EUR-Lex Access to European Union law
This document is an excerpt from the EUR-Lex website
Document 32005D0011
2005/831/EC: Decision of the European Central Bank of 17 November 2005 on the distribution of the income of the European Central Bank on euro banknotes in circulation to the national central banks of the participating Member States (ECB/2005/11)
2005/831/KE: Deċiżjoni tal-Bank Ċentrali Ewropew tas- 17 ta’ Novembru, 2005 , dwar id-distribuzzjoni tad-dħul tal-Bank Ċentrali Ewropew mill-karti tal-flus euro fiċ-ċirkolazzjoni lill-banek ċentrali nazzjonali ta’ l-Stati Membri parteċipanti (BĊE/2005/11)
2005/831/KE: Deċiżjoni tal-Bank Ċentrali Ewropew tas- 17 ta’ Novembru, 2005 , dwar id-distribuzzjoni tad-dħul tal-Bank Ċentrali Ewropew mill-karti tal-flus euro fiċ-ċirkolazzjoni lill-banek ċentrali nazzjonali ta’ l-Stati Membri parteċipanti (BĊE/2005/11)
OJ L 311, 26.11.2005, p. 41–42
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV)
OJ L 349M, 12.12.2006, p. 621–622
(MT)
Special edition in Bulgarian: Chapter 10 Volume 007 P. 192 - 193
Special edition in Romanian: Chapter 10 Volume 007 P. 192 - 193
No longer in force, Date of end of validity: 30/12/2010; Imħassar b' 32010D0024
12.12.2006 |
MT |
Il-Ġurnal Uffiċjali ta’ l-Unjoni Ewropea |
621 |
DEĊIŻJONI TAL-BANK ĊENTRALI EWROPEW
tas-17 ta’ Novembru 2005,
dwar id-distribuzzjoni tad-dħul tal-Bank Ċentrali Ewropew mill-karti tal-flus euro fiċ-ċirkolazzjoni lill-banek ċentrali nazzjonali ta’ l-Stati Membri parteċipanti
(BĊE/2005/11)
(2005/831/KE)
IL-KUNSILL GOVERNATTIV TAL-BANK ĊENTRALI EWROPEW,
Wara li kkunsidra l-Istatut tas-Sistema Ewropea tal-Banek Ċentrali u tal-Bank Ċentrali Ewropew, partikolarment l-Artikolu 33,
Billi:
(1) |
Sabiex jitħallew il-fondi biex jiġu allokati għal provvediment għar-riskji tar-rata tal-kambju, tar-rata ta’ l-imgħax u tal-prezz tad-deheb, jinħtieġ li jkun hemm recast tad-Deċiżjoni BĊE/2002/9 tal-21 ta’ Novembru, 2002, dwar id-distribuzzjoni tad-dħul tal-Bank Ċentrali Ewropew mill-karti tal-flus euro fiċ-ċirkolazzjoni lill-banek ċentrali nazzjonali ta’ l-iStati Membri parteċipanti (1). Barra minn dan, għal raġunijiet operattivi, ikun aktar xieraq li d-dħul tal-Bank Ċentrali Ewropew (BĊE) dwar il-karti tal-flus euro fiċ-ċirkolazzjoni jiġi ddistribwit darba biss għal kull sena finanzjarja, minflok kull trimestru. |
(2) |
Id-Deċiżjoni BĊE/2001/15 tas-6 ta’ Diċembru, 2001, dwar il-ħruġ tal-karti tal-flus euro (2) tistabbilixxi l-allokazzjoni tal-karti tal-flus euro fiċ-ċirkulazzjoni lill-banek ċentrali nazzjonali (BĊNi) f’proporzjon ma’ l-ishma mħallsa tagħhom fil-kapital tal-BĊE. L-Artikolu 4 tad-Deċiżjoni BĊE/2001/15 u l-Anness ma’ dik id-Deċiżjoni jallokaw lill-BĊE 8 % tal-valur totali tal-karti tal-flus euro fiċ-ċirkolazzjoni. Il-BĊE għandu klejms interni għall-Ewrosistema fil-konfront tal-BĊNi f’proporzjon ma’ l-ishma tagħhom fl-iskema tal-kapital sottoskritt, għal valur ekwivalenti għall-valur tal-karti tal-flus euro li huwa joħroġ. |
(3) |
Skond l-Artikolu 2(2) tad-Deċiżjoni BĊE/2001/16 tas-6 ta’ Diċembru, 2001, dwar l-allokazzjoni tad-dħul monetarju tal-banek ċentrali nazzjonali ta’ l-iStati Membri parteċipanti mis-sena finanzjarja 2002 (3), il-bilanċi interni għall-Ewrosistema dwar il-karti tal-flus euro fiċ-ċirkolazzjoni huma rremunerati skond ir-rata ta’ referenza. Skond l-Artikolu 2(3) tad-Deċizjoni BĊE/2001/16, din ir-remunerazzjoni hija mħallsa bil-ħlasijiet tat-TARGET. |
(4) |
Ir-Recital 6 tad-Deċiżjoni BĊE/2001/16 igħid li d-dħul li jiddekorri favur il-BĊE dwar ir-remunerazzjoni tal-klejms interni għall-Ewrosistema tiegħu fil-konfront tal-BĊNi li għandhom x’jaqsmu mas-sehem tiegħu tal-karti tal-flus euro fiċ-ċirkolazzjoni, għandu fil-prinċipju, ikun iddistribwit lill-BĊNi skond id-deċiżjonijiet tal-Kunsill Governattiv, f’proporzjon ma’ l-ishma tagħhom fl-iskema tal-kapital sottoskritt fl-istess sena finanzjarja li d-dħul jiddekorri. |
(5) |
Meta l-BĊE jiddistribwixxi d-dħul li jiddekorri favurih dwar ir-remunerazzjoni tal-klejms interni għall-Ewrosistema tiegħu fil-konfront tal-BĊNi, li għandhom x’jaqsmu mas-sehem tiegħu tal-karti tal-flus euro fiċ-ċirkolazzjoni, il-BĊE għandu jikkunsidra stima tas-sena finanzjarja tiegħu għas-sena li tipprovdi kif mistħoqq għall-bżonn li jiġu allokati fondi għal provvediment għar-riskji tar-rata tal-kambju ta’ flus barranin, tar-rata ta’ l-imgħax u tal-prezz tad-deheb, u għad-disponibbilta ta’ provvedimenti li jistgħu jiġu rilaxxati (kontro-provvediment) biex ipaċu spejjeż antiċipati. |
(6) |
Fid-determinazzjoni ta’ l-ammont tal-profitt nett tal-BĊE biex jiġi ttrasferit lill-fond tar-riżerva ġenerali skond l-Artikolu 33.1 ta’ l-iStatut, il-Kunsill Governattiv għandu jikkunsidra li kull parti minn dak il-profitt li jikkorrispondi mad-dħul mill-karti tal-flus euro fiċ-ċirkolazzjoni, għandu jiġi ddistribwit kollu lill-BĊNi, |
IDDEĊIEDA KIF ĠEJ:
Artikolu 1
Definizzjonijiet
Għall-iskopijiet ta’ din id-Deċiżjoni:
(a) |
“Stati Membri parteċipanti” għandha tfisser l-iStati Membri li adottaw il-euro skond it-Trattat li jwaqqaf il-Komunita Ewropea; |
(b) |
“BĊNi” għandha tfisser banek ċentrali nazzjonali ta’ l-iStati Membri parteċipanti; |
(c) |
“bilanċi interni għall-Ewrosistema dwar il-karti tal-flus euro fiċ-ċirkolazzjoni” għandha tfisser il-klejms u l-passiv li jirriżultaw bejn xi BĊN u l-BĊE, u bejn xi BĊN u l-BĊNi l-oħra bħala riżultat ta’ l-applikazzjoni ta’ l-Artikolu 4 tad-Deċiżjoni BĊE/2001/15; |
(d) |
“id-dħul tal-BĊE mill-karti tal-flus euro fiċ-ċirkolazzjoni” għandha tfisser id-dħul li jiddekorri favur il-BĊE dwar ir-remunerazzjoni tal-klejms interni għall-Ewrosistema tiegħu fil-konfront tal-BĊNi relatati mas-sehem tiegħu tal-karti tal-flus euro fiċ-ċirkolazzjoni bħala riżultat ta’ l-applikazzjoni ta’ l-Artikolu 2 tad-Deċiżjoni BĊE/2001/16. |
Artikolu 2
Distribuzjoni interim tad-dħul tal-BĊE mill-karti tal-flus euro fiċ-ċirkulazzjoni
1. Id-dħul tal-BĊE mill-karti tal-flus euro fiċ-ċirkulazzjoni għandu jkun dovut kollu lill-BĊNi fl-istess sena finanzjarja li huwa jiddekorri, u għandu jkun iddistribwit lill-BĊNi f’proporzjon ma’ l-ishma mħallsa tagħhom fil-kapital sottoskritt tal-BĊE.
2. Il-BĊE għandu jiddistribwixxi lill-BĊNi d-dħul tiegħu mill-karti tal-flus euro fiċ-ċirkolazzjoni li huwa jkollu f’kull sena finanzjarja fit-tieni jum ta’ xogħol tas-sena ta’ wara.
3. L-ammont tad-dħul tal-BĊE mill-karti tal-flus euro fiċ-ċirkolazzjoni jista’ jitnaqqas skond xi deċiżjoni tal-Kunsill Governattiv tal-BĊE fuq il-prinċipju ta' l-iStatut, fir-rigward ta’ l-ispejjeż li l-BĊE jeħel fir-rigward tal-ħruġ u l-immaniġġjar tal-karti tal-flus euro.
Artikolu 3
Deroga mill-Artikolu 2
B’deroga mill-Artikolu 2:
1. |
Il-Kunsill Governattiv għandu jiddeċiedi qabel it-tmiem tas-sena finanzjarja biex ma jqassamx id-dħul kollu tal-BĊE, jew parti minnu, mill-karti tal-flus euro fiċ-cirkolazzjoni skond l-Artikolu 2, sal-punt meħtieġ biex jiżgura li l-ammont tad-dħul iddistribwit ma jaqbiżx il-profitt nett tal-BĊE għal dik is-sena, jekk skond il-bażi ta’ stima rraġunata ppreparata mill-Bord Eżekuttiv, il-Kunsill Governattiv jistenna li l-BĊE jkollu telf totali annwali jew jagħmel profitt nett annwali li huwa anqas mill-ammont stmat tad-dħul tiegħu mill-karti tal-flus fiċ-ċirkolazzjoni. |
2. |
Il-Kunsill Governattiv jista’ jiddeċiedi qabel it-tmiem tas-sena finanzjarja biex jittrasferixxi id-dħul kollu tal-BĊE, jew parti minnu, mill-karti tal-flus euro fiċ-ċirkolazzjoni f’provvediment għar-riskji tar-rata tal-kambju ta’ flus barranin, tar-rata ta’ l-imgħax u tal-prezz tad-deheb. |
Artikolu 4
Dispożizzjonijiet finali
1. Id-Deċiżjoni BĊE/2002/9 hija mħassra. Ir-referenzi għad-Deċiżjoni mħassra għandhom jinftiehmu bħala referenzi għal din id-Deċiżjoni.
2. Din id-Deċiżjoni għandha tidħol fis-seħħ ġurnata wara dik li fiha tiġi adottata.
Magħmul fi Frankfurt am Main, nhar is-17 ta’ Novembru 2005.
Il-President tal-BĊE
Jean-Claude TRICHET
(1) ĠU L 323, 28.11.2002, pġ. 49.
(2) ĠU L 337, 20.12.2001, pġ. 52. Deċizjoni hekk kif emendata l-aħħar bid-Deċizjoni BCE/2004/9 (ĠU L 205, 9.6.2004, p. 17).
(3) ĠU L 337, 20.12.2001, pġ. 55. Deċizjoni hekk kif emendata l-aħħar bid-Deċizjoni BCE/2003/22 (ĠU L 9, 15.1.2004, p. 39).