermedjarji finanzjarji oħrajn, “assi oħrajn” u “obbligazzjonijiet oħra” jista' jkollhom definizzjonijiet differenti għat-tipi differenti ta' intermedjarji. Fuq in-naħa tal-assi, żewġ definizzjonijiet differenti huma adottati għall-partita ta' “assi oħrajn”: (a) għal aġenti ta' titoli u derivattivi (SDDs) din il-partita tinkludi għoti ta' self; u (b) għal korporazzjonijiet finanzjarji li jagħtu self (FCLs) il-partita tinkludi depożiti, kontanti, ishma ta' fondi ta' investiment, assi fissi u derivattivi finanzjarji. Fir-rigward tal-partita “obbligazzjonijiet oħrajn”: (a) għal SDDs din il-partita teskludi titoli ta' dejn, kapital u riżervi u derivattivi finanzjarji; u (b) għal FCLs din il-partita tinkludi derivattivi finanzjarji. Partita ta' titoli. Din id-dimensjoni tirriferi għall-partiti meħudin mil-lista ta' partiti stabbiliti għall-kontijiet finanzjarji tal-unjoni monetarja (MUFA) skont il-kunċetti tas-Sistema Ewropea tal-Kontabbiltà. Tintuża biss għal“ECB_SEC1” DSD. Assi u obbligazzjonijiet tal-fondi ta' investiment. Din id-dimensjoni għandha x'taqsam mal-partita tal-assi u l-obbligazzjonijiet tal-IF kif iddefinita fir-Regolament (UE) Nru 1073/2013 (BĊE/2013/38). Assi u obbligazzjonijiet ta' korporazzjonijiet ta' vettura finanzjarja. Din id-dimensjoni għandha x'taqsam mal-partita tal-assi u l-obbligazzjonijiet tal-FVC kif iddefinita fir-Regolament (UE) Nru 1075/2013 (BĊE/2013/40). Assi u obbligazzjonijiet tal-korporazzjonijiet tal-assigurazzjoni u fondi tal-pensjoni Din id-dimensjoni tindika partita tal-assi u l-obbligazzjonijiet tal-IC u PF. Fil-każ ta' IC il-partiti huma ddefiniti fir-Regolament (UE) Nru 1374/2014 (BĊE/2014/50). Fil-każ ta' PFs, il-partiti huma ddefiniti fl-ESA 2010. Partita tal-operazzjonijiet tal-korporazzjonijiet tal-assigurazzjoni Din id-dimensjoni għandha x'taqsam mal-partita tal-operazzjonijiet tal-ICs, jiġifieri primjums, pretenzjonijiet u kummissjonijiet, kif iddefiniti fir-Regolament (UE) Nru 1374/2014 (BĊE/2014/50). Partita ta' dejta bankarja kkonsolidata Din id-dimensjoni tindika l-partita tal-iskema ta' rapportar CBD li għandha tiġi rrapportata (mill-prospett tad-dħul tal-banek, il-karta tal-bilanċ u r-rapporti tal-adegwatezza kapitali). Maturità oriġinali. Għal “ECB_BSI1”, “ECB_FVC1”, “ECB_IVF1”, “ECB_CBD1” u “ECB_OFI1” DSDs, din id-dimensjoni tindika l-maturità oriġinali tal-BSI. Għall-“ECB_MIR1” DSD, din id-dimensjoni tindika, għal partiti fuq ammonti pendenti, ir-rendikont bil-maturità oriġinali jew perijodu ta' avviż tad-depożiti jew self; għal partiti fuq negozji ġodda, tindika ir-rendikont skont il-maturità oriġinali jew perijodu ta' avviż fil-każ ta' depożiti u l-perijodu inizjali ta' ffissar fil-każ ta' għoti ta' self. Maturità. Din id-dimensjoni tindika l-oriġinal u l-maturità li jifdal tal-istrument fil-“ECB_ICPF1” DSD. Valutazzjoni tat-titoli. Din id-dimensjoni tidentifika l-metodu ta' valutazzjoni użat għall-istatistika ta' ħruġ ta' titoli fl-“ECB_SEC1” DSD. Tip ta' dejta. Din id-dimensjoni tiddeskrivi t-tip ta' dejta rrapportata fi “ECB_BSI1”, “ECB_SSI1”, “ECB_OFI1”, “ECB_IVF1”“ECB_FVC1”, “ECB_CBD1”, “ECB_ICPF1” u “ECB_ICO1” DSDs. Tip ta' dejta MIR. Fl-“ECB_MIR1” DSD, din id-dimensjoni tiddistingwi statistika ta' rati ta' imgħax MFI minn dawk li għandhom x'jaqsmu mal-volumi ta' ammonti ta' negożju ġdid jew pendenti. Tip ta' dejta ta' titoli. Din id-dimensjoni tindika t-tip ta' dejta li hemm fl-istatistika tal-ħruġ tat-titoli fl- “ECB_SEC1” DSD. Ħruġ nett jingħataw biss jekk il-ħruġ u l-fidi ma jistax jiġi identifikat b'mod separat. Stokk, fluss. Din id-dimensjoni, li hija “BIS_CBS” speċifika, tindika l-istokk jew fluss tat-tip tad-dejta li jiġi rrapportat. Kodiċi ta' żona ta' referenza għall-BIS-IFS Din id-dimensjoni, li hija “BIS_CBS” speċifika, tirrappreżenta l-pajjiż ta' residenza tal-istituzzjoni li tirrapporta. Tip ta' bank CBS Din id-dimensjoni, li hija “BIS_CBS” speċifika, tirreferi għall-grupp tas-settur ta' rapportar korrispondenti. Għandu jintuża għat-trażmissjoni lill-BĊE il-kodiċi “4P”, jiġifieri, id-dejta għandha tiġi rrapportata biss għall-uffiċċji tal-banek domestiċi li jirriferi għall-gruppi bankarji kbar CBD. Bażi ta' rapportar CBS. Din id-dimensjoni li hija “BIS_CBS”, tirrappreżenta l-bażi tar-reġistrazzjoni ta' pretensjoni jew skopertura. Tip ta' pożizzjoni CBS. Din id-dimensjoni, li hija “BIS_CBS” speċifika, tirrappreżenta t-tip ta' pożizzjoni finanzjarja rreġistrata bid-dejta. Maturita li jifdal CBS. Din id-dimensjoni li hija “BIS_CBS” speċifika, tirrappreżenta l-maturità li jifdal tal-pretensjoni jew skopertura reġistrati. Post tal-ibbukkjar tat-tip ta' munita CBS. Din id-dimensjoni li hija “BIS_CBS” speċifika, tirrappreżenta t-tip ta' munita tal-pretenzjonijiet irreġistrati. Settur tal-kontroparti CBS. Din id-dimensjoni, li hija “BIS_CBS” speċifika, hija marbuta mar-rendikont settorjali tal-kontroparti għall-pretensjonijiet jew skoperturi rreġistrati. Żona tal-kontroparti CBS. Din id-dimensjoni, li hija “BIS_CBS” speċifika, tagħti l-pajjiż ta' residenza tal-kontroparti tal-partita rilevanti. Qasam tal-kontroparti. Din id-dimensjoni tagħti l-qasam ta' residenza tal-kontroparti tal-partita rilevanti. Kategorija tal-ammont. Din id-dimensjoni tagħti l-kategorija tal-ammont ta' self ġdid lil korporazzjonijiet mhux finanzjarji; is-self ġdid huwa rrapportat ukoll skont id-daqs tiegħu. Hija rilevanti biss għall-“ECB_MIR1” DSD. Settur tal-kontroparti tal-karta tal-bilanċ. Din id-dimensjoni hija marbuta mar-rendikont settorjali tal-kontroparti tal-BSIs. Fil-‘ECB_ICPF1’ DSD, tindika s-settur tal-kontroparti tal-partita rilevanti. Settur tal-kontroparti. Din id-dimensjoni, iddefinita fil-“ECB_PSS1”, DSD tirrappreżenta r-rendikont tas-settur tat-tip ta' benefiċjarju (kontroparti) involut fit-tranżazzjoni ta' ħlas. Settur tal-oriġinatur ta' korporazzjonijiet vetturi finanzjarji. Din id-dimensjoni ddefinita fil-“ECB_FVC1” DSD, tirrappreżenta s-settur tat-trasferent (oriġinatur) tal-assi, jew grupp ta' assi, u/jew ir-riskju tal-kreditu tal-assi jew grupp ta' assi lill-istruttura tat-titolizzazzjoni. Unità ta' korporazzjonijiet tal-assigurazzjoni. Din id-dimensjoni tindika l-unità tan-negozju rilevanti tal-IC. Munita tat-tranżazzjoni. Din id-dimensjoni tiddeskrivi l-munita li fiha jinħarġu t-titoli (għall-“ECB_SEC1” DSD), jew li fiha huma ddenominati dawn li ġejjin: (a) il-partiti tal-karta tal-bilanċ MFI (għall-“ECB_BSI1” DSD); (b) l-indikaturi finanzjarji strutturali (għall-“ECB_SSI1” DSD); (c) id-depożiti u s-self (għall-“ECB_MIR1” DSD); (d) l-assi u l-obbligazzjonijiet tal-IF (għall-“ECB_IVF1” DSD); (e) it-tranżazzjonijiet għall-ħlas (għall-“ECB_PSS1” DSD); (f) l-assi u l-obbligazzjonijiet tal-FVC (għall-“ECB_FVC1” DSD); (g) il-partiti tal-karti tal-bilanċ OFI (għall-“ECB_OFI1” DSD); (h) il-partiti CBD (għall-“ECB_CBD1” DSD); u (i) it-tranżazzjonijiet f'IC u PF assi u obbligazzjonijiet (għall-“ECB_ICPF1” DSD). Denominatur tal-munita. Din id-dimensjoni tiddeskrivi l-munita fejn (a) l-assi u l-obbligazzjonijiet tal-IC u l-PF (“ECB_ICPF1” DSD) u (b) l-operazzjonijiet tal-ICs (għall-“ECB_ICO1” DSD) jiġu denominati. Denominazzjoni tas-serje jew kalkolu speċjali. Din id-dimensjoni tindika d-denominatur tal-munita fejn l-osservazzjonijiet fis-serje tal-ħin huma mfissra jew tispeċifika l-kalkolu sottostanti. Suffiss tal-karta tal-bilanċ. Din id-dimensjoni, preżenti fl-“ECB_BSI1” DSD, tagħti d-denominatur tal-munita fejn l-osservazzjonijiet f'serje tal-ħin huma espressi jew tispeċifika l-kalkolu sottostanti. Suffiss tas-serje fil-kuntest tat-titoli. Din id-dimensjoni fiha tipi ta' dejta supplimentari għas-serje derivata. Tintuża biss għal“ECB_SEC1” DSD. Kopertura tan-negozju tar-rata ta' imgħax. Din id-dimensjoni, li hija “ECB_MIR1” DSD speċifika, tindika jekk l-istatistika tar-rati ta' imgħax tal-MFI jirriferux għall-ammonti pendenti jew negozju ġdid. PARTI 4 Attributi It-taqsimiet ta' hawn isfel jispjegaw fid-dettall l-attributi assoċjati mad-dejta skambjata. It-taqsima 1 tiddefinixxi l-attributi għal kull DSD inkluż il-format tagħhom u livell ta' restrizzjoni. It-taqsima 2 turi r-responsabbiltà tal-imsieħba fl-iskambju tad-dejta tas-SEBĊ fil-ħolqien tal-attributi u ż-żamma ukoll tal-istatus tagħhom, kif ukoll l-istatus tal-attributi. It-taqsimiet 3, 4 u 5 jiffukaw fuq il-kontenut tal-attributi mqassmin skont il-livell ta' restrizzjoni rispettivament is-sibling, is-serje tal-ħin u l-livell ta' osservazzjoni. Taqsima 1: Attributi kodifikati u mhux kodifikati ddefiniti fl-ECB_BSI1, ECB_SSI1, ECB_MIR1, ECB_OFI1, ECB_SEC1, ECB_PSS1, ECB_IVF1, ECB_FVC1, ECB_CBD1, BIS_CBS, ECB_ICPF1 u ECB_ICO1 DSDs Minbarra d-dimensjonijiet li jiddefinixxu kodiċijiet tas-serje, jiġi ddefinit sett ta' attributi. L-attributi jintrabtu ma' diversi livelli tal-informazzjoni skambjata: fil-livell sibling, serje tal-ħin jew ta' osservazzjoni. Kif jingħad hawn isfel, jew jieħdu l-valur tagħhom minn listi ta' kodiċijiet predefiniti jew mhumiex ikkodifikati, u jintużaw biex iżidu spjegazzjonijiet testwali fuq aspetti rilevanti tad-dejta. Il-valuri tal-attribut jiġu skambjati biss meta jiġu ffissati għall-ewwel darba u kull meta jinbidlu bl-eċċezzjoni tal-attributi obbligatorji marbuta fil-livell ta' osservazzjoni, li huma marbuta ma' kull osservazzjoni u rrapportati ma' trażmissjoni tad-dejta. It-tabella ta' hawn isfel tipprovdi informazzjoni fuq l-attributi ddefiniti għal kull DSD kkunsidrata, fil-livell li huma marbutin, il-format tagħhom u l-isem tal-listi tal-kodiċi li minnhom jieħdu l-valur l-attributi kkodifikati.
Taqsima 2: Proprjetajiet ta' attributi komuni għall-ECB_BSI1, ECB_SSI1, ECB_MIR1, ECB_OFI1, ECB_SEC1, ECB_PSS1, ECB_IVF1, ECB_FVC1, ECB_CBD1, BIS_CBS, ECB_ICPF1 u ECB_ICO1 DSDs: BĊNi li jirrapportaw lill-BĊE (15) Kull attribut huwa kkaratterizzat minn ċerti karatteristiċi tekniċi, li huma elenkati fit-tabella hawn isfel
Id-definizzjoni ta' sett ta' attributi li għandhom jiġu skambjati flimkien mad-dejta tippermetti li tingħata aktar informazzjoni fis-serje tal-ħin. Id-dettalji tal-informazzjoni mogħtija mill-attributi għas-settijiet tad-dejta ta' statistika tal-BĊE ikkonċernati huma rapportati hawn isfel. Taqsima 3: Attributi fil-livell sibling Obbligatorju TITLE_COMPL (kumpliment tat-titolu) Dan l-attribut jippermetti numru akbar ta' karattri mill-attribut TITLE u għal din ir-raġuni jieħu post TITLE bħala l-attribut obbligatorju biex jinħażen it-titolu tas-serje. UNIT (unità)
UNIT_MULT (Multiplikatur tal-Unità)
DECIMALS (Deċimali)
METHOD_REF (Referenza tal-metodoloġija). Dan l-attribut jintuża biss għas-sett tad-dejta PSS u jindika jekk tinużax, għal kull serje tal-ħin jew parti minnha, id-definizzjoni “mtejba” tal-2005 jew definizzjoni ta' qabel. Żewġ valuri huma ddefiniti: L-attibut għandu jindika wkoll il-perijodu li għalih tapplika kull definizzjoni. Pereżempju definizzjonijiet għal “2005 għas-serje kollha”, “definizzjonijiet 2005 mid-dejta li tirriferi għall-2003, id-definizzjonijiet ta' qabel għall-bqija”, jew “definizzjonijiet ta' qabel sad-dejta li tirriferi għall-2004”. Kundizzjonat TITLE (titolu). Il-BĊNi jistgħu jużaw l-attribut TITLE għall-kostruzzjoni ta' titoli qosra. NAT_TITLE (Titolu tal-lingwa nazzjonali). Il-BĊNi jistgħu jużaw l-attribut NAT_TITLE biex jipprovdu deskrizzjoni preċiża u speċifikazzjonijiet oħrajn supplimentari jew ta' distinzjoni fil-lingwa nazzjonali tagħhom. Għalkemm l-użu ta' ittri majuskoli u minuskoli ma jikkawżax problemi, il-BĊNi huma mitlubin li jillimitaw lilhom infushom għas-sett ta' karattri Latin-1. B'mod ġenerali, l-iskambju ta' karattri bl-aċċent u simboli alfanumeriċi estiżi għandu jiġi ttestjat qabel l-użu regolari. COMPILATION (kumpilazzjoni). Għas-settijiet ta' dejta BSI, IVF, FVC, ICPF, ICO u MIR dan l-attribut jista' jintuża għal aktar spjegazzjoni testwali tal-metodi ta' kumpilazzjoni, skemi tal-ippeżar u proċeduri statistiċi użati biex jikkompilaw is-serje sottostanti, partikolarment jekk huma differenti mir-regoli u l-istandards tal-BĊE. B'mod ġenerali, l-istruttura tan-noti spjegattivi nazzjonali meħtieġa hija kif ġej:
Għas-sett ta' dejta SSI, l-attribut “kumpilazzjoni” jinkludi informazzjoni fuq rabtiet mal-qafas regolatorju tal-Unjoni għal intermedjarji li m'humiex istituzzjonijiet ta' kreditu. Għas-sett ta' dejta OFI, deskrizzjoni ddettaljata li għandha tiġi inkluża taħt dan l-attribut hija pprovduta fil-punti 1-5 tan-noti spjegattivi nazzjonali (ara l-Parti II, Anness II). Bl-istess mod, għas-sett ta' dejta SEC, deskrizzjoni ddettaljata tal-informazzjoni li għandha tiġi inkluża taħt dan l-attribut hija pprovduta fil-punti 1, 2, 4, 5, 8, 9 u 10 tan-noti spjegattivi nazzjonali (ara l-Parti 12 tal-Anness II). COVERAGE (Kopertura)
SOURCE_AGENCY (aġenzija tas-sors). Dan l-attribut jiġi stabbilit mill-BĊE għal valur li jirrappreżenta isem l-BĊN li jipprovdi d-dejta. Taqsima 4: Attributi fil-livell serje tal-ħin Obbligatorju COLLECTION (Indikatur tal-kollezzjoni). Dan l-attribut jipprovdi informazzjoni fuq il-perijodu jew il-punt fil-ħin meta s-serje tal-ħin titkejjel (eż. il-bidu, in-nofs jew fl-aħħar tal-perijodu) jew indikazzjoni jekk id-dejta humiex medji. Kundizzjonat DOM_SER_IDS (Identifikatur tas-serje domestika). Dan l-attribut jagħmilha possibbli li ssir referenza għall-kodiċi użat fid-databases nazzjonali biex tiġi identifikata s-serje korrispondenti (jistgħu jiġu speċifikati wkoll formuli li jużaw kodiċi ta' referenza nazzjonali). UNIT_INDEX_BASE (bażi tal-indiċi ta' unità). Dan l-attribut huwa obbligatorju meta assoċjat ma' kodiċi ta' serje li jesprimi indiċi. Jindika l-bażi ta' referenza u l-valur tal-bażi għall-indiċijiet u jintuża biss għal serje tal-indiċi ta' ishma kunċettwali derivati mill-BĊE u mqassma lis-SEBĊ. BREAKS (waqfien). Dan l-attribut jipprovdi deskrizzjoni tal-waqfiet u l-bidliet kbar maż-żmien fil-ġbir, kopertura tal-irrapportar u l-kompilazzjoni tas-serje. Fil-każ ta' waqfien, indika l-punt sa fejn dejta qadima u dejta ġdida tista' titqies paragunabbli, meta jkun possibbli. PUBL_PUBLIC, PUBL_MU, PUBL_ECB (pubblikazzjoni tas-sors, pubblikazzjoni tas-sors żona tal-euro biss), pubblikazzjoni tas-sors (BĊE biss)). Dawn l-attributi jiġu ffissati mill-BĊE jekk id-dejta tiġi ppubblikata fil-pubblikazzjonijiet BĊE, f'pubblikazzjonijiet kunfidenzjali pubbliċi jew tal-BĊE. Jagħtu referenza (jiġifieri pubblikazzjonijiet, partiti, eċċ.) għal dejta ppubblikata. Taqsima 5: Attributi fil-livell ta' osservazzjoni Jekk BĊN jixtieq jirrivedi atttribut fil-livell ta' osservazzjoni, l-osservazzjonijiet rilevanti għandhom jintbagħtu fl-istess ħin. Jekk BĊN jirrivedi osservazzjoni mingħajr ma jipprovdi wkoll il-valur ta' attribut rilevanti, il-valuri eżistenti jinbidlu bil-valuri predefiniti. Obbligatorju OBS_STATUS (status ta' osservazzjoni). Il-BĊNi jirrapportaw valur ta' status ta' osservazzjoni marbut ma' kull osservazzjoni skambjata. Dan l-attribut huwa obbligatorju u għandu jiġi pprovdut b'kull trażmissjoni tad-dejta għal kull osservazzjoni individwali. Meta l-BĊNi jirrivedu dan il-valur tal-attribut, kemm il-valur tal-osservazzjoni (anki jekk mhux mibdul) kif ukoll il-marka tal-istatus ta' osservazzjoni ġdid għandhom jintbagħtu mill-ġdid. Il-lista tal-valuri mistennija għal dan l-attribut, skont il-ġerarkija miftiehma, għal skopijiet ta' din l-istatistika: “A”= valur normali (predefinit għall-osservazzjonijiet neqsin), “B”= valur ta' waqfien għas-settijiet tad-dejta li ġejjin: SSI, MIR, CBD u PSS (****), “M”= valur nieqes, dejta ma teżistix, “L”= valur nieqes, dejta teżisti imma ma nġabritx, “E”= valur stmat (*****), “P”= valur provviżorju (dan il-valur jista' jintuża, f'kull dejta ta' trażmissjoni, b'referenza għall-aħħar osservazzjoni disponibbli, jekk din titqies provviżorja). F'ċirkustanzi normali, il-valuri numeriċi għandhom jiġu rrapportati bl-istatus ta' osservazzjoni “A” (valur normali) marbut. Altrimenti, jingħata valur differenti minn “A” skont il-lista ta' hawn fuq. Jekk osservazzjoni hija kkwalifikata b'żewġ karatteristiċi, l-aktar importanti tiġi rrapportata skont il-ġerarkija li tidher hawn fuq. F'kull trażmissjoni tad-dejta, l-osservazzjonijiet l-aktar riċenti disponibbli jistgħu jiġu rrapportati bħala provviżorji, u indikati bl-istatus ta' osservazzjoni valur “P”. Dawn l-osservazzjonijiet jieħdu valuri definiti u huma rrapportati fil-indikatur tal-istatus ta' osservazzjoni “A”, fi stadju aktar tard meta l-indikaturi tal-valuri riveduti ġodda u tal-istatus ta' osservazzjoni jieħdu post dawk provviżorji. Il-valuri neqsin (“-”) jiġu rrapportati meta ma jkunx possibbli li jiġi rrapportat valur numeriku (eż. minħabba dejta li ma teżistix jew għaliex id-dejta ma tkunx inġabret). Osservazzjoni nieqsa qatt m'għandha tiġi rrapportata bħala “żero”, billi żero huwa valur numeriku normali li jindika ammont preċiż u validu. Jekk il-BĊNi ma jistgħux jidentifikaw ir-raġuni għal valur nieqes jew ma jistgħux jużaw il-firxa sħiħa ta' valuri ppreżentati fil-lista tal-kodiċi CL_OBS_STATUS għar-rapportar ta' valuri neqsin (“L” jew “M”), għandu jintuża l-valur “M”. Meta, minħabba kundizzjonijiet statistiċi lokali, dejta għal serje tal-ħin ma jinġabrux jew f'dati speċifiċi jew għat-tul totali tas-serje tal-ħin (il-fenomenu ekonomiku sottostanti jeżisti, imma ma jkun immoniterjat statistikament), jiġi rrapportat valur nieqes (“-”) bl-istatus ta' osservazzjoni “L” għal kull perijodu, Meta, minħabba prattiċi tas-suq lokali jew il-qafas legali/ekonomiku, serje tal-ħin (jew parti minnu) ma japplikax (il-fenomenu ekonomiku sottostanti ma jeżistix), jiġi rrappurtat valur nieqes(“-”) bl-istatus ta' osservazzjoni “M”. Kundizzjonat OBS_CONF (kunfidenzjonalità tal-osservazzjoni). Il-BĊNi jirrapportaw valur ta' kunfidenzjalità ta' osservazzjoni marbut ma' kull osservazzjoni skambjata. Filwaqt li dan l-attribut huwa ddefinit bħala kkundizzjonat fil-fajl tad-definizzjoni strutturali tal-BĊE, għandu jingħata ma' kull trażmissjoni tad-dejta għal kull osservazzjoni individwali, billi kull osservazzjoni kunfidenzjali għandha tiġi indikata kif jixraq. Meta l-BĊNi jirrivedi l-valur ta' dan l-attribut, kemm il-valur ta' osservazzjoni assoċjat u l-indikatur tal-istatus ta' osservazzjoni (anki jekk mhux mibdul) għandu jiġi ritrażmess. Il-lista ta' hawn taħt tispeċifika l-valuri mistenija għal dan l-attribut għall-iskopijiet ta' din l-istatistika: “F”= ħielsa għall-pubblikazzjoni, “N”= mhux għall-pubblikazzjoni, ristretta għall-użu intern biss, “C”= informazzjoni statistika kunfidenzjali fis-sens tal-Artikolu 8 tar-Regolament tal-Kunsill (KE) Nru 2533/98, “S”= sett sekondarju ta' kunfdenzjalità u mmaniġjat mir-riċevitur, mhux għall-pubblikazzjoni, “D”= kunfidenzjalità sekondarja magħmula minn min jibgħat, mhux għall-pubblikazzjoni. Dan il-kodiċi jista' jintuża mill-BĊNi li diġà jiddistingwu bejn il-kunfidenzjalità primarja u sekondarja fis-sistema tar-rapportar tagħhom. Jekk le, il-BĊN li jirrapporta għandu juża C għall-indikazzjoni tal-kunfidenzjalità sekondarja. OBS_PRE_BREAK (Valur ta' osservazzjoni tal-qabel il-waqfien). Dan l-attribut fih il-valur ta' osservazzjoni ta' qabel il-waqfien, li huwa qasam numeriku bħall-osservazzjoni (******). Inġenerali, jiġi pprovdut meta jseħħ waqfien; f'dan il-każ l-istatus ta' osservazzjoni għandu jiġi ssettjat għal “B” (valur waqfien). Għall-iskopijiet tas-settijiet tad-dejta BSI, IVF, FVC, OFI, ICPF u ICO, dan l-attribut mhux mitlub billi din l-informazzjoni hija diġà disponibbli mis-serje ta' riklassifikazzjoni jew is-serje li tesprimi tranżazzjonijiet finanzjarji. Dan żdied mal-lista ta' attributi billi huwa parti mis-subsett komuni ta' attributi għas-settijiet tad-dejta kollha. OBS_COM(Kumment ta' osservazzjoni). Dan l-attribut jista' jintuża biex jipprovdi kummenti testwali fil-livell ta' osservazzjoni (eż. jiddeskrivi l-istima magħmula għal osservazzjoni speċifika minħabba n-nuqqas ta' dejta, bi spjegazzjoni tar-raġuni għal osservazzjoni anomala possibbli jew bl-għoti ta' dettalji ta' bidla fis-serje tal-ħin irrapportata). (*) Għall-BĊNi, il-pajjiż ta' residenza tas-settur ta' ħruġ huwa l-pajjiż ta' residenza tal-BĊNi." (****) Jekk OBS_STATUS jiġi rrapportat “B” għandu jiġi rrapportat valur taħt l-attribut OBS_PRE_BREAK." (*****) L-istatus ta' osservazzjoni “E” għandu jintuża għall-oservazzjonijiet kollha jew perijodi ta' dejta li huma r-riżultat ta' stimi li ma jistgħux jiġu kkunsidrati bħala valuri normali." (******) L-erba' oġġetti valur ta' osservazzjoni flimkien ma' OBS_STATUS, OBS_CONF u OBS_PRE_BREAK huma ttrattati bħala entità waħda. Dan ifisser li l-BĊNi huma obbligati li jibagħtu l-informazzjoni kumplimentari kollha għal osservazzjoni. (Meta l-attributi ma jiġux irrapportati, il-valuri ta' qabel tagħhom jinbidlu bil-valuri predefiniti.)”;" |
4. |
L-Anness III huwa emendat kif gej:
|
5. |
L-Anness V huwa sostitwit b'dan li ġej: “ANNESS V LISTA TA' UNITAJIET ISTITUZZJONALI GĦAL SKOPIJIET TA' STATISTIKA PARTI 1 Immappjar tal-lista tal-attributi tar-Reġistru tal-Istituzzjonijiet u d-Database tal-Affiljati (RIAD) kontra settijiet tad-dejta speċifiċi miżmumin għal finijiet statistiċi
PARTI 2 Tipi ta' relazzjonijiet bejn unitajiet organizzattivi
PARTI 3 Definizzjonijiet u irfinar ta' struzzjonijiet tar-rapportar
PARTI 4 Trażmissjoni tad-dejta Il-BĊNi jistgħu jipprovdu (aġġornamenti ta') dejta ta' referenza fil-modalità online jew ta' batch permezz ta' RIAD, skont wieħed mill-formati ppreżentati fid-dokument bl-isem “Exchange Specification for the RIAD Data Exchange System”. L-inklużjoni ta' entitajiet ġodda fir-RIAD (kif ukoll tħassir eċċezzjonali mid-database) huwa possibbli wkoll fil-modalità online jew batch. RIAD għandha approċċ parsimonjuż għall-ġestjoni tad-dejta ta' referenza, li jfisser li kull bidla fid-dejta ta' referenza ta' entità individwali tista' tiġi applikata għal attributi speċifiċi (uniċi). Ħlief fil-każ ta' żball materjali, l-ebda unità rreġistrata fir-RIAD ma titħassar; it-tul ta' ħajja tagħha huwa ddeterminat bl-inklużjoni ta' data ta' ħolqien jew ta' għeluq. Modifiki ta' attributi uniċi jiġu implimentati permezz ta' bidla (tal-medda ta' validità) ta' valuri speċifiċi.”; |
6. |
fil-Glossarju, jiżdiedu l-paragrafi li ġejjin:
(***********) Ir-Regolament ta' Delega tal-Kummissjoni (UE) 2015/35 tal-10 ta' Ottubru 2014 li jissupplimenta d-Direttiva 2009/138/UE tal-Parlament Ewropew u tal-Kunsill dwar il-bidu u l-eżerċizzju tan-negozju tal-Assigurazzjoni u r-Riassigurazzjoni (Solvibbiltà II) (ĠU L 12, 17.1.2015, p. 1).”." |
(1) Din il-partita tinkludi riżervi tekniċi tal-assigurazzjoni mhux fuq il- ħajja (ESA 2010: F.61), pretensjonijiet ta' korporazzjonijiet tal-assigurazzjoni fuq maniġers tal-pensjoni (ESA 2010: F.64) u dispożizzjonijiet għall-sejħiet skont garanziji standardizzati (ESA 2010: F.66)
(2) Din il-partita, inkluż ir-rendikont rilevanti, jista' jinkludi pretenzjonijiet ta' maniġers fuq fondi ta' pensjonijiet (ESA 2010: F.64) u intitolamenti lil benefiċċji mhux tal-pensjoni (ESA 2010: F.65).
(3) Referenza tad-dejta 1 ta' Jannar 2016 tista' tintuża bħala sostitut.
(4) Din il-partita tinkludi riżervi tekniċi tal-assigurazzjoni mhux fuq il-|ħajja (ESA 2010: F.61), pretensjonijiet ta' korporazzjonijiet tal-assigurazzjoni fuq maniġers tal-pensjoni (ESA 2010: F.64) u dispożizzjonijiet għall-sejħiet skont garanziji standardizzati (ESA 2010: F.66)
(5) Fil-każ ta' Stati Membri mhux taż-żona tal-euro, “MFIs” u “non-MFIs” jirreferu għal “banek” u “mhux banek”
(6) Din il-partita tista' tinkludi intitolamenti għal benefiċċji mhux tal-pensjoni (ESA 2010: F.65).
(7) Il-pożizzjoni “li minnhom” rilevanti ta' din il-partita tista' tinkludi wkoll pretenzjonijiet ta' maniġers tal-pensjoni fuq korporazzjonijiet tal-assigurazzjoni li jaġixxu bħala amministraturi tal-pensjoni (ESA 2010: F.64).
(8) Din il-partita, inkluża l-linja ta' negozju rilevanti, tista' tinkludi dispożizzjonijiet għal sejħiet skont garanziji standardizzati (ESA 2010: F.66)
(9) L-istruttura tal-kodiċi u d-DSD tal-International Consolidated Banking Statistics huma komuni fil-pajjiżi kollha ta' rapportar u għandhom ikunu l-istess bħal dawk li jintużaw biex jirrapportaw id-dejta korrispondenti lill-Bank għall-Ħlasijiet Internazzjonali (BIS) (www.bis.org/statistics/dsd_cbs.pdf).
(10) Dan jindika n-numru ta' ittri/ċifri permessi għal kull element tal-listi tal-kodiċi (eż. AN..7 tfisser ċifra alfa-numerika twila sa 7 karattru, AN1 tfisser karattru alfanumeriku wieħed).
(11) Lista tal-kodiċi SDMX DSD ġdida.
(12) Dan jindika n-numru ta' ittri/ċifri permessi għat-trażmissjoni ta' kull attribut (eż. AN..1050 tfisser ċifra alfa-numerika twila sa 1 050 karattru, AN1 tfisser karattru alfanumeriku wieħed, waqt li N1 tfisser figura 1).
(**) Jekk BĊN irid jagħmel modifika jikkonsulta mal-BĊE, li mbagħad jimplimenta l-bidla.
(***) It-tibdil jiġi kkomunikat lil qasam responsabbli tal-BĊE b'email.
(13) BĊE jirriferi hawn għad-Direttorat Ġenerali tal-Istatistika tal-BĊE.
(14) Il-BĊE jirrakkomanda li l-BĊNi jagħtu dawn il-valuri biex jiżguraw komunikazzjoni aktar trasparenti.
(15) L-attributi kollha speċifikati fir-taqsima 1, li huma stabbiliti mill-BĊE, mhumiex koperti f'din it-tabella.
M |
: |
obbligatorju, |
C |
: |
kundizzjonali |
(16) Ir-rati tal-imgħax jintbagħtu bħala perċentwali.
(1) Għal deskrizzjoni ulterjuri u metadata ara l-Parti 3.
(2) PSRIs: statistika tal-ħlas ta' istituzzjonijiet rilevanti; jekk jogħġbok innota li l-lista ta' PSRIs tista' tikkoinċidi mal-lista ta' MFIs
(c) għall-“gruppi bankarji kbar” biss bil-kwartieri fiż-żona tal-euro (ara l-Artikolu 12)
(d) Għal marki sempliċi ma jkunx hemm bżonn li jiġu pprovduti meded ta' validità speċifiċi għall-ewwel darba.
(17) Id-Direttiva 2009/110/KE tal-Parlament Ewropew u tal-Kunsill tas-16 ta' Settembru 2009 dwar il-bidu, l-eżerċizzju u s-superviżjoni prudenzjali tan-negozju tal-istituzzjonijiet tal-flus elettroniċi li temenda d-Direttivi 2005/60/KE u 2006/48/KE u li tħassar id-Direttiva 2000/46/KE (ĠU L 267, 10.10.2009, p. 7).
(18) Id-Direttiva 2013/34/UE tal-Parlament Ewropew u tal-Kunsill tas-26 ta' Ġunju 2013 dwar id-dikjarazzjonijiet finanzjarji annwali, id-dikjarazzjonijiet finanzjarji kkonsolidati u r-rapporti relatati ta' ċerti tipi ta' impriżi, u li temenda d-Direttiva 2006/43/KE tal-Parlament Ewropew u tal-Kunsill u li tħassar id-Direttivi tal-Kunsill 78/660/KEE u 83/349/KEE (ĠU L 182, 29.6.2013, p. 19).